بطاقة تعريف خياطات امنتدى الجلفة

[sarra5]

السلام عليكم

اليوم ما جاياش باه نعاتب او نلوم هههه

اليوم حابة نعمل تصفية

ماشي تصفية مياه ههههه

يعني classement باه نعرفو بعضانا مليح

كل واحدة تدخل وتقرا موضوعي امانة عليها ترد

تغيضني كي نلقا عدد المشاهدات اكثر من عدد الردود

لا للانااااااااااااااانية

المهم

كل واحد تدخل تعمر ال dossier

خياطة ماهرة

خياطة محترفة

خياطة مبتدئة

او مشروع خياطة قادمة كيفي هههه

متى بداتي مشوار الخياطة؟

ماهي الصعوبات الي واجهتكي فيها؟؟

ماهي الصعوبات الي مازالت تواجهك لحد الان في هذا المجال؟؟

ماهو اول شيء قمتي بخياطته؟؟

كيف كان اول ماقمتي بخياطته _ جيد ام سيء؟؟

واخيرا نصيحة للي حابين ينضمو لهذا المجال مثلي ؟؟؟


لازم كامل تجاوبو sinon ماكان لا سكنة ولا خدمة ههههه


انواع رائعة ومنتقاة خاصة باعضاء منتدى الجلفة
http://www.gulfup.com/?j9bA9I

[Oum danIne]

سلام ختي، أنا غير كما بديت و الحاجة الأولى لي درتها هو كول كروشي تع الأخت amira و تفصيل القماش تع الأخت ghalemm ربي يبارك فيهم و خرجت لي لا بأس المهم merci pour tt vos efforts les filles

[sarra5]

سلام ختي، أنا غير كما بديت و الحاجة الأولى لي درتها هو كول كروشي تع الأخت amira و تفصيل القماش تع الأخت ghalemm ربي يبارك فيهم و خرجت لي لا بأس المهم merci pour tt vos efforts les filles

الله يبارك عليك

انا ماعملت والوا حتة نتعلم اكثر

بصح ماتديش السكنة ماجاوبتيش على الاسئلة هههه

[LAMIA TEFFAL]

السلام عليكم
اول حاجة شكرا لك على الموضوع لانها فكرة مليحة باش تستفيد من بعض
اما عن تصنيفي والله انا الان اعتبر نفسي مبتدئة في مجال الخياطة قبل كنت مع امي وهي لي كانت تفصلي وانا خيط كما اني نخدم البلوزة اي صدر واحيانا نرشم وحدي ابتكار هههههههه وكنت كي يعجبني قفطان او بدعية او اي مودال نرسمه على ورقة المهم انا نحب نخيط ولكن عندي عقدة المقص وتاني جاحة انا تعلمت كروشي الحمد لله والسموك واشغال يدوية ,والان راني نتعلم سموك الملابس راح نحط موضوع ان شاء الله عنه اما عن انجازات فكتيرة بدعبات بلايز طبليات بيجامات مخايد
الكروشي قبعات قفازات وجوارب ومفارش كيما قلت عن الصعوبات عندي عقدة المقص يعني حاليا راني نفصل وحدي ولكن لي فقط ههههه
انا الحمد لله عندي سكنة خصني خدمة وراك شفت c v تاعي ههههههههههههههه
بالتوفيق للجميع

[wafaachal]

السلام عليكم عجبتني الفكرة اختي شكرا
1انا خياطة ماهرة
2 بدءة اتعلم في سنة 1998
3 لم اجد المال لشراء القماش لاتعلم لكن ساعدتني استاذتي في الخياطة ***كنزة*** ولها الف شكر
4 الحمد لله ليس عندي صعوبات
5 خيطة سروال بادي ليفو لاختي
6 جيد
7 تعلمي الاتقان من الاول باش تمشي عليه يدك وكرري العمل حتى تصلي اليه.
حبيت نضيف حاجة انا هوايتي الخياطة تحصلة على ديبلوم في الطرز هو الاول ومن بعد ديبلوم في الخياطة المختلطة وبعدو ديبلوم في الخياطة الجاهزة.

[sarra5]

الله يبارك عليكم انا مانبانش في وسطكم

ان شاء الله نتعلم كيما نتوما

[wafaachal]

واش وانا تمديلي السكنا ولا لا لا الووووووووووووووووووووووو هههههههههه

[ام معتز21]

انا خياطة مبتدئة _اول حاجة خيطتها قندورة ليا وكانت مقبولة مع الاستادة تاعي حدى ربي يحفضها و عندي طموحات كبيرة في هاد المجال ولكن تواجهني بعض الصعوبات (في اول الامر كنت نسكن في منطقة معزولة ماقدرتش نطور الخدمة تاعي وبعدها تزوجت اانجبت والتربية والزواج اداو معضم وقتي . المهم انا عني موهبة حقيقية اعطاهالي ربي نحمدو اعليها والان انا نعاني كي نشوف بزاف حوايج نعرف نخدمهم وما نقدرش خاصة وانا ماكثة بالبيت و ما نخرج ما نحتك بالناس بزاف المهم مانطولش الكلام عليكم و نقول سبع صنايع االبخت ضايع في ما يخص الموهبة طبعا )

[sarra5]

وفاء راني ندرس في السيفي تاعك هههه

ام معتز ماحقش عليك تدفني موهبتك

ماتقوليش الوقت والدراري

والله ماتخلاص معاهم

ديري خرجة كل اسبوعين اشري فيها واش حابة من مستلزمات الخياطة واذا ماعرفتيش البنات هنا يقولولك على كلشي سقسيهم برك

[wafaachal]

بتوفيق اختي نحب نقول للاخت ام معتز موهيبتك عمرها ما تموت او تروح انت متزوجة و العائلة هي الاهم لكن حاولي تنظمي وقتك واذا خصوك حوايج باش تخدمي وصي اي شخص تشوفيه يعرف او كي تروحي لداركم اشري انا لا اعرف ضروفك لكن الموهبة تتحدا كل شيييييييييييي
انا مانيش متزوجة لكن ما نحبش نخرج كرهت الخرجة كي تخصني حاجة نبعث كاش وحدة تشريلي

[fifiarch]

مساء الخير اختنا سارة

خفت من تهديداتك
:1::1::1:

جيت نجري نعمر في الاستمارة
;););)

وان شاء الله نفيدكم باجاباتي


انا عن نفسي مشروع خياطة قادمة

متى بداتي مشوار الخياطة؟

كنت صغيرة نخيط للدمية نتاعي والخياطة صح مارستها بعد التخرج نتاعي من الجامعة

ماهي الصعوبات الي واجهتكي فيها؟؟

صعوباتي في القياسات دايما ماتكونش مضبوطة صح
وتان في التعامل مع مشينة الخياطة
نتقلق ياسر كي تبدا تعند معاي

ماهي الصعوبات الي مازالت تواجهك لحد الان في هذا المجال؟؟

مشينة الخياطة ماتخيطش كل انواع القماش لازمها تصليح

ماهو اول شيء قمتي بخياطته؟؟

اول حاجة خيطتها هي قندورة نتاع صيف

كيف كان اول ماقمتي بخياطته _ جيد ام سيء؟؟

اول شيء كان ممتاز فقط غلطت في وسع الرقبة وسعتها ياسر مي تداركت الامر وصلحتها وبقيت نلبس في القندورة صيف كامل
:19::19:

واخيرا نصيحة للي حابين ينضمو لهذا المجال مثلي ؟؟؟

نصيحتي لكل اخت تحب تتعلم الخياطة
انو تكون صبورة
ويكون عندها خيال باه تقدر تدير الباترون في راسها لاي مودال شافاتو
لانو الكثيرات ما يقدروش يقراو الخياطة في مراكز متخصصة
مالا لازم يكونو مجتهدات شوي

وتانا اتقان الخدمة احد اهم العوامل في نجاح العمل

ماننساوش التروي باه تخرج الخدمة مليحة
:cool::cool::cool:


بالتوفيق ليكم جميعا

[kamilia-18]

السلام عليكم اخواتي الاعزاء

مشكورة اخت سارة على هذا المبادرة الطيبة اللي تخلي كل وحدة تحكي على تجربتها مع الشيء الي تحبو سابدأ بملئ الاستمارة على بركة الله

انا اعتبر نفسي خياطة مبتدئة

متى بداتي مشوار الخياطة؟

من ايام قليلة

ماهي الصعوبات الي واجهتكي فيها؟؟

المشكل الاول في المشينة كل منجي نخيط القدام ترجعلي الخياطة للوراء طولت باش تعودت ههههههه متضحكوش عليا هذي الخياطة الجديدة

ماهي الصعوبات الي مازالت تواجهك لحد الان في هذا المجال؟؟

مازلت منعرف والوا راني غير وحدة وحدة بصح ربي يخليلنا عضوات المنتدى الي مهمش مقصرين في تعليم المبتدئات اللي كيما حالتي

ماهو اول شيء قمتي بخياطته؟؟

مخايد

كيف كان اول ماقمتي بخياطته _ جيد ام سيء؟؟

لاباس مع انو شيء سهل جدا بالنسبة للخياطة العادية

واخيرا نصيحة للي حابين ينضمو لهذا المجال مثلي ؟؟؟

والله ننصحهم يواصلوا وميملوش لأنو كي تكمل الحاجة اللي تخيطيها تفرحي بيها وتنساي التعب حتى ولو منجحتيش في خياطتها لكن تحسي انك انجزتي وهذا واش نحس انا

[stayfiya]

السلام عليكم

صحيتو يا لبنات واش هذا بحث في فائدة العائلات ولاَّ هههههههه
باسم الله نداو في تعما استمارة لجنة السكن ههههه
اولها نحيي ختي ساره كل مرة تخرجلنا خرجة تحرك فيها العضوات كامل

اليوم ما جاياش باه نعاتب او نلوم هههه

لا للانااااااااااااااانية :D:D:Dعجبتني هاذي
خياطة ماهرة

خياطة محترفة

خياطة مبتدئة
الجواب مكانش ربع خياطة :rolleyes: يعني ماني مبتدئة و ماني ماهرة ولا محترفة :confused:

او مشروع خياطة قادمة كيفي هههه ويي تقدري تقولي ;)

متى بداتي مشوار الخياطة؟ اوووو زدت على حس المشينة و كنت نقعد دايماً في طرف مّا و هي تخيط و كي كبرت شوي وليت نخيط للبوبيات و كي زدت كبرت وليت نحب نصمم من راسي و كل مرة كنت نحاول نفصل و نخيط الروب لي نرسمهم صح ما كانوش يجيو حاجة :rolleyes: بصح كنت نجرب برك و كنت نبدل روبة نتاع كبار نقلبها صغيرة و سروال نقلبو جيب ههههه و الله كانو يحطو الحاجة نطير بيها و كي زدت كبرت و دخلت للجامعة حبيت ندخل نتعلمها في وقت الفراغ و دخلت قريت بصح ماكملتش وشراولي مشينة ليا اووووو درت فيها رايي و بقيت نلم في لي كاتالوغ و الدروس نتاع لخياطة و ندور على الخياطات نقرعج ههههه و زدت شريت وحدة اندوسترياال واش نقلكم:19: و مازالني للضك و سيرتو زدت لقيت المنتدى هذا لصقت فيه هههه و الله نحب لخياطة و مهبولة بيها واش تحبو :D
ماهي الصعوبات الي واجهتكي فيها؟؟ وااالو الحمدلله
المشينة حبيبتي و نتفاهم معاها مليح و ماتشيطنيش مسكينة و نموووت على لمقص حتى هو يحبني
ماهي الصعوبات الي مازالت تواجهك لحد الان في هذا المجال؟؟ ماكان حتى صعوبة غير الوقت لي خايني
نسخف نحط نخيط و عندي غير يوم في السمانة برك قعاد :mad:
ماهو اول شيء قمتي بخياطته؟؟ ممكن تكون روبه نتاع دار ماشفيتش مليح

كيف كان اول ماقمتي بخياطته _ جيد ام سيء؟؟ هههههه مانكذبش اكيييييد كان ...يــــبهدل :1:

واخيرا نصيحة للي حابين ينضمو لهذا المجال مثلي ؟؟؟
نصيحتي لاكنتي تحبيها كملي حتي لافان وما تتراجعيش من اول مشكل يواجهك كيما يقولو لي يخاف من الطيحات عمرو و لا يركب و زيد كيما تقول مَّا اخدم خدمة وانساها يدور العام و تلقاها الحرفة مليحة في اليد لقراية سلاح بصح الحرفة خبزة و ماتدريش بلاك تقولي انا قريت و وصلت و الحرفة مايديرها غير لي ماعندوش نيفو ماتغلطيش روحك حاجة ماراهي مضمونة في الدنيا كيما بالنسبة ليا اني قارية و مخلصة و خدامةولاباس عليا ماديا و لخياطة راهي هواية بصح ممكن في المستقبل تولي هي مصدر رزقي واحد ماو ضامن روحو
وبالنسبة للي مزوجة و تربي تقدر تنقص بيها ماصاريف على زوجها
اااوه عيييت على حساب الجرنان لي كتبتو رايحة تمديلي شاطو نسكن فيه هههههه :1: هيا راني طولت سلاام

[هندة السوفية]

[QUOTE=sarra5;13340467]السلام عليكم
[COLOR="Green"]وعليكم السلام
اليوم ما جاياش باه نعاتب او نلوم هههه

اليوم حابة نعمل تصفية

ماشي تصفية مياه ههههه

يعني classement باه نعرفو بعضانا مليح

كل واحدة تدخل وتقرا موضوعي امانة عليها ترد

تغيضني كي نلقا عدد المشاهدات اكثر من عدد الردود

لا للانااااااااااااااانية

المهم

كل واحد تدخل تعمر ال dossier

خياطة ماهرة
ولله الحمد

خياطة محترفة

خياطة مبتدئة

او مشروع خياطة قادمة كيفي هههه

متى بداتي مشوار الخياطة؟
عام 1996كان عمري وقتها 16سنة
ماهي الصعوبات الي واجهتكي فيها؟؟
عام2001عندما بابا حب ايدخلني نقرأ أستاذة خياطة وأمي عارضة بشدة لان المكان بعيد علينا جدا
تقريب 20كلم
ماهي الصعوبات الي مازالت تواجهك لحد الان في هذا المجال؟؟
صعوبة التعامل مع بعض الزبائن لان العقول مختلفة اضافة الى عدم وجود عمل مستقر في التكوين المهني
ماهو اول شيء قمتي بخياطته؟؟
فستان تركواز ازرق فيه دوائر سوداء
وقتها كنت نقرأ في الليسي ولبسته تحت الحجاب اورحت انا او صاحبتي للمرحاض حاشاكم باش اتشوف الابداع
هعهعهعهعهعع
هوكان فستان بالقصة في الصدر كيف العجايز لكن بالنسبة لي كان اخمل فستان

كيف كان اول ماقمتي بخياطته _ جيد ام سيء؟؟
ويهبل هععهععهههههههههههههههههه


واخيرا نصيحة للي حابين ينضمو لهذا المجال مثلي ؟؟؟

الاصرار والتحدي لان العثرات فيه اكثر من النجاح
لازم كامل تجاوبو sinon ماكان لا سكنة ولا خدمة ههههه

موفقين
بحول الله
لكن وقتاش تخرج نتيجة الامتحان هععههههههههههههههههههههههههههه

[scorpionoir]

http://www.up.djelfa.info/uploads/136358665256011.jpg

اف اف اوف قلبي خرج سمعت جيت نجرييييييييييييي الحراير دات السكنة وانا روطاااااااااار
:dj_17: :19:
موضوع حطة ههههههههههههه

1- راني مبتداة برك .
2- عندي 4 شهر ملي شريت المشينة وبديت .
مي نفحة الخياطة عندها مدة في بالي
3- ماكان حتى صعوبات لحد الان والحمد لله.
-4من اوجاي مانعلافش مي كي نحصل الحراير تسلكني.
5- اول حاجة des housses pour matelat
6-جااااااااااااااااو يشبهو ملاح راني مدايرتهم على العموم.
7-نصيحتي لازم تكوني تحبي الخياطة و تتقنيها وماتعوديش تتقلقي على مكانش كي تفسد حاجة عادي حلي وعاودي .
هاااه عمرت الدوسي اكل وزتلك حتى ورقة المعريفة هي الاولى يعني ماعندك ما تقولي السكنة نديها نديها ههههههههههه .
السكنة لا لا انا عندي دار كون تعطيلي غير شالي نفوت فيه لي فاكونس برك .

سلامي وتحياتي للجميع.:1:

[OM ANES]

موضوع هاااااايل انا مانيش خياطة بصح حابة نتعلم وما لقيتش لي تعلمني مليح والمشينة شريتها من عند اختي باش نتعلم فيها باش كي نعود نعرف نخيط نشري ماشينة مليحة نشالله
هيا علموني باش نولي خياطة مليحة
مشكلتي هي اني نخاف مانحبش نفسد الحوايج ما نحب نجرب والو
بصح حابة نتعلم الخياطة نموت عليها ندمت لي ما تعلمتهاش كي كنت نقرا وضرك كي عدت مع الولاد وليت نلبس القنادر في الدار بصح ما نعرفش نخيط وحدي لازم الخياطة .......................
مالا علموني باش نحيط واش نحب ونقعد ندعيلكم طول ماني نخيط
علموووووووووووووني الخييييييييييييييييياطططططططططططةةةةة

[wafaachal]

السلام عليكم

صحيتو يا لبنات واش هذا بحث في فائدة العائلات ولاَّ هههههههه
باسم الله نداو في تعما استمارة لجنة السكن ههههه
اولها نحيي ختي ساره كل مرة تخرجلنا خرجة تحرك فيها العضوات كامل

اليوم ما جاياش باه نعاتب او نلوم هههه

لا للانااااااااااااااانية :d:d:dعجبتني هاذي
خياطة ماهرة

خياطة محترفة

خياطة مبتدئة
الجواب مكانش ربع خياطة :rolleyes: يعني ماني مبتدئة و ماني ماهرة ولا محترفة :confused:

او مشروع خياطة قادمة كيفي هههه ويي تقدري تقولي ;)

متى بداتي مشوار الخياطة؟ اوووو زدت على حس المشينة و كنت نقعد دايماً في طرف مّا و هي تخيط و كي كبرت شوي وليت نخيط للبوبيات و كي زدت كبرت وليت نحب نصمم من راسي و كل مرة كنت نحاول نفصل و نخيط الروب لي نرسمهم صح ما كانوش يجيو حاجة :rolleyes: بصح كنت نجرب برك و كنت نبدل روبة نتاع كبار نقلبها صغيرة و سروال نقلبو جيب ههههه و الله كانو يحطو الحاجة نطير بيها و كي زدت كبرت و دخلت للجامعة حبيت ندخل نتعلمها في وقت الفراغ و دخلت قريت بصح ماكملتش وشراولي مشينة ليا اووووو درت فيها رايي و بقيت نلم في لي كاتالوغ و الدروس نتاع لخياطة و ندور على الخياطات نقرعج ههههه و زدت شريت وحدة اندوسترياال واش نقلكم:19: و مازالني للضك و سيرتو زدت لقيت المنتدى هذا لصقت فيه هههه و الله نحب لخياطة و مهبولة بيها واش تحبو :d
ماهي الصعوبات الي واجهتكي فيها؟؟ وااالو الحمدلله
المشينة حبيبتي و نتفاهم معاها مليح و ماتشيطنيش مسكينة و نموووت على لمقص حتى هو يحبني
ماهي الصعوبات الي مازالت تواجهك لحد الان في هذا المجال؟؟ ماكان حتى صعوبة غير الوقت لي خايني
نسخف نحط نخيط و عندي غير يوم في السمانة برك قعاد :mad:
ماهو اول شيء قمتي بخياطته؟؟ ممكن تكون روبه نتاع دار ماشفيتش مليح

كيف كان اول ماقمتي بخياطته _ جيد ام سيء؟؟ هههههه مانكذبش اكيييييد كان ...يــــبهدل :1:

واخيرا نصيحة للي حابين ينضمو لهذا المجال مثلي ؟؟؟
نصيحتي لاكنتي تحبيها كملي حتي لافان وما تتراجعيش من اول مشكل يواجهك كيما يقولو لي يخاف من الطيحات عمرو و لا يركب و زيد كيما تقول مَّا اخدم خدمة وانساها يدور العام و تلقاها الحرفة مليحة في اليد لقراية سلاح بصح الحرفة خبزة و ماتدريش بلاك تقولي انا قريت و وصلت و الحرفة مايديرها غير لي ماعندوش نيفو ماتغلطيش روحك حاجة ماراهي مضمونة في الدنيا كيما بالنسبة ليا اني قارية و مخلصة و خدامةولاباس عليا ماديا و لخياطة راهي هواية بصح ممكن في المستقبل تولي هي مصدر رزقي واحد ماو ضامن روحو
وبالنسبة للي مزوجة و تربي تقدر تنقص بيها ماصاريف على زوجها
اااوه عيييت على حساب الجرنان لي كتبتو رايحة تمديلي شاطو نسكن فيه هههههه :1: هيا راني طولت سلاام

ربي يعاونك يا الفحلا كلامك حلو شكرا على صراحتك اختي سطايفية

[الصمت حكمة]

ما عنديش الوقت باه نجاوب على كل الأسئلة خاطر ضرك عندي صوالح بزاف، جاوبت خاطر هددتي كل واحدة تدخل و ما تردش و انا زعلك ما نقدرش عليه كيما يقولوا نحبك دايما زاهية انتي و جميع العضوات، و حاجة أخرى ما تعطوني لا سكنة لا خدمة علموني برك الخياطــــــــــــــــــــــــــــــــــــــــــــ ــــــــــــــة

[wafaachal]

هههههههههههههههههههههه نعلموك حتى تقولي اخطوني

[ايمان2009]

السلام عليكم كي تصفي لازم يكونوا الثقب تاع الغربال كبار شوي هههههههههههههه
ايا نبدا على بركة الله

1-انا نعتبر روحي خياطة محترفة وعندي أختي تقولي كذبو عليك كذبة صدقتيها وحسبتي روحك خياطة صح ههههههههههههههه


2-مشوار خياطتي بدا منذ نعومة اظافري انا زدت قدامي مشينة وابرة وخيط ورايا قرقاف وطومبورا هههههههههههههههههه
وهكا يعني بالوراثة

الصعوبات اللي واجهتني انه مشينتي مهبولة مرة تخيط عادي ساعات يحكموها الجنون تعودي تسوطي في القطيفة والبيزو بيزو ساعات تولي تضرب ضربة وتقطع الخيط ربي يهديها ويصلحها ههههههههههه بالاضافة الى اذواق الناس المختلفة انا خيطت لناس بزاف لكن كاين نوعية الله لايبلي بيها خياطة يجيبولك المودال كي تخيطيه وتكملي وتقولي او السعر كي يكون غالي مع انه السلعة هي الغالية وهم علابالهم يقولولك احكميهم ليك مانلبسوهمش هادي صراتلي الصيف اللي فات مع 3 اخوات تقول جاو محرشين عليا وحوايجهم لحد الان مخبيين عندي ربي ينتقملي منهم ويرجعلي حقي والله تعبت وشريت السلعة بالغلا وقالو قابلين ومبعد راحو وخلاوهم

والصعوبات اللي مازالت تواجهني لحد الان زوجي رافض اني نشري لاندوستريال يقولي حاجة زايدةوماش مهمة ماعلابالوش بلي هي حلم حياتي قبله هو ههههههههههه كون يسمع يذبحني هعهعهعهعهعهعهعهع

انا من بكري كنت نخيط للعرايس كي نلعبه بيهم و كي كبرت شوي بابا كان عنده سروال دجين درت منو جيبة ولبستها والله جات تهبل اما خياطة صح صح خيطت قندورة كتان لماما
اول حاجة خيطتها كانت هاديك القندورة مليحة غلطت درت الذرعين ضيقين لكن حليتهم من الفوق وركبتلهم الدونتال وزدت بهيتها بالدونتال في الرقبة باه ماتبانش ملفقة والله عجبتها وبقات تلبس فيها حتان رشات ههههههههه

نصيحتي للحبين يوليو خياطات لكان عندكم خواتاتكم بزاف ماكان لاه تريسكي والله يكرهوك في الخياطة وقت كامل وانت تخيطيلهم وزيد يتمشركو عليك هههه اني نتمسخر برك واللله حاجة مليحة الواحد يحكم بيها يدو الحاجة اللي يسخف عليها يلبسها من يده و نقصة مصروف الخياطة وتكسار الراس

اني كملت يا استاذة انا عندي سكنة وعندي خدمة محتاجة مشينة اندوستريال ههههههههههههه

[ام مريم اسراء]

انا عجبتني ياسر هاذ المبادرة الطيبة الي قامت بها الاخت sara و انا بصراحة مجرد هاوية او بالاحرى مبتدئة .... اول تجربة لي هي منذ الصغر كنت نخيط للدمية نتاعي وفي الكثير من المرات كنت ننسي الابرة و تدخل في الفراش و مرة على مرة تبيكي واحد من الدار خاوتي المشاغبين كانو كيحبو ينتقمو مني يحطو ابرة و يقولو .... اي :D و يحصلوها فيا حتان ندي عركة بالبليغة نتاع البلاستيك بونتور 40 و السبب الانتقام :confused: كبرت و ضربات لبليغة لم تقتل في حب الابرة و الخيط ولم تقتل كذلك نسياني للبرة في اي مكان ربي يستر :o المهم حبيت ندخل لمدرسة الفنون الجميلة لحبي لتصميم الازياء ( حينها لم اكن اعرف بوجود مدرسة ببن عكنون لتصميم الازياء ) و لما جبت الباك لكن الاب نتاعي رفض ذلك وصمم ان اكون محامية ......رحت للمحاماة وانا نغمضة عينيا :cool: و كنت حابة نخرج رسامة :34: ااااااااااااااااااااااه كملت الدراسة و تزوجت و رااني نحوس على الدروس نتاع الخياطة في النت اخيرا وافق زوجي على دخولي مركز التكوين و كنت لما نشوف جبة مخيطة نحب نعمل كيفهل و لما نشوف مسايا نهبل .... تنبهت لعدم جود دروس جدية تعلم الاخوات الصنعة .... و لقيت الانشغال عند الكثير من البنات اولهم الاخت سارة 5 قلت نعمللكم دورة و لما نتعلمو ادعولي .... المهم راني حابة نتعلم السواري ( الكورسي ) لكن تظل لاباز مطلوبة ..... النظري مهم ..... مناش عارفين يمكن نولو كما زهير مراد و الا عبد محفوظ و غيرهم مثل ام مريم ....... ههههه اه متنساوش تشجعوني راني مشتركة في مسابقة تصميم الازياء للاخ عمر و ليوم البرايم و اذا مخرجت نوميني نعطيكم السكنة تنتخبو ميييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[wafaachal]

انا عجبتني ياسر هاذ المبادرة الطيبة الي قامت بها الاخت sara و انا بصراحة مجرد هاوية او بالاحرى مبتدئة .... اول تجربة لي هي منذ الصغر كنت نخيط للدمية نتاعي وفي الكثير من المرات كنت ننسي الابرة و تدخل في الفراش و مرة على مرة تبيكي واحد من الدار خاوتي المشاغبين كانو كيحبو ينتقمو مني يحطو ابرة و يقولو .... اي :D و يحصلوها فيا حتان ندي عركة بالبليغة نتاع البلاستيك بونتور 40 و السبب الانتقام :confused: كبرت و ضربات لبليغة لم تقتل في حب الابرة و الخيط ولم تقتل كذلك نسياني للبرة في اي مكان ربي يستر :o المهم حبيت ندخل لمدرسة الفنون الجميلة لحبي لتصميم الازياء ( حينها لم اكن اعرف بوجود مدرسة ببن عكنون لتصميم الازياء ) و لما جبت الباك لكن الاب نتاعي رفض ذلك وصمم ان اكون محامية ......رحت للمحاماة وانا نغمضة عينيا :cool: و كنت حابة نخرج رسامة :34: ااااااااااااااااااااااه كملت الدراسة و تزوجت و رااني نحوس على الدروس نتاع الخياطة في النت اخيرا وافق زوجي على دخولي مركز التكوين و كنت لما نشوف جبة مخيطة نحب نعمل كيفهل و لما نشوف مسايا نهبل .... تنبهت لعدم جود دروس جدية تعلم الاخوات الصنعة .... و لقيت الانشغال عند الكثير من البنات اولهم الاخت سارة 5 قلت نعمللكم دورة و لما نتعلمو ادعولي .... المهم راني حابة نتعلم السواري ( الكورسي ) لكن تظل لاباز مطلوبة ..... النظري مهم ..... مناش عارفين يمكن نولو كما زهير مراد و الا عبد محفوظ و غيرهم مثل ام مريم ....... ههههه اه متنساوش تشجعوني راني مشتركة في مسابقة تصميم الازياء للاخ عمر و ليوم البرايم و اذا مخرجت نوميني نعطيكم السكنة تنتخبو ميييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عجبتني قصتك اختي

[نور المستقبل]

يعطيكم الصحة يابناتهكذا خلاتكم سارة تحكو قصص انا شاك راح الدير فيلم دراما وتخير اللي يعجبها هههههههههههههههههه راني عير نضحك امعاكم
متى بديت مشوار الخياطة؟
كنت نكره الخياطة ونحير فالناس اللي يخيطو ونحب الحلاقة اكثر ماتتصوري بالرغم كانت اختي تخيط كانت عندها مشينة وانا مشينة اخرى منحب انشوفها ولا حتى نطل عليها في يوم من الايام فتح مصنع للملابس العسكرية سجلت فيه تم القبول عامين هم يدرسوا لينا جابو احسن مدرسين من الجزائر بصح اختك تدخل من الاذن اليسرى تخرج من ايمنى بصح التطبيق كنت هايلة فيه المهم تقدري تقولي نخيطو بلا فصالة تعلمت الابسة الجاهزة نركبها مليح كي تعود مفصلة على يد خبير موش فصالة عشوائة تزوجت قعت فالدار جبت الاولاد نسيت مخبرتكش المشينة اديتها معايا كي نشوفها مغلوقة نتحسر اول قندورة خيطها قندورة نتاع الكتان دخلت فيها دخلة قولهاش متحلفة فيه والله لحد الان نص خياطة كي كبرو بناتي شوية قريت عالحلاقة بوهران في مدة بسيطة اخذت ديبلوم جيد جدا كي رجعت لمسقط راسى كنت مع زوجي كان يعمل هنك متخفيش نجاوب على كل اسئلتك متعطليش السكنة فتحت صالون للحلاقة بطبيعة الحال ميكنوش زبائن في الاول واش اندير واناقاعدة وحدي والوقت يضيع دخلت لجمعية نتعلم لفصالة نهار تجي عشرة لا وليت حبست بصح عرفت القاعدة الاساسية وبديت نفصل حوايجي ونخيطمن بعد ماتحسنت عادو زبائن الحلاقة تعجبهم لخياطة ولقيت نفسي نخيط لناس بلا ماندري
ماهي الصعوبات التي واجهتكي
من ناحية المشينة معنديش غير كي تحبس ميعرفوش يصلح شيطونيييييييييييييييي ااوالى مازالت تواجهني نحب نتعلم نخرج باترون على قاعدة صحيحة نحب نتعلم كل مايتعلق بلخياطة من ا الى ياهذا هو المشكل الكبير وراه وراه حتى نحل
واخيرا نحب ننصح كل واحدة عنها ولو 1في100رغبة في الخياطة تصبر البداية دايما صعيبة صدقوني بمجرد ماتتعلمو مليح تلقاي كلش ساهل لازم تتعبو باش توصلو وترتاحو اللي يكون عندها وقت تنميه بالتطبيقات ولي تعرف حاجة توريها لاختها ممتقليش راني نقر ونخرج طبيبة او او
المهم تعلمي وتركي خاصة انتم يابنات ياصغار ادخلو احسن معاهد خيرو الالبسة الجاهزة باش تكوني قادرة على كل انواع الخياطة والفصالة
قبل ما نخليكم على خير راني مشركة في المسابقة احسن تصديرة اليوم تضهر التصاميم ياربي نقدرو نطبقوها ادعولي اصوتو بضمير شكرا للجميع

[نور المستقبل]

سارة لازم نحكمو عليك تحكيلنا حكايتك ولا نخرجوك برا المنتدى نغلق عليك الزيارة حتى تنساي لخياطة ههههههههههههه

[sarra5]

مشكورين يا بناااات يا حلواااااااات

راني بعثت la demande لوزير السكن

راهي خابزة بصح الخدمة ماتعولوش البطالة دايرة حالة على حساب الشوفة هههه

نور انا ماعندي حتى حكاية جات في راسي نتعلم خياطة ورايحة نسجل في البريفي

طبعا نحب نخيط من وانا صغيرة

كانو les poupeés de barbies نحب نخيطلهم عملتلهم بزااف حوايج ملاح

لكن الخياطة تاع الصح جامي عملت حاجة راني نتعلم من المنتديات ومن دروس ام مريم حتى ندخل نتعلم

[wafaachal]

هههههههههههههه يتسما هفيتينا بصحتك السكنة

[kadikirou]

المهم

كل واحد تدخل تعمر ال dossier

خياطة ماهرة

خياطة محترفة

خياطة مبتدئة ana khayata mobtadi'a

او مشروع خياطة قادمة كيفي هههه

متى بداتي مشوار الخياطة؟hawali 3 sanawat

ماهي الصعوبات الي واجهتكي فيها؟؟wajahatni so3obat fi tafsil w la finition

ماهي الصعوبات الي مازالت تواجهك لحد الان في هذا المجال؟؟la finition mais al hamdouleh fark min li bdit hata al dork

ماهو اول شيء قمتي بخياطته؟؟al katir min al achya nsit exact

كيف كان اول ماقمتي بخياطته _ جيد ام سيء؟؟sayi'a
asabr w mouhawalat itkan al "amal hata yaslahlak

w bi tawfik liljami3

[وصال7]

انا خياطة مبتدئة ابى خياط وكان عندو مصنع للخياطة وكان لباس العيد كله من تصميمه لاكن للاسف حبس المهم ملى كنت صغيرة والماكنات بمختلف انواعها فى محيطى بيعت كلها وبقات واحدة للاستعمال المنزلى معنديش مشكل فى الخياطة نخيط ولاكن شوية صعوبة فى التفصيل امع العلم ان ابى مختص فى ملابس الاطفال والرجال الكلاسيك جبت من دارنا باترونات *بوغدا *بصح معقدين بالنسبة لمبتدئة المهم اول شىء خيطتو هو جبة لبنتى يعنى جات شابة تم مباشرة لشورة* التحدى*ومنقوللكمش جات روعة
الصعوبات هو طريقة التفصيل خاصة ونخاف الساتان فى التفصيل والخياطة شكرا

[stayfiya]

ربي يعاونك يا الفحلا كلامك حلو شكرا على صراحتك اختي سطايفية

ربي يخلييك وفا ختي والله هاذي هي العقلية في الصح ولا في النت :1: مانحبش نتكلف بزاف ههههههه ونحب كامل الناس يكونو نورمال

[ام شاهين]

انا خياطة مبتدأة خيط كروشي وقنادر تل كي كان في عمري 18 سنة ومن بع ترك كل شئ و اريد العودة . عندي افكار يستفيدو منها اخواتي لأنهن كلهم خياطات المشكلة ما عنديش الوقت

[LAMIA TEFFAL]

السلام عليكم كي تصفي لازم يكونوا الثقب تاع الغربال كبار شوي هههههههههههههه
ايا نبدا على بركة الله

1-انا نعتبر روحي خياطة محترفة وعندي أختي تقولي كذبو عليك كذبة صدقتيها وحسبتي روحك خياطة صح ههههههههههههههه


2-مشوار خياطتي بدا منذ نعومة اظافري انا زدت قدامي مشينة وابرة وخيط ورايا قرقاف وطومبورا هههههههههههههههههه
وهكا يعني بالوراثة

الصعوبات اللي واجهتني انه مشينتي مهبولة مرة تخيط عادي ساعات يحكموها الجنون تعودي تسوطي في القطيفة والبيزو بيزو ساعات تولي تضرب ضربة وتقطع الخيط ربي يهديها ويصلحها ههههههههههه بالاضافة الى اذواق الناس المختلفة انا خيطت لناس بزاف لكن كاين نوعية الله لايبلي بيها خياطة يجيبولك المودال كي تخيطيه وتكملي وتقولي او السعر كي يكون غالي مع انه السلعة هي الغالية وهم علابالهم يقولولك احكميهم ليك مانلبسوهمش هادي صراتلي الصيف اللي فات مع 3 اخوات تقول جاو محرشين عليا وحوايجهم لحد الان مخبيين عندي ربي ينتقملي منهم ويرجعلي حقي والله تعبت وشريت السلعة بالغلا وقالو قابلين ومبعد راحو وخلاوهم


والصعوبات اللي مازالت تواجهني لحد الان زوجي رافض اني نشري لاندوستريال يقولي حاجة زايدةوماش مهمة ماعلابالوش بلي هي حلم حياتي قبله هو ههههههههههه كون يسمع يذبحني هعهعهعهعهعهعهعهع

انا من بكري كنت نخيط للعرايس كي نلعبه بيهم و كي كبرت شوي بابا كان عنده سروال دجين درت منو جيبة ولبستها والله جات تهبل اما خياطة صح صح خيطت قندورة كتان لماما
اول حاجة خيطتها كانت هاديك القندورة مليحة غلطت درت الذرعين ضيقين لكن حليتهم من الفوق وركبتلهم الدونتال وزدت بهيتها بالدونتال في الرقبة باه ماتبانش ملفقة والله عجبتها وبقات تلبس فيها حتان رشات ههههههههه

نصيحتي للحبين يوليو خياطات لكان عندكم خواتاتكم بزاف ماكان لاه تريسكي والله يكرهوك في الخياطة وقت كامل وانت تخيطيلهم وزيد يتمشركو عليك هههه اني نتمسخر برك واللله حاجة مليحة الواحد يحكم بيها يدو الحاجة اللي يسخف عليها يلبسها من يده و نقصة مصروف الخياطة وتكسار الراس

اني كملت يا استاذة انا عندي سكنة وعندي خدمة محتاجة مشينة اندوستريال ههههههههههههه

مرحبا اختي اعجبتني حكايتك ومشورارك الاحترافي خاصة بعض التفاصيل:
(انا خيطت لناس بزاف لكن كاين نوعية الله لايبلي بيها خياطة يجيبولك المودال كي تخيطيه وتكملي وتقولي او السعر كي يكون غالي مع انه السلعة هي الغالية وهم علابالهم يقولولك احكميهم ليك مانلبسوهمش هادي صراتلي الصيف اللي فات مع 3 اخوات تقول جاو محرشين عليا وحوايجهم لحد الان مخبيين عندي ربي ينتقملي منهم ويرجعلي حقي والله تعبت وشريت السلعة بالغلا وقالو قابلين ومبعد راحو وخلاوهم)
فعلا هده النوعية تكرهك في الخياطة انا سلمت المشينة والخياطة للاختي من بعدي انا بعد الزواج مانيش نخيط خاصة انا في غربة نخيط حاجة تعجني لي ولداري بصح عندي رغبة في بدأمن جديد مع ناس غيرنا وتقافة غير

[ايمان2009]

انا خياطة مبتدأة خيط كروشي وقنادر تل كي كان في عمري 18 سنة ومن بع ترك كل شئ و اريد العودة . عندي افكار يستفيدو منها اخواتي لأنهن كلهم خياطات المشكلة ما عنديش الوقت

شكرا لك اختي ام شاهين والله افكارك خلابة ورائعة ومودالاتك كلها هايلة نشكرك ونشكرك من صميم قلبي ربي يوفقك في عملك وبيتك صح صعيبة الواحدة نهار كامل وهي تخدم تزيد تروح للدار مع شغل البيت وتربية الاولاد وانت عندك التوأم ربي يعيشهملك انا بواحد ومانيش قادرة انت نحييك تحية خاصة وربي يقدرك

[ايمان2009]

مرحبا اختي اعجبتني حكايتك ومشورارك الاحترافي خاصة بعض التفاصيل:
(انا خيطت لناس بزاف لكن كاين نوعية الله لايبلي بيها خياطة يجيبولك المودال كي تخيطيه وتكملي وتقولي او السعر كي يكون غالي مع انه السلعة هي الغالية وهم علابالهم يقولولك احكميهم ليك مانلبسوهمش هادي صراتلي الصيف اللي فات مع 3 اخوات تقول جاو محرشين عليا وحوايجهم لحد الان مخبيين عندي ربي ينتقملي منهم ويرجعلي حقي والله تعبت وشريت السلعة بالغلا وقالو قابلين ومبعد راحو وخلاوهم)
فعلا هده النوعية تكرهك في الخياطة انا سلمت المشينة والخياطة للاختي من بعدي انا بعد الزواج مانيش نخيط خاصة انا في غربة نخيط حاجة تعجني لي ولداري بصح عندي رغبة في بدأمن جديد مع ناس غيرنا وتقافة غير

شكرا لك اختي لمياء وربي يونسك في غربتك ويفرج عليك ويسرلك جميع امورك

[mahri_free]

هل هده الفرص متاحة فقط للجياطات نساء أم مفتوحة. في وجه الخياطين الرجال. تقبلي تحياتي. ارجوا رد. وشكرا

[nadoouuch]

wallahi ya oum meriem ki krit hkaytatek, golt chkon hadi li tahki 3lia, ana tani kont nmout 3la rassem dima naressm, ki dit lbac habit ndir les beaux arts, mais oumi mahabetch w galbet dania 3la rassi w gatli mani oumek maki benti lokan diriha malgri baba kan wagef m3aya ,w men hadak nehar mahazitch kalam wla richa ,ghadeni lehal bezaf w helafet 3la rrasem ,el mohim dekhalet ljami3a w te3alamet le crochet bach ndéfoli berk te3alamto fi semana, w jat fi bali kheyata golt badal manersem nkhayat 3la khater lakhyata fan w mawhiba mahich khadema berk, mais oumi tani wagfetli w mahabetch gatli rah tfalssak lakhyata 3la kraytak, el mohim khalaset krayti w mazelt nkamel fi doctorat w zawajet w jabet tafela fi 3omerha 8 mois w khedamtaleha hwayj bel crochet li ichofehom igol sobehan ellah ybano machrriin hata oumi gatli si pas vrais, makich nti litakhedmi, w 3jozeti gatli wagtach te3alamti takhedmi bih w nti takray, w dork rani sajalt nakra kheyata fi jam3ia nta3 mahw el oumia w bdit had semana w rani sajalt m3a oum meriem tani rani ntaba3 fiha, rajli ki gotlo haba nakra khyata ,maskin mafehemch :1: :confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused::confused: gali yakhi li ta3ejbk nachrihalek , gotlo rahi fi galbi w mabghitch nmout w hia fi galbi hhhhhhhhhhhhhhhhhhhhhhhhhhhhhh
raho m3aaya w gali nachrilk machina, ki nt3alam chiw nachriha,
w nasihti likoum li tehab haja direha madam had el haja matghedhebch rbi w mahich hram 3la khater had dania n3ichoha mara waheda:19: matkhaliw hata haja fi globbekoum hhhhhhhhhhhhhhhhhhh :19:

[sarra5]

هل هده الفرص متاحة فقط للجياطات نساء أم مفتوحة. في وجه الخياطين الرجال. تقبلي تحياتي. ارجوا رد. وشكرا

كل من لديه موهبة الخياطة

[هندة السوفية]

وانا معجيكش مشواري ؟

[فايزة1207]

مساء الخير لبنات ملفي كالاتي خياطة مبتدئة متى بداتي مشوار الخياطة؟ قبل الزواج ماهي الصعوبات الي واجهتكي فيها؟؟ كانت غير مناسبة لضروفي ولم استفد منها ماهي الصعوبات الي مازالت تواجهك لحد الان في هذا المجال؟؟ عديييييييييييييييييددة وعلى حساب الشوفة مارحش يخلاصو طولو بالكم راح نحكي حكاااااااية البداية شريت مشينة ودايمامعاها مشاكل تقطع الخيط مانجي نكف حاجة حتان ندخل الخيط اكثر من10 خطرات كي بديت نتعلم بديت وحدي بلا واحد ما يعلمني زوجي مابغاش يخليني نخرج حتان رزقني ربي بنوتتين وحبيت نتعلم نخيطلهم لكن دايما تجيني الرقبة عريضة ونتقلق لدرجة نمسها يبدا راسي يستر لكن مازال ماياستش وذرك رانا 4 انا و3بنات لازم نتعلم خاصة البنات تحجبو صغار ومانلقاش لبسة محتشمة تجي قدهم في القراية ولا في الدار ولا في مناسبات مع باباهم مايحبش العرا ومن بين الصعوبات مانخرجش الا مرة في كل عطلة ولا عيد وماعنديش الكتان المتوفر بكثرة عدت نهاب نمس اي حاجة كل خطرو نقول راح يفسد وماعنديش بديل راكم تقولو هاذي تحكي في معاناة ماهو اول شيء قمتي بخياطته؟؟ قندورة نتاع لاستيك في الرقبة لبنتي كان عمرها3سنوات كيف كان اول ماقمتي بخياطته _ جيد ام سيء؟؟ متوسط واخيرا نصيحة للي حابين ينضمو لهذا المجال مثلي ؟؟؟ لازم الاصرار وماتخافوش من المقص كي حالتي

[wissem1]

السلام عليكم انا ملفي كالاتي.
انا عندي مشروع خياطة قادمة بديت العام لي تعدا عند وحدة تعلم بالدراهم علمتني نفصل قندورة و سروال و جربت فصلت قندورة لماما بمساعدتها و فصلت سروال في الجرنان برك و مبعد اكتشفت بلي الخياطة هده باقية غير تعلمنا في فصالة القندورة برك مكاش حاجة جديدة زدت بطلت من عندها رحت عند وحدة خلاف الحق تع ربي تعلم من قلبها زدت بديت من الاول تفصيل قندورة و فصلت قندورة صيف ليا جات مليحة بالنسبة لوحدة كي غير وان بدات ومبعد درت حالة في الدار نشري ماشينة بالسيف شراولي وحدة سنجر اديك لي تخيط برك خيطت بيها قندورتي لي فصلتها بالشعايف اي تقطع الخيط وشبيها بابا و خويا يعيطو واش الحس هدا هنا وزين؟هههههههه كملت شهر عند لمرا هده و مبعد لقيت خدمة في شركة اسبانية بطلت معادش عندي الوقت ومبعد ملتم خبيت المشينة ومعدتش نخيط و القندورة قاعدة نلبس فيها
الصعوبات لي واجهتني اني نهاب نفزد الكوبو
الصعوبات لمعاي حتى درك اني مزلت نخاف نفصل وحدي
بصح ليامات هده راني ناوية نرجع نتعلم بمساعدة خياطات المنتدى طبعا نشكرهم بزاف راهم ميبخلوش علينا
النصائح نتمنى كل وحدة حابة الخياطة تحاول تتعلم تغلط و تصلح حتى تتعلم انا عندي بزاف افكار و موهبة في الخياطة مي مكملتش بصح درك كي راني ندير في جهازي لازم نكمل نتعلم خطر عاد كلش غالي اموا حتى ندير قنادر خفاف تع دار
و شكرا





بصح متنسايش اعطيني خدمة برك السكنة راجلي عندو بصح الخدمة الشركة لي نخدم فيها فيطت و بطلونا هههههههههههههههه

[wafaachal]

يستحق البقاء في الصفحة 1

[منى27]

شكرا على هذا الموضوع

أولا أنا خياطة مبتدئة
أول مشروع خياطة كانت روبة نايلي للعجائز تحت إشراف أمي الخياطة
مشواري بدأ منذ فترة وجيزة
الصعوبات التي واجهتني و لازالت عدم وجود أحد يشتري لي القماش
الذي قمت بخياطته في غياب أمي هي وسائد بنسة لعائلتي فهو مقبول مع العلم أن عائلتي كلها من الخياطين

[sarra5]

merciii mes cheres

inchlh kamel nenajho f lhaja li habinha

[wafaachal]

نشاله و شكراااااااااااااااااااااااااااااااااااااااا

[mehamed.meliani]

السلام عليكم انا عضوة جديدة انضممة اليوم فقط بالنسبة لي انا مبتدئة في الخياطة كنت نفصل ونخيط لكن وجدة صعوبة بعدها انضممة الي جمعية الارشاد لتعليم الخياطة عندي شهرين ملي بديت عملت جبة بسدر دائري ثم سدر كاري ثم جبة دروى

[sarra5]

مرحبا بيك معانا ان شاء نتعلموا مع بعض هنا

[laz chaima]

خياطة محترفة

عندي 2 عوام ملي شريت المكينة الخياطة لاني من عامين تعلمت الخياطة في مركز الثقافي في سكيكدة عند وحدة خياطة ماهرة

3 ماكان حتى صعوبات تعلمت وراني الحمد لله
4 الزبائن وخاصة العرائس يا بابا
5 كنت نفنن الخياطة في اشياء قديمة ونعملها تحفة
ماعليهش بالنسبة لي انا صغيرة شوية
نصيحتي لازم تكوني مبدعة ومحبة الخياطة ولازم تكون يدك خفيفة

سلاام انا خياطة شيماء لاز
6

[sarra5]

شيماء انت سكيكدية ’’’’؟؟؟؟

بنت بلادي وانا ماعلاباليش

قريتي في عيسات ايدير؟؟؟

على خاطر سجلت فيه وفي الصيف داخلة نتعلم؟؟؟

والله يا شيماء بسيف لقيت سكيكدية في قسم الخياطة مانطلقكش خلاص ههههه

[laz chaima]

:19:شيماء انت سكيكدية ’’’’؟؟؟؟

بنت بلادي وانا ماعلاباليش

قريتي في عيسات ايدير؟؟؟

على خاطر سجلت فيه وفي الصيف داخلة نتعلم؟؟؟

والله يا شيماء بسيف لقيت سكيكدية في قسم الخياطة مانطلقكش خلاص ههههه


مرحبا وصلتني رسالتك انا شيماء من سكيكدة قريت في عيسات ادير مع خياطة سوسن

بالنسبة للفيس بوك ماعنديش عندي skyrock

[sarra5]

اه خسارة مانستعملش السكايروك

المهم متشرفين اختي

انا اتاني كيما قلتلك رايحة نتعلم ان شاء الله تقريني االي قراتك ونولي محترفة كيفك

ياخي 3 مرات في الاسبوع لمدة 3 اشهر

شهرين نظري وشهر تطبيقي

ولا راني غالطة؟؟؟

ممكن تقوليلي عناوين الدروس الي عملتوها؟؟

[laz chaima]

اه خسارة مانستعملش السكايروك

المهم متشرفين اختي

انا اتاني كيما قلتلك رايحة نتعلم ان شاء الله تقريني االي قراتك ونولي محترفة كيفك

ياخي 3 مرات في الاسبوع لمدة 3 اشهر

شهرين نظري وشهر تطبيقي

ولا راني غالطة؟؟؟

ممكن تقوليلي عناوين الدروس الي عملتوها؟؟

نبداوابلطبليات مباعد الافرشة مباعد القنادر :rolleyes:

[sarra5]

نبداوابلطبليات مباعد الافرشة مباعد القنادر :rolleyes:

يعني لقنادر مع الاخر :confused::confused::confused::confused:

ماعليش نصبر حتى نوصل ليهم

شكراا شيماء

[laz chaima]

يعني لقنادر مع الاخر :confused::confused::confused::confused:


ماعليش نصبر حتى نوصل ليهم


شكراا شيماء



عفوا اصبرس او تتعلموا بشوي بشوية

[sarra5]

عفوا اصبرس او تتعلموا بشوي بشوية

inchlh lakan 3andek l cahier li t3alemtu bih hotilna les cours mara 3la mara nchoufohm

[meriem.213]

السلام عليكم

شكر للاخت سارة على هذه المبادرة ا

خياطة مبتدئة

متى بداتي مشوار الخياطة؟

من عامين

ماهي الصعوبات الي واجهتكي فيها؟؟

المشكل في الماشينة ماتحملنيش تكون لاباس انا نقد قدامها هي تمرص هههه متخيطش مليح تجبد لقماش ...الخ :1:

ماهي الصعوبات الي مازالت تواجهك لحد الان في هذا المجال؟؟

لا شيئ

ماهو اول شيء قمتي بخياطته؟؟

بيجاما ليا

كيف كان اول ماقمتي بخياطته _ جيد ام سيء؟؟

كانت رفبتها معوجة و كبيرة كريثة ههه لكن عزيزة عليا و مازلت لحد الان نلبسها لاباس بيها


واخيرا نصيحة للي حابين ينضمو لهذا المجال مثلي ؟؟؟

كلشي بالارادة مادام حبين هاذ المجال يقدرو و الخياطة ماشي حاجة واعرة كيما كنت نظن انا راني تعلمت و وليت نحبها و مشاتلي في الدم انشاء الله مع الوقن نحط اعمالي و تقيموني :d

[sarra5]

السلام عليكم

شكر للاخت سارة على هذه المبادرة ا

خياطة مبتدئة

متى بداتي مشوار الخياطة؟

من عامين

ماهي الصعوبات الي واجهتكي فيها؟؟

المشكل في الماشينة ماتحملنيش تكون لاباس انا نقد قدامها هي تمرص هههه متخيطش مليح تجبد لقماش ...الخ :1:

ماهي الصعوبات الي مازالت تواجهك لحد الان في هذا المجال؟؟

لا شيئ

ماهو اول شيء قمتي بخياطته؟؟

بيجاما ليا

كيف كان اول ماقمتي بخياطته _ جيد ام سيء؟؟

كانت رفبتها معوجة و كبيرة كريثة ههه لكن عزيزة عليا و مازلت لحد الان نلبسها لاباس بيها


واخيرا نصيحة للي حابين ينضمو لهذا المجال مثلي ؟؟؟

كلشي بالارادة مادام حبين هاذ المجال يقدرو و الخياطة ماشي حاجة واعرة كيما كنت نظن انا راني تعلمت و وليت نحبها و مشاتلي في الدم انشاء الله مع الوقن نحط اعمالي و تقيموني :d


inchlh rayha nrt3alem m3akom

ouii hatilna wech dertii bah nchofochom

[hayatrazzag]

الله يوفق كل من يتعلم

[ام عبد الحق]

راني مبتدئة والحمد لله 2عام 2008 جوان لكن احب الخياطة منذ الصغر 3الصعوبات الزوج الاولاد و المسؤولية المشينة قليلا والاصعب القطيفة 4المشكل الاكبر القطيفة مع ارضاء الزبون 5اول حاجة كيمونو وسروالو مع روبة تاع دار ببياسات كروشى 6كيمونو لم استطع اكماله سروال عريض والروبة تهبل hhhhhhhhhhhhhh 7حب المهنة مع الاسرار يولدان التحدى والطاقةللعمل بصح لقيت في هذا المنتدىكل ما احتاجهلكن البروبلام الوحيد خياطة القطيفة شكرا على الاستماع لي

[sarra5]

شكراا لكن على تفاعلكن مع الموضوع

[أم العبدلين]

السلام عليكم ورحمة الله وبكراته
خياطة مبتدئة منذسنتين أحب الخياطة كثيرا ومنذ الصغر أول خياطة لي كانت شورتات لأولادي وبدعية نتاع صيف خرجو شلبين وجيدين
الصعوبات الي دايما تواجهني هي الاقامة نتاع الخياطة مانخرجش بزاف ومانتلاقاش الي يبغيغ خاطري
نصحتي أنو الي عندها موهبة تستغلها وتدعي الله باش يوفقها
أريد أن اطلب من الاخوات الفنانات الماهرات في فن الخياطة يساعدو المبتدئات كيما حالتي ويحطولنا باترونات الاعمال الي قامو ومازال يقومو بها انشاء الله واحنا علينا جزيل الدعاء لهن
ماتبخلوناش ربي ما يبخلكمش
باتوفيق للجميع

[أمينة*]

أنا خياطة بالموهبة و بالوراثة عائلتي كلها خياطين موهوبين كما أني تعلمت في جمعية بعض أساسيات الخياطة و التفصيل صنعت بعض قنادر الدار لي و لي إبنتي الصغيرة كما صنعت بعض الفراشي للصغار كهدايا بالسموك و الستان عملت أيضا حقيبات بالمكرمي إلى جانب أن جهازي الخاص بالتصديرة خيطت بنفسي ولاكن إلى غاية الآن أواجه صعوبة في العمل مع شخص بائع أو مشتري لتصدير منتوجاتي فأنا ماكثة بالبيت و ليس لي مدخول لأشتري السلع و البدء في العمل و ليس لي ممول فأضطر للصبر و الله المستعان

[sarra5]

امينة ان شاء الله تلقاي الي تخدمي معاهم

لان الله يبارك عندك موهبة حقيقية

[أماني وأمال]

السلام عليكم : هههههههههههههههههههه بارك الله فيكي أختي دمك كلعسل على العموم أنا أيضا خياطة منذ خمس سنوات أو حاجة خيطتها قندورة دار بالشنطة والقالون إن شاء الله راني رايحة نوريهلك ولكن بعدما نوجدها راها مخبية سوفونير نحب نخيط كل شي مي مشينة نتاعي كاين وين متقدرش لخاطر مهيش كبيرة عندي لمودال مي منيش عارفة شفتوهم ولا لا ولكن رايحة نصورهم ونحطهم وبارك الله فيك على الفكرة الجميلة

[djimibio]

salam alikou, moi je ne suis pas couturière, je suis juste amatrice de cet art, j'aime regarder et m'inspirer. je sais faire un peu du crochet, Broderie DOUDA, Merci

[silindz]

مساء الخير اختي انا خياطة مبتدئة بديت نتعلم الخياطة 2010 عند خياطة ومن باعد فتكوين المهني بصح وجهتني صعوبات فتفصال اول حاجة خدمتها هي سروال نتاع لبيبي وكان لباس انا نحب الخياطة مي مزال منعرفش مليح وضركا معنديش اكازيون باش نتعلم بويسك تزوجت ونقدرش نكمل نتعلمها

[sarra5]

marahba bikom

[sarra5]

في انتظار باقي الخياطاات

[angel_girl]

السلام عليكم
أبدأ بالإجابة بلاك تجيني السكنة و نتوسع في الخياطة

خياطة ماهرة:إن شاء الله خياطة محترفة :في طريق الإحترا ف خياطة مبتدئة: اتجاوزت هذه المرحلة الحمد لله


متى بداتي مشوار الخياطة؟ ملي كنت في الليسي هكداك

ماهي الصعوبات الي واجهتكي فيها؟؟ الضيق في المنزل , و الفوضى , و بعض الزبائن,

ماهي الصعوبات الي مازالت تواجهك لحد الان في هذا المجال؟؟ والفت على الصعوبات لقديمة و الآن الصعوبة في ايجاد الوقت لأن الخياطة تحب التفرغ و طولة البال

ماهو اول شيء قمتي بخياطته؟؟ قندورة بالكروشي كحلة و الكروشي وردي

كيف كان اول ماقمتي بخياطته _ جيد ام سيء؟؟ لا بأس على العموم لأن ساعدتني أختي فيها

واخيرا نصيحة للي حابين ينضمو لهذا المجال مثلي ؟؟؟ أحسن حرفة تتعلمها المرا عمرك ماتندمي عليها و عمرها ما تفنى مادام الإنسان على وجه الأرض

[Abouali naima]

ساعة ونا نكتب وعلى لخر قلي لم تدخل بعد راح الي كتبتو كامل غدوا لا كتب ربي نشارك بالاجابة

[ام عبودة]

ايييه فكرتيني في زمان ربي يعطيك ماتتمناي
انا كرهت الخياطة عندي 7 سنين نكره حتي قفلة باش نركبها نخدم الصدور ونمد لختي تخيطلي اصغر مني ب8 سنين وتحب الخياطة وكانت تشوفني وانا نخيط وتعلمت ومن بعد زواجي ولات هي اللى تخيطلي ليا ولبنتي
ماما كانت تشوفني في المستقبل نجمة في سماء الخياطة لكن يا حسرة وينها النجمة هههه قاعدة غير تمونجي و الدودوووو
من كنت صغيرة عمري 4 او 5 سنين الصيف في ا لقوايل الناس راقدة وانا غير مع المقص طق طق ينوض بابا ويبدا يعيط ونديها قتلة
وفي الايتدائ كانو المعلمين يستغربو في المعارض اللى كنت نديرها تاع الدمى
وفي الثانوي تعرفت بصديقة امها خياطة مشهورة وليت من الصبف الى الصيف نتعلم حكمت الاساسيات وليت كل شئ نخيطو خصوصا للبنات الصغار الكتان من عندي ونخيطلهم ماما قالت ايه يا بنتك واش ديريلها هههههه بني اليوم غير من السروال ما شي خارجة
اول حاجة خيطتها روبة جديدة تاع جداتي *الله يرحمها* قلبتها شوميس حكمني بابا بهدلني وقالي ذرك ترجع كيما كانت
الصعوبات كانت الماشينة مهبلتني قرقاشة و خردة
اليوم ما نيش كامل نخيط حتي الابرة ممكن نهار ما تصيبوهاش عندي
واش نقول لحباباتي المراة مهما درست وتعالات في منصبها لازم صنعة في يديها لازم حرفة تثبت بيها نفسها والتي تحب الخياطة واصلي راهي تستاهل

[sarra5]

ساعة ونا نكتب وعلى لخر قلي لم تدخل بعد راح الي كتبتو كامل غدوا لا كتب ربي نشارك بالاجابة

معليهش اختي في الاعادة افادة هههههه

[sarra5]

السلام عليكم
أبدأ بالإجابة بلاك تجيني السكنة و نتوسع في الخياطة

خياطة ماهرة:إن شاء الله خياطة محترفة :في طريق الإحترا ف خياطة مبتدئة: اتجاوزت هذه المرحلة الحمد لله


متى بداتي مشوار الخياطة؟ ملي كنت في الليسي هكداك

ماهي الصعوبات الي واجهتكي فيها؟؟ الضيق في المنزل , و الفوضى , و بعض الزبائن,

ماهي الصعوبات الي مازالت تواجهك لحد الان في هذا المجال؟؟ والفت على الصعوبات لقديمة و الآن الصعوبة في ايجاد الوقت لأن الخياطة تحب التفرغ و طولة البال

ماهو اول شيء قمتي بخياطته؟؟ قندورة بالكروشي كحلة و الكروشي وردي

كيف كان اول ماقمتي بخياطته _ جيد ام سيء؟؟ لا بأس على العموم لأن ساعدتني أختي فيها

واخيرا نصيحة للي حابين ينضمو لهذا المجال مثلي ؟؟؟ أحسن حرفة تتعلمها المرا عمرك ماتندمي عليها و عمرها ما تفنى مادام الإنسان على وجه الأرض

الله يبارك عليك مرحبا بيك معنا

ايييه فكرتيني في زمان ربي يعطيك ماتتمناي
انا كرهت الخياطة عندي 7 سنين نكره حتي قفلة باش نركبها نخدم الصدور ونمد لختي تخيطلي اصغر مني ب8 سنين وتحب الخياطة وكانت تشوفني وانا نخيط وتعلمت ومن بعد زواجي ولات هي اللى تخيطلي ليا ولبنتي
ماما كانت تشوفني في المستقبل نجمة في سماء الخياطة لكن يا حسرة وينها النجمة هههه قاعدة غير تمونجي و الدودوووو
من كنت صغيرة عمري 4 او 5 سنين الصيف في ا لقوايل الناس راقدة وانا غير مع المقص طق طق ينوض بابا ويبدا يعيط ونديها قتلة
وفي الايتدائ كانو المعلمين يستغربو في المعارض اللى كنت نديرها تاع الدمى
وفي الثانوي تعرفت بصديقة امها خياطة مشهورة وليت من الصبف الى الصيف نتعلم حكمت الاساسيات وليت كل شئ نخيطو خصوصا للبنات الصغار الكتان من عندي ونخيطلهم ماما قالت ايه يا بنتك واش ديريلها هههههه بني اليوم غير من السروال ما شي خارجة
اول حاجة خيطتها روبة جديدة تاع جداتي *الله يرحمها* قلبتها شوميس حكمني بابا بهدلني وقالي ذرك ترجع كيما كانت
الصعوبات كانت الماشينة مهبلتني قرقاشة و خردة
اليوم ما نيش كامل نخيط حتي الابرة ممكن نهار ما تصيبوهاش عندي
واش نقول لحباباتي المراة مهما درست وتعالات في منصبها لازم صنعة في يديها لازم حرفة تثبت بيها نفسها والتي تحب الخياطة واصلي راهي تستاهل


ههههه خسارة الموهبة تاعك لازم تستفادي منها

الكثيرات منا تفتقد للموهبة

[Abouali naima]

السلام عليكم اولا انا فنيانة في الكتابة ونتومة حتمتوني بصح على جال السكنة ماعليهش lol lol lol
فيما يخص السؤال الاول

1- انا خياطة ماهرة بشهادة الاهل وخدمتي متتعودش

اما 2- بدايتي معى مشوار الخياطة كانت ملي كنت صغيرة ونا نتفرج في ماما تخيط وتنسج كنا انا واختي في السيزيام ننسجو les gonds تاع الصوف بصح يجيو الصباع كيما تاع عزيزثي الساحرة والصوف كانت مسنسرة تاع تركواة قدم وفي الليسي ولينا ننسجوا تركوات وماما تصلحنا وهنا شرات ماما burda وقلتلها اعطيني نخدم البيستيي قاتلي والله ماطيحلك المشينة باه تفسدوهالي ونقعد بلاه قاتلي خيطي بيدك درت البستيي تاع السواري من burda وخيطتو بيدي جايهبل بصح بالكتاتن تاع الشيفون اي تجربة وليست لللبس

3- اما الصعوبات الي واجهتكي فيها هو اني خيطتها بيدي

4- الصعوبات الي مازالت تواجهك لحد الان في هذا المجال هي اني مانخرجش زوجي مايخلنيش لانك كي تخرجي وتشوفي الكتان تجيك خياطتو في راسك لانو كاين مودال يصلح في كتان ومايصلحش في وحدوخر

5- اول شيء قمت بخياطته هو البستيي ومبعد شورت ختي وشورتي امي تخيط وانا نحرج وننسج

6- كان اول ماقمت بخياطته _ جيد نوعا ما لان القماش كان مستعمل وانا كنت صغيرة

واخيرا ا نصيحة للي حابين ينضمو لهذا المجال مثلي ماكانش كيما لمرا الي تلبس من خدمت يدها ديما ديما فيها اللمسة نتاعها اواحد ماهو لابس كيفها وزيد متهني من طلباتها رجلها ومهنيتو وضكا السكنا مضمونة ولا لالا............. lol lol lol lol

[ميار صهيب]

السلام عليكم
مشروع خياطة قادمة كيفك هههه:D:D:D:D:D:D:D

بدايتي مع الخياطة
قريت ملقيت خدمة:mad::mad::mad::mad::mad::mad::mad:
هذو 12 نسنة:mad::mad::mad::mad::mad::mad:
قلت نتعلم نخيط لبناتي عندي 3سنين خيطلهم روبة عجبت الناس اكل
ملقيت الماشينة ولي تعلمني بخييييييييييييلة كل الضروف:mad:
المهم بطلت هذا العام رجعت نتفتف كلش غالي قلت انلبز راني درت صدور كروشي باش نشري الكتان مازال
ما عنديش البال الطويل
شريت سانجار ب900 الف دايما نتقابضو
الاتقان مازال خاتر البال ماكانش

راني نسني فيالدمة والسكنة ياك نجحة ههههههههههه:D:D:D:D:D
ماجيتنكتب هذالكلمات حتان هبلني بني
اما الماشيناكي نحكمها مانحكيلكمش:cool::cool::cool::cool::cool::cool::coo l::cool:

[سهام الجزائر]

السلام عليكم
و الله فكرة مليحة هكا نتعرفو على بعضانا

الشخص الموهوب في الخياطة تظهر العلامات في الصغر
في السنة الخامسة تعلمت ليزيقوي و السنة السادسة تعلمت الكروشي كنت نخرج نلعب و ندي الكروشي معايا ننسج شوية و نلعب شوية هههههه ياليت أيام الطفوللة ترجع باش نخرج نلعب هههههه
ومن تماااك كنت نقرا في المتوسطة تعلمت نخيط باماشينة كنت حوايجي أنا نخيطهم ( كي يتقطعو ههههه )
أنا نشوف في روحي خياطة طموحة
خياطة ماهرة

خياطة محترفة

خياطة مبتدئة

او مشروع خياطة قادمة كيفي هههه

متى بداتي مشوار الخياطة؟ قريت الخياطة في جمعية المجد في سطيف في المعبودة في 2004 قراتني أستاذتي العزيزة رشيدة و كنا أحنا أخر فوج تقريه في الخياطة و زدت قريت عند زينب في نفس الجمعية

ماهي الصعوبات الي واجهتكي فيها؟؟ مايسلكونيش غير بسيييييييييف و قريب يولي بالمووووس ههههه

ماهي الصعوبات الي مازالت تواجهك لحد الان في هذا المجال؟؟ السلاااااااااااك هو الشيء الصعب تشري السلعة من عندك و تخيطي و مايسلكوكش

ماهو اول شيء قمتي بخياطته؟؟ جبة نتاع وحدة تقرا معايا فصلناها مع بعض و خيطتها انا مي جات فوووووووور زعمة

كيف كان اول ماقمتي بخياطته _ جيد ام سيء؟؟ جيد

واخيرا نصيحة للي حابين ينضمو لهذا المجال مثلي ؟؟؟ الخياطة مليحة للي عندها امكانيات تتعلم خير باش تخيطي على ذوقك و كيما تحبي ماسي كيما تحب الخياطة

سلاااااااااااااااااام

[sarasima]

انا خياطة مبتدئة بدات الخياطة و ابا ادرس في السنة السادسة ابتدائي ,اول ما خيطت كان فستان و كان مقبول يعني يلبس مازال عندي صعوباي في الباترونات الصعبة و المعقدة وا ريد تعلم تفصيل الجاكيتات و لي جيب ارجو مساعدتي في اقرب وقت

[sarra5]

winkooooom

[OM AYA]

لي عودة هذي يلزمها قعدة ههههه

[ام حمزة22]

سلاااااام
صباح الخير عليكم
شكرا حبيبتي سارة على هاد الموضوع
سبق وحكيتلك بعض الامور على حبي للخيطة
انا الخياطة موهبتي نحبها بزاف
كنت حابة ندير تكوين الخياطة ما جبتش الباك زوجوني اهلي وانا في 20 حللت زوجي يخليني ندير تكوين للاسف ما حبش
قعدت فالدار وبديت نتعلم الخياطة في بنات لوسي صغار كنت كل عيد نخيطلهم
الخياطة الكبيرة لي درتها تصديرة نتاع اختي امي ما حبتش بصح اختي اعطاتني الضوء الاخضر وخيتلها وجات تصديرتها ما شاء الله
خيطتلها: برنوس مطروز باليد بالربا ديالو ،و جبة فرقاني بالفتلة ، و قويط ، و لبسة نتاع لهنودة ، ومودال آخر بالفودان دارتلو هي البانتور
منبعد كي كبرو بنات لوسي درتلهم التصديرة وحتى برنوس تاني طرزتو باليد
ودرك راني نزيد نتعلم معاكم بزاف حوايج يعطيكم الف صحة وعافية
نسيت تاني خدمت لكاش ريدو
ونخدم صدورة نتاع الكروشي
وراكو شفتو الجبة لي حطيتها في المنتدى بغرزة لحساب والباليطة بالفتول
هاد كامل درتهم بدون تعلام لي نشوفها نطبقها
ان شاء الله ما طولتش ومشكورة كل الشكر على هاد الموضوع

[sarra5]

يعطيك الصحة ام حمزة انت هي المثال تاعنا في الارادة و العزيمة

[ام حمزة22]

يعطيك الصحة ام حمزة انت هي المثال تاعنا في الارادة و العزيمة

شكرا حبيبتي راكي خليتيني نفضفض شوية و هاد يخليني نرتاح نفسيا
مشكوووووووووووووورة

[djihanegirl]

:mh31: سلااااااااااام أنا جيهان من ولاية البرج 24 سنة والله غير صح واش راح نقوللكم ماش غرووور كنت راح نكون مشروع خياطة مستقبلية لكن .... و قعدت
خياطة مبتدئة :1:
متى بداتي مشوار الخياطة؟
ملي شفيت لروحي و أنا نخيط للدمى نبدع نخيطلهم كل شيء حتى الجينز البنات كامل يجيبولي نخيطلهم ووليت نحب الخياطة ونموت عليها وليت ندل نخيط فالداااار حوايج غير خفاااف هدا الكل قبل ما نلحق 15 16 سنة لدرجة أنو كي تتعكل الماشينة واحد ما يعرفلها لوكان ما نجيش أنا
ماهي الصعوبات الي واجهتكي فيها؟؟
الصعوبات أنو غير كبرت شوية الناس كامل تقووول :eek: تقرا و تخيط و تعرف تخيط ضربوني بعين :confused: :confused:
وليت تخيلو نجي نخيط ما نعرفش حتى نمشي طوووول نعوج الخياطة لي نقيسها نفسدها يديا ولاو فيهم الملح بكري نخيط روعة ودك والو واش ندير :mad: حتى الماشينة فسدت
ماهي الصعوبات الي مازالت تواجهك لحد الان في هذا المجال؟؟
شريت ماشينة ولكن مازلت مازالو يديا ما تحلوش و ما نلقاش شكون يعلمني مام من النت نشري قماش و نجي نطبق نفسد الله غالب البارح جيت نفصل روبة عوجتلها الرقبة
ماهو اول شيء قمتي بخياطته؟؟
خيطت روبة سوداء في قماش الاوني و درتلها قالون فضي جات روعة لي يشوفها يقولي روعة بنت عمتي خياطة محترفة في الخياطة الجاهزة قاتلي top لدرجة كي طلعت الجامعة سرقوهالي البنات :confused:
كيف كان اول ماقمتي بخياطته _ جيد ام سيء؟؟
بما أني بديت ملي كنت صغييييرة و مشيت كان الجيد السيء و الاسوأ و الاعوج و الاكثر تكرفيسا و كاين الرائع و حاجة أولى خيطها لروحي راني حكيتلكم عليها
واخيرا نصيحة للي حابين ينضمو لهذا المجال مثلي ؟؟؟
حرفة مليحة لربما يدووور زمان و تولي القراية ما تسواش نلقاو الخياطة في يدينا
شعووور رائع كي تخيطي حاجة و تكمليها و تحكميها في يدك لشتا ماجاتش مليحة ولكن تحسي بالانتصااار

[sarra5]

جيهان

ماكتنش علابالي بلي كنتي تخيطي من قبل

هادي الي ضربتك بعين ندبتلك عينيها مالحين

اولا ارقي روحك مليح واتوكلي على ربي وارجهي كل مرة جربي وخيطي حتى تكم يديك فيها من جديد

لانك عندك la base من قبل

[لينة71]

السلام عليكم

اليوم ما جاياش باه نعاتب او نلوم هههه

اليوم حابة نعمل تصفية

ماشي تصفية مياه ههههه

يعني classement باه نعرفو بعضانا مليح

كل واحدة تدخل وتقرا موضوعي امانة عليها ترد

تغيضني كي نلقا عدد المشاهدات اكثر من عدد الردود

لا للانااااااااااااااانية

المهم

كل واحد تدخل تعمر ال dossier

خياطة ماهرة

خياطة محترفة

خياطة مبتدئة خياة مبتدئة

او مشروع خياطة قادمة كيفي هههه حابة نخيذ دراواتانتاع لبيبي ولشمبرتي بالبرودي

متى بداتي مشوار الخياطة؟ العم لي فات بديت معاك انتي وانتي سبب حافرزي في تعلم الخياطة

ماهي الصعوبات الي واجهتكي فيها؟؟ عدم توفير الامكانيات وماشينتي كرهتلي حياتي ماهيش تخيط مليح وراني حطيت المشكل انتاعي في جيبي ماشينتك وارواحي بصح ما كاش رد

ماهي الصعوبات الي مازالت تواجهك لحد الان في هذا المجال؟؟ الصعوبات اني افشل عندما لا اجد من يشجعني وخاصة عند عذم توفر الحاجيات

ماهو اول شيء قمتي بخياطته؟؟ اول حاجة خدمتها هي تفصيل الرقبة وخيطتها منهم وريتهملك
وخيطت قبعة باكروشي وكانت رائعة
كيف كان اول ماقمتي بخياطته _ جيد ام سيء؟؟
نوع ما سي لكن يحتاج الى بعض تدريبات فقط اما الكروشي عجني جاني ساهل
واخيرا نصيحة للي حابين ينضمو لهذا المجال مثلي ؟؟؟
انا حابة ننطم باش نتعلم كيف اخيط الروات بسيطة ليا ولبناتي حابة نعود نسلك روحي في كل شي

لازم كامل تجاوبو sinon ماكان لا سكنة ولا خدمة ههههه


بارك الله فيي اختي ساروة واعتذر لعدم مشاركتي في اخر مواضيعك لاني امر ببعض امور اعطيني فرصة باذن اكون معكم حتى اوفر حا جياتي واكون متمكنة معكم باذن الله

[لينة71]

كتبت رد بصح ما بانتش الكتابة
الي عودة ان شاء الله ....بارك الله فيكي

[لينة71]

السلام عليكم

اليوم ما جاياش باه نعاتب او نلوم هههه

اليوم حابة نعمل تصفية

ماشي تصفية مياه ههههه

يعني classement باه نعرفو بعضانا مليح

كل واحدة تدخل وتقرا موضوعي امانة عليها ترد

تغيضني كي نلقا عدد المشاهدات اكثر من عدد الردود

لا للانااااااااااااااانية

المهم

كل واحد تدخل تعمر ال dossier

خياطة ماهرة

خياطة محترفة

خياطة مبتدئة

او مشروع خياطة قادمة كيفي هههه

متى بداتي مشوار الخياطة؟

ماهي الصعوبات الي واجهتكي فيها؟؟

ماهي الصعوبات الي مازالت تواجهك لحد الان في هذا المجال؟؟

ماهو اول شيء قمتي بخياطته؟؟

كيف كان اول ماقمتي بخياطته _ جيد ام سيء؟؟

واخيرا نصيحة للي حابين ينضمو لهذا المجال مثلي ؟؟؟


لازم كامل تجاوبو sinon ماكان لا سكنة ولا خدمة ههههه


خياطة مبتدئة
بديتها من صعري كنت في الصيف نجيب اشكارة سميد فارغة ونخدمعا بالصوف ونروح عند جيراني يخيطوهالي ساكة تجي تهبل
امباعد بديت ن تعلم الرودي باليد عامني بنت عمتي بديت نخدم وحبست لتيت بالباك مازدتش رجعت ليه ودوك كي استقريت وليت ليها ...
الصعوبان اني ليس لدي كامل الاماكانيان حاينة حاجة ونصها ما كانش
والمشكل الطذي اواجهه الان الماشينة دايرتها بيا مات خيطش مليح كي نخيط تتخبللي من تحت ماعرفتلهاش.
الحاجة كي خدمتها انتي لي شجعتيني وعلمتيني كيفاش نفسل الرقبة وكانت نوع ما متوسطة. وخدمت اول مرة قبعة بالكروشي خرجت تهبل تعلمتها من اليوتوب
انا صراحة مجال الخياطة مجال رائع نذمت كوراني قريتها خير من لقراية ماديت بيها والو...وباذن الله ما نفرط فيها خلاص

[kaouka]

Sarra موضوع رائع جدا هك نعرفو كيفاش نبداو ومنخفوش ههههههه رني خوفا

[sarra5]

الخياطات الجدد لازم يدخلوااااااا

[hanine4379]

انا اختكم المبتدئة . تعلمت الخياطة منذ شهر من اول يوم خيطت روبة صيفي سمبل جاتني مليحة و اول طيحة في الثانية قندورة قطيفة لليوم قاعدة نتمرمد معاها ماقدرتش نخيطها بالمشينة تخرجلي معوجة.....النجدة.����

[ام طارق :)]

بسم الله الرحمن الرحيم انا خياطة مبتدئة اول خياطة روبة لآختي الصغيرة ومن بعد بالشوية تعلمت نسلك راسي لم اتكون في الخياطة الفضل كله لآمي ربي يطول في اعمرها هي الي علمتني قبل الزواج منبعد لهيت بتربيت اولادي الحاجة الي انخاف منها لحد الآن هي المقص واليوم مع المنتدى والخبيرات الي فيه هم طوق الآمان لآني لا استطيع ان اخرج واتعلم الخياطة من ايي احد

[الخروبية]

السلام عليكم
صاحيتو لبنات وشراكم عندى بزاف مدخلتش قلت والله ندير دورة لقيت هدا الموضوع
عجبنى وقلت نشارك بصح خفت يكون لبروجى تاع السكنة تعمر وللخدمة تانى

قلت لكان مزالت بلاصة نعمر الاستمارة وندخل معاكم

كينة حاجة فى الاستمارة جاتنى صعيبة مبتدءة او محترفة او ماهرة

مشكورة ختى على هادا الموضوع الاكثر من رائع

وفى الاخير نقلكم والله بكل متميزات

تحية من الخروبية للجميع سلام ياكرام

[meriemalek]

السلام عليكم اول شيء انا تعلمت الخياطة الماكرامي الطرز بالحاشية .......الخ من هادا المنتدي في 2010 والحمد الله منخافش من المقص المودال كي نشوفو لازم نفصلو بالصح راني باغية نتعلم الباترون ناقصة بزاااااف فيه
ذ

[ام الابتسامة]

السلام عليكم انا جديدة في المنتدي واول مرة اشارك
انا مهندسة لكن حبي الاول هو الخياطة ةملحقاتها
احب الطرز التفصيل والخياطة
كانت اهي خياطة وكنت ملازمة لها لكنها لاتريدني تعلم الخياطة كي لا انشغل عن دراستى
بفضل الله وحبي للخياطة تفوقت في الدراسة وتعلمت الخياطة حتي اني خيطت وطرزت كل جهازي

[كريمة الموات]

كل الشكر

وجزاك الله خيرا

[djazia87holi]

موضوع في قمة الروووووووعة اما انا في بدايتي هاوية كروشي وعندي بعض المواضيع ومن بعد دورتها بساطات مي باش نخيط منعرفش الله غالب والان حاليا متقاعدة لضروف صحية بصح نقدر نفيد ببعض النصائح ان شاء الله وهي اولها المحاولة اكثر من مرة للحصول على افضل نتيجة وهذه طريقتي للنجاح وان شاء الله نتعلمو الخياطة من محترفات الخياطة منتدانا الف شكر للموضوع