استفساااااااااار عااااااااااااااااااااااجل انا بالانتضار

[احلى حياة]

السلام عليكن اخواتى

من فضلكن حبيت نعرف كفاش يجينى اللوز غبرة كى نرحيه حبيت نخدم بيه عجينة اللوز بصح محرجليش غبرة

وسؤال تانى على الكوكاو ادا نقدر نرحوه هو تانى غبرة كما اللوز وهل يصلح لعجينة اللوز الرجاء مساعدتى فى اقرب وقت عندى مناسبة ورانى نصنع فى الحلوى بارك الله فيكن

[احلى حياة]

يعنى ولا وحدة تعرف معلهش ننتضر الاخوات يدخلو ويجاوبونى

[titina]

مساء الخير أختي
ربي يدوم افراحكم

ممكن انك تزيديلو شوية سكر وارحيه بيه

[sbmwhadz]

لازم ترحيه في ألأول وحدو و تحاولي تسيريه مليح من بعد ديريلو الكيلة اللازمة تاع سكر رطب glace ثم ارحيه على دفعات يعني شوية شوية و إذا لزم زيدي سيريه و شوفي النتيجة إذا شفتي لام يترحى أكثر افعلي هذه طريقتي و ان شاء الله تفيدك

[muslimone]

ممكن آلة طحن الحبوب كالقمح والبن تقدر ترحيه لأني لما نجرب نرحي الكوكاو يخرج زبدة كاوكاو مش غبرة
الله يعاونك لربما راجع لنوع الرحاية

[مولات الدار]

السلام عليكن اخواتى

من فضلكن حبيت نعرف كفاش يجينى اللوز غبرة كى نرحيه حبيت نخدم بيه عجينة اللوز بصح محرجليش غبرة

وسؤال تانى على الكوكاو ادا نقدر نرحوه هو تانى غبرة كما اللوز وهل يصلح لعجينة اللوز الرجاء مساعدتى فى اقرب وقت عندى مناسبة ورانى نصنع فى الحلوى بارك الله فيكن

باه يجيك غبرة استعملي مقدلر السكر مشي الرطب ولكن لحرش تاع القهوة هو يساعد في الطحن وطولي بالك عليه وفي كل مرة سيري وأعيدي الطحن دون اضافة السكر رحى القهوة مليحة لطحن اللوز

[الفراشة.الأسيرة]

والله يا حبوبتي أنا ننصحك أنك ترحيه عند الرحى أو لي يرحي و يبيع المكسرات قوليلو نحتاجو لعجينة اللوز أنا بصراحة كم من مرة نعملها في البيت ما تصلحليش و حتى لو أني نعاودو مرات و مرات و زيد على هدا متعبببببببببببببببب بزاف ربي يدوم أفراحكم

[sbmwhadz]

كما يعلم الجميع ان الكاوكاو من البقوليات مثله مثل العدس والحمص

ولمعالجته نتبع النصائح التالية:

الخطوة الاولى: نقوم باشعال الفرن على درجة حرارة عالية حوالي05دقائق م نطفيء عليه
ونكون في نفس الوقت وضعنا كاوكاو في صينية الفرن ندخله ونتركه

ثانيا: بعد مدة ننزعه من الفرن نجد ان القشرة سهلة النزع ننزعها كلها بحيث نتحصل على حبات كاملة

ثالثا نقوم برحيه حسب الرغبة رقيق متوسط خشين
رابعا: نفرش ورقة جريدة ونضع فوقها كاوكاو ونضيف له قشور ليمون (زاست القارص) ونقلبه جيدا لكي يتداخل مع بعض
بد حوالي دقائق ستلاحظين ان ورقة الجريدة فيها زيت برافو انه زيت الموجود فالكاوكاو
وكرري عمليه تبديل ورقة جريدة كلما وجدتها مزيتة كثيرا
الصورتين توضح دالك
http://im24.gulfup.com/2012-07-04/1341389464671.jpg

http://im24.gulfup.com/2012-07-04/1341389465762.jpg



خامسا قد تتركينه لمدة 05ايام او اقل حسب نوعية كاوكاو الدي عندكي

سادسا :سبب فشل اغلب وصفات التي تحضر بالكاوكاو هو زيت الموجود فيه يرجعها صلبة ضربيها للحيط ترجع ههههههه

سابعا نكهو كاوكاو كيما تحبو سواء باضافة قرفة او فانيلا او عطر اللوز او الجوز


منقول |أيضا في الطريقة هذه استعمل ورق الجريدة عوضيه بالورق الماص الذي نستعمله في المطبع أحسن
لأن الذي يجعل الكاوكاو يتعجن كثرة الزيوت اللي فيه
أتمنى أن أكون قد أفدتك

[احلى حياة]

شكرا لكن اخواتى بارك الله فيكن كنت متاكدة انكم راحخ تفيدونى جزاكم الله خيرا

[kakinova]

الاول فحطي الكوكاو او اللوز نتاعك يفور ثم نشفيهم في الفرن على درجة حرارة منخفضة 100 و من بعد حطيهم فالشمس حتى يجف مليح و ارحيه في رحاية القهوة مع سكر حرش كل مرة حطي ملعقة
و ما تحطيش كمية كبيرة درفعة وحدة و كل ما ترحي غربلي و عاودي ارحي الخشين

و لما تشوفيه طلق الزيت نتاعو استعمليه لقاطو آخر

او اديه للرحاي لعدنو الرحاية الكهربائية لكبيرة وصيه ينفضها مليح حتى ما تجيكش فيه ريحة الكسبر و التوابل و القهوة و يرحيلك عادي

[ام رمزى]

اختى اذا كنتى ريحة تعملى بيه الفواكه ان دايما نعملها بهذه الطريقة 2 كيلات لوز +كيلة سكر رطب و ارحيهم فى الروبو و اذا كنت رايحة تستعملى الكوكاو نفس الطريقة ولاكن باضافة عطر اللوز و النتيجة رائعة يجيك رطب بزاف كيمة تحبيه