استفسار يرجي المساعدة

[walid des]

السلام عليكم اخواني اخواتي

انا طالب سنة ثانية جامعي تخصص اقتصاد كمي في جامعة الجزائر 3 خروبة "دالي ابراهيم"

حبيت نسقسي علي المستار كيف يتم اختيار طلبة المستار

يعني شحال يدوا كل عام ؟؟

و الدخول للرترباج و الانتقال بالانقاذ يؤثر ؟؟

حاب نعرف كيفاش يخيروا الطلبة تع المستار علي اي اساس

علابالي في كل جامعة تختلف انا اقصد جامعة خروبة بالضبط


وشكرااا و بارك الله فيكم

[ranou gigi]

الجامعات كل تخاير الطلبة الي راح يدرسوا الماستار كيف كيف لكن يبقى الاختلاف كل جامعة و قداش من طالب راح تدي المهم يتم الاختيار على اساس معدل 3 سنوات و ذلك بجمع معدلات هذه السنوات و اقسموهم المهم قداش راح يخرج المعدل و من باعد اشوفك داخل راتراباج او لا و بطبيعة الحال هنا راح ينقص المعدل لانه راح اقوموا بعملية حسابية خاصة لاصحاب الرترباج
و بعد ذلك اقوموا بتقسيم معدلات الطلبة الى 5 فئات و هي a b c d f
الفئة a راح تشمل اكبر معدلات في الدفعة تاعكم مثلا اذا كان اعلى معدل في دفعتكم هو 15 هنا راح
احددو معدل الفئة a من 15 الى 13.93 و هذه تمثل فئة الاوائل قادرة هذه الفئة تشمل 5 طلاب هذوم 5 طلاب راح ينتقلوا اكيد للماستار
ثم تأتي الفئة الثانية الفئة b راح تشمل معدلات من 12,99الى 13,84 كل جامعة و معدلات الخاصة بها قادرة الجامعة تاعك تدي الفئة a b
اذا كان عدد الطلبة اقل من المطلوب راح تضيف كذلك الفئة c
المهم راح يبقى الاختلاف الوحيد بين الجامعات هو عدد الطلبة الي راح تختارهم الجامعة
انشاء الله تكون منهم و تنتقل للماستار بالتوفيق و اتنمى اني استطعت ان افسر لك قليلا كيفية الاختيار

[walid des]

شكرااا اختي علي الرد

يعني مستحيل طالب داخل للرترباج يكمل ماستر

كيما انا العام لي فات دخلت رترباج s1 و s2 و المعدل العام 10.03
و هذا العام s3 راني دخلت رترباج

ولكن هذا العام 37 واحد طلع s3 (مع العلم كاين لي معاودين السنة) و أكثر من 300 طالب دخلوا رترباج

واعلي معدل 17.17 و لكن هي طالبة كانت تقرا طب و الان جات تقرا معنا و بعدها مباشرة .13

هل السن يلعب دور ؟؟

وعادة المعدل وين يحبس ؟؟؟

[ranou gigi]

ماقلتش انه مستحيل طالب دخل رتراباج انه يدخل ماستار حسب عدد الطلبة الي يقراو معاك مثلا احنا كاين الي دخلوا رترباج لكن عادي دخلوا ماستار
السن لا يلعب دور ابدا بل المعدل هو الكل في الكل شوف اخي بما انك مازالك السداسي الثالث حاول انك تجيب معدل اعلى باش هك ماتضيعك عليك الماستار و ماكلاه تخمم ياسر على الماستار حاول انك تخدم مليح في اخر سنة ليسانس باش تقدر تلقى حظوظ مليحة في مسابقة التوظيف و من باعد الماستار جاء ولا ماجاش كيف كيف انا معايا ماستار مي مادرت بيه والوا الماستار مليح للطلبة الي راح اكملوا دكتوراة
موفق

[walid des]

شكراا اختي علي التوضيح

عدد التلاميذ كامل في التخصص ديالي حوالي 350 بالمعيدين و كلش

انا اقصد بالسن انو مثلا انا ولا مرة عاودت و كاين مثلا واحد عاود سنة اولي جامعي او سنة ثانية انا لي الاسبقية في الدخول للماستر اليس كذلك ؟؟

السداسي الثالث خلاص فات و كملنا الرترباج بقي السداسي الرابع
و العام الجاي فقط

[ranou gigi]

السن لا اهمية له سواء عاودت او لا فات السداسي الثالث مازال الرابع و الخامس و السادس ربي انجحك

[walid des]

لا اظن ذلك اختي كيفاش واحد عاود "يعني دخل رترباج + عواد لي موديل لي ما طلعهمش " افضل من واحد دخل للرترباج و جاب العام !!!!!
لا اظن ان هناك عدل !!!

اظن الاولية لي جامي دخل رترباج و بعدها لي دخل رترباج و بعدها المعيد

[ranou gigi]

ماش قصدي انه دخل رترباج اولا قصدي السن تاع الطالب ليس له دخل في القبول في الماستار اما بالنسبة الي دخل رتراباج و عاود العام اكيد ليس له فرصة مثل الذي دخل الرترباج و ماعاودش العام فهمتني اخي

[walid des]

شكرا اختي المهم حنا نديروا لي علينا و لي كاتبها ربي مرحبا

انا حبيت برك نعرفة طلبة جامعة الجزائر 3 خروبة "تخصص اقتصاد كمي" شحال يدوا كل عام في الماستر

وبارك الله فيك اختي انت من اي جامعة ؟؟

[ranou gigi]

ربي اوفقك اخي انا متخرجة من جامعة سوق اهراس

[walid des]

شكرا اختي

وشحال من واحد اختاروه في الماستر

[ranou gigi]

46 الي نجحنا في مالية و 44 في التسويق

[yacine-08]

اهلا اخي ، رايت موضوعك الامس و لم استطع الاجابة عليه ،

بالنسبة الى اسئلتك :

يعني شحال يدوا كل عام ؟؟

ليس هناك عدد محدد ومعين للطلبة الدي سيتم اختيارهم لاكمال الماستر .

على حسب عدد المقاعد البيداغوجية المعطاة للمسابقة في جامعتكم ، متلا نحن اخدوا 70 في تخصصنا لوحده ويوجد تخصصات اخرى .

و الدخول للرترباج و الانتقال بالانقاذ يؤثر ؟؟

بالطبع يؤتر ،

لان هناك طريقة حساب معنية تححدها الجامعة في عملية الانتقاء ،

وهم سيقسمون المترشحين الى مجموعات لكي يسهل عليهم الترتيب ، و اول مقياس يعتمدوا عليه هو تكوين مجموعة اولية من الدين دخلوا الراتراباج و تكوين مجموعة اولية اخرى من الدي اغلقوا السنة بدون راتراباج .


حاب نعرف كيفاش يخيروا الطلبة تع المستار علي اي اساس

قانونيا عليهم عرض ورقة تظهر المعايير التي اعتمدوا عليها في الترتيب المترشحين ، لانه متلا كانت هناك بعض المشاورات لادخال عامل الاقدمية الشهادة في الحساب الى غير دلك ، كون المتخرجين الجدد لديهم معدلات مرتفعة مقارنة مع حاملي الشهادات القدم ، لكن دلك لم يكون فهم يعتمدون على المعدل فقط

يعني ادا جلبت معدلات جيدة مقارنة بدفعتك فستكون من المختارين بدون شك

علابالي في كل جامعة تختلف انا اقصد جامعة خروبة بالضبط

ليس لدي علم بطريقة الحساب او طريقة الانتقاء في هده الجامعة .

[walid des]

شكرااا لكم بارك الله فيكم

اذا 99% الماستر راح