نقص الشهية عند الاطفال

[ام صفوة 73]

ابنتى تبلغ من العمر سنة و نصف ترضع من صدري ما تاكلش مليح ما تحب تاكل والو مانبش حابة نفطمها بصح حابة كشما تفيدوني باش تولى تاكل يالى جربتي افيدينا من فضلك

[om-sanad]

ابني كان كذلك واصلي لها الرضاعة الطبيعية احسن ،مع القليل من الاكل ولا تخافي فحليبك يشبعها اضافة الى بعض الياغورت ولا تفطميها فقد فعلت ذلك مع ابني وشهيته لا زالت ناقصة لحد الان، اي كل طفل له شهية تختلف عن الاخرين .
اياك ان تعطيها الحلبة قبل 3سنوات لانها تحطم الكلى بشهادة الاخصائيين.ارجو ان اكون قد افدتك.

[ام عبودة]

السلام عليكم
خيتي الرضاعة في هذا السن مش رايحة تشبعها وانت يعطيك الصحة كي ما زالك ترضعي فيها
انا كيفك ما نحبس الرضاعة حتى يخرجو الانياب تاع وليداتي
علي خاطر في التسنين الطفل يعاف كل شيء حتى الحليب والحليب ضروري للنمو فيلقى صدري مكفيه ولو بالقليل لكن من اعمر ستة اشهر الام لازم تعود ولدها على الاكل وتبدى غير بالشوي وكل شهر تزيد حاجة واللى ماعندهاش خبرة ترجع للدفتر الصحي او الطبيب او حتى امهاتنا وهكذا الطفل يتعلم الماكلة ومشكل نقص الشهية عندى انا اذا كان طفل كبير شوي نشوف قبل واش هما الاسباب بلاك مريض بلاك نفسانيا مريض نديه الى الطبيب ممكن يمدلو فاتح شهية او فيتامينات اذا لقى وزنو ناقص
وانت شوفي روحك الا راك مازال ماعلمتيها الماكلة وقلت الرضاعة الطبيعية تكفي فهذا خطا
لازم تنوعيلها في الاكل باش تنفتح الشهية
وانا حبيت نفيدك بتجاربي مع ثلاث اطفال وان شاء الله يصيبي الحل

[محمود العمري]

بارك الله فيكم.

[سر التقى]

و الله أنا تاني نعاني من نفس المشكل مع بنتي الي عمرها 8 أشهر تحب غير ترضع

[ام صفوة 73]

و الله أنا تاني نعاني من نفس المشكل مع بنتي الي عمرها 8 أشهر تحب غير ترضع
يا اختي رانا نعانيو مع اطفالنا ان شاء الله نلقاو الحل

[ام امجد14]

سبحان الله انا ايضا عندى نفس المشكل بنتى عندها عام و ستت اشهر و ترضع صدرى و يايورت فقط وما تحبش تاكل
يارب نلقى الحل
وحبيت نسال وقتاش نقدر نفطمها

[ام سارة 285]

اختي راهو كاين سيرو اسمو phybaby يمدوه للاطفال الرضع و يزيد الشهية جربيه و شوفي