واش رايكم [الأرشيف] - منتديات الجلفة لكل الجزائريين و العرب

مشاهدة النسخة كاملة : واش رايكم

ام غالية

2013-03-16, 17:52

:dj_17:انا بنتى فى افريل دير خمس سنوات سجلتها تحضيرى كل واحد واش يقولى دخليها سنة اولى تربح عام كاين اللى يقولى خليها تحضيرى باش تتعلم و الله احترت :sdf:

ام عبودة

2013-03-16, 20:55

اهلين وسهلييين واش راكي ديتي الكونجي من التدابير
ايا مرحبا بيك حنا النساء ما نخلو والو نحبو نفيدو ونستفادو
ههههههه
المهم نرجع لبنتك سنة حلوة مسبقا وخلينا القاطووو
انا مريت بالحالة تاعك بنتي كان باباه حاب يدخلها السنة الاولى في عمر 5سنين وكانت فايقة بزاف وكبيرة على عمرها
انا تاني دخلت راسي الفكرة قلت تربح عام المدير في حد ذاتو قالي لا لا ما تلقاش روحها
مالا دخلناها تحضيري وصحيح راه ضروري جدا على واش راهي تقرا حوايج مش ممكن تعاود تشوفهم في السنة الاولى
وانا بنتي عمري ما دخلتها الروضة وخوها الى اصغر منها راني حاطاتو في الروضة وباباه قال ندخلو مع اخته في السنة الاولى العام الجاي
قلت لالالالا يا سيدي صح دخل الروضة لكن اغلب اللغة اللى يدرسولهم فيها هي الفرنسية اغاني وحكايات والحروف
بصح ماشى كي التحضيري
خليه ما نربح السنة عام وممكن نضيعلو عام في مشوارو الدراسي
هذا راي وزيدي شوفي مع اللى جربو فكره السنة الاولى بلا تحضيري
وممكن يعاونوك المعلمات بحكم انهم يشوفو في هذو الحالات

ام غالية

2013-03-17, 08:19

شكرا لك عزيزتى ام عبودة صدقينى مقدرتش نقرر كيما قلت فى المدرسة اللى راهى فيها الان مليحة بزاف كيما قلت تعلمت العربية و الفرنسية عندهم التحضيرى وانا حبيتها توالف الجو المدرسى كيما تعرفى الخاص تروح على التاسعة وتروح على الرابعة كى شافت جارتى واش يعلموهم قاتلى خير من التحضيرى نتاعنا المهم انا سجلتها فى المدرسة باباها قالى خليها فى مدرسة خاصة كون تسمعى الاراء دوخى شفت حنا قرينا وكملنا ولدينا متعبوش معانا الله يقدرنا على تربيتهم و قريتهم ويصلح فيهم ان شاء الله اختى رانى ولفت بردك ربى يحفظك

ام عبودة

2013-03-17, 08:35

صباح الخير
انت تقولي بللي درست في مدرسة خاصة وراهي تعلمت بزاف حوايج زيدي اسمعي راي المعلمات تاعها في مرستها اللي راهي فيها
انا نقلك هما اللى يقدرو يدبروا عليك
لان انا عطيتك راي على اساس الروضة تاع ولدي
وصح والله زمان ما كانو والدينا محيرين علينا هكا وكنا دائما متفوقين وناجحين
يا رب اولادنا ينجحو كيفنا وحنا نقومو بواجبنا على اكمل وجه
وندعي ربي يعاونا اجمعين
اميييييييييييييين

ام ظافر

2013-03-17, 09:30

اختي احسن شيء تخليها تتعلم بلا ما تقفزيلها على سنها
تخيلي الان بعض الدول الاوروبية وامريكا يدخلو ولادهم للتمدرس على سن 7 سنوات وحنا عدنا على 4 و5 سنيين
حتى في السنة علموهم الصلاة على سبعة يعني هذا احسن عمر يبدا فيه الطفل التعلم وكل وين يبكر في التعليم كل وين تنقصيلو من مرحلة الطفولة واللعب تاعو
تخيلي واحد عالم جزائري راح لندوة حول الطفولة وهو فخور بولدو يعرف يكتب على 4 سنيين لما كمل كلامو جاوه المسؤولين على الندوة وسالوه هل فعلا ولدك يكتب على 4 سنين قاللهم بكل فخر نعم قالولو مجرم انت مجرم في حق ولدك لان اليد ما يمكنهاش تكتب بدون تعب ومجهود على اعصابها حتى سن 7 سنين وانت راك تعذب فيه بالكتاب الان قبل وقتها
احسن حل تخليها تدخل مثل صحاباتها وربي يوفقها في الدراسة

ام غالية

2013-03-17, 16:04

شكرا لك اختى ام ظافر على النصيحة ساتركها فى التحضيرى الموسم القادم ان شاء الله

إيناس2005

2013-03-17, 16:53

السلام عليكم اخت الناهج التربوية متسلسلة بحيث تبدا من السنة التحضيرية لذا مثل ما نصحوك به الاخوات مشكورات ادخلي

ابنتك للتحضيري رب يحفظهالك وينجحها سلام

ام غالية

2013-03-19, 08:17

مشكورة اختى ايناس ربى يحفظك

ام سارة 285

2013-03-19, 10:49

يا اختي ام غالية انا عندي اخي دخلناه يقرا طول السنة الاولى و كيما راكي تقولي كان سابق سنو و ذكي جدا لكن كي بدا يقرا لقا صحابو سابقينو في الاحرف و الاعداد و الكتابة و عاد ما يقراش مليح و من الضغط عاد ما يحبش يقرا و ضرك رانا نقولو يا ريت يعيدولو السنة باش يلحق المستوى نتاعو
نصيحتي ليك خليها تلعب و تعيش طفولتها,

ام غالية

2013-03-19, 14:03

شكرا لك اختى سارة على النصيحة

غربة أهل السنّة

2013-03-22, 22:09

السلام عليكم و رحمة الله و بركاته

أنا أرى انه من الأفضل البدء بالمدرسة التحضيرية لان الاطفال يتعلمون القرآن و الحساب و الصلاة
و في السنة الأولى يكون الأمر سهلا نوعا ما اي ان الدراسة تكون مألوفة
و هذا يعطي فرصة للولد حتّى يتفوّق في دراسته

و الله الموفق لكل خير