مشكلتي

[مشكلتي]

سلام انا عندي مشكلة ماعرفتش ادا عادية ولا لالا هي كاين وحدة نعرفها 19 تزوجت هاد العام وكاين 17و18 راهم مخطوبين وانا 18 مارانيش مخطوبة راني نقرى مي هل هدا عادي ولا بالغت قولوووولي

[nouna l maghbouna]

عادي اختي
اقراي و امبعد الزواج تدي وش كتبلك ربي و في وقتو
ربي يوفقك

[شراب السكر]

اسمحي لي ضحكتيني حسبت عندك مشكلة تاع الصح شوفي باه ترتاحي روحي للمحكمة تلقاي مولات ال16 و 17 و18 وغيرهن كتتتتتتتير قاعدين يتطلقو ...ومن بعد زيد روحي ديري دورة بكل المناسبات تلقاي مولاة ال30 و35 و 40 و46 و50 بلا زواج خيري تقراي احسن لك والا تكوني وحدة منهن ؟

يا ابنتي من استعجل الشيء قبل اوانه عوقب بحرمانه ...انت اقراي وادعي ربي يوفقك ويخيرلك ما فيه الخير لنفسك ترى الله عليم وحكيم تقبلي تحياتي وانا مو شراب السكر البنوتة ترى انا امها دخلت باسمها لانك زي ابنتي

[منهاج]

السلام عليكم

انت تهلاي في قرايتك وما ديري واولو في بالك لانو كي يدخل التوسويس في راسك ما تقراي ما ديري مستقبل

[sali-sali]

هدي ليست بمشكلة
امر عادي
اقراي وكملي قرايتك
والزواج خليه للمكتوب

[مريم الصابرة]

السلام عليكم
يا اختي روحي أقراي والزواج تتزوجي وتشبعي وتكرهي منو
المكتوب هو اللي يقرر كان فال 18 او فال 130 راكم ملهوفات على الزواج تحسبوه بطاطا مقلية الله يهديكم اقراي حنونة ومن بعد كي يجي قولينا نزغرتولك موفقة

[إيناس2005]

صاحبة 18 سنة طفلة في وقتنا الحالي بربك كيف لطفلة ان تربي طفلا بعد عام ففاقد الشئ لالالالالالالا يعطيه اهتمي


بدراستك وخذي الشهادة وشوفي كثرة العرسان على الباب سلالالالالالالالام

[ام بسمله]

احسن شي تلقايه في هدي الدنيا يا بنتي هي قرايتك زواج مازال عليه الحال اوكيييييييييييي

[BouuChraa]

السلام عليكم و رحمة الله تعالى و بركاته
اين المشكل ?!
كملي قرايتك و كلشي في وقتوا ختي
وفقنا الله و اياكم

[khawlita.dz]

[QUOTE=مشكلتي;13326964]سلام انا عندي مشكلة ماعرفتش ادا عادية ولا لالا هي كاين وحدة نعرفها 19 تزوجت هاد العام وكاين 17و18 راهم مخطوبين وانا 18 مارانيش مخطوبة راني نقرى مي هل هدا عادي ولا بالغت قولوووولnQUOTE=
هههههههههههههههههه.......والله حيرتينى انا فى)( 25).وافكر انى مازلت صغيرة على الزواج.........وكلما فاتحنى اهلى فى الموضوع نتنرفز و نتعصب ووو....وتصير حالتى حالة وكانى..ساقدم الى المدبحة
راى او تهتمي بدراستك و مستقبلك و تتخرجي
الزواج ليس لعبة او نزهة واحلام وردية مثلما تتوقعين...........بل هو مسؤولية تثقل كاهل النساء وهن فى ال(30).فما بالك ب بنت(18).انت صغيرة فعييشى حياتك مثل اترابك.........وكونى شخصيتك..ونمى عقلك و ثقافتك و اختبرى الحياة و تعلمى منها...ما يفيدك ..في حياتك وفى تربيتك لابنائك في المستقبل
اما الزواج فلما تصلى الا سن الزواج ستشبعين منه ومن مسؤوليته

[kaderkader1541]

جميل اختي الفاضلة
ان تفكري في الحلال و انت في هذا السن
و هذا لرجاحة فكرك و عقلك
جميل جدا
ادعي الله سبحانه و تعالى ان يرزقك زوجا يخاف الله فيك

[nibrasse76]

ربي يوفقك ....انت واصلي دراستك ويوم ياتي المكتوب مرحبا به ...اما حكاية صغيرة وما نعرف لالا لست صغيرة ابدا ...واش عملوا معضم لي

واصلوا قرايتهم ؟؟ تزوجوا بالعاهات والمخلفات الاجتماعية والفاشلين .

[موح الحراشي]

17/18 مخطوبات هادي فالهند ولا وين؟

[sengra]

السلام عليكم
رغم تعبي الشديد الا أن مشكلتك الطريفة و التي أضحكتني و أزاحت عني بعض الحزن من المشكلات السابقة للأعضاء. و في نفس الوقت أظهرت رجاحة عقلك .ماذا نقول للنساء في اعمارهن 28 و 29 و حتى 35 من العمر و 35 و راها تقول راني مازلت صغيرة و الزواج ساهل من بعد منعرف ويكتا ربي يفرج عليك و عليهن و علينا.
شكراااااا

[نورسين.داية]

انا في ولايتي الفتاة بمجرد ولادتها يخطبوها و لما تصل 5 سنوات يزوجها ................................و شوفي روحك انتي ..........فات عليك الحال و لى مزال ..................؟؟؟؟

وفقكي الله أختي

[samer khalifa]

والله غير ضحكتني مشكلتك لكبرها مااظن عندها حل ههههههههههههه

[محمد جديدي التبسي]

غالبا اللي عمرها 17 و 18 و مخطوبة تكون جميلة جدا و خطيبها إما أحد الأقارب أو أحد الأغنياء، اهتمي بدراستك وتعلّمي أمور دينك وستجدين الخطاب يدقون بابك قبل العشرين إن شاء الله وإياك وأن تستعجلي رزقك .. ربي يوفقك

[ام عبودة]

يا بنتي عندك 18 عام وتحبري على الزواج واللى عندها 30 وفوق تكتل روحهاولا واش
اسمعي مني الزواج مكتوب انت خمي في دراستك الحاجة اللى راهي ما بين يديك الان
واذا كتبلك ربي الزواج الان بصحتك وكل شئ في وقته حلووووووووووووووووو
والزواج مش رووب ابيض وعرس ووووووو
الزواج مسؤولية كبيييييييييييييييييييييييييييييييييرة وراكي تشوفي

[لاعبة النرد]

18 سنة

راكي كبيرة بزاف....................راه فاتك التران يا الحنونة................رايحا تقعدي في الداررررررررررررررررررر

[houda_jijel]

مكتوبك اختي راح يلحق ليك صغيرة و لا كبيرة. و الزواج في سن 18 امر عادي .
انتي ادع الله ان يرزقك الزوج الصالح

[ام سارة 285]

واش بيهم الجيل انتاع ضرك رايحين يولو كيما انتاع زمان اللي فات...... على الاقل جداتنا كانو يتزوجو على 13 و 14 سنة كانو طول حياتهم في الدار يعرفو يخدمو كلش كيما قالها واحد الامام بكري الراجل كي يتزوج بمرأة يجيب مصنع للدار هي اللي تطبخ وتغسل و ترحي القمح و تنسج الزرابي و الاغطية و الالبسة و تحلب البقرة ........... لكن بنات اليوم اعطيهم غير المسلسلات التركية ,
انا نعرف فتاة تزوجت في عمرها 21 سنة و عندها عامين زواج لحد الان المطلوع ما تعرفش تديرو حبة قاطو ما تعرفش تديرها كي يجيوهم الضياف الهدرة ما تعرفش تهدر المهم كارثة .
انا مانيش ضد وحدة تتزوج صغيرة انا ضد اللي تتزوج و ماهيش قادرة تتحمل المسؤولية ..... ننصحك يا اختي اقراي و في نفس الوقت اتعلمي خدمة الدار و الله يبارك اعضاء المنتدى لم يتركو لنا اي عذر و زيدي اثقفي في الدين و في المعاملة و اهتمي بنفسك و بجمالك في البيت نهار اللي يجي مكتوبك تلقاي روحك واجدة..