خطيبي كرهني واش ندير

[سيليا22]

اخواني ساعدوني في مشكلتي انا فتااة ابلغ 22 سنة بدات مشكلتي مع خطيبي في يوم عيد ميلاددي فقد تجاههلنني وهو يعرف انه يوم ميلادي غاظتني عمري بزاف كامل الناس عيطولي هناونني باللمناسبة وهو الوحيد لي مسالش فيا كي شفتتو ماعيطليش عيطتلو انا ومردش عليا حتى فاتت ساعات عيطلي كي بديت نلوم فيه كووبالي في وجهي في اليوم الثاني عيطلي وحاول يقنعني انه كاننت عندو خدمةوانا مقتنعتش ززادت المشكلة سوء حتى الراجل قالي كرهتك وعففتك وبدا يجرح بالكلام لي متتحمللوش اي مراة في الكون حتى تعمرت وققتلوو لالازم نفسخو الخطبة وهو قالي ديري واش تحبي حسسيت من كلاموو انه كاان يحوس عليها تخرج من عندي انا باش هو مايربحش العيب واانا حسيت بلي خلاص كرهتو درك المشكل راه في والدييا كيفاش نقوللهم وهما ماكانوش متوقعين يسرى هاكا وزييد والديا صعااب ومش متفهمين لوكان يقبلو بفسخ الخطبة يقعدو كل خطرة يفكروني وزيد يجرحوني بالككلام ساعدووني ربي يجازيكم معنديش لمن نحكي من غيركم راني غي نخمم وونبكي

[مريم الصابرة]

السلام عليكم اختي
الله يهديك إنت ثاني على جال يوم قررت تخربي علاقتك مع خطيبك وهذا اصلا شوفي نقولك الرجال ما تتوقعيش منهم يتفكرو تلقايه ناسي وينتا هو زاد عادي وإنت ما ديريش الفرق بينو وبين الناس اللي عيطولك صح تستناي منو هو يهنئك يا اختي هو خيّرك تكوني مرتو هذي ما كفاتكش
شوفي نقولك ما تقولي لا لاهلك لا والو إنت قلقتيه قال اللي قالو عادي خلاص فوتي نورمال وإنساي وسامحي خليه وحدو يعيط و يطلب السماح ولازمك إنت تطلبي السماح صراحة إنت غلطت وغلطة كبيرة مهما قالك وجرحك اكيد راه نادم وكلمة نفسخو الخطبة واش هذا الدلال كلمة ونفسخو وكلمة طلقني نروح لدارنا ما تزيدوناش راهم لبنات اللي بلا زواج بالكاميوات وين تزيدي تجي إنت يرحم والديك أهداي خمي مليح وكان عيط أطلبي السماح إنت غلطت وخلي والديك بعاد راك كبيرة وبالغة ربي يوفقك إن شاء الله يتصل وإنت ما تتكبريش عليه إنت غلطت موفقة

[لميس اميرة]

اعياد الميلاد حرام ماش من معتقداتنا ولا من تقاليدنا

ممكن نعملو كيكات لاولاد صغار براعم نفرحوهم بيها لكن انتي مراة الله يبارك

راكي غالطة ماشي علاجال حاجة حرام رح تهدمي حياتك

خلي تروح هاد الغمة و القلقة و انعلي بليس درك تظوا الدنيا في وجهة و بالاك ربي يعدل لحوال

و اذا صح خطيبك ماش حابك خلي ربي يقدم لي فيه الخير

المهم انتي ما تعملي ولا حاجة لان الندامة صعييييييييييييييييييييبة بزاف

ننصح لوجه الله خليه يهدا و انتي تاني تهداي ثم عيطيلو

انتي عيطيلو و اطلبي منو السماح لانك استفزيتيه و قولولي ابليس دار بيا و احكي معاه بظرافة و اعتاذري

و فالاخير قوليلو نظن هادي رح تكون آخر مكالمة بينا بما انك كارهني و عافني و شوفي ردة فعلو و لا وش رح يقول

اختي الكلمة الطيبة صدقة نتي ديري لي عليك و ربي حنين كريم

[nouna l maghbouna]

وش بيك اختي هبلتي علاجال حاجة تافهة كيما هادي تفسخي الخطبة
عيطيلو و اطلبي السماح الااان ماتضيعي حتى دقيقة و استعقلي شوي
انشاء الله تعود المياه لماجاريها و تفوت على خيير و هادي تع فسخ الخطبة ماتزيديش تخمي فيها
تحيااتي

[سيليا22]

مشكورين على الردود ببصح ماراكمش عارفين واش قالي وكيفااش ااستفزني باش خلاني نقول نفسخ الخطبة وغي كلمة كرهتك ووعفتك شحاال تسوى

[saqrarab]

اولا ما يسمى بعيد الميلاد مناسبة تافهة
وبغض النظر عن حرمتها فمن يحتفل بها كانه يحتفل بحرق سنة من عمره ربما حرقت هباءا
ثانيا
يكلمكي على انفراد
ويبدو من سياق كلامك ان الامر اكبر من الكلام ربما الخروج سويا "لا اقول ذالك هذا مافهمته من كلامك واعتذر ان كان فهمي خطا "
فمن الطبيعي ان يمل منكي ويكرهكي
نصيحة
حافظي على دينك وكرامتك فهم الابقى لكي
اما عن الزواج يروح واحد يجي عشرة وحتى لو مجاش وش ديري بوجع الراس

[mohamed miloudi]

جبتيها لروووحك يا طفلة


رووحي اطلبي منو السمااح انشاء الله يوافقلك

[لميس اميرة]

مشكورين على الردود ببصح ماراكمش عارفين واش قالي وكيفااش ااستفزني باش خلاني نقول نفسخ الخطبة وغي كلمة كرهتك ووعفتك شحاال تسوى



شوفي اختي صراحة رانا نسا كيما بعض و اعرف بحالنا

لما نتقلقو نسماطو و نتحولو حتى الميت فالقبر نطقوه باستفزازنا

و نتي الظاهرة من كلمة آلووووووووووووو قنبلتيه و بديتي تعيطي عليه

انتي الغالطة انتي لي استفزيتيه

كامل لبنات راهم موافقيني

عيطيلو و اطلبي منو السماح راضي ربك و صفي ضميرك على الاقل ترتاحي و اذا ماش كاتب ربي تكملوا المشوار مع بعض

ربي شايف الخير

المهم ابعثيلو ميساج اطلبي السماح ميساج يكون نابع من القلب مع اختيار الكلمات

و انتظري مدة لكان ما عيطش عيطيلو انتي

المرأة معروف عليها قوة التحمل و القدرة على التحمل لهذا خلانا ربي سبحانو مسؤولية الامومة

فوتي شوية ماشي اي مشكل تطرطقي و تشعلي كي زالاميت

انعلي بليس و حاولي تصلحي الكارثة لي عملتيها

حاجة ما تجي بالتنقريز و الاستفزاز

سلاح المراة السياسة و الكمة الطيبة ماشي بالضغط و القوة

[saqrarab]

اعياد الميلاد حرام ماش من معتقداتنا ولا من تقاليدنا



انتي عيطيلو و اطلبي منو السماح لانك استفزيتيه و قولولي ابليس دار بيا و احكي معاه بظرافة و اعتاذري



اعياد الميلاد حرام
وتعيطلوا وتقعد معاه وتحكي معاه مش حرام
اختي الكريمة
الخطبة في الاسلام غرضها رؤية الخاطب لخطيبته لمرة واحدة فقط ان اعجبته تزوجها مباشرة ان لم تعجبه انتهى الموضوع
اما عن مايحصل هذه الايام من خطبة ولقاء وكلام بالهاتف لساعات وخروج سويا وربما الانفراد سويا فهو زنى مقنع وليست خطبة

[miri_27]

أهلا أختي و الله غير غضتيني تقول حاجة نقصت مني المهم صلي صلاة الإستخارة و أصبري أيام حتى يتهدن الوضع بيناتكم ماتقوليش لوالديك الراجل لما يزعف يخبص في الهدرة وأكيد راح ايعيطلك بعدما أتجوز عليكم هذي الغمامة السوداء ربي يهون عليك

[لميس اميرة]

اعياد الميلاد حرام
وتعيطلوا وتقعد معاه وتحكي معاه مش حرام
اختي الكريمة
الخطبة في الاسلام غرضها رؤية الخاطب لخطيبته لمرة واحدة فقط ان اعجبته تزوجها مباشرة ان لم تعجبه انتهى الموضوع
اما عن مايحصل هذه الايام من خطبة ولقاء وكلام بالهاتف لساعات وخروج سويا وربما الانفراد سويا فهو زنى مقنع وليست خطبة


السؤال

ما حكم المكالمة الهاتفية بين الخاطب والمخطوبة، والقصد -كما يقولون-: هو التعارف قبل الارتباط بالزواج، وإذا كانوا صائمين هل يتغير الحكم، وهذا يوجد بكثرة في مجتمعنا الإسلامي، والمكالمات بريئة في ظاهرها وحسب كلامهم، وهذا السؤال نابع من الرغبة في التمسك بتعاليم ديننا؟

الجواب

لا نعلم حرجاً في الكلام بين الخاطب والمخطوبة إذا كان كلاماً بريئاً لا يجر إلى شر، وإنما يقصد منه التعرف منه عليها ومنها عليه؛ لا بأس بهذا، تسأله عن حاله وعن أعماله وعن ديانته ونحو ذلك، وهو يسألها عن مثل ذلك لقصد التوثق من الإقدام على هذا النكاح فلا حرج في هذا، أما إن كان القصد سوى ذلك من التمتع بصوته وصوتها أو المواعيد التي قد تجر إلى الفاحشة؛ فهذا الذي لا يجوز، فالواجب على الخاطب والمخطوبة أن يتحريا الشيء الذي لا بد منه في المخاطبة، للتعرف فقط أما ما يخشى منه فتنة فالواجب اجتنابه.

سماحة الشيخ عبدالعزيز بن باز

[مسلمة وافتخر17]

اختى انت كبرتى الامر انا تانى خطيبى نسى يوم عيد ميلادي والكل عيطولي الا هو بصح عادي علبالي هدا ماهوش شرط ومش مكتوب فالعقد كاين مناسبات ليتزعفى كي مايتفكركش بصح شيء كيما هدا لازم تقدري الموقف وتعدريه راه هو يوم لي زاد فيه ناسيه بلاك من كثرة المشاكل تاع الخدمة لي في راسو
اما بخصوص كلام لي قالولك حاولي تتجاهليه ومتخشنيش راسك مشي غير انت لي صاريلك هاك رانا قع بصح لازم صبر وديما خلى روحك بنت فاميليا خليه يخرج العيب بصح عمرك ماتخمى تربحى العيب اتحملى على جال والديك متخليش راسو يترفع وارس باباك ينزل

[عواطف24]

انا رايي ماراكيش غالطة ..اذا كان و انت مخطوبة يتصرف معاك هكذا مالا كي تتزوجي ولش يدير ..هذا واحد يتسبب برك مازالكي صغيرة وكاين خير منو ..
كرامتك قبل اي حاجة ..و ربي يعطيك احسن منو ..

[nibrasse76]

الرجل منا يبحث عن شريكة تحس بمشاكله ..وتخفف عنه آلامه ..وتكون الجزء الوحيد المشرق ,المنعش واللطيف في حياته ....وليس شريكة نكدية

تجد نفسها وتشعر بوجودها فقط في اختلاق المشاكل والتفاهات السخيفة ...احيانا يكون المشي على الرجلين ...أفضل من ركوب سيارة

كثيرة الضجيج والجعجعة وتكسار الرأس .

[kaderkader1541]

هذا من سلبيات الهاتف المحمول
و الكل هنا قال لك اعيدي الاتصال به
يعني اعيدي نفس النهج و الوقوع في نفس المشكل من جديد
ها قد كلمتيه و كلمك في الهاتف
ها قد تعرف عليك و تعرفتي عليه
و ها هو الان قالها لك اني مللت منك
فما الجدوى من التعارف
لما لا تتركون امركم كله لله تعالى
الا تكفيكم صلاة الاستخارة
الا تكفيكم مشورة الله سبحانه و تعالى
لما الهاتف لما الهاتف لما الهاتف
لا حول و لا قوة الا بالله
فرضا انه فسخ الخطوبة او مات هذا الخاطب فالموت حق
كيف يكون موقفك امام رجل ثاني خطبك في الحلال
كيف تكون ردة فعله ان علم انك كنت تحدثين خطيبك السابق
الا تعتبر هاته خيانة في حقه
أقول لك لما العجلة لما العجلة لما العجلة
صلي صلاة الاسخارة و اتركي كل شيئ لله عز و جل

[knives55]

اولا هي جيد لكي لان هذ انسان من اول موش مقتنع بيك هكذ خير

افسخ خطبة ولا طلاق

اما بنسبة لعيد ميلاد انصحك بنسيان هذه العادة تافه التي لاتحك ولا تصك

جياحة زيادة انا يدور عليا العام وعادي واي واحد يبدلي عيد ملادي نشعل فيه

[ANGEL FIFI]

فكرتني بيامات خطوبتي
انا تاني صرالي كيما انتي واكثر بصح دايما نستحمل ونسامح ونطلب حتى السماح برغم من انه هو لي يكون غالط والحمد لله تزوجنا وبعد الزواج اكتشفت انه انسان خير من لي كنت متخيلاته
يعني يااااااااااا اختي ثقلي روحك وماتتقلقيش وماتقلقيش روحك صلي زوج ركعات وادعي ربي وخرجي صدقة
والله يفرجها عليك

[yacine-08]

اعتقد المشكلة تفوق ان تكون فقط عيد ميلاد ..

كان هناك تجاهل من طرف هدا الشاب و زاد تجريح بكلامه بمجرد بعض العتاب

لا يمكن الحكم من بعيييييد لكن حاولي ايها الاخت الكريمة اصلاح العلاقة مع خطيبك فهدا ليس بسبب قوي لفسخ الخطوبة

وتاكدي انك ستتصادفين مع مشاكل اكبر في العلاقة الزوجية ..

[linamaram]

انا رايي ماراكيش غالطة ..اذا كان و انت مخطوبة يتصرف معاك هكذا مالا كي تتزوجي ولش يدير ..هذا واحد يتسبب برك مازالكي صغيرة وكاين خير منو ..
كرامتك قبل اي حاجة ..و ربي يعطيك احسن منو ..




أنا أيضا رأي من رأيها

ربي يقدملك لي فيه الخير.

[مناد بوفلجة]

السبب الرئيسي لكل لك هو إكتشافه أنك سطحية التفكير
فأنتي تهتمي بتباريك عيد الميلاد و تعطين الأهمية لتقديم التهنئة بمناسبة عيد ميلادك
و تشعلين الحرب إن تهاون أقرب الناس لك بسبب عدم إهتمامه بتلك المناسبة حينما باركك الجميع

فربما خطيبك لا يؤمن بتلك المناسبة

و بالرغم من ذلك ، إهتذر منك بإتصاله بك
و أنتي لم تعطيه بالا و قزمتي حديثه

هو سبب كاف لينفر منك

لا تكوني سطحية التفكير حتى يهتم بك خطيبك

[ام نسمة]

الراجل كي يكون زعفان يقولك كلام يهد الجبال لكن من ورا قلبه باش ينفس على غضبو وزيد حتى حنا النسا نكونو زعفانات من حاجة ونخرجوها في حاجة وحد اخرى هكذا الانسان يا عزيزتي ماشي حلال عليا حرام عليك بلاك نهار اللي قالك هذاك الكلام اللي جرحك بلاك مكانش زعفان منك انت من حاجة وحد اخرى وانتي جتيه في الطريق ايا قال نخرج زعافي فيها لكن تاكدي انه نادم وسيطلب منك السماح نصيحتي ليك ما تعيطي ما والو خليه هو يحوس عليك انتي قلت واش عندك اذا عيط يكمل اجراءات فسخ الخطوبة قوليله انت قول لوالديا وانا مارانيش حابة قلتها وقت زعفة برك واذا سالك ان كنت مازلتي ترغبين في النفصال مباشرة قولي له مين ننفصل عليك انت وين نلقى كيفك راجل فحل وشوفي النتيجة السحرية بعينك والله يصفي حالكم عزيزتي هذه مجرد غيمة عابرة فلا تجعليها نهاية الكون ربي يهدي سركم

[hayout]

chufi khti bkol saraha nti lralta line arlab rjal mayatfakruch had layaad o maya3tulhach kima kima hna
aljal hada darti hala o khrabti 3alakatkom maa ba3dakom
aytile o talbi smaah o mahma kan la klam li galholak akid nti stafazitih ki gotilo nhabse alajal haja tafha
rabi isalah omorkom hanouna o isafi inatkomlakloub b

[أمل المستقبل القريب]

اعياد الميلاد حرام ماش من معتقداتنا ولا من تقاليدنا

ممكن نعملو كيكات لاولاد صغار براعم نفرحوهم بيها لكن انتي مراة الله يبارك

راكي غالطة ماشي علاجال حاجة حرام رح تهدمي حياتك

خلي تروح هاد الغمة و القلقة و انعلي بليس درك تظوا الدنيا في وجهة و بالاك ربي يعدل لحوال

و اذا صح خطيبك ماش حابك خلي ربي يقدم لي فيه الخير

المهم انتي ما تعملي ولا حاجة لان الندامة صعييييييييييييييييييييبة بزاف

ننصح لوجه الله خليه يهدا و انتي تاني تهداي ثم عيطيلو

انتي عيطيلو و اطلبي منو السماح لانك استفزيتيه و قولولي ابليس دار بيا و احكي معاه بظرافة و اعتاذري

و فالاخير قوليلو نظن هادي رح تكون آخر مكالمة بينا بما انك كارهني و عافني و شوفي ردة فعلو و لا وش رح يقول

اختي الكلمة الطيبة صدقة نتي ديري لي عليك و ربي حنين كريم
هادا الصواب ديري هك و ربي يفتحلك ابواب الخير ماكان لاه تتسرعي يا اختي و ربي يقدم لي فيه الخير

[you92cef]

الاحتفال بتاريخ الميلاد ليس من عادتنا وتقليد الغرب هو من اوصلنا الى هده الامور
هي الحقيقة المرة

[لحن الفرح]

اختي الزواج ماشي لعبة اخطيك منوا اختي خطيبته ويقول لك هكا * اختي القدر لازم مهما يكون *
وقولي لوالديك لم نتفاهم وليس الرجل اللي تمنيتوا الان احسن وربي يعوض عليك .
هذه تجربة وتعلمتي منها وربي يعوض عليك ماخير منوا .

[koka01]

على جال عيد ميلاد

ربي يهديك
طلبي منو سماح

[لحن الفرح]

على جال عيد ميلاد

ربي يهديك
طلبي منو سماح

انا ضد طلب السماح اختي الزواج مبني على القدر مهما يكون الكمال لله سبحانه وتعالى لا زم يقادرها كزوجة اذا راح القدر خلاص
انا ننصحها كي اختي .

[نبض قلبك]

شوفي اختي انا بنت كيفك شخصيا مانهتمش باعياد الميلاد اطلاقا الحمد لله هي صح الانسان يفرح كي يتفكروه ب مساج ولا ابال مي ماشي لهذيك الدرجة ههههههههههه في عيد ميلادي انا عيطتلو ههههه
تريثي ماتتقلقيش غاليتي بلاك كان مقلق صح ان كان هدرتو قاسية شوية وماديري حتى حاجة خلي كلش يجي من عندو ماتقوليلو لا نفسخو لا حاجة اخرى خليه يدبر راسو ودعي ربي يبينلك الصواب

[foufah]

انا تبانلي غلطتي برك كي قلتيلو نفسخو الخطبة...ماش حق عليك..لكن هو غلطه اكبر منك..ماحوس عليك ماوالو.و زيد لكلام اللي قالهولك !!!..من بعد ازواج كيفاه !!!
انا حسا بيك..اعطي شويا قيمة لروحك يا اختي..و حاولي ماتوصليش روحك لهدا الشيء.اسنايو هو يعيط لانك كون تعيطي يقول هدي ندير فيها وش نحب. وهو تان او يستناك نتي تعيطي لانو يشوفك انت الغالطة. مالا شوفي وسيط بيناتكم تبالي خير.

[ام حسسام]

الله يقدر ليك كل خير
الي يخرج عليك ديريه
المهم ماتندميش من بعد
الطلام الي قالو ليك انت وحدك سمعتيه
العرف كي تكون وحدة مخطوبة الرومانسية تكون فالماكسمون وإلا لالا

[عواطف24]

اختي الزواج ماشي لعبة اخطيك منوا اختي خطيبته ويقول لك هكا * اختي القدر لازم مهما يكون *
وقولي لوالديك لم نتفاهم وليس الرجل اللي تمنيتوا الان احسن وربي يعوض عليك .
هذه تجربة وتعلمتي منها وربي يعوض عليك ماخير منوا .


bien dit ..je suis d accord avec toi 100pour 100

[انانيس]

ارى انها مشكلة تافهة ربما هو بعيد عن مثل هذه الافكار اقصد عيد الميلاد ووماشابه ربما لايؤمن بها
اما ان كنت ترين انه فعلا كانت بمثابة الحجة التي بها ينهي علاقته وتاكدتي من الامر فماعساك فعله سوى ان تنهي الامر وتعلمي والديك في الناية كل شي ء بقدر الله وقضائه ولكن قبل هذا تريثي جيدا
وربي يصلح حالك

[الإدريسي العلوي]

اخواني ساعدوني في مشكلتي انا فتااة ابلغ 22 سنة بدات مشكلتي مع خطيبي في يوم عيد ميلاددي فقد تجاههلنني وهو يعرف انه يوم ميلادي غاظتني عمري بزاف كامل الناس عيطولي هناونني باللمناسبة وهو الوحيد لي مسالش فيا كي شفتتو ماعيطليش عيطتلو انا ومردش عليا حتى فاتت ساعات عيطلي كي بديت نلوم فيه كووبالي في وجهي في اليوم الثاني عيطلي وحاول يقنعني انه كاننت عندو خدمةوانا مقتنعتش ززادت المشكلة سوء حتى الراجل قالي كرهتك وعففتك وبدا يجرح بالكلام لي متتحمللوش اي مراة في الكون حتى تعمرت وققتلوو لالازم نفسخو الخطبة وهو قالي ديري واش تحبي حسسيت من كلاموو انه كاان يحوس عليها تخرج من عندي انا باش هو مايربحش العيب واانا حسيت بلي خلاص كرهتو درك المشكل راه في والدييا كيفاش نقوللهم وهما ماكانوش متوقعين يسرى هاكا وزييد والديا صعااب ومش متفهمين لوكان يقبلو بفسخ الخطبة يقعدو كل خطرة يفكروني وزيد يجرحوني بالككلام ساعدووني ربي يجازيكم معنديش لمن نحكي من غيركم راني غي نخمم وونبكي
هل توجهت إلى الله قبل أن تكتبي
هذا الموضوع؟
لأن الله يريد أن يسمع صوت دعائك
فابتلاك بهذه المصيبة
فافزعي إلى الله
وما ندم من فزع إليه
وفقك الله

[ميسونا]

اعياد الميلاد حرام
وتعيطلوا وتقعد معاه وتحكي معاه مش حرام
اختي الكريمة
الخطبة في الاسلام غرضها رؤية الخاطب لخطيبته لمرة واحدة فقط ان اعجبته تزوجها مباشرة ان لم تعجبه انتهى الموضوع
اما عن مايحصل هذه الايام من خطبة ولقاء وكلام بالهاتف لساعات وخروج سويا وربما الانفراد سويا فهو زنى مقنع وليست خطبة


قاعدين غير تفتيو برك الخطبة راهي ترافقها ديما فاتحو وهي عقد شرعي تبالي وزيد هي طلبت رايكم مطلبتش فتوي شرعية سي نون اي راحت لامام تاع حارتهم
المهم اختي هادي سبة تافهة ومتكونيش انفعالية واعرفي وقتاه تطرحي مشاكلك ووقتاه تدي الي بغيتي راكي مرا حبيبتي ولمرا تدي الي بغات ووقت الي بغات بصح بظرافة بحنانى بكلمة طيبة كون عاتبتيه بحنانة كون لقيتيه قالك اسمحيلي حتى ولو كان انتي الي غالطة وحتى لو كان ميستعرفش بهاد المناسبات اختي استغفري ربك وارجعي لجادة الصواب هو كان عندة ظغط عمل والله يقول اكتر انا راني خدامة نهار نكون قلقانة نقول كتر

[أسامة الزمالة]

الله يهديك إنت ثاني على جال يوم قررت تخربي علاقتك مع خطيبك

[buffy 23]

السلام عليكم ....اختي خدي رايي و هاكي السلاح تاعي انا و الملجأ اللي نتوجه ليه ديما خاطر ديما معايا و في كل خطوة ...ما تخافيش خليها على ربي ....ديري الاستخارة و توكلي عليه سبحانو ...و اللي يجيبو ربي فيه الخير ...انسي كلش و حاولي تصلحي الامور ادا صلحت اللهم بارك ما صلحتش انتي درتي عليك و خلاص و زيد توكلي على ربي و درتي الاسخارة هكا ما تندمي على حتى حاجة خاطر راكي درتي اللي يديرو اي عبد ..........اني تلجئي لربي ...]

[libanarim]

مع احتراماتي لكن ، ستكونين غبية إن كان الاحتفال بعيد الميلاد سببا في خراب بيتك

[تصفية وتربية]

قاعدين غير تفتيو برك الخطبة راهي ترافقها ديما فاتحو وهي عقد شرعي تبالي وزيد هي طلبت رايكم مطلبتش فتوي شرعية سي نون اي راحت لامام تاع حارتهم
المهم اختي هادي سبة تافهة

ومن قال ذلك يا أختنا؟؟؟؟
من قال أن كل خطبة يُرافقها عقد شرعي؟؟؟
ما نراه اليوم من مشاكل بين المخطوبين سببه تعدّيهم على حُرمات الله. وقسم مشكلتي خير دليل على ذلك ..
يخطبها اليوم يصبح يحكي معها في الهاتف غدا
اتقوا الله عباد الله

أعياد ميلاد .. تكلم مع الخاطب في كل وقت وفي كل أمر ...
اللهم اهدنـا جادة الصواب ..

[روان2011]

سبحان الله كيفاش رايحة تبني عايلة و تربي أطفال وأنت تخمي في عيد الميلاد و هذه الامور التافهة لي شغلونا بيها الكفار......ربي يهديك , عندو الحق غدوة ديريلو مشاكل علي أمور أتفه ......اصلحي نفسك أولا......لا تغضي مني لكني أغار علي مصلحة أخواتي...........و أنت في الله أختي.

[bibicha]

عيطتلو انا ومردش عليا حتى فاتت ساعات عيطلي كي بديت نلوم فيه كووبالي في وجهي في اليوم الثاني عيطلي وحاول يقنعني انه كاننت عندو خدمةوانا مقتنعتش ززادت المشكلة سوء حتى الراجل قالي كرهتك وعففتك وبدا يجرح بالكلام لي متتحمللوش اي مراة في الكون

شفتي قولتيها بلسانك عيطتيلو ما جاوبكش باينة كان خدام و ما تعرفيش ظروفو و عاود عيطلك في اليوم الثاني و حاول يقنعك و ما قتنعتيش يا اختي هذا عيد ميلادك برك و نورمال كون قولتيهالو بطريقة عادية بدون ما ديري مشكل و زيد الراجل ينسى التواريخ و انا صراتلي و ين زوجي كي كان خطيبي نسا عيد ميلادي و نورمال ياك والديك ما نساوكش؟انا من راي ابعتيلو ميساج ولا عيطيلو و اطلبي السماح لانو هاذي حاجة تافهة

[msam3i2010]

hada rajal .... w nti testahli

[maramelmess]

ماشي حق عليك أنا راجلي جامي مايقولي عيد ميلاد سعيد ،
مي نحبو علابالي بلي بدعة عندو الحق
و من جهة شوفي لافعالك ما تلوميش الراجل كي الزلاميت ما يشعلش وحدو
قالك واش قالك نتي الغالطة
بالاك كان عندو مشكل مهموم تبينيلو بلي نتي أنانية

[رحمة من المولى]

ربي يفرج عليك ان شااااااء الله

[BOUNIF KAMEL]

السلام على أختي الغالية لمادا كل هاده النصائح لمادا الكل يريد منها طلب السماح منه هي تقلكم أنها أحتفلت بعيد ميلادها والشيئء الدي غاضها قاتلكم بدء يقلي كلام مشين أنا نقلك أختي إن كان صحيح بدأ بالشتم فعليكي رفضه الأن ولا تخافي منه ولا من الوالدين العزيزين هاده حياتك أنتي فأنتي مازلتي صغيرة 22 سنة أنتي في مثل عمري وأنا أعرف هاده الامور إن كنتي تريدين فسخ خطوبتك فلكي دالك لاتخافي من حتى شيئء يقف أمامك رانا لسع في الخطوبة وبدأ بالتجريح لاأدري مادا يفعل عندما تكونين تعيشين معه بلا فكرة أنا أيضا عيد ميلادي قبل 5 أيام فقط وشكرا وأتمنى لأختي العزيزة والشريفة حياة كريمة وعفيفة والسلام