ملف عقود ماقبل التشغيل على طاولة الوزير لإدماجهم

[leila ben]

يتواجد ملف الشباب العاملين بعقود ماقبل التشغيل والشبكة الاجتماعية،* ‬على طاولة الوزير الأول عبد المالك سلال،* ‬حيث* ‬يتم دراسته لتحديد مصيرهم،* ‬وذلك بعد أن عجزت القطاعات المستخدمة للآلاف منهم عن إيجاد حل لوضعيتهم،* ‬والتي* ‬من المنتظر أن تنتهي* ‬بإدماجهم في* ‬مناصب عمل دائمة وفقا لاحتياجات المؤسسات العمومية*.‬كشفت مصادر موثوقة لـ*''‬النهار*''‬،* ‬أن ملف العاملين في* ‬الشبكة الاجتماعية وعقود ماقبل التشغيل،* ‬يتواجد على مستوى الحكومة للنظر فيه ودراسته،* ‬بغية تحديد مصير العاملين في* ‬هذه الأماكن منذ سنوات بصفة مؤقتة وبرواتب رمزية،* ‬تدفعها الوكالة الوطنية للتشغيل*.‬وأضافت ذات المصادر،* ‬أن الوزير الأول استلم ملف عمال عقود ماقبل التشغيل العاملين في* ‬كافة القطاعات العمومية،* ‬وسيتم مناقشتها،* ‬من أجل إيجاد حل لوضعيتهم وإدماجهم في* ‬مؤسسات الدولة،* ‬وذلك بالرغم من أن الشباب الحاصل على شهادات جامعية* ‬يعملون في* ‬الإدارات العمومية،* ‬لكن ليست لهم مناصب محددة،* ‬وبالتالي* ‬من الصعب إدماجهم من دون دراسة وضعيتهم*.‬وفي* ‬السياق ذاته،* ‬فإن ملف عقود ماقبل التشغيل حوّل إلى الوزارة الأولى،* ‬كونها المخول للنظر في* ‬مثل هذه الملفات* ‬التي* ‬تخص إدماج العمال في* ‬مناصب دائمة،* ‬ومن المنتظر* - ‬حسب المتحدث* - ‬إيجاد الحلول الممكنة لهم،* ‬إذ من المتوقع إعطاءهم الأولوية في* ‬التوظيف في* ‬كل المسابقات التي* ‬يتم الإعلان عنها في* ‬قطاع الوظيف العمومي*.‬وفي* ‬هذا السياق،* ‬كانت مصالح وزارة الداخلية والجماعات المحلية،* ‬قد شرعت في* ‬إحصاء عمال عقود ماقبل التشغيل والشبكة الاجتماعية العاملين على مستوى البلديات،* ‬الدوائر والولايات،* ‬وذلك من أجل تسوية وضعيتهم وإدماجهم في* ‬مناصب عمل دائمة قريبا،* ‬وجاءت هذه الإجراءات،* ‬تكملة للتعليمات التي* ‬أعطيت لصالح الوُلاة في* ‬الاجتماعات الأخيرة التي* ‬جمعتهم بالوزير دحو ولد قابيلة،* ‬لتسوية كافة مشاكل العمال التابعين لمصالح وزارة الداخلية والجماعات المحلية،* ‬الذين لا* ‬يزالون* ‬يعملون بعقود مؤقتة،* ‬وذلك بدراسة ملفاتهم وإدماجهم في* ‬المناصب الشاغرة والمصالح المستحدثة بالإدارات العمومية.وتعمل الحكومة الحالية،* ‬منذ مجيء الوزير الأول عبد المالك،* ‬سلال على دراسة العديد من الملفات العالقة،* ‬والتي* ‬خلّفتها حكومة أحمد أويحيى،* ‬التي* ‬قامت بخلق هذه المناصب المؤقتة لكنها بقيت من دون حل،* ‬وهناك العديد من الشباب وجدوا أنفسهم في* ‬الشارع بعد نهاية عقودهم التي* ‬تمتد عادة إلى ثلاث سنوات*.‬

[leila ben]

نقلت ماوجدته في الجريدة متلومونيش

هل هو خوف من إنتقال مطالب الجنوب إلى أصحاب العقود ومعالجة الأوضاع قبل الإنفجار أم هي أكاديب لطالما صدعولنا راسنا بيها

كيما يقولو تبعوا الكداب لباب الدار

[صقر الشرق]

يا جماعة راكم كامل واعيين ومثقفين الله يبارك...لهذا لا داعي أن تتوهموا وتحلموا أحلام اليقضة.........حتى ولو كان هناك إدماج (إن شاء الله) فتأكدوا أن هناك شروط تعجيزية كضرورة أن لا يقل سن المتعاقد مثلا عن 30 سنة أو أن يكون له خبرة 4 سنوات على الأقل في الميدان أو إشتراط وثيقة تثبت إشتراكه في العديد من المسابقات أو أن يكون من أحفاد الشهداء كما فعلت في مسابقات الأساتذة بالإضافة إلى الشرط الأساسي وهو الأهم على الإطلاق ألا وهو المعريفة ثم المعريفة ثم المعريفة..... ماتحكموش في حبل راشي باه واحد ما يطيح. وربي يرسمكم كامل

[dana maram]

kel journal khoya

[leila ben]

الفايدة الواحد يتفاءل الرزق من عند ربي ماشي من عند العربي كي يكتبلكم ربي الخدمة يا تكون الرشوة والمعريفة وجماعتها وتطيرلك
المهم هم ادا راهم يقولو في الصح ولا الكدب مرايحاش ننظرو كيما أول كدبة علقنا عليها أمالنا حنا رنا نستناو مسابقات التوظيف وادا هداهم ربي ودمجونا منقولوش لالا
بصح لازم حد لهاته الجرائد التي تفتعل الشائعات على حساب الفئات اللي قلبها معمر لخطر مرقوها بزاف

[leila ben]

kel journal khoya



جريدة النهار

[merzouguiyoucef]

ان شاء الله خيرا

[غليزاني 26 سنة]

مازلتو تامنو بالغولة

[عادل بأذن الله]

هام دمجوكم هاهم بطلوا الدوسي فوق الطاوله
الدوسي في التولات يمسح بيه ............هههههههههههههههههههههههههههههههههههههه ههههههههههههههههههههههه

[aboud42]

جريدة الانهيار وكذب الاخبار ما هي الا كلمات لامتصاص غضب الغد

[صقر الشرق]

أضن أن الخبر صحيح........لكن تطبيقة سيأخذ وقت لدراسة الملفات يعني قادر يكون في بداية العام الجاي. أنا راني نحوس على عقد في القطاع العام برك على خاطر تخرجت في 2012 مانكبرش كرشي ياسر. أولوية الإدماج ليكم....ربي يسهل للجميع.

[mohamed888]

اعتقد انو رئيس الحكومة سيناقش ملف سرقة الاطفال وتطبيق عقوبة الاعدام على الفاعلين
هكذا سمعت في الاخبار

[صقر الشرق]

اعتقد انو رئيس الحكومة سيناقش ملف سرقة الاطفال وتطبيق عقوبة الاعدام على الفاعلين
هكذا سمعت في الاخبار

لا تيأس من رحمة الله.......

[طهراوي ياسين]

شكرا على الاعلام
ان شاء الله

[tafat]

ليس صحيح،أعمل في القطاع العام راني في السنة الرابعة من العمل ،جرت مسابقة متصرف عندنا شاركت في المسابقة،قلت نكون من الفائزين علخطرش شهادتي من 2001 لكن لسوء الحظ جازو بلمعرفة ،قولولي واش ندير،هذي هي الجزائر..والله فقدت الأمل لأن مزالي 6 أشهرفقط باش يخلص عقدي.

[yacine-08]

الادماج في حكومة سلال سيكون فقط ترقيعي الى غاية انتخابات الرئاسية 2014

الله يجيب الخير برك في هاد لبلاد

[صقر الشرق]

ليس صحيح،أعمل في القطاع العام راني في السنة الرابعة من العمل ،جرت مسابقة متصرف عندنا شاركت في المسابقة،قلت نكون من الفائزين علخطرش شهادتي من 2001 لكن لسوء الحظ جازو بلمعرفة ،قولولي واش ندير،هذي هي الجزائر..والله فقدت الأمل لأن مزالي 6 أشهرفقط باش يخلص عقدي.
حتى كون يخلاص العقد تاعك ومايدمجوكش....ربي سبحانه وتعالى ماراحش يتخلى عليك. كبري قناعتك بربي وما تدريش كيفاه تتفتح عليك أبواب الخير. بالاك تشاركي في مسابقة ويرسموك. إن شاء الله

[dana maram]

أضن أن الخبر صحيح........لكن تطبيقة سيأخذ وقت لدراسة الملفات يعني قادر يكون في بداية العام الجاي. أنا راني نحوس على عقد في القطاع العام برك على خاطر تخرجت في 2012 مانكبرش كرشي ياسر. أولوية الإدماج ليكم....ربي يسهل للجميع.

روح ا خويا ربي يرزقك بخدمه في الدوله و بوست ماشي هذ التمسخير تاع لاداس ولا لانام الي رانا فيه ربي يوسع رزقك ياربي

[Ghechame]

ان شاء الله يكون فيها خير ويدمجونا

[tafat]

شكرا لك ياأخي،راني دايرة ربي سبحانو في قلبي،و أدعي ربي كل يوم،إنشاء الله يفرج أعلنا وكل واحد منا يدي حقو...

[sabina000]

الخبر في جريدة النهار لهذا اليوم صفحة 5 و لكن لا أصدق

[alwene2186]

كلام جرائد وإن صدق فما مصير المتعاقدين في باقي القطاعات ربي يكون الخير وتحية لشباب الجنوب على التنظيم المحكم للمسيرة اللي داروها وربي يكون الخير

[laouni2009]

تقني اعلام الي - برمجة-+تقني سامي اعلام الي - أنظمة وشبكات- + ليسانس تعليم عالي + شهادة مراسل صحفي + تكوين مهندس تطبيقي
السن :34 سنة
غير متزوج
الوظيفة : راعي للغنم .
-حلل وناقش-

[latifa-star]

مشكورة اخت على الخبر ربي يجيب الفرج ان شاء الله

[شخص خاص]

خلوها للمكتوب يا جماعة الخير ........انا شخصيا تعبت بزاف من حكاية الإدماج هاذي ، وقال فلان وفلتان .....الجرنان له اجندات وتوجهات ماتعملوش عليه فالخبر اليقين يخرج في الجريدة الرسمية...والي راه كاتبو ربي يجي رغم انف المخلوق ........هكذا يرتاح الإنسان مليح

[صقر الشرق]

تقني اعلام الي - برمجة-+تقني سامي اعلام الي - أنظمة وشبكات- + ليسانس تعليم عالي + شهادة مراسل صحفي + تكوين مهندس تطبيقي
السن :34 سنة
غير متزوج
الوظيفة : راعي للغنم .
-حلل وناقش-
الحل أنك تبيع الغنم، وبصواردهم حل مكتب صغير مارس فيه مواهبك المتعددة. ولوكان تعمل مزية حطني سكريتار عندك راني متحصل على شهادة الليسانس في قانون الأعمال و شهادة ماستر في اللغة والأدب العربي وهك نهنوا رواحنا وتتهنا منا الدولة :19::19::19:

[laouni2009]

ياسي صقر الشرق ياومش رزقي انا غي خدام، اذا بغيت
ارواح راهم ليك بيعهم وحل مكتب .

[BAROUD]

احسرااااااااااااه عليك

الصباح يحطوه علئ الطابلة و ليه ليه يحطوه تحت الطابلة الئ ان يشاء الله

[badri-113]

السلام عليكم ما فهمنا ولو كل خطرة كيفش قولو خطرة قلك راح يدمجوهم قبل جوان خطرة يقولك راهم فوق الطابلة و خطرة جايا يقلك حاجة جديدة

[صقر الشرق]

دوووووووووووووووووووماااااااااااااااااج والله حسبتهم رزقك. قلت بلاك تحطني نخدم معاك خصوصا أنك إنسان جربت البطالة وتحس بإخوانك....ظهرت حتى أنت تخدم عند الخواص؟؟؟ إيييييييييييييييييييه ياو حتى الرعي ذرك وبالمعريفة.

[silverstar]

شكرا على الاعلام
ان شاء الله

اخي الكريم الله يسترك
حاب نسقسيك على الاعلان في التوقيع تاعك
بخصوص الشركة ماهي قصتها
ولماذا نقوم بالتسجيل قصدي مالفائدة
بارك الله فيك

[leila ben]

ليس صحيح،أعمل في القطاع العام راني في السنة الرابعة من العمل ،جرت مسابقة متصرف عندنا شاركت في المسابقة،قلت نكون من الفائزين علخطرش شهادتي من 2001 لكن لسوء الحظ جازو بلمعرفة ،قولولي واش ندير،هذي هي الجزائر..والله فقدت الأمل لأن مزالي 6 أشهرفقط باش يخلص عقدي.


lمتقلقيش روحك يا أختي ربي يفرجها إن شاء الله

[leila ben]

الادماج في حكومة سلال سيكون فقط ترقيعي الى غاية انتخابات الرئاسية 2014

الله يجيب الخير برك في هاد لبلاد


راهم يوجدولها بصح على بالهم غاشينا طنح يحشوهالهم بالخف وتلقاهم مستفين نهار الانتخابات

تقني اعلام الي - برمجة-+تقني سامي اعلام الي - أنظمة وشبكات- + ليسانس تعليم عالي + شهادة مراسل صحفي + تكوين مهندس تطبيقي
السن :34 س
.؟غير متزوج
الوظيفة : راعي للغنم .
-حلل وناقش-

تحليلي أن بلادنا ميقيموش اللي يقرى يقيمو اللي ينهب الملايير ربي يفرج عليك

[leila ben]

الحل أنك تبيع الغنم، وبصواردهم حل مكتب صغير مارس فيه مواهبك المتعددة. ولوكان تعمل مزية حطني سكريتار عندك راني متحصل على شهادة الليسانس في قانون الأعمال و شهادة ماستر في اللغة والأدب العربي وهك نهنوا رواحنا وتتهنا منا الدولة :19::19::19:



ضحكتوني أضحك الله سنكما ربي يرزقكم بالخدمة عاجلا غير أجلا

عجبني توقيعك أخي صقر

[leila ben]

السلام عليكم ما فهمنا ولو كل خطرة كيفش قولو خطرة قلك راح يدمجوهم قبل جوان خطرة يقولك راهم فوق الطابلة و خطرة جايا يقلك حاجة جديدة


كانوا يكسرو في الكاوكاو علينا راهم فوق الطابلة برك

دوووووووووووووووووووماااااااااااااااااج والله حسبتهم رزقك. قلت بلاك تحطني نخدم معاك خصوصا أنك إنسان جربت البطالة وتحس بإخوانك....ظهرت حتى أنت تخدم عند الخواص؟؟؟ إيييييييييييييييييييه ياو حتى الرعي ذرك وبالمعريفة.


أوووووووووووف طارت الخبزة قلت دوك يسلكلها واحد خخخخخخخخخخخخ

[leila ben]

شكرا لمرووووووووووووووووووووووووووووركم ربي يفرج علينا ويرزقنا بالخدمة ويهنينا من عقود الهم عاجلا غير أجلا قولو أميييييييييييييييييييييييييين متتقلقوش

[jiji14]

نكتة
.
.
قالك واحد النهار دمجونا
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه

[kas]

على الله فليتوكل المتوكلون

[madani982]

والله ياخاوتي كلام المنتديات هذا راهو ما يجيب حتى نتيجة ياووو رايحين تبقاوطول حياتكم هكذا اذا ما وضعتوش اليد في اليد .راهي غير مضيعة وقت .لازم الضغط ثم الضغط على الحكومة عن طريق الاحتجاجات السلمية بطبيعة الحال .هكذانقدروا نجيبو حقنا .

[ZAHRAT ALOMOR]

وحده كيما انا عندها 11 عام متخرجة حتى العقود مصحتليش ومقبلونيش في المسابقات ومارانيش فاقدة الامل كاين رب راه يشوف

[ZAHRAT ALOMOR]

لوكان نبطلو الاحلام وكل واحد يدير مشروع ماشي خير ياك الرزق على ربي كفانا مذلة ولينا كتقطوط نسناو في الجزار يرميلنا الشحمهالجلود.

[cheri classe]

يا جماعة راكم كامل واعيين ومثقفين الله يبارك...لهذا لا داعي أن تتوهموا وتحلموا أحلام اليقضة.........حتى ولو كان هناك إدماج (إن شاء الله) فتأكدوا أن هناك شروط تعجيزية كضرورة أن لا يقل سن المتعاقد مثلا عن 30 سنة أو أن يكون له خبرة 4 سنوات على الأقل في الميدان أو إشتراط وثيقة تثبت إشتراكه في العديد من المسابقات أو أن يكون من أحفاد الشهداء كما فعلت في مسابقات الأساتذة بالإضافة إلى الشرط الأساسي وهو الأهم على الإطلاق ألا وهو المعريفة ثم المعريفة ثم المعريفة..... ماتحكموش في حبل راشي باه واحد ما يطيح. وربي يرسمكم كامل


لا اجد ما اقول لانك لخصت افكاري عجبتني الشروط لي تخيلتهخا و الله عندك الحق لكن على كل حال المهم ينقضو نسبة من شبح التشومير و البطالة انشاء الله ينظرو لينا احنا ثاني لي تخرجنا جدد و معندنا لا كونترا لا هم في الاخير نقولك لا تواصل المسير لاني تعبت في مكانك

[صقر الشرق]

شكرا لمرووووووووووووووووووووووووووووركم ربي يفرج علينا ويرزقنا بالخدمة ويهنينا من عقود الهم عاجلا غير أجلا قولو أميييييييييييييييييييييييييين متتقلقوش
على قدرك نحكي مع لمعلم يخليلنا نعجة كي يدمجوك نذبحوها ونديروا زردة إن شاء الله.

[the zodiak]

من فضلكم ساعدوني ،لقد عملت سنة مع لاداس ثم أربعة شهور مع لانام ثم توقفت عن العمل لأسباب مرضية لكن دون أن أقدم مبرر 0المشكل أنني أريد معاودة العقد ،هل يمكنني ذلك0أرجو الرد

[mostefa11]

و سيبقون يدرسون و يدرسون يدرسون و يدرسون يدرسون و يدرسون يدرسون و يدرسون يدرسون و يدرسون يدرسون و يدرسون يدرسون و يدرسون الى ان يشيب الغراب وينقشع السراب عين عينيك يا ليلى وتعرفي انها لعبة اوهمه ولا تصدمه بالحقيقة المرة " رانا بحال الكمون يجيه المزارع و يقوله اليوم نسقيك ، غدوة نسقيك .....و هكذا دواليك"

[taouti]

لا تيأس من رحمة الله....... كل شي مكتوب ومقدر ، الرزق على ربي سبحانه وتعالى ، لي كاتتلو حاجة تجيه ما ينحالو حتى واحد

[mouha2012]

يا خاوتنا لا تكتفوا بالتمني والإنتظار فقط بل إعملوا من أجل إدماج فعلي لكل عمال عقود ماقبل التشغيل والعمل طبعا تعرفونه جميعا وهو الإحتجاج والإحتجاج والإحتجاج حتى يتم الإدماج

[نسمة الجنة1]

السلام عليكم
راهي تالفتلي كامل معرفت نصدق ما عرفت نكذب مفاهما فيها والو
عييت من الاكاذيب رانا نطبعو و خلاص بهذي العقود و غدوة ربي عمللها تاويل

[aboud42]

اللهم ارزقنا الحق وارزق ولات امورنا الهداية.

[rym86]

tawakaltou fi rizki 3ala allahi khaliki wa aykantou anna allaha la chaka raziki wa ma yakoun min rizkin fa layssa yafoutouni wa law kana fi ka3i albihari al3awamiki.

[fruit]

لا اله الا انت سبحانك اني كنت من الضالمين

[alwene2186]

شوف خو مالازمش نقلقوا خلاص وفي نفس الوقت نتحركوا ياأخي كل واحد يريكلامي في الإدارة اللي راهوا فيها ويتحرك والحل أن يتفق كل عمال عقود الإستعباد ونديروا إضراب عام وتشوف كيفاه تتشل الإدارات اللي يطلبوا حقوا يديه واشنوا يعرف كيفاه يطبوا برك وربي يحمي الجزائر ويحفظ شباب وربي يفرج علينا آجمعين آمين