كوفرولي سموكس أحمر

[بنت جبال الأوراس]

بسم الله الرحمان الرحيم

السلام عليكن ورحمة الله تعالى وبركاته



هذا الكوفرولي قاعدة نخيط فيه لعروسة.. مازلت ماخلصتوش بصح حبيتكم تشوفوه
وكي نخلصو نعاود نحطو باه تشوفو الشكل النهائي

http://im40.gulfup.com/t3Y4A.jpg

http://im40.gulfup.com/dI7X5.jpg

بصح مازال مادرترولوش الجناب
الدبلة هاذيك دفرتها وحابة نديرها فوق هاديك الخياطة باسك القماش مايمليش وليت لقمتو
ونزيد نحطها على جناب المربعات هادوك
والكاريات ألي فالجنب هادوك هوما السطرميات
والمخاد مازلت ماكملتش الثانية وحتى هي نزينها بالدبلة

حابة برك ناخد رايكم: هل ندير الدبلة بهذاك اللون باه يخرج على السمسم ألي درتو ولا نجيب لون أحمر خير؟





أختكن في الله... لبنى بنت جبال الأوراس

[بنت جبال الأوراس]

حابة نضيف بلي الجناب رايحة ندير فيهم وردات باه دير كشكشة باهية
وفي نفس الوقت يتبع الرشمة الفوقانية

[ايمان2009]

الله يبارك خدمتك متقونة تهبل ربي يعينك ننصحك ديري الدبلة حمراء افضل اني نسناه كي تكمليه ان شاء الله

[بنت جبال الأوراس]

شكرا أختي على المرور الطيب ورأيك يهمني..

[جولنار1000]

يعطيك الصحة يهبل الدبلة ديري احمر خير اختي ممكن تقوليلي القيس و الطريقة حابة تاني ندير كاش ريدو

[ام مريم اسراء]

واااااااااااااو العمل رائع و متقن و اللون رومنسي ربي يبارك في اليدين الي صنعاتو ....... موفقة اختي الكريمة بنت جبال الاووراس الغالي

[بنت جبال الأوراس]

يعطيك الصحة يهبل الدبلة ديري احمر خير اختي ممكن تقوليلي القيس و الطريقة حابة تاني ندير كاش ريدو




شكرا على المرور أختي الغالية
فيما يخص القياسات درك تشوفيهم فالصورة
وباه تعرفي القيس ألي حابة ديريه، مثال لو حابة سطرمية فيها 30سم، ديما أحسبي الوردات ألي رايحة ديريهم
على شكل 5سم واجمعيهم، يعني أنت ديري لحساب في ورقة قبل وكيما حطيت فالصورة 6وردات على 5سم ديرلك 30سم
بلى ماتنساي ديري الجوانب من 7سم إذا حبيتي تزيني بيها برك يعني تكففيها وتحطيها فوق الكوفرولي كيما درت
أو، تزيدي من 10سم أو أكثر باه تجيك الرشمة فالوسط وتبقى القماش ألي مادرتيش فيه الوردات وتبقالك باه تخيطي السطرمية
ديري في حسابك بلي ديما تكون الوردة مع الحاشية
وهكاك تكون لحكاية مع الكاش ريدو

http://lh4.ggpht.com/Ht5KTtgMJngZvIlncyE6tcW7W8RTmEvb1EwJeWj6MHSRW7BTGi B-4-DwYQVH6czvr-LZ6Zc=s133





أختك في الله... لبنى بنت جبال الأوراس

[بنت جبال الأوراس]

واااااااااااااو العمل رائع و متقن و اللون رومنسي ربي يبارك في اليدين الي صنعاتو ....... موفقة اختي الكريمة بنت جبال الاووراس الغالي



أنت الغالية يا أختي العزيزة

[درة بيتي]

رووووووعة يسلم يدييك عجبببني في إنتظار إنهاء العمل ييعطيك الصحة حبيبتي

[جولنار1000]

شكرا على الشرح تعيشي بالنسبة للمربع تاع الكاش قداه نديرو ندير 20سم يجي مليح

[lalynabila]

السلام
اعطك الصحة علي العمل كيكمل ورينا الشكل النهائي
انا افضل الدبلة حمراء خير
شكرا

[ريتاج تيارتية]

هااااااااااااايل يعطيك الصحة كي تكمليه وريهلنا رانا نستناو

[missossa]

:19::19::19::19::19:جاك شباب يهبل لون وخدمة وأنا من رأيي ديري الدبلة حمراء خيروبصحتك وكي تكمليه حطيه نشوفوه:mh31::mh31::mh31::mh31:

[بنت جبال الأوراس]

شكرا جزيلا يا لبنات الشابات على المشاركات الطيبة
حابة برك نقولكم بلي هادي أول مرة جربت نخيط الكوفرولي والحمد لله راني حاسة توفقت بفضل الله
وعاودت شريت الدبلة الحمراء بصح مابانتش خلاص
أنا جربت درت الذهبية هاديك وشوفو الشكل تاعها على المخدة
آني مازلت برك ماخيتهاش

http://im42.gulfup.com/ztw5f.jpg

[LAMRIA]

انا تاعي راهي تخيطلي فيه وحدا
حبيت نسقسيك كاش ريدو قداش يدي من مترا

[RIMA89]

روعة يعطيك الصحة
ربي يوفقك ممكن تقوليلي نوع القماش الي استعملتيه يعني الاسم نتاعو وقداش هزلك الفراش كامل من متر

[بنت جبال الأوراس]

انا تاعي راهي تخيطلي فيه وحدا


حبيت نسقسيك كاش ريدو قداش يدي من مترا




اسمحيلي أختي أنا من قبل ماخيطتش الكاش ريدو بصح الشيء الي علابالي بيه يدي بزاف
لأنه على حساب القيس ألي رايحة تخدم بيه
المهم أنت ديري في حسابك ديما الدوبل وقادر كتر
يعني مثال لو الكاش ريدو يكون 2متر هي تحتاج 4متر وقادرة تكون كتر

[بنت جبال الأوراس]

روعة يعطيك الصحة


ربي يوفقك ممكن تقوليلي نوع القماش الي استعملتيه يعني الاسم نتاعو وقداش هزلك الفراش كامل من متر




القماش المستعمل يسمى ب: crep satain ou bien crep satinné

السعر تاعو هنا في قسنطينة من 15ألف، 17ألف و20ألف يعني أنت ماتزربيش تشري حوسي بعقلك
لاكان عندك وقت وماكيش مزروبة

هذا ألي خدمتو كوفرولي بهاديك الرشمة ب170سم/200سم مع الكشكشة ألي رايحة نديرها فالجناب
و2مخاد و2سطرميات والكبريسة تجيك 15 أو 16متر المهم أنت ديما اشري 1م أو2م زايدة

الكوفرولي باه قدرت ندير 2م طول خدمت بالقماش بالعكس باسك قليل
المستطيل ألي فالوسط فيه 1م والجوانب ألي زدتهم باه تجي 170سم فيهم 35سم 35سم
ماتنسايش برك تزيدي للقياس 2سم لكل جانب يعني تولي +4سم للخياطة
واحرقي القماش فالجناب باه مايتسنسرش

الكشكشة تحسبي المحيط ألي رايحة ديريه كامل كيما عندي 5م و40سم
يعني نجيب 3.5م قماش ونقسو فالوسط ونلقمو يجيني 7م باه نقدر ندير البليات

المخاد درت الرشمة في طرف قماش ومن بعد لصقتو باه تجي الرشمة فالوسط وفصلتلو الظهر

السطرميات حبيت نديرها كامل يعني ماش لازم تزيدي، فصلي الظهر برك

الكابريسة ساهلة


نتمنى نكون قدرت نفيدك وفدت البقية




أختكن في الله... لبنى بنت جبال الأوراس

[RIMA89]

جزاكي الله خيرا اختي ان شاء الله نخيط واحد مثلو لجهازي عجبني بزاف

[aminaton]

الفراش رائع اختي وعندك اتقان روعة بصح انا يبالي بلي ديري الدبلة في الدوري خير باه تكاسي الالوان شكرا

[بنت جبال الأوراس]

الفراش رائع اختي وعندك اتقان روعة بصح انا يبالي بلي ديري الدبلة في الدوري خير باه تكاسي الالوان شكرا


مام أنا حبيتها فالدوري باه نكاسي اللون
وثانيا لأني استعملت السمسم الخشين فالدوري باه يبان وسط الوردة

شكرا على المرور الطيب

[بنت جبال الأوراس]

جزاكي الله خيرا اختي ان شاء الله نخيط واحد مثلو لجهازي عجبني بزاف


ربي يعاونك حنونة وباين رايح يجيك هااااااااايل
ربي يسهلك اختي وربي يباركلك

لعقوبة لينا :rolleyes:

[wissam princess]

يعطيك الصحة نسننى في الشكل النهائي بالتوفيق

[ميمي مانو]

ربي يبارك موفقة

[محبة النبي]

ماشاء الله روووووووووووعة راكي شجعتيني نخدم واحد كيفه بارك الله فيك ياريت تحطيلنا النتيجة النهائية

[زهرة لرضوان]

روعة ومشكورة على إبداعكي

[klara]

بالنسبة لي ديري الدبلة الحمرة احسن راني نستنا نشوفو بفارغ الصبر ازربي كمليه

[نورةسعاد]

هايل اختى يعطيكالصح فى انتظار و كى يكمل

[tid5]

جميييييل جدا اختي

[fatiha toha]

الله يبارك هايل