مشكلتي مع .......

[مشكلتي]

السلام عليكم
أنا فتاة تجاوزت سن 35 سنة الحمد لله تخرجت من الجامعة و تحصلت على وظيفة و ترسمت فيها و الحمد لله لكن لم يرزقني الله الزوج الصالح لحد الأن ، تقدم لخطبتي رجل سيء السمعة و مدمن ( كحول و .......) لم أرضى به الا أن الجميع يلومونني على رفضي و يقولون هذه فرصتك الأخيرة كيف يمكن أن تفوتيها ، و أن ما سمعته مجرد اشاعات ، أرجوا منكم النصيحة هل سني يفرض علي أن أتنازل على أفكاري و مبادئي و أقبل لمجرد أن أسكت الناس مع العلم أنني و الحمد لله مرتاحة من الجانب المادي و لم أستطع تقبل فكرة الزواج بأي كان لأسكات الناس فقط
أرجو منكم مساعدتي و تقديم النصح لي

[انغام المنى]

اكيد لا انتظري وراح يجي الراجل المناسب الي يفرحك
يهدرو واش يحبو الزواج مكتوب ورزق من الله ولي ليك تديه تديه

[الدكتور سام]

انا اظن ان واحد مدمن الخمر رايح يجيبلك المشاكل مش السعادة

اللهم يا حي يا قيوم اني اسالك باسمك الاعظم الدي ادا سالك به احدا اجبته و ادا استعانك به احدا اعنته ان ترزقها بالرجل الطيب و الصالح الدي يعينها في امر دينها و دنياها.
قولو امين

[asma mansor24]

ربي يرزقك برجل اصالح ياختي راهم اداوهم صحاح و عواجو فمابالك بواحد اعوج من انهار الول و ربي مافيه كان الخير ربي يفتحا في وجهك امين

[khawlita.dz]

السلام عليكم
أنا فتاة تجاوزت سن 35 سنة الحمد لله تخرجت من الجامعة و تحصلت على وظيفة و ترسمت فيها و الحمد لله لكن لم يرزقني الله الزوج الصالح لحد الأن ، تقدم لخطبتي رجل سيء السمعة و مدمن ( كحول و .......) لم أرضى به الا أن الجميع يلومونني على رفضي و يقولون هذه فرصتك الأخيرة كيف يمكن أن تفوتيها ، و أن ما سمعته مجرد اشاعات ، أرجوا منكم النصيحة هل سني يفرض علي أن أتنازل على أفكاري و مبادئي و أقبل لمجرد أن أسكت الناس مع العلم أنني و الحمد لله مرتاحة من الجانب المادي و لم أستطع تقبل فكرة الزواج بأي كان لأسكات الناس فقط
أرجو منكم مساعدتي و تقديم النصح لي
والله يا اختى نحن لا نتزوج فقط من اجل ان يقال عنا متزوجات.................الزواج اكبر من هدا بكثير
ثم هدو الناس لى راهم يحكيو هل يقبلون برجل كهدا لباتهم واخواتهم................ابدا لا .....ثم كيف تفكرين باراء الناس وتتركين رايك.وهؤلاء الناس هل سيعيشون مكانك
كلا اختى الفاضلة لا تتنازلى ابدا ولا ترضى بغير رجل يستحق فهدا اهون بكثير من زواجك من سكير

[شاملة لينة]

الناس مش رايحين يعيشو معاك الهموم......
مدمن ..... هذي وجدها كارثة......... تجر إلى مهالك......
تمهلي........................

[نور اليقين 25]

أرجوا منكم النصيحة هل سني يفرض علي أن أتنازل على أفكاري و مبادئي

بالمختصر المفيد لا و الف لا كيفاه ترضاي تعيشي مع هاذ الانسان اكيد راح تعيشي التعاسة اختي بيبان ربي مزالو مفتوحين او ربي يرزقك ولد لحلال لي تستاهليه و يستاهلك يا رب

[wafaa26]

اختي اذا كان صح مدمن كيما راكي تقولي و ما رتاحتيلوش ماشي لازم عليك تتزوجي برك باش تسكتي الناس .....انتي هكذا راكي رايحة تسكتيهم فقط في مرحلة الخطوبة و الايام الاولى من الزواج و كي يبداو يبانو عيوبو و يبداوك المشاكل راح تولي حكاية لقاع اللي يعرفوك .......اصبري اختي دوك عندك امل مي لوكان تتزوجي و تطفر ما راح ولي عندك حتى امل كل حل اسوء من الاخر لا الطلاق يريحك و لا المعيشة معاه تريحك و هاذا واش رانا نشوفو في الواقع الواحدة لازم تخمم ملييييييييييييح قبل ما تقبل و في الاخير كلش بالمكتوب ......و كوني واثقة بلي ما تدي غير لي كتبهولك ربي

[tamtoma]

العزوبية احسن من هدا الزواج رايحة تندمي طول عمرك لو تقبلى بدا الرجل

[faty05]

و هذي تشاورينا فيها
مبادئك لا تتخلي عنها ابدا ابدا
قالك صام صام و فطر على بصلة
هكاك نتي حابة تسكتي الناس و تدي واحد مش صالح
ربي يثبتك اختي و اصبري و ان شاء الله ربي يرزقك بالانسان الصالح

[ايمان نور الجزائر]

لا يا اختي الكريمة....لا تتنازلي عن مبادئك وافكارك مهما كان الثمن
هل ترضين لنفسك ان تتزوجي رجل مدمنا...لا يخاف الله....يهين نفسه ودينه ويهينك معه
ثم وأي مستقبل ستبنيان؟؟؟
وما الذي يدفعك لذلك؟ كلام الناس ...الناس لا يتوقفون عن الكلام وارضاؤهم غاية لا تدرك
تخيلي اول مشكل يقع لك مع الزوج الذي لا يخاف الله
سيقولون خافت ان يفوتها الوقت واختارت اول شخص تجده امامها
لا يجوز ان تظلمي نفسك وثقي بان لله حكمته فيم قسم لك

[7rima david]

الناس ... غنا عليهم جورج وسوف بكري
على بيها قيلك من الناس ولا ضغطت عليك العائلة فهميهم غي بالعقلية على خاطر عايلتك هما اللي يخافو من هدرة الناس اكثر
على بيها دخليها عليهم دبلوماسيا وماتتقلقيش على الزواج صح حاجة كبيرة من اللي نعرفوها
ان شاء الله ييسرلك امورك

[lola22]

ننصحك اختي مكلاه واشمن فايدة كي تدي راجل مهوش نتاع مسؤولية وتعيشي حياتك مكيش مهنية واش راح يديرولك الناس هدوك ؟؟؟؟؟؟؟؟؟
ننصحك خليها لربي سبحانو والله كاتبهولك هذاك هو .
ربي ينوبلك ولد الحلال يا رب .

[ما فهمت والو]

السلام عليكم
يا اختي ديري واش راكي مقتنعة بيه و ما تحوسي على حتى واحد الناس تهدر ايما حتى كون قبلتي و تزوجتيه راح يهدرو عليك هادي حياتك انت وانت اللي راح تعيشيها مالا ما لازمش تقبلي باي كان على جال باش تتزوجي و فقط
ربي يرزقك الزوج الصالح ان شاء الله

[التوليب الجميلة]

يا اختي أصبري ربي ما فيه غير الخير ان شاء الله يرزقك بزوج صالح علاش يا اختي لي خلق ما يضيع و راكي تزوجتي بيه امبعد كيفاش هادي هي الحياة اللي تتمنيها و تقبلي على روحك تجيبي ولاد من واحد كيما هكا اختي راكي قلتي مثقفة و قارية الله يبارك ما يهمكش كلام الناس يهدروا حتي يكرهوا نورمال خير من معيشة تاع الذل و تريحي في بيت باباك معززة مكرمة خير ما تروحي عند واحد يكرهلك حياتك

[لاعبة النرد]

سلام اختي
35 سنة سن حساس .........صح
الراجل للي جاك .................سقسي عليه مليح ما تعرفي ماشي تاع شراب

راهم يلومك اللي ماقبلتيش بيه.......................ممكن يكون فيه حوايج ملاح شافوها فيه و راكم متأكدين انو ماشي مدمن كحول

المهم اهم حاجة سقسي عليه وعلى صحابو شكون ممكن تكون مجرد اشاعات

اما طبعا غذا لم تكن مجرد اشاعات وحاجة كاينة فعلا

راكي عارفة لاسويت حنونة اياك تحصلي روحك فيه..............

ربي يجيبلك الخير ويرزقك زوج صالح

[دكتورة بإذن الله]

السلام عليكم
على رفضي و يقولون هذه فرصتك الأخيرة كيف يمكن أن تفوتيها ، و أن ما سمعته مجرد
فهل هم يقرؤون المكتوب :D و الطالع :confused:
السلام عليكم
اشاعات ، أرجوا منكم النصيحة هل سني يفرض علي أن أتنازل على أفكاري و مبادئي و
اختي الكريمة لا تتنازلي عن مبادئك و قيمك لمجرد شهادة زواج و اي شهادة فهي من سيئ السمعه كما قلت
ماذا تنتظرين من سكير ان يفعل بك
===اما ان تكوني من فئة النساء المُعنفات
===او من فئة النساء المطلقات
و كليهما شيء اسوء بل تحت الاسوء
فالله قدر لك ان تتاخري في الزواج لسبب يعلمه الله و لكي تصبري
فاصبري كي تنالي زوج من طينتك
و اياكي و ارضاء الناس و السماع لحديثهم فم يتحدثون في كل شيء
فلم يتركو الماكثة بخير و لم يتركو المتعلمة بخير و لم يتركو التي تنجب فقط ذكور
و لم يتركو التي تنجب فقط ايناث و لم يتركو التي تسكن بالريف و لم يتركو التي
هي بنت الامام ...و لم يتركو العقيمة و لم يتركو التي تنجب كثيرا الاولاد
و لم يتركو التي دخلها ضعيف و لم يتركو التي لم تنجح في البكالوريا ...والقائمة طويلة
و ارضاء الناس غاية لا تدرك فافعلي ما يرضي الله
~~~~~~~~~~~~~~~
و يقول الرسول صلى الله عليه و سلم :
((من أرضى الله بسخط الناس كفاه الله، ومن أسخط الله برضى الناس وكله الله إلى الناس))

~~~~~~~~~~~~~~~~~
و الزواج الصحيح الذي يرضي الله هو من رجل ذو دين و خلق و امانة
و ليس من شخص سلوكه يغضب الله عز وجل
فاختاري اب اولادك بصبرك و دعائك و صدقتك
وأسال الله ان يرزقك بزوج صالح و جميع بنات المسلمين

[مريم الصابرة]

السلام عليكم اختي الزواج كالموت مكتوبو وعلمو عند ربي
إنت ماشي عل جال الناس ترمي روحك فالنار إصبري وإدعي واللي اتبها ربي هذيك هي ونعرف بزاف وصلو لل 40 وربي بعثلهم نصيب رائع شدي في ربي وهو يرزقك موفقة

[moha75]

احترت في الرد عليك ، كيف ارد على فتاة مثقفة في طرحها لمشكلتها اجابة للسؤال، ولكنها اجابة متخفية و مبعثرة جراء كلام الناس الذي لا يرحم.

أولا أنت لازلت شابة ولازال امامك الوقت للارتباط بمن يستحقك فقط قضية وقت،
وتأكدي من أن الله لن ينساك ولن يضيعك طالما أنت مؤمنة بأن الله هو الرزاق، وما عليك سوى التقرب من الله والدعاء دائما في صلاتك وفي حركاتك وسكناتك ان يرزقك زوجا صالحا.

لا تقبلي بأن حال من الأحوال برجل سكير شارب الخمر والعياذ بالله،
أترضي أن تكوني شريكة لمن يعصى الله وروسوله،

لا تأبهي بما يقوله الناس، مع انك ضد ما يقولون الا ان ضغوطهم تزعجك ،
أنت واعية ورزينة وناضجة يمكنك ان تخطبي لنفسك لما لا،

سبحان الله وضعنا قاعدة في حياتنا تقول أن الرجل هو الذي يقوم بخطبة المرأة ،
ويمنع منعا باتا أن تخطب المرأة لنفسها،
أو أن يخطب لها والدها،
هذا غلط والله.
اذا كان هناك شخصا ترى فيه الفتاة الصلاح والطيب والتدين فلما لا تعرض نفسها عليه للزواج بها،
وهناك عدة طرق لفعل ذلك.
وناس الخير موجودين والحمد لله.

لا يجب أن تظل المرأة ماكثة في بيتها تنتظر قدوم فارس أحلامها،
بل تسعى بما تستطيع في طلبه في حدود شرع الله،
لأن شبابنا الله يهديهم اصبحوا يلهثون وراء البنات الكاسيات العاريات ويتباهون بهن أمام الرجال،
بينما تعيش المراة العفيفة الطاهرة في عزلة ووحدة ، لا يدق بابها إلا من هو طالب لشيئ ما عندها .
هناك شباب طيبون وجادون في الزواج، لكن ظروفهم المادية يقف عقبة أمام تحقيق مرادهم،

فلما لا يكون التكامل بين الجنسين، والعيش كل على حسب طاقته،

مثلا الرجل البسيط يتزوج عاملة لا طمعا في مالها طبعا،
بل من أجل صونها وحمايتها وتكوين وبناء اسرة ،

فما العيب اذا؟

العيب أن تتزوج من سكير أو زان ،
صدقيني هذا الرجل السكير لا يريد الا مالك للعب به،
فوضي امرك لله واصبري وسيرزقك الله من حيث لا تحتسبي.

ربي يصبرك ويرزقك الزوج الصالح ان شاء الله.

[مومي23]

ان تكوني بدون زوج معززة مكرمة في بيت اهلك خير لك من الارتباط برجل سيئ السمعة و الخلق

[نيل المنى]

السلام عليكم
أنا فتاة تجاوزت سن 35 سنة الحمد لله تخرجت من الجامعة و تحصلت على وظيفة و ترسمت فيها و الحمد لله لكن لم يرزقني الله الزوج الصالح لحد الأن ، تقدم لخطبتي رجل سيء السمعة و مدمن ( كحول و .......) لم أرضى به الا أن الجميع يلومونني على رفضي و يقولون هذه فرصتك الأخيرة كيف يمكن أن تفوتيها ، و أن ما سمعته مجرد اشاعات ، أرجوا منكم النصيحة هل سني يفرض علي أن أتنازل على أفكاري و مبادئي و أقبل لمجرد أن أسكت الناس مع العلم أنني و الحمد لله مرتاحة من الجانب المادي و لم أستطع تقبل فكرة الزواج بأي كان لأسكات الناس فقط
أرجو منكم مساعدتي و تقديم النصح لي

هذا أكبر خطأقد تقعين فيه أختي،أنا سني 34 سنة (يعني رانا في نفس السن) و لم أقبل دكتورا في الجامعة مع كل ضغوط عائلتي و محيطي فقط لأنه أنسان زهواني و أباحي،يعني هل سأموت أنا و أنت أن لم نتزوج باكرا؟؟؟؟؟؟؟؟؟؟

و أذا ربي كتب لك تطولي شوية باش تلقاي وليد الحلال رايحة ترمي روحك علاجال الناس و كي تجي الفاس في الراس تقولي يا ليتني لم أوافق؟

تزوجي من ترضين دينه و خلقة أما رجل مدمن و سمعة الله الله ،شخصيا لا أنصحك.
بالتوفيق و ربي يرزقنا بالحلال الطيب.

[تهاليل]

ياأختي والله نحير في الناس لما تلحق الثلاثينات ترمي نفسها ايما رمية وتقول المهم ظل رجل واش من ظل إذا كان أصلا غير متدين ولا متخلق فأن تعيشي لوحدك ومحافظة على نفسك وتدينك أحسن لك من المشاكل صباح مساء ساعتها لن ينفعك الناس ولن يساعدوك ومكتوبك راح يجيك يجيك ولو طال قليلا فأعرف أناس عن خبرة 40 سنة وتزوجو ناس ماشاء الله يغبطهن منة هن أصغر منهن تريثي قليلا ولاتستعجلي فالناس يتكملون يتكلمون ولن يسكتهم شيء فهذا شغلهم الشاغل وموفقة يارب اعملي استخارة هذه أهم شيء