تسلط آخوات الزوج وأمه على الزوجة [الأرشيف] - منتديات الجلفة لكل الجزائريين و العرب

مشاهدة النسخة كاملة : تسلط آخوات الزوج وأمه على الزوجة

عباس الدميري

2013-03-15, 20:18

ّإقامة الزوجة مع أهل الزوج و أخواته و أخته المتزوجة و زوجها وتسلطهم عليها بما فيهم أمه و سكوت الزوج على ذلك ما هو الحل في رأيكم

YASMINE SILA

2013-03-15, 20:23

اذا كان في مقدرور يعيش وحدو اللهم بارك و الا الصبر و الحوار هو الحل الوحيد
على كل اصبح كل بيت جزائري لا يخلو من هذه المشاكل
ربي يجيب الخير

AMINA.Z

2013-03-15, 21:27

لهذه الاسباب اصبح اشتراط السكن ضرورة لكل فتاة لترتاح هي و زوجها و تبقى المودة و الاحترام بين العائلات

isyami

2013-03-15, 23:10

ّإقامة الزوجة مع أهل الزوج و أخواته و أخته المتزوجة و زوجها وتسلطهم عليها بما فيهم أمه و سكوت الزوج على ذلك ما هو الحل في رأيكم

أن يكون هذا الزوج رجلا ...فقط :mad:

oum ayyoub

2013-03-16, 00:06

الانتقال الى منزل اخر و هذا لتفادي المشاكل كيما يقولو ناس بكري البعد يجيب السلام و القرب يجيب الكلام
و لكن لا يجب مقاطعة اهله

عائشة07

2013-03-16, 13:07

BAROUD

2013-03-16, 13:12

كل عائلة و اصولها

لقمان12

2013-03-16, 13:16

انا ماكنت نصدق انو كاين حوايج هكا اما كي شفت بعيني صدقت ربي يكون في عون للي طاحت في عيله كيما هكا عندها كان ربي تدعيلو

عباس الدميري

2013-03-16, 13:31

ياختي الحل باين انها تعيش وزوجها في بيت مستقل لكن اذا الزوج ماعنهش السكنى فماعليها غير تتحمل طبعا طبعا اذا كان الزوج مجتهد ويستاهل اقصد داير في باله يخرج ليستقل .في رايي ام الزوج تقدري تتفاهمي معاها وترضيها بالاهتمام بيها والمحبة في الله ثم لانها انجبت لك هذا الزوج, فهي مثل امك. لكن هذا صعب شويا مع وجود الاخوات اقصد بناتها؟ ف الصبر وخلاص .. شكرا هذا رايي عن تجربة

https://encrypted-tbn2.gstatic.com/images?q=tbn:and9gcq_ca2sdomwkpvusjnfmao1dd6wstcn1 dyu2xapkf9qmhg5zq1f
الزوج ما كانش في خاطرو يخرج هو خدام و كامل و قال لمرتو حشيتيهاليو ما يحبش يدير خواتاتو ظالمين لازم لمرا تستحمل عندو هو كامل نهار برا و هيا تظل مع تمسخير تاع يماه و خواتاتو تقل ميشي عبد

أمّ عبد الودود

2013-03-16, 13:41

وهل الظلم دائما من الأم والأخوات
حتى الزوجة لها نصيب من المشاكل
توجد زوجات هن سبب المشاكل
العدل والصبر هو الحل في مثل هذه الحالات
ومن استطاع أن يستقل ويخرج فهذا أحسن

ايمان نور الجزائر

2013-03-16, 13:52

قد يكون مثلما قلت او العكس
احيانا كثيرة نرى تسلط الزوجة على اهل البيت
اولا نطلبولهم الهداية
ثانيا للرجل دور مهم في الفصل بالعدل مع اعطاء كل واحدة حقها
وهو شيء صعب لا يحسد عليه
والحل الاهم هو الاستقلالية

imane-2020

2013-03-16, 13:58

كاين منتشرة بزاف في عائلاتنا
نقولو ربي يهدي وخلاص
الصبر مفتاح الفرج
انا عندي صاحبتي وصلت لدرجة انو اخت راجلها تضربها وكي تروح لدارهم يدخلو لشمبرتها يفتشو كامل الخزانة وخلي وخلي
وصلت للمحكمة القضية نتاعها وصبرت وربي فرج عليها ذرك عطاوها 02 بيوت وفتحت باب من جيهة اخرى وهكذاك ما خلاوهاش قاتلك الحيط يخبطو فيه عليها باه يقلقوها ويرمولها حاشاكم في الزبلة يرمو فيها على الحيط واش نقولو ربي يهدي هك عباد ولا يدي
وانتي اصبري ربي يفرج عليك والدنيا هذي ما هي الا امتحانت وربي يكون معاك ويعطيك قدر نيتك
المهم انتي حاولي تكوني مليحة مع العجوز والباقي ربي وكيلهم ولا بد انو يجي يوم وتستقري في دارك وحدك ربي معاك

عائشة07

2013-03-16, 17:56

الزوج ما كانش في خاطرو يخرج هو خدام و كامل و قال لمرتو حشيتيهاليو ما يحبش يدير خواتاتو ظالمين لازم لمرا تستحمل عندو هو كامل نهار برا و هيا تظل مع تمسخير تاع يماه و خواتاتو تقل ميشي عبد

السلام عليكم
اذا كان الزوج هادا هو حاله وهذا هو رايه فالمشكل اعقد منما فهمت.......:mad: اذن مشكلة هذه الزوجة ليست مع عائلة زوجها بل مع الزوج نفسه ولذالك يجب ان يُحَلَّ المشكل بينهما أولاً وبعد ذالك الباقي يستقيم من نفسه واذا لا يوجد ابناء بعد فنصيحتي ان تؤجل الانجاب حتى تطمئن على حياتها الزوجية واتمنى ان يوفق الله بينهما

ريتاج ريم

2013-03-17, 23:00

كما تقول يما ربي يرحمها (اللي تاخذها تاخذها فالقونطاس)المعنى انه اذا تزوجت براجل جايح ما عندا ما الدير تشبع ذل حتى افرج ربي
لكن اختي انصحك بقول كلمة الحق في وقتها دون خوف او تردد ولا تتركيهم يتمادون عليك (المؤمن القوي خير من المؤمن الضعيف)ربي معاك

yadmina123

2013-03-18, 13:41

للاسف المشاكل دى كتير بس المشكلة من الول فى الزوج ربنا يصلح احوال الزوجات والازواج

omyma1

2013-03-21, 08:40

للاسف الاخلاق تكاد تنعدم انصحك في تفادي المشادات معهم وتجاهلهم قدر المستطاع الحوار في السلام وتصبحوا بخير والزوج ما تعاوديش كلشي ليه لانه يجي يوم ويشطار عليك نتي لولا والله يهديهم

2020

2013-06-07, 16:06

بارك الله فيك على الطرح القيم