ماهي مهامكم في هذه العطلة؟؟؟

[kith]

البسملة1السلام1

ماهي مهامكم في هذه العطلة



يا اهل الباك هل من نصيحة

انا بحاجة الى نصائحكم الثمينة لا تبخلوا علي

ارجوكم

وارجوا التفاعل


الخاتمة1

[kith]

اين الردووووووووووووووود ؟؟؟؟

[lola22]

اهلا خيتو
والله احنا السمانة الاولى نقروا دروس ودعم
ومنكذبش عليك مزلت ما قررت كفاه اندير كل مادة اتعيط من جيهة هههه........

[kith]

http://st-takla.org/Gallery/var/albums/People/General/Body-and-Senses/Hands/www-St-Takla-org--Hand-Success-01.jpg


مام انا تاني

واش رايك في هاد الفكرة
في الصباح مادةعلمية
وفي المساء مادة نتاع حفاظه

[lola22]

اممممممممممممممممم
شوفي انا نخرج على 12 ولعشية ما نقراش
منعرف كفاه راح اندير ؟؟؟؟؟؟؟؟؟؟؟؟؟؟؟؟؟؟ ديفوا انقول نحفظ في العشية وديفوا نقولل لالا نقرى مادة علكمية والسمانة الثانية حفاظة
ومنعرف خفت تفوت العطلة وانا غير نخطط هههههههه

[شذا العطر]

من الافضل الاسبوع الاول مواد علمية والسبوع الثاني مادة ادبية

[ismail cimou]

السلام عليكم ورحمة الله وبركاته

[kith]

lola22
واش رايك
http://www4.0zz0.com/2013/03/21/17/453106024.png

[lola22]

مليح مي المواد الادبية معجبنيش باسكوا بعد ما تقري المواد العلمية راح تتعبي معاهم ما تقدريش اتركزي مبعد

واش رايك نبدوا من 13:00 ظهرا الى 16:00مواد ادبيه _ كل يوم مادة فهمتي مختلفة
ومن 18:00 وروح كما مكتوب في هذاك البرنامج
فهمتي تبالي هكذا خير واش رايك ؟

[lola22]

ونبداو من ضرك اذا عجبك
دجا راح انطبقوا انا ضرك بعد

[kith]

اممممممممممممم

مليح, الفكرة راح نجربها ونرجعلك لخبر

[SO CUTE]

ممممممممممممممممممممم انا معجبنيش

[kith]

اعطيني ريك

[الحمامة المتفائلة]

السلام عليكم وااش تخمو بوحادكم ما تعيطوناش هههههههههههههه
انا تاني راح نبدا من غدوة ان شاءالله واقترح صبح مادة علمية ومن 13 الى 16 مادة ادبية نتاع حفيظة
ومن بعد في المساء من 16 الى ...... عييت مادة علمية ولا ادبية حسب الرغبة
واش تقووووووووووولو ؟
ربي يسهل على الجميع وما تنساوش راااجعو مليح

[ايمان1994]

انا نقول الالاسبوع الاول حفظ والاسبوع الثاني المواد العلمية



وكاين اقتراح تاني من الصبح الى العصر مواد الحفظ ومن العصر الى حتى وين عييت مواد عليمية


او السمانة الاولى مواد علمية خاطر رانا نقراو الدعم والسمانة 2 حفظ

قولولي رايكم ؟؟؟؟؟؟؟؟؟

[kith]

http://t2.gstatic.com/images?q=tbn:ANd9GcRxIkBeMYrypGuv4qtun1OMOLCddmk6s xRrPTYk_Mg-tFNNuCGXhttp://i884.photobucket.com/albums/ac48/4mgs/flowers/006.gif

هههههههههه ولو مرحبا بالجميع
الله ولي التوفيق
وربي يجيب النجاح
شكرا التفاعل والمرور الطيب

[walid.422]

في رأيي أن كل شخص يستعمل إستعمال زمني خاص و يناسبه

[kith]

bj

هذا اكيد نحن فقط نعطي اقتراحات كي لا نهمل بعض المواد
فكثيرا الطلاب لا يعطون اهمية للمواد الثانوية

[Taki El Din]

السلام عليكم
أنا حسب رأيي و بعدما سقسيت صحاب الإختصاص و ناس لي عقبو الباك من قبل
في الصباح مواد أدبية سواء حفظ أو حل مواضيع فرنسية و إنجليزية و في المساء مواد علمية
عندي برنامج للعطلة غدا إن شاء الله نسكانيه و نديرو فالموقع

[kith]

شكرا لك نحن في الانتظار

[Rabah Tiaret]

على بالكم انا هاذوا الأفكار قع ما عجبونيش

[lola22]

على بالكم انا هاذوا الأفكار قع ما عجبونيش

هات افكارك ... بالاك تعجبنا

[hana nana]

سلام أنا نقول الصباح نحفظو مثلا من 5.30 حتى ال8 وف و بعد ذلك نحلو باكالوريات وفي الليل نراجعو مادة علمية

[الحمامة المتفائلة]

واله هدا كامل ماينفع لان كل واحد عندو طريقتو الخاصة بيه وظروف خاصة كدلك
وعلى هدا كل واحد يعرف الطريقة لي تناسبو وتناسب مستواه وحسب رايي بدل ما تتناقشو
حول برنامج العطلة افيدونا بمعلومات و حطونا مواضيع وتمارين
ونقدموا لبعضنا نصائح وتوجيهات و كل واحد يقولنا فين راهم حابسين في البرنامج
ولا واش قلتو

[sousou nossa]

سلام عندك حق اختي كل واحد و طريقتوا لو كان تباتوا تخططوا تفوت العطلة و تلقاو روحكم ما درتوا والو
موفقين كامل

[bella12]

كل واحد يراجع على حساب لحاجة ليشوف روحو ناقص فيها و خلاص

[شمس مكة]

السلام عليكم إخوتي إليكم اقتراحي
الصباح مادة علمية. ومن بعد مادة حفظ مثلا من 14-18 وراها مادة أدبية سهلة وباقي الوقت إذا كنتوا من محبي السهر ليلا حلوا مواضيع
هذا رأيي وأتمنى أن يعجبكم

[الحمامة المتفائلة]

واش مازال ما حليتو المشكل يا خي قلنالكم كل واحد يدبر راسو :mad:
والمشكل درك مش فالبرنامج نتاع المراجعة بل فطريقة المراجعة و الفهامة :confused:

الفاصلة3

الخاتمة1

[سماح5]

و الله حتى انا راني حايرة واش ندير

[rizo]

انا دروس الدعم عندي كل يوم نهار فزياء نهار رياضيات ن هر في زوج و الاسبوع 2 كامل علوم صباح برك
و جدولي لا زم نديروا وحدي و لكن ننصح جميع لي عندهم ليكور يخففوا المراجعة الاسبوع 1 و يثقلوها في الاسبوغ لي فيه ليكور شوية
و العلماء الاساتذة و الجميع يقول اناو الحفيطة صباح و المواد العلمية عشية اعفسوا على قلبكم و نوطوا خاوتي شهرييييين برك و ارقدوا حتى نهار تدخلوا الجامعة ان شاء الله النجاح لينا كامل البااك يارب

[yanio]

ana rahi talfatli ga3

[douifismail]

واش رايكم وكان في صباح رقدة حتى 12 ومن بعد تتفرج حتى 4 ومن بعد تخرج دير ماتش ومن بعد تولي تكوناكتي حت لل12 ولقراية خليها ورى العطلة.........

[douifismail]

أنا قولكم حاجة إلى قرا قرا في أكتوبر ولي ماقراش يعاود

[الحمامة المتفائلة]

لالا انا ضد كلامك مئة بالمئة لان الارادة والعزم يفعلان المعجزات ولو كان دلك في الشهور الاخيرة
مع العلم ان هناك امتلة كتيرة عن النجاح دون الاستعداد من اكتوبر كما تقول هههههههههههه
دون انزعاج اخي فهدا مجرد راي

الخاتمة1

[hana nana]

أنا نقول في هذه العطلة لازم نحلوا بكالوريات تاع العوام لفاتو

[Rabah Tiaret]

و الله يلا تلفتوهانا بزززززززاااااف

[الحمامة المتفائلة]

لالا الباك هو لي راه متلفهانا
هههههههههههههههههههه
بكترة المعاناة ولينا غي نضحكو
الله يجيب الخييييييييييييييير

[bouchra2013]

انا راني غادية ندير 3 ايام للحفظ و يوم كامل لمادة اساسية او يومين من اجل المراجعة الشاملة بالاضافة الى حل المواضيع للسنوات السابقة و انشاء نقدر نلتزم بهده المنهجية و بالتوفييييق لجميع طلبة باك 2013

[الحمامة المتفائلة]

بوشرى قوليلي تكفيك 3 للحفظ وفين راكي واصلة بيها
بصح والله غير عجبني هدا البرنامج بزاااااااااااااااااااااف
كملتي الحفظ ولا مازال

[لبؤة جزائرية]

يادرا طبفتووووووووو و الا واالو ؟
واش راكم دايرين فيها جماعة؟

[ملاك الامل]

كل واحد وكيفاه تناسبو طريقة ما
افضل الحلول هي انكم تنوظو مع الصباح 4 وتحفظو المواد الادبية و معا الصباح المواد العلمية

[الحمامة المتفائلة]

الله اعلم فمهما قررنا يبقى الامر قائم على مزاجنا وعلى الظروف السائدة من حولنا ......................

[Musliima-Miimy]

السلام عليكم و رحمة الله انا عضوة جديدة
انا برايي اللي يقرا الصباح حتى 12 في الثانوية و في المساء يبدا احسن بمادة علمية يراجع و يحل مواضيع ثم ينتقل لمادة ادبية
و للحفظ اظن ان وقت الفجر احسن
بارك الله فيكم و ربي يوفق الجميع