زوجي يخونني 6

[مشكلتي]

السلام عليكم و رحمة الله وبركاته

راني رايحة نطرطق فسد حالي خلاص انا متزوجة حديثا عدة شهور فقط اكتشفت انو زوجي عندو حساب فال***** وواجهتو قالي خاطي تاعي تع واحد صاحبو كي دا الميكرو معاه لمكان العمل تاعو ماقتنعتش رحت حطيت برنامج تع حجب المواقع الاباحية ونفس الوقت يحكم بالصور واش من مواقع دخل فيها برك باه نبرد على قلبي و مانبقاش موسوسة المهم انا سافرت لعدة ايام و رجعت ولتم الصاعقة لقتو صح هو لي يهدر بيه و عندو 2 حسابات تع الفايسس بوك و الصور لي فيهم لي يشوفهم يضربو العمى و الله العظيم عيطت عيطة وحدة و نبكي بشكل هستيري حتى خفت يسمعوني الجيران ماقدرتش نخبي كي جا بعد قلتلو و انكر و هذاك لي زاد هبلني و كي شاف الصور لي محكوم فيهم زاد انكر و قالي اتقي الله انت لي تحوسي على المشاكل و من تم و هو ساكت حتى لليل و انا نغلي مابردليش على قلبي و انا ماقدرتش نرقد من هول الصور لي شفتها و غاضني عمري بزاف مازلت عروسة و راني قايمة بروحي و بواجبات المنزلية و الزوجية الحمد لله ندير المستحيل باه نسعدو و قلتهالو والله ما تساهلني وانا مش تع وجهك باه تقابل معاملتي بهذه الخدع و الخبث ومازال مدورناش حتى عام باه تكره بعد و تبدل و بقا ساكت و يقولي برك راكي تهمي فيا كيفاه ياعجب تع ربي محكوم بالصور و يقولي تتهميني المهم انا من غذوا هزيت روحي و رحت لدارنا بصح ماهدرتلهم والو جيت عل اساس نقعد ايامات و راني قافلة البورثابل و كي فتحتو لقيت مساج قالي سامحيني والله ما نزيد نعاود و هو حاطني رايحة نقعد سمانة و نرجع بصح راني معولة نطولة مدة البقاء قدما نقدر نوروني والله مالقيت واش ندير قلبي من داخل يبكي دم فقدت الثقة فيه وعدت نشمئز منو والله

مع العلم زوجي كان قبل الزواج ماعندو حتى علاقة بعالم الانترنت و كي زوجت و شرينا الميكرو مايعرفش يدخل حتى فيه يعني هذه اول مرة يدير هذه الخدمة

[/زهرة عصفور الجنة/]

اختي نصيحة مني لا تهتزي لاول مشكلة تقع بينكما ولا تخبري احدا. ابليس واعر اختي عودي لبيتيكي وتصرفي معه كان شيئا لم يكن حاولي ان تدعي له فرصة يبقى فيها لوحده امام النت هو اخطأ واعترف بالخطأ وهذا هو الاهم اين كنت لما كان يبحر في عالمه الجديد. نصيحة اختي لاتتتركي زوجكي وحده واملائي وقت فراغه واحتويه فالزمن الذي نعيش فيه جد صعب اكتبي له رسالة ان صعب عليكي محادثته واطلبي منه بلطف ان يأتي لشرب القهوة او الغذاء في منزلكم وعودي معه وربي يصلح حالكم ويهنيكم

[إيناس2005]

صحيح مامررت به ليس بالشئ الهين لذلك خذي وقتك الكافي من الراحة النفسية واستشيري قلبك وعقلك اذا كنت مستعدةلاعطائه



فرصة اخرى ام لا المهم لاتتسرعي حتى لاتندمي واذا كان اعطتيه فرصة اخرى فليكن بشروط لان الزاني لا ينكح الا زانية


وانت لست كذلك اشرطي عليه عدم تكرارها حتى وانت غائبة رب معاك اخت

[sali-sali]

الخطا لي ارتكبتيه انتي لما روحتي لداركم
ارجعي لدارك وحاولي تحكي معاه..وبالعقل والحكمة يتبدل

ماتخربيش دارك

[sali-sali]

الخطا لي ارتكبتيه انتي لما روحتي لداركم
ارجعي لدارك وحاولي تحكي معاه..وبالعقل والحكمة يتبدل

ماتخربيش دارك

[ام غالية]

اختى العزيزة كونى عاقلة عند مواجهتك اى مشكلة مع زوجك بما انه اعتذر يعنى راه يحبك والدليل راك فى داره فقد يكون تصرفه هذا اكتشاف النت وليس نيته ان يخونك اختى عيشى احلى ايام حياتك ونصيحتى لا تتركى بيتك مهما كانت المشكلة حاولى ان تسمعيه ويجب عليك ان تتصرفى بحكمة لان الحياة الزوجية تتركز على الثقة والاحترام والحب المتبادل ربى يسعدك وان شاء الله تمر هذه العاصفة على خير وترجعى الى دارك

[zalamite]

يا مخلوقة اتقي الله في نفسك هذا الراجل لازم انت ترجعيه لطريق بالتي هي احسن لا ينفع الفرار عند اهلك و غلق التليفون هده ليست طريقة جيدة في التعامل معه و اصلاحه ثم مشكلة زوجك يمكن اصلاحها بطرق كثيرة ...ادعيلوا ربي يهديه و انصحيه و لا تملي .و طلب منه ان يقطع الانترنات من المنزل و قوليلو يصلى اذا كان ما يصليش ..و في الاخير هدا الراجل ربي يهديه و يصلح له حاله .

[zeyar zeyar]

ارجعي الى بيتك يا سيدتي واتركي الوساويس جانبا مهما فعل فهو مقتنع بانك زوجته حليلته مولات بيته سياتي يوم يرجع فيه الى رشده ....وهاو طلب السماح اعطيه فرصة اخرى يا مدام تقولين انكما مازلتما عرسان كيف تتركينه ...وتفسحين مجال الحرام امامه ارجعي يا مدام وابدواوا صفحة جديدة وكفى نكدا على بعضكما واحمدي الله لانكما تزوجتما فغيركما حلم الزواج بالنسبة اليه بعيد بعيد

[ام دعاء ومارية]

السلام عليكم هذا كله من عمل الشيطان

فلا تتركي له مجال النيل منك ليس سبب كافي لكي

تتخصما اي انسان خطاء غمامة وسوف تزول انشاء

الله عليك بالقران فهو شفاء لما في الصدور

[عبد الله 22]

السلام عليكم يأختي زوجك دخل جديد لعالم الانترنات و هو عالم متوحش أكثر من العالم الحقيقي ، لما فيه من غرائب ، حل المشاكل ليس بالهروب منها ، بل بموجهتها لإيجاد حل سلمي يحافض على عائلتك ، لأنك ركبتي هذه السفينة أنتي وزوجك و إن شاء الله الذرية الصالحة ، فلا ينبغي في أول موجة عاتية ، وقد تكون متوسطة ترمي بنفس في البحر و تحوال الرجوع إلى ضفة الانطلاقة، يجب الصبر و العمل بجد لمواجهة هذه المشاكل التي هي من صميم الحياة الزوجية

[loulou02]

ربي يهديه و يصلح حاله إن شاء الله ، و إذا تقدري تقطعي الأنترنت يكون أفضل ، ماديريش سوسة في دارك .

[abdellah36]

بارك الله فيك الله يكثر من مثالك ............

وكيما قلتيها ما يستاهلكش .....................حب يتزوج بيك قدام الناس برك ...كش مكان راني متزوج .....

عندك لحسيت بيه اصح بلي اندم و ما رايحش يعاوديها اسمحيلوا .....................بصح قوليلوا يغلق الانترنت .......................ما فيها حتى فايدة غير لكانت صاح لازمتلوا ..................

[سمير جيجل]

اقطعي الانترنت هذا خير حل

[محمد جديدي التبسي]

عنوان مشكلتك دليل على خير كبير فيك ما شاء الله
مشكلة زوجك أنه وجد نفسه أمام عالم مجهول وجرّه فضوله لاستكشافه وأظنه لا يملك وعيا كافيا لمواجهة مخاطر الانترنت لذلك يجب أن تكون يدك هي من ستنتشله من هذا المستنقع القذر وذلك من خلال اللجوء الى الله أولا ومحاولة التقرب من زوجك قدر الإمكان وتوضيح خطر هذا الاستعمال السيء للنت على زواجكم وحياة المرء عموما
أفهم أنه خاب ظنك في زوجك وغادرت البيت، لكن أظنك استعجلت فبدل أن تعالجي المشكلة هربت منها، ما البديل الممكن؟! غير إعطاء فرصة أخرى لزوجك وكم من أزواج -كانوا يفعلون الكبائر والعياذ بالله- أصلحتهم زوجاتهم والواقع خير شاهد ..
استعيني بالله وادعيه أن يصلح زوجك وأن يوفقكم في حياتكم ..

[مناد بوفلجة]

السلام عليكم

أحيانا يسخر الله الناس للناس من أجل إصلاح حالهم

من غير المعقول أن يسمع شارب الخمر في حانة ، آيات قرآنية فيها ، فيرق قلبه و يهتدي

بل من الممكن أن يستمع لمشكلة ما أو لعبرة ما من شخص آخر فتكون عبرة له
و تكون تلك بادرة أول خطوة نحو الطريق السليم

لا تخربي بيتك الزوجية بسبب مشكل أنت قادرة على إصلاحه
لا تستمعي لرأي المحبطين و المحبطات الذين يحرضون على تفكيك الأسر باللعب على العواطف
و قبل ذلك ، حاولي أن يظل المشكل بينك و بين زوجك و لا تذكريه لا لأهلك و لا لصديقاتك

حاولي التعامل مع المشكل و إصلاحه بحكمة و برودة أعصاب
حاولي أن تكوني سببا في تغيير عقلية زوجك
و حاولي تنوير الطريق له
بالذكر و التلاوة أمامه
حاولي إيقاظه كل صباح لآداء الصلاة جماعة في المسجد
حاولي التقرب منه أكثر و الإطلاع على مشاكله
حاولي أن تكوني أنت طبيبته



فسيتغير بكل تأكيد للأحسن
و سيحمد الله أنه رزقه بزوجة مثلك

فزوجة فرعون كانت مسلمة و كانت تدعوا زوجها للخير دوما ،

[YASMINE SILA]

بما انك قلتي انه جديد عهد بهاذ الشيء اذا حاولي قدر المستطاع تبعديه عليه
كيفاش
حولي ماتخليهش وحد و كمل كل اشغال البيت قبل مايجي و كي يجي ماتتركيهش وحدو مع الميكرو
ادعي ربي يفي جوف الليل انو يهديه للطريق المستقيم
ماتخبري حتى واحد لامن اهلك لا من اهلة بالمشكل لانو من بعد تطيح قيمتو في عينيهم حتى يالوكان يتوب
ربي يوفقك و يهديه للطريق المستقيم يااارب

[ahbab]

السلام عليك اختي الفاضلة اظن ما قمتي به اكبر خطا و ستجعلينه يهيم اكثر في بحر المنكرات وهو بمفرده انا معك في شعورك و صدمتك عاقبيه و حسسيه بخطئه لكن لا تغادري المنزل فانت بدلك تتركين له فرصا اخرى اجعليه يحس بدنبه عند تلبية كل رغباته و قيامك بواجباتك المنزلية و الزوجية لكن لا تطيلي البقاء بعيدة عنه فانت في بداية الطريق فلا تدعي اختي الشيطان يتغلب عليك و عليه استغفري الله و اطلبي له الهداية لكن عودي لمنزلك فانها مجرد نزوة عابرة

[hayet04]

انت راكي تحوسي على المشاكل الراجل الا لقاك تحوسي من وراه يزيد اكثر كان حسستيه بلي دايرا ثقة فيه ماكانش راح يدير هكذا حاولي تتجنبي التجسس عليه ضرك ترتاحي و هو كذالك بقي الستر على روحك و روحي لدارك راكي انت الخاسرة راكي نشجعي فيه هكذا

[AKIS]

هو مخطئ ، أسأل الله أن يهديه ويهدينا أجمعين
لكن ما كان ليفكر في هذا الأمر لولا سفرك فسفرك قد ترك زوجك في حالة فراغ بأوسع معانية و أرجو التركيز على كلمة فراغ
تريدون أن تفتحوا بيوت وأنتم لاتزالون معلقون بمنازل أبائكم ، زوري أهلك وأقرباك لكن منكن من تدهب لبيت أهلها فتجلس اسبوع عند أهلها و ليطبخ زوجها لنفسه وليكلم نفسه ووووو ، وفي الأخير تأتي لتشتكي زوجي يخونني

[nibrasse76]

ناس تتزوج باش تكمل نصف دينها وتتهنى وتستقر ..وناس تخرب في ربع الدين لي عندها ؟؟؟

لو كان هذا وضع عازب ربما ..اما متزوج صراحة هذا لا يدل على ضعف الاخلاق ..بقدر ما يدل على الغباء والتفكير المحدود جدا ..

[نورسين.داية]

لكن ما حيرني قلتي انه لا يعرف للأنترنت أصلا ...................................؟؟؟
و لو لم يتزوج كنت سوف أقتنع ....بتصرفه .....................لكن حديث العهد بالزواج ..............سبحان الله .................تناقض غريب ....؟؟؟
و الله رجال هذا الواقع ..............لم نعد فهم بأي منطق يمشون ..............................زعمى يعرفو قال الله و قال الرسول ...............الله يهذي ولى يدي .................................................. ..........
بالنسبة للنصيحة .............................رأي مناقض للآراء التي قدمت لكي ............بالتالي أتحفظ على الإجابة

وفقكي الله أختي و فرج همك

[samer khalifa]

مشكل النت وسوء استخدامه يجب ان تلعبي دورا جيدا الان مع زوجك كي تصلحيه

[ام عبودة]

السلام عليكم
اختي المشكلة الى راكي فيها اذا حبيتي تكبريها كبرت واذا حبيتيها تصغار صغرت
انتي تقولي بلي هذه عادة جديدة من اشتري الميكروو حاولي انك تلميها وتعالجيها
خصوصا اذا كنت تحبي زوجك ومعاملته ليك مليحة ولا تخلي حتي غريب يدخل بينكم ولو امك اواختك
الرجل بطبعو الخيانة واسمحولي يا رجال ولو تكون عنده الزين كله لازم يلقى حجة
وزيدي المشكل مش تاع راجللك فحسب راه تاع ذاك دمممممار البيوت
الفايسبووووك راه عندنا في الدار ونشوف واش صاير فيه
الناس اللى دايرينو للتمصخييير واللعب
انا مانسميهش موقع التواصل الاجتماعي نسميه موقع التنافر الاجتماعي
والسبب الى ما يعرفلوش ويا خسارة الاغلب دايرو لللعب مش الفايدة
وان في وسطي سمعت قالك اللى حابة تزوج تحل كونت فايسبوك
الله يهدي الكل
المهم نوليلك ديري ربي في بالك واصبري فالصبر جمييييل
واحتسبيه لربك والله رايحة تنجحي
لانه في هذه انت اللى رايحة تتعبي وتمرضي والراجل ما عندو ما خاسر
انت مش الاولى ولا الاخيرة
ونزيدك كلمة الرجال نقصو الى عندها نصف راجل تحكمو وتقول الحمد لله
اسمحلولي راني تفلسفت عليكم بزاف
ويارب ترجع الامور الى مجاريها بين ةبين زوجك المشكل جديد وفي بدايته حاولي تعالجيه بالعقل والحكمةل