gelatine gelatine gelatine gelatineeeeeeeeee

[الفراشة.الأسيرة]

http://www.up.djelfa.info/uploads/136372534204541.jpg


السلام عليكم أحبائي وأعزائي أود الاستفسار عن الجيلاتين gelatine ولي نستعملوه في المطبخ العصري بكثرة أنا حابة نفهم إلا كان النوع الي يستعمل في الجزائر حلال و أريد أن اعرف مكان بيعه لأنو هنا في قسنطينة بحثت كثيييييييييررررررررررررراااااااااا و لم أجده أبدا أرجو المساعدة لأني بحاجة اليه


http://www.up.djelfa.info/uploads/136372546012021.jpg

[ام عبد الحق]

لااعرفه ولم استعمله قط في مطبخي

[yara djoumana]

السلام عليكم يا اختي انا ثاني نشوفو يستعملوه بكثرة في مطبخ فتافيت غير ما نعرف موجود في الجزائر ولا لا انشاء الله يعاونوك لبنات الي ممكن يكونو استعملوه

[fari gimo]

السلام عليكم اختى الكريمة انا من قسنطينة و وجدت الجيلاتين يباع على شكل اوراق مثل اللتي في الصورة في محل لبيع مواد التغليف للحلويات ب المدينة الجديدةو ثمن الورقة الواحدة 50 دج

[miriem.sousou]

salut mes soeur oui il ya en algerie tu la trouve chez les commercents qui vondents les truc de gateaux je la fait souvent

[manal01]

احنا عندنا بولاية ادرار يبيعوه على شكل اوراق وعلى شكل بودرة وسولت على الكيلو قالي يتباع ب 700 دج مي انا شريت قرابة 100دج لاباس بيها الكمية استعملتوا في التشيز كيك

[mereyoucef]

انا اخواتي نسكن في العاصمة و رحت مول الحلوى في حسين داي قالي نانبيعوش لاخاطر راهو حرام و ماكانش منها حلال لاخاطر الحلال يخدموه بالتفاح و راهو 400 الف للكيلو شكون يشريه عليا قالي روحي للانترنت و شوفي فتاوى شيخ فركوس قالي انا منبيعوش و روحي اشريه من بلاصة واحدة اخرى من تم بطلت مانشريهش كامل

[ام محمد فارس]

السلام عليكم.......انا سمعت بلي حرام و مرة شفت فديو يقول انو الجيلاتين مصنوع من الخنزير لذا لا اريد ان استعمله

[marwa2015]

السلام الجيلاتين نوعين البودرة و الاوراق ويستعمل خاصة في الشيز كيك و الديسير و الكريمات وزن الورقة الواحدة 2 غ يدوب اولا في الماء البارد ثم يضاف للكريمة مثلا. يباع عند محلات بيع الحلويات

[hamsa1987]

أنا نظن بلي البودرة ماشي تاع الخنزير على هاذيك الجزائر تستوردها لكن تاع الورق ما فسهاش لامان

راهو كاين منتوج جديد و حلال مستخلص من الطحالب اسمو agar agar

[ام طيب]

السلام عليكم أختي لما لا تصنعينه في البيت هدا خير.

[Nadjwa270]

ma houche hlal, parceque la poudre moustawrada min lkharedj
w houwa massnou3 min lahm lkhanzir

[عطوفة]

اختي اخطيك من هذا الجيلاتين احسن ..تقدري ما ديريهش ماهوش لازم ..

[أنواار الإيماان]

شريت مرة واحدة 50دينار للورقة ومكتوب في العلبة الورقية لي عند البائع حلال والمصدر تركيا وللامانة انا اشتريتها ولم استعملها

[jackin]

http://www.youtube.com/watch?v=5Z4TMN54yIk

[ام عبد الحق]

مادامو حرام ماعندا ما نديرو بيه ولعندها طريقة اخرى لصنعه فلتضعها و ربي يجازيها كل ما تتمناه وmerciiiiiiiiiiiiiiiiiiiiiiiiiiiii

[ليلى القسنطينية]

يا اخواتي عندي استفسار فقط
هل الجيلاتين هو لا جولي ام لا مختلفين على بعضاهم ؟

[كاميلا]

اختي راهو كاين وشريتوا قداش من مرة شوفي القصبة rue de chevaliet كي تجي طالعة عند واحد في زنقة دخلانية يقولولو السوداني "حانوت السوداني " لكان تعرفيه راهو عندوا جيلاتين بودر حلال من الابقار

[كاميلا]

يا اخواتي عندي استفسار فقط
هل الجيلاتين هو لا جولي ام لا مختلفين على بعضاهم ؟

الجيلاتين مستخلص حيواني او نباتي عبارة عن مادة هلامية على دهنية نوعا ما توجد في الحيوانات وتكون اما بودر او صفائح في الخارج يستخرجوها من الخنزير وهنا من الابقار حتى اللي تجي من الخارج بالرغم من انها من ابقار فهي حرام لانه هوما ميدبحوش راهم يصرعو

[fatiha behilil]

يوجد هناك نوعان من الgelatine الحلال و الحرام
أما الحلال فهو مصنوع من البقر و أما بالنسبة للحرام فهو مصنوع من جلد الخنزير و عظامه
اشتري ما يكتب فوق العلبة كلمة " حلال " و شكرا,

[ilhemdetlemcen]

اختى شفت طباخ فى فتافيت قال بلى الجيلاتين غبرة نباتى و لى على شكل بلاستيك شفاف مصدره حيوانى ادن ااستخدمى البودرة و ما تخافيش لانه من النبات مهما كان نوعه ومتوفر فى محلات بي ع لوازم الحلويات

[« أبْجَدِيَّاتْ »]

وعليكم السّلام و رحمة الله

نصيحة لوجه الله أختي : دعيكِ من الجيلاتين.. تفادي استخدامها تماما في مطبخك
لأنّ الأمر مش مسألة حلال أو حرام فقط . الجيلاتين سواء كانت بودر أو رقائق فهي في الأصل
مصنوعة من ( البقايا الشّحميّة ) للحيوانات التي تتخلّص منها المصانع بتحويلها إلى جيلاتين .
يعني سواء كانت حلال أو حرام، فهي في الحالتين عبارة عن ( فضلات ) أكرمكِ الله .
وأيضا ماكانش جيلاتين من بقر اسمها "حلال"، هاذي ماكانش منها في الجزائر
لأنّ الجيلاتين أولاً تُصنع في الدول الغربية، والدول الغربية ما تذبحش الأبقار كيما حنا،
ومعظم الأبقار الموجَّهة لصناعة الجيلاتين في الحقيقة هي المصابة بمرض جنون البقر
ما يلقاو كيفاش يتخلّصو منها، يروحو يخدمو بعظامها جيلاتين . و مبعد يدسّوهو في أسواقنا
تحت مسمّيات خدّاعة : ( جيلاتين حلال ) .

أختي لو كان صادفتي وصفة فيها جيلاتين، انا ننصحك باستعمال مادة agar agar
لأنها جيلاتين نباتية مخدومة من الطحالب الحمراء ، نظيفة و حلال و موجودة تلقايها
عند بائع الحلويات . قوليلو فقط اعطيني جيلاتين نباتية واذا لقيتي على العلبة مكتوب :
Ceambloom 3240 معناها راهي agar-agar .

موفقة ان شاءالله

[لميس اميرة]

كيفاش الجيلاتين البقري حلال

و أصلا لما البقرة تذبحت هاذا اذا ذبحت لم يذكر عليها إسم الله و لم تذبح وفق الشريعة

و الرسول الكريم يقول فالحديث فيما معناه اتقوا الشبهات ما استطعتم ما ظهر منها و ما بطن