زوجي لا يراني جميلة [الأرشيف] - منتديات الجلفة لكل الجزائريين و العرب

rima racha

2013-03-16, 16:22

زوجي لم يعد يحب شكلي و يشتكي من سمنتي علما اني كنت رشيقة ولكن بعد الحمل و الاجهاض اصبحت سمينة بالرغم من اني لا اكل كتيرا .......كان يموت عليا و انا خايفة ولا يعايرني بوزني و ما دنبى انا!!!!!!!!!!!!!!!!!!!!!!

soussoudarine

2013-03-16, 16:34

ربي يهديه سبحان الله اذا صح كان يحبك اكيد كان يبقى يحبك كيما كنت ومهما تغيرت لان الحبيب يحب محبوبه كيفما كان بكل مزاياه وعيوبه اذا لم يكن زوجك يحب المراة السمينة ممكن كان يطلب منك تعملي رجيم وكان لازم عليه يشجعك ويبينلك انك جميلة لكن لما تنحفي تولي اجمل كان لازم عليه يعطيك دعم مش يحطمك نفسيا بالاهانة لانو عمرو ماكانت السمنة عيب او النحف ميزة انت حاولي تعملي رجيم وتفهميه انو بعدالزواج والحمل تحدث تغييرات في جسم المراة والهرمونات تلعب دور وصعب انو المراة تبقى مثلما كانت قبل الزواج وان شاء الله يتفهم وربي يهدي زوجك ويريح بالك ان شاء الله

leila ben

2013-03-16, 16:48

الحب الحقيقي شعور يتولد داخل القلب ولن يغيره تغير الشكل ودا كان زوجك يموت عليك في السابق أكيد مزالو يموت عليك معرفش برك كيفاش يوصلك رسالتو بأنه يريد أن تستعيدي رشاقتك المهم السمنة لها علاجها يمكنك عمل ريجيم

kakinova

2013-03-16, 16:53

الحل انو يشريلك جهاز تعملي بيه الرياضة لانو كلامو رح يسببلك احباط و رح تاكلي بدون ما تفيقي بروحك

و زيد لازم تحكي معاه و تحطي النقاط على الحروف و الا رح يتمادى اكثر من هذا

المفروض الاحترام بين الازواج و كاين حاجة اسمها الكلمة الطيبة و خصوصا للنصح

و المرأة عموما بعد الحمل و الولادة تتعرض لتغيرات هرمونية و فيسيلوجية تخلي جسمعا يتغير زيادة عرض منطقة الحوض و تركز الشحوم في اماكن معينة و هاذي ضريبة من ضرائب الامومة و الحمد لله نحبو الامومة و راضيين بالثمن لي ندفعوه من جسمنا و صحتنا و عظامنا

المفروض يكون معك حتى تقدري تعوضي الجنين لي فقدتيه و يرزقك ربي ان شاء الله في اقرب وقت

و ان شاء الله ربي يهديه و يوفق بينكم و ادعي دائما ربي يحبب زوجك فيك

mimi30

2013-03-16, 17:12

[QUOTE=rima racha;13331045]زوجي لم يعد يحب شكلي و يشتكي من سمنتي علما اني كنت رشيقة ولكن بعد الحمل و الاجهاض اصبحت سمينة بالرغم من اني لا اكل كتيرا .......كان يموت عليا و انا خايفة ولا يعايرني بوزني و ما دنبى انا!!!!!!!!!!!!!!!!!!!!!![/UOTE]

اختي انا ايضا كنت رشقة جدا وبعد الولادة زاد وزني 20كغ من 55 الي 75كغ والله كرهت روحي راجلي راهو يقولي
راكي مليحة وانا تعقدت من روحي وش نقولك لازم رجيم كيما قالت الاخت علي الاقل عندنا حل

هدى الجيجلية

2013-03-16, 18:16

السلام عليكم
اختي
لا تحزني
الامر عادي
خيتي
إعملي رياضة
وانصحك برياضة المشيء
هي احسن رياضة
وصدقيني راح أيكون جسمك رشيق
وإعملي نظام وقت للاكل
مثلا : الغداء في الوقت
الفطور العشتء خفيف
والاكل عند أيام الاوقات
أيخلي الواحد يسمن

sarl02

2013-03-16, 21:25

عادي جدا يا اختي كاين رجال بزاف احبو اقسرو برك ...مالا اذا قالك قلة ولا قرعة تاع قاز ولا راكي كيما المربع ما اديريش في بالك .. و راح تستمر الحياة والعلاقة الزوجية اسمى من ذلك بكثير.

إيناس2005

2013-03-16, 23:10

سوف لن اناقش ماهو المفروض وماهو ليس مفروض ان شيئا في داخلي يقول لي ان زوجك يحملك انت مسؤولية سقوط الجنين ربما

كان متلهف لراية ابنه الصغير اعرف يا عزيزتي ان ذلك قضاء وقدر وان لا دخل لك في الموضوع لاكن تحمليه هو ايضا تحت

الصدمة اله يعوضكما خيرا منه قد يكون لم يعبر لك بالمه على فقد الجنين فاخرج المه بذلك التعليق على كل حال بسيطة ان شاء الله

اعملي بالنصائح التي قالها الاخوة الكرام واضيف ساعدي زوجك للخروج من هذه الازمة حتى يبقى لك وحدك رب معاك اختي

mounia 85

2013-03-17, 13:22

ام ايمان16

2013-03-17, 20:51

ربي يهديه و يوفق بينكم

sali-sali

2013-03-17, 21:02

الله يهديه

حاولي تعملي رجيم
ولا احكي معاه وفهميه انوت فكيرو سطحي بزااااف
واش راهم يشوفو في النسا..حاسب روحه يقدر يشكلها كيما يحب

soha1987

2013-03-17, 21:21

هههههههههههه رجال اخر زمان زعما هو خالي من العيوب لا عايرك عايريه بكاش عيب فيه ههههههههههههه
راني نتمسخر معاك بلاك ديريها وتسلكيها غالية لكان عايرك قتليه بلبارد المهم نتي روحي شوفي طبيبة تعطيك رجيم ماتخليش روحك سمينة انا راني كيما نتي سمنت شوية من هار تخرجت مي درك تخطبت راني ندير فالريجيم لصحتي هي الاولي والثانية باش يشوف غير ليا هههههههههههه

knives55

2013-03-17, 21:48

هذ راه يقارن بين ويبن نساء تاع الشارع

انت حل انكي تخفضي وزنك لا حل اخر

المتيقنة بالله سارة

2013-03-17, 23:35

زوجك انسان سطحي ....لازم يدير في بالو باللي حتى هو قادر يسمان ويتكعبر ويتفرطس ...يرضاها لنفسو كون جا هو في بلاصتك ونتي وليتي تكرهي الشكل تاعو؟؟
والله مالقيت مانقول عيب عليه الزواج اسمى من هاد التفاهات ربي يهديه وخلاص
هههههه والله غير جبتيها نسى روحو كيفاش كي يسمان راجل ويترررررررررررررررطس .......هههههههههههه:d:d:d:d:d:d:d:d:1::1::1::1::1: قتلتيني بالضحك

أم براء

2013-03-19, 10:39

راكي غالطة
راح يهدر برك بصح في داخله يعلم بلي الشكل ما هوش هو الصح
لا تظهر انزعاجكي بهذه الألقاب و سوف ترين
كنت أعلني من نفس المشكلة مع زوجي
حطيتو فالثقيل و des fois نقلو "ما عجبتكش الجرة بدل la taille fine "
و في غالب الأحيان أذكره بأن المرأة السمينة أحسن من الرقيقة و كيفاش الرقاق يشربو في المسمنات و إليكي بعض الأمثلة تغيضين بها من يصفكي بالسمينة:

" راح زمان الخديدات و جا زمان لوليدات"
"الصحة بهات القعدة ونهدت الأعداء"
"المرأة السمينة بنت وزير و لا بنت الخير"

أتمنى أنني أفدتكي

مناد بوفلجة

2013-03-19, 20:12

عليك بالحمية الغذائية و ممارسة الرياضة المنزلية

staifia

2013-03-19, 20:49

الحب يكون في القلب مش في المظـــهر
ومهما كان لازم انتي مطيحيش بروحك قدامو ديما تكون مفتخرة بروحك مهما كان

panpouna

2013-03-20, 11:21

بالاك راهو يتمسخر برك الراجل يحب يهبل مرتو خطرة على خطرة ما ديريش في بالك وكيما قالت الاخت هو تاني تجي دالتو يسمان و يتفرطس تما نتي ديري رايك..الثقة في النفس هي الصح و حنا الجزايريات قاع هاكدا بعد الزواج نسمانو سورتو مع الحمل و هادي سنة الله في خلقه مالا ما تتقلقسش رانا قريب كامل كيف كيف وان شاء الله ربي يعوضكم بحمل اخر و يسجالكم لتما يلهى بيه و يخليك ترونكيل

hadjira195

2013-03-20, 13:46

ربي يهديه و يوفق بينكم

rima racha

2013-03-21, 17:48

و الله عجبوني الردود نتاعكم في الحقيقة زوجي يتمنى نكون احسن و انا نحس بهدا و قتلوا نعمل رياضة و لكن ما شجعنيش كنت نوزن 60 كلم وصرت 70 و اليوم 69 المهم راني نقصت 1كلغ من يوم اللي كتبت الموضوع ههه شكراااااااااااااااااااا انتم رائعون

مريم الصابرة

2013-03-21, 18:15

السلام عليكم
ياخي راجل ربي يهديه لو مثلا بعيد الشر كاش ما صرالك حرق او تشوه لا سمح الله يرميك يطلقك ربي يهديه تفكيرو ضيق وسطحي ربي يهديه
فهميه وما تتوسوسي ما والو من المفروض تزوجك عن قناعة وحب والحمل والإجهاض يبدلو فالمرا وراه جاي وقت هو يتكرفس يسمان ويخسر كامل ويولي شيخ قبل الوقت يا هل ترى يقبلها لنفسو اكيد لا ربي يهديه إنت نقصي الملح فالاكل وننصحك ما تاكليش الماكلة بالخبز قللي منو بزاف وفاليل كولي سلطات ودون زيت وإقنعي بشكلك حاجة ربي كان هو ما راهش قابل ربي يسهل لازم تحكي معاه العجب ياخي رجال تقولي نتيري عليهم

محمد...عبد النور

2013-03-21, 19:55

السلام عليكم أختي الكريمة
ربي يعوضكم عن ما فاتكم و يرزقكم الذرية الطيبة

بالنسبة لوزنك ........اقول لك : خير البر عاجلك ........انصحك برجيم صارم لمدة .و بعدها ستتحسن الامور..في الدنيا كل شيئ او اي مشكل يجب ان نتعامل معه بطريقة جدية و فعالة و سريعة و لا يجب ان نضيع الوقت فالوقت ثمين............كل لحظة تمر دون استغلالها فقد ضيعناها.من الان ابحثي على ريجيم يكون مناسب لك و كوني صارمة مع نفسك لمدة معينة ههههههههههههههههه..........و باذن الله ستعود المياه الى مجاريها و زوجك ستذهب الغشاوة عن بصره و يرجع هائما في حبك كما كان ان شاء الله تعالى
بارك اله فيك و جزيتي كل خير
ســـــــــــــــــــــــــــــــــلام

ميمنة الجزائر

2013-03-21, 22:00

شوفي كلام الرجال هنا واحد ما قالك راهو غالط غير اللي يقولك ديري ريجيم

نسا عمرو هو يعني هذه ابسط حاجة تجيك يتخلى عليك واذا خليتيه يتمادى

شوفي صحتك واقل حاجةانو اللي يحب ينسى عيوب اللي يحبها

صح انو يقولك نقصي بصح بتهذيب ما يجرحكش كل مرة

انصحك انك تكوني متهمة باناتقك وما تخليهش هو اللي يقولك مليحة ولا عكس

ديري لعمرك واكسبي ثقتك في نفسك المهم انك تجيبي اولاد هوما اللي ينيسوك في شكلك

وماشي رايحين نعدو كامل صغار حتى الرجال يكبو تطيح كرشهم ولا يشيبو اكثر

حنا اموا عندنا لباس ومكياج ووووووو المهم تعرفي وقتاش تخلي روحك انيقة وما يهمكش واش يقول

faty05

2013-03-22, 07:42

قوليلو يقربع جيبو و يشريلك الة الرياضة او يخلصلك اشتراك اديري لايغوبيك
و يشريلك الفواكه و الخضر بانواعها و زيد قوليله يخرجك شوية تتمشاي و تشمي هواء نضيف ( راح مليح المشي و لو نصف ساعة يوميا)
احتار من رجال اخر زمان يحبو لمرا تجيبلهم لولاد و ما تسمانش و تقوم بيه و تغسل و تربي لولاد و ناسية روحها مسكينة
من بعد يولي يعاير
و اذا راه سمين قوليله حتى انا راني حابة نشوفك رشيق ههههههه راني نتمسخر اختي
ربي يهديه و يصلحلك احوالك و تلقاي الحل ان شاء الله

sarl02

2013-03-22, 15:10

yacine-08

2013-03-22, 19:34

اغلب النساء بعد الحمل من الصعب جدا ان تستعيد وزنها السابق

ادا كان رجل صالح ويحبك صح تاكدي انك لن تسمعي منه كلمة تجرحك .

رونق الامل

2013-03-22, 19:55

chofi hana balak i3awnek

http://www.djelfa.info/vb/showthread.php?t=1244711

كلمات مبعثرة

2013-03-22, 20:22

عادي جدا

وبما انه يعايرك بشكلك فدفعيه ثمن رشاقتك ادهبي الى طبيبة مختصة في التغدية واتركيه يتحمل المصاريف وايضا لا تهملي نفسك ادهبي الى قاعة ممارسة الرياضة ومارسي الرياضة متاكدة بانك سوف تخسرين وزنك وترجعين لرشاقتك وانصحك بان لا تتخلى عن الرياضة حتى لا تسمني مرة اخرى ..علاج السمنة اصبح بسيط لكنه مكلف وهدا ما يستحقه...الكثير من الرجال يجهلون بان جمال المرأة في ايديهم فزوجك من بامكانه ان يجعلك جميلة وهو من بامكانه ان يجعلك قبيحة ..فمن يهتم بزوجته ومصاريفها وتوفير كل ما تحتاجه من البسة ومواد تجميل ورياضة ستكون اجمل نساء العالم ومن يهمل زوجته ولا يشتري لها الملابس الجميلة ولا يتحمل مصاريف الرياضة سوف تسمن ويراها في اسوا منظرها..انها الطريقة الوحيدة لتسكتيه للابد هده طريقة
الطريقة الاخرى انك تعاملينه بالمثل اكيد زوجك ليس ملك جمال العالم اخبريه بما لا يعجبك فيه حتى تجعلينه يشعر نفس شعورك وربما سنراه في المنتدى قريبا يبحث عن حل هههههه

isyami

2013-03-22, 20:46

السلام عليكم

بداية يا أختي ، السبب هو عدم انتباه المرأة لوزنها أثناء الحمل و تظن أن كثرة الأكل مفيدة للجنين و لكنها ستتجمع في جسمها هي و تبقى حتى بعد الولادة.

أما الآن، فأنت لا تبالين بطعامك ايضا لأنك تأكلين كثيرا و بدون معايير لأن طفلك يحتاج لحليبك و هذا خطأ آخر.

يا أختي، من الرجال من لا يحب أن يتغير جسم زوجته كثيرا ، فهل عجزتي على اتباع رجيم و بعض الرياضة.

لا تقولي لي لا أملك الوقت :mad:، فأنت تضيعينه أما المسلسلات التركية :D و تتحسرين على رشاقتك الضائعة http://www.djelfa.info/vb/images/icons/456ty.gif بدل ممارسة تمارين خفيفة لشد عضلات البطن خاصة.

هيا، بركاكي من الشكوى، اتهلاي في روحكhttp://www.djelfa.info/vb/images/icons/mh04.gif. إلى العمل أقصد إلى الرياضة و الحمية.

النجمة القطبية

2013-03-22, 22:21

السلام عليكم ورحمة الله وبركاته
لا راى بصراحة اى سطحية فى الموضوع
كل ما فى الامر ان زوجك قد نبهك بان وزنك قد زاد وهذا الامر منتشر بين النساء
واعتقد انه قد احسن الفعل اذ نبهك وصارحك
بالعكس هذا يدل على ان زوجك صريح ويريد الافضل لك ويهتم لامرك والا ماكان نصحك ثم الامر لمصلحتك بغض النظر عن رايه
الامر مقدور عليه ماشى فرق كبير ريجيم وشوية رياضة ويحل الامر
ومبرووووك على الكيلو :) العقوبة للباقى

النجمة القطبية

2013-03-22, 22:25

راكي غالطة
راح يهدر برك بصح في داخله يعلم بلي الشكل ما هوش هو الصح
لا تظهر انزعاجكي بهذه الألقاب و سوف ترين
كنت أعلني من نفس المشكلة مع زوجي
حطيتو فالثقيل و des fois نقلو "ما عجبتكش الجرة بدل la taille fine "
و في غالب الأحيان أذكره بأن المرأة السمينة أحسن من الرقيقة و كيفاش الرقاق يشربو في المسمنات و إليكي بعض الأمثلة تغيضين بها من يصفكي بالسمينة:

" راح زمان الخديدات و جا زمان لوليدات"

"الصحة بهات القعدة ونهدت الأعداء"
"المرأة السمينة بنت وزير و لا بنت الخير"

أتمنى أنني أفدتكي

:rolleyes::rolleyes::rolleyes: المراة السمينة بنت وزير بكرى عمرى ما سمعت هذا المثل بصح اكيد قديم
واحد ما يكذب على روحو الصحة فى الوزن السليم
الاعتراف بالحق فضيلة

لحن الفرح

2013-03-22, 23:00

اختي لا تفهم غلط ربما زوجك راه حابك الديري القلب والارادة وتعملي رجيم ورياضة لتعودي الى وزنك السابق .
اختي لو كنت مكانك لا اهتم لا تكوني حساسة بل انصحك بعمل رجيم ورياضة في قاعة الرياضة النسائية .
كونيييييي قوووووية لا تهتزي .