كيفاش ندير لقلاساج؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : كيفاش ندير لقلاساج؟؟

ام ايمان16

2013-03-20, 09:45

السلام عليكم
عندي سؤال حول كيفية تذويب الشوكولا الخاصة بالقلاساج ؟
http://im41.gulfup.com/HwhFF.jpg (http://www.gulfup.com/?or8lWD)

نحوس ندير صابلي بقلاساج الشوكولا كيما هاذا
http://img04.arabsh.com/uploads/image/2012/08/16/0e3e444262f304.jpg

بصح كي جيت نذوب الشوكولا مع الزبدة ولحليب الشوكولا ولات ماشي مليحة وماتجمدش ومحبحبة وحرشة ومدردرة

كيفاش ندير لقلاساج؟

kakinova

2013-03-20, 10:07

هاد المركة اصلا فيها بزاف الزيت وعلاش ضفتيلها الزبدة

المفروض لا كانت ما تبرقش الزبدة تضيفيها مع الاخير

انا هادي طريقتي و شوفي جربيها انا ما نستعملش الحمام المائي يفسدلي الشوكولا

نكسر الشوكولا بالقنوط عشوائيا و نحط في طاوة او اناء شوية قهوة و نخليها تسخن شوية و نحط الشوكولا على نار هادئة و نحرك مرة على مرة اذا جاتني يابسة بزاف نضيف القهوة انا نستعمل القهوة ماشي لحليب
و لما تذوب تماما نخفقها حتى تبدا تبرد رح تولي تبرق وحدها و يجي لونها مليح و نقلاسي بيها عادي

kakinova

2013-03-20, 10:08

استعملي ماركة العصفور او بوبوس احست فالقلاساج هاد النوع يجي شوية طري لانو فيه الزيت بزاف

ام ايمان16

2013-03-20, 10:42

يعطيك الصحة اختي
انا متعودة ندير غلاساج بشوكولا بريما نتاع طابلة بصح نديرلها لحليب والزبدة وتجي نورمال

بصح هاذي مافهمتش علاش ماصلحتش (ربما كيما قلتي فيها الزيت بزاف)

بودراس

2013-03-20, 11:01

اختي انا موالفة نستعمل هاد النوعية بصح كيما قالت الاخت هادي نتاع الزيت انا نشريها نتاع السكر و نديرلها الزبدة و الحليب و تخرج هايلة و تجي تبريي

ام ايمان16

2013-03-20, 11:10

يعطيكم الصحة لبنات
بصح كيفاش تعرفو الشوكولا هاذي فيها الزيت او مافيهاش

واش لازم نلقى مكتوب فيها
لاني قريت التركيب لقيت فيه(سكر .ادهان نباتية.كاكاو.ليستين سوجا)

marwa50

2013-03-20, 11:10

لا اختى هدة لازم ميقيسهاش الماء او الحليب

ديري كسرونة فيها ما يغلي وفوقها كسرونة فيها شكولة هادي لازم تدوب بالبخار برك تقيسها قطرة ماء تفسد

موالفة نخدم بيها عادي

ام ايمان16

2013-03-20, 11:12

لا اختى هدة لازم ميقيسهاش الماء او الحليب

ديري كسرونة فيها ما يغلي وفوقها كسرونة فيها شكولة هادي لازم تدوب بالبخار برك تقيسها قطرة ماء تفسد

موالفة نخدم بيها عادي

يعني ماندير معاها والو كي نذوبها؟
علابالي الماء يفسد الشوكولا بصح لحليب ماعلابليش لاني كنت نديرو كي نذوب شوكولا بريماتاع الطابلة

marwa50

2013-03-20, 11:19

ايه تدوب وحدها au bain marie يعني بالبخار برك

لينة71

2013-03-20, 11:48

http://www.google.fr/search?q=%D9%82%D9%84%D8%A7%D8%B5%D8%A7%D8%AC+%D8% B4%D9%88%D9%83%D9%88%D9%84%D8%A7&hl=fr&tbm=isch&tbo=u&source=univ&sa=X&ei=wZFJUbnQI8S7OYK6gaAN&ved=0CEoQsAQ&biw=1378&bih=844

ام ايمان16

2013-03-20, 11:59

يعطيكم الصحة لبنات

سلمى البوسعادية

2013-03-20, 12:12

انا هدي مالفة نستعملها بصح انديرها وحدها ما انزيدلها والو نبقى غير انخلط فيها لا حليب لا زيت جربيها ورديلي بالخبر

ام ايمان16

2013-03-20, 13:21

يعطيكم الصحة لبنات

نقوللكم حاجة وليت درتها وحدها حسيتها ذابت بصح ماهيش سائلة ومطلوقة (يعني ذايبة بصح لاسقة في المغرفة لي نحرك بيها.

وليت درتلها زوج قطرات ماء بارد جدا من الثلاجة فتفاجات بللي تعدلت ولات مليحة

ياسمين ماسي

2013-03-20, 16:45

شوفي اختي نعطيك الطريقة الصحيحة ديري حمام مائي فوقو ايناء زجاجي فيه4 ملاعق كاكاو حامق+ 3ملاعق سكر قلاصي + شوية زبدة+ حايب سائل خلطي لمليح ثم زيدي شيكولا تاع لطراف خاصة بالقلاصاج تتباع بالطرف عند ليبيع دوزان الحلوة وخليها اذوب اذا شفتيها ناشفة زيديلها شوية حليب صدقيني اتجي هايلة راني مجربتها
انا شريت هديك لورتيها بصح ما نجحتليش تطلق الزيت كي هيا كي البيضاء

نايليةوافتخر

2013-03-22, 22:42

صارلي نفس المشكل معاك وكي ذوبتها وحدها بقات ثقيلة بصح كي تزيدي الحليب وحدو تجي مليحة

لمسة L

2014-07-20, 13:42

انا تاني نديرها تذوب في حمام مائي و نزيدلها مغرف ماء جامد تجي تلمع و سائلة

SADSAD

2014-09-23, 20:53

السلام عليكم
اسمحولي انا مش مسجلة ودخلت باسم بابا
عندي سؤال انا اليوم درت قاطو وكي جيت نعملو القلاصاج تاع الشوكو ماخرجتليش جاتني تتلصق وما يبستش قاع حتى كي درتها في الفريزر :(
كي ندير حتى نخلي الشوكو تيبس وتولي صلبة بعد القلاصاج ؟؟؟؟؟ انا درت الشوكو لي تجي في علبة وزدتلها الحليب والكاكاو وشوي زبدة
وشكرا