استفسار بخصوص المنحة الجامعية

[WaLiDsaNFouR]

السلام عليكم

خاوتي نسقسيكم هل صحيح أن المنحة الجامعية غير موجودة هذه السنة لباك 2010

لانه ولا واحد وصلتو هنا في قسنطينة من اصحاب 2010 وهناك لي وصلتهم الطلاب الجدد

بعد ما استفسر صديقي من واحد يخدم في مصلحة تاع ملفات المنحة قالو بلي هذا العام الغاشي

وتم حذف طلاب 2010 من القائمة هل هذا صحيح ؟؟

وباركة الله فيكم

[شـــهاب]

هذا غير معقول أخي ،
وضح أكثر ، في أي سنة تدرس ، و هل أنت معيد أم لا ؟؟؟

[WaLiDsaNFouR]

هذا غير معقول أخي ،
وضح أكثر ، في أي سنة تدرس ، و هل أنت معيد أم لا ؟؟؟


ادرس ينة ثانية ومعيد سنة

وعندي زوج جيراني كيفي يعني 2 ومعيدين سنة

وهناك 4 معيدين سنتين ويدرسون سنة اولى جامعي

ولا واحد فيهم وصلتو مع العلم جميعهم دفعو الدوصي للتجديد في بداية السنة وتم قبولهم

[شـــهاب]

يا أخي الطالب المعيــد يحرم من المنحة الى حين ينتقل الى السنة الموالية
هذا هو الأمر
بالتوفيق

[WaLiDsaNFouR]

يا أخي الطالب المعيــد يحرم من المنحة الى حين ينتقل الى السنة الموالية
هذا هو الأمر
بالتوفيق

راك غالط صاحبي العام لي فات كنت معيد وتحصلت على المنحة بشكل عادي

[شـــهاب]

يا أخي القانون يحرم الطالب المعيد من المنحة ، لكن التطبيق هنا يختلف لعدم صرامة القانون
+ كاين ناس يتحايلو على القانون، و كاين ناس ما علابالهمش

[سطايفية بكل فخر]

بالنسبة للخبر غير صحيح لاني راني باك2010 وراني نهز فيها عادي
روحو ريكلاميو على حقوقكم
+
فيما يخص المنحة توقف للطالب لي عاود مرتين وليس مرة واحدة فقط

[شـــهاب]

نعم أختي سطايفية
هذا ما قصدته ،الطالب يحرم من المنحة عندما يعيد للمرة الثانية ، حتى و ان لم تكــن في نفس السنة .

[سطايفية بكل فخر]

نعم أختي سطايفية
هذا ما قصدته ،الطالب يحرم من المنحة عندما يعيد للمرة الثانية ، حتى و ان لم تكــن في نفس السنة .

لا اخي في نفس السنة
عندي وحدة تكولنا عاود ت البروميار مرتين حبستلها
ومن بعد رجعتلها في السنة الثانية
وفي السنة الثالثة عاودت مرة مشاوهالها عادي

[شـــهاب]

و الله القانون في الجزائر ليس له أي اعتبار ،
نعرف ناس عاودوا العام مرة برك ، نحاولهم المنحة ، و نعرف ناس عادو مرتين في نفس السنة و مشاتلهم المنحة عادي ،
و كاين ناس عاودو مرتين في سنتين مختلفتين و حبسولهم المنحة ،
و تجي تفهم في بلادنا ، ماتفهمش ،

[سطايفية بكل فخر]

القانون واضح مي الادارات مطبقش
ربي يجيب لخير لبلادنا ونكملوا القراية في الجامعة بخير وعلى خير ولي يزيد يلقانا فيها يقطعلنا رجلينا

[اسيا26]

المنحة توقف للطالب لي عاود مرتين وليس مرة واحدة

[amine0007]

المنحة نوقف للدي يعيد مرتين متتاليتين وتعاد له عندما ينجح .غير روح ريكلامي باش مايدولكش حقك

[you92cef]

المنحة هههههههه
قصدك المحنة
هنا لحد الان لم تدخل لجل الطلبة العاديين /*/ 3 محنات لم يدخلوا وقد يطيروا مع حلول شبتمبر
رغم الاضراب

اش نقولوا
ان شاء الله ياكلوها رهج الي سرقوها
-----------------------
عدرا على التعبير الركيك

[اسيا26]

ريكلامي وشوف علاش.........