اسرار المطبخ الجزائري من يراسمين 26

[yarasmin26]

اليوم حبيت نطرح اعليكم موضوع وهو اسرار الطبخ وحلوله

**** مرق البيشاميل اذا كانت كثيرة اختفضي بيها في الثلاجة+ 1/2 كوب حليب بارد مدة 4 ايام فقط او مضاف 1 م ك تيسويس او قشدة

المـــــــــــرقة البيضاء مصفية لاتتعدى 6 ايام في الثلاجة من تاريخ طهيها ولا يمكن اختفاظ بها اكثر من ذالك
***** القرتان اذا تحرق من الفوق اضيفي 2 م ك زيت+1 م ك خل وخلطيهم وفوتي بالبانسو تذهب نكهة الحريق
انتظر اسراركم

[ام عبيدة]

اضيفي ملعقة زيت في اللحم المفروم او الدجاج المرحي المتبل لي تحشي به راه يعطيه طراوة و ما يكونش ناشف

[ام عبيدة]

قبل ما تستعملي اكياس الشواء اضيفي ملعقة كبيره فرينة في الكيس ورجيه مليح حتي تلتسق فيه ثم استعمليه

[mereyoucef]

كي نطيب اللحم او جاجة او سمك في الكوشة دايما حطي حجرة انتاع الفحم راهي تمد ريحة هايلة في الكوشة

[منى ابراهيم]

الاخت الي قلتي نحطو حجلرة نتاع فحم وين نحطوها بالضبط

[عاشقة الهلال]

شكراااا لكن انا دخلت نقرعج

[yarasmin26]

واش مكانش تفاعل متعرفوش العفسات

[Sabrina ALG]

hاولا نشكرك حبيبتي على الموضوع
ضيفي 2 نواة التمر في المرق لما تكوني اطيبي حاجة اطول مثل اللحم البقري او اللوبيا او اي حاجة يابسة رايحة تطيب في مدة قصيرة و ادا ما عندكش ضيفي خمارة الحلوى تطيب تم تم
ضيفي ملعقة هريسة للصلصات الحمراء تمد بنة روعة انا نزيدها حتى في مرق الطعام و ادا ما حبيتيش يجيك حار ضيفي شوية برك مع التمراق تروح الحرور و تبقى بنتها
لما تغلي البطاطا هاداك الماء ما ترميهش كي تسيقي الارض حكيها بيه و خليها تنقع ربع ساعة و زيدي حكيها و مسحي تولي الارض تبرق
اضيفي ملعقة خل المايونيز تمد بنة روعة
عندي افكار بزاف الله غالب طارو اختك عندها الزهايمر هههههه

[randy fatima]

ادا كترتي الملح في المرقة البيضاء ممكن تضيفي حبة بصل

[assiremhayet]

راني نتعلم منكم ماهي أسرار الخبز ومقروط اللوز يخرجلي يابس نرمي به العباد يموتو و لسوفلي شحال درجة طياب تاعهم أي درجة الحرارة وشكرا.

[ام امجد14]

مشكوووووووووووووووووورةعلى الموضوضوع هايل

[yarasmin26]

راني نتعلم منكم ماهي أسرار الخبز ومقروط اللوز يخرجلي يابس نرمي به العباد يموتو و لسوفلي شحال درجة طياب تاعهم أي درجة الحرارة وشكرا.

اضيفي محسن للخبز
روني مقروط اللوز بصفار البيض و1 بيض كاملة وحسب الكمية المهم الصفار اكثر باه اجيك طري

[azade]

موصوع مفيد

[أم عيشوش]

راني نتعلم منكم ماهي أسرار الخبز ومقروط اللوز يخرجلي يابس نرمي به العباد يموتو و لسوفلي شحال درجة طياب تاعهم أي درجة الحرارة وشكرا.


شوفي الفيديو تاع منال العالم في اليوتيوب تعلمت منها كيفاش يندار مقروط اللوز والترماد في السكر شوفي في المنتدى تاعنا طريقة الكيس اظن تاع الاخت فلة

[سمسووومة]

المرقة ايلا جات مالحة نقي حبة بطاطة وحطيها فيها .ولا ديري بين صباعك شويا سكر...سر تاع الحريرة هو القزبر مرحي كي تولي تقلي مع مغرف حريرة تاني تقلي بيها الخضرةالخس كي تولي تنقي فيه ماتقطعيهش بالسكين قطعي بيدك باه الخس مايكحالش ..عندي بزااااااااااف حوايج.

[عطوفة]

هذيك قطعة لفحم شعليها وحطيهافي ماعون فنجان مثلا مع قطرة زيت وديريها تم تم داخل الطبق و غطيه حتى تعطي نكهة الشواء ..

[haytoo82]

البطراف باه فيسع يطيبلك حطيه في الماء بارد ثم شعلي عليه الماء سخون يقسيه العدس كيتعودي تطيبي فيهالاولى انقعيه في ما فاترساعة ثم حكيه باه يتنزع اغلب القشور اللي يعطو سواد للمرقة وضيفي شوي خمارة قاطو البيض طيتعودي داتطبخيه زيديلو ملعقة خل حتى لا ينكسر صذر الدجاج طعمو ديما ناشفوما تدخلوش البنة مليح لذلك خليه ديما على جهة واستعمليه للغراتان هو يخليك تغيري مش ديما اطباقنا التقليديةانا كينشري دجاج طول نفكر في الغراتان اللي رايحة نديرهم بيه المعدنوس كيتشريه نحي الاغصان الصفراءوالخضراء قطعيهاوحطيها في بورت مونجي واغلقي عليه وكيدتستعمليه اغسلي فقط رايحة تساعدك مش كل مرة تقطعي وتشد مدة طويلة بلا ما تذبل

[yarasmin26]

السردة تاع الدجاج اثقبيها بالسكين ملح وحرور +3 رند +قطعة زبدة وغطيها في ورق الاليمنيوم تفور 30د
تقدري ديريها مع مثوم او شطيطحة او اي شيئ

اللحم اذا مطابلكش بقري او غنمي شارف احكمي عود سكنجبير +رند بخيط مدة 10 الى 15 د اطيييييييييييب

[الورود المنسية]

مشكوووووووووووووووووورةعلى الموضوضوع هايل
وانا نقلكم راهو جاني الزهايمر هههههههههه
نسيت
حتى نتفكر ونرجع

[تاج النور@]

اللبياء كي دجي طيبيها قبل محطيها في كوكوطة اعطيها غلوة مليح
أولا باش مديرلكش القاز في الكرش وثانيا طيب بلخف

[imane khaled]

البيض باه ما يتكسرش كي يكون يغلي حطي معاه عود كبريت و باش تم تم يطيب حطيلو شوية ملح

[بهجة الزمان]

سلام ..
نصائج قيمة خاصة للمبتدئات امثالي ...شكرا كن

[karimayuki]

واااااو أفكار هااااايلة http://im36.gulfup.com/eIsi9.gif (http://www.gulfup.com/?evvhSx) الله يعطيكم الصحة لبنات http://im36.gulfup.com/bHr17.gif (http://www.gulfup.com/?Br0Vyv)

[idron0]

merci pour le partage

[om rahma]

للمعجنات جزائرية الحمرا باه تبقى محافضة على لونها الأحمر كي تجمرها قبل متفوريها فورة 3 ديري مغرف معجون طماطم و مغرف زبدة و رشة فلفل أسود مغرف سقو من مرقة لي درتي تكن سخونة و صبيها على شخشوخة ولا تريدة ولا تليتي حتى تتغلف كامل متبقاش بيضة و فوريها

[om inas]

شكرااااااااااااااااااااااااااااا

[jdjouher]

ya3tikoum saha 3la nasaih

[بريق الامل&]

بارك الله فيك

[ام جليل04]

سلام يا البنات
-الزيتون انقعيه في الماء ليلة قبل ما طيبيه يبقى لونه اخضر أفضل من أنك تغليه يفقد اللون
- المرقة البيضاء ضيفيلها ملعقة فرينة الحمص جي بنينة

[فريحة007]

الله يابرك يعطيكم الصحة

[sirina2]

بالنسبة لمقرط اللوز كىما قالت لك الاخت ديري صفار ووحدة كاملة وديره بالسكر العادي ماشى سكر قلاص

[سلمى_2008]

...........................................

[ام امينة1414]

شكرا على النصائح جميلة بارك لله فيكم

[رحمة من المولى]

شكرااااااااااااااااااااااااااااااااااااااا على الموضوع

[ميمي2012]

موضوع مميز ومفيد جزاك الله خيرا على ما قدمته

[ام خليل ميمي]

اذاحبيتي شكشوكة تجيك بنينة طيبي البصل وحدها مع شوية زيت وملح وفلفل اسود وطمطيش قطعي الحبة على ربعة او خمسة زيديلها 2سنينات ثوم شوية فلفل احمر وفلفل اسود وزيت وملح وكطيب الطمطيش ارحيها برحيوة تاع اليد (تاع الحار) وطماطم علب حسب الرغبة وكطيب البصل مليح وتعقد زيديلها لصوص تاع الطمطيش تجي تقيلة وبنينة ولي تحب تزيد فيونداشي ماعليها غير تقليه مع شوية زبدة وثوم وفلفل اسود وتخلطو مع الشكشوكة

[tasnime_ess]

الحميس ادا حبيت تديريه وتخليه بلا يقعدلك شهرين بلا ماتحطيه في الكونجيلاتور ديري حميسك عادي وطيبيه ثم احكمي بلارات تاع زجاج اللي مغاطهم حديد وغليهم مليح يعني 10د بعد الغليان ومبعد حطي الحميس فيهم وسكري مليح وزيدي غليهم 15د ملاحظة كيتحلي البلارة استعمليها خلال 5ايام سينو يفسد

[yarasmin26]

البقول الجافة كي تبيتها في الماء ليلة من قبل غدوة من ذاك ديريها في الكيكوطة تغلي دون اضافة الملح او الزيت خليها بوحدها مع الماء فقط وغلقي الكيكوطة وبعد مدة تجديها استوت لدرجة اتذوب في الفم ومنبعد اضيفي الخضر وباقي المواد

[أمة الله 12]

كي طيبي التليتلي و الروز, بيش مايعجنوش اطبخيهم 5 دقايق ف ماء و ملح و مغرفة زيت
و مبعد فوريهم مرتين يخرجلك كل حبة وحدها

هاذي علمتهالي جدة ربي يحفظها

[madie]

قبل ما تستعملي اكياس الشواء اضيفي ملعقة كبيره فرينة في الكيس ورجيه مليح حتي تلتسق فيه ثم استعمليه


peut-on savoir pourquoi stp????


Merci

[إلهام07]

1- باش تتخلصي من ريحة الخميرة في البيتزا زيدي فيها زعتر مرحي ممممم جي ريحتها تهبل ( تعلمتها من السيدة كرمين )
2- باش تتخلصي من ريحة الخميرة في المطلوع زيدي في العجينة حبة حلاوة مرحية :19::19::19: جي ريحتو تهبل :19:
3- باش نتخلصو من ريحة البيض في الكريم كاراميل نخلط البيض مليح ( ماقلتش نخفق ) ونحط كمية مليحة من فانيلا نوعية مليحة وانا دائما نقص بيضة لانو وصفات الكرام كاراميل عادة يجيو يابسين شوية كي نقص بيضة ماجيش ثقيلة جي مليحة برك ;)
4- باش نتحصلو على :
* كيك خفيف
* كيك طري و الحواشي نتاعو مايكونوش يابسين
* كيك كيما اللي يتباع في محلات الباتيسري
* كيك مافيش خلاص ريحة البيض
الحل :
* نحط كاسرول فيها ماء ساااخن جدا ونخرج البيض اللي رايحين نستعمله من الثلاجة ونحطوه في الكاسرول حوالي 5-7د المهم حتى تحسو الماء رجع فاتر
* كي تفقسو البيض تحسوه دافي ( تأكدو رايحين تتحصلو على أحسن كيك )
* إما نفصل الصفار عن البياض ونخفق كل وحدة على حدة مع نصف كمية السكر او نخفق البيضة كاملة مع السكر المهم نخفق بسرعة قصوى
* رايح السكر يذوب في 2د فقط والبيض رايح يطلع وااااااااااااااااااو:19: السكر كي مايذوبش مليح في الخفق هو اللي يخلي الكيك يجي يابس على الجوانب
* طبعا لازم تستعملو فانيلا نوعية مليحة ;)


وممكن تفقسو البيض مباشرة في الصحن وتحطوه فوق bain marie وتخليوه شوية حتان يدفى ونبدا الخفق;)

* أيضا أنصح باستخدام بلاطو يكون شوية ثقيل باش الحواشي مايتحرقوش بسرعة ويبقاو طريين ;) خاصة للرولي ;)

5- نفس الشيء لما تحبو ديرو مايونيز أو ميرانق ويطلع مليح البيض نحط البيض في الماء الساخن

6- باش مايروبش الحليب اللي نزيدوه في العصائر اللي فيها ليمون :
نخلي الخلاط وهو يدور نصب الحليب وهو يخفق في نفس الوقت ;)

7- باش الحشو نتاع المحاجب مايكونش حامض ويجي بنين وبحلاوة خفيفة جدا دائما نقلي مع البصل 1 او 2 حبات جزر مبشور ( على حسب الكمية ) تعطي بنة رائعة لحشو المحاجب

8- باش نتخلصو من ريحة الخميرة والبيض في خبز الدار نحطو فيه كمية مليحة من مبشور الليمون او البرتقال :19:

9- باش الشكلاطة جي تبررررررق وبنينة حتى لو كانت ماركة رخيصة نذوبها في bain marie مع شوية كرام فراش ( أحسن ) وإذا لم توجد شوية حليب مع قطعة زبدة صغييييرة جدا ومانحركش حتى نشوفها سخنت وبدات بذوب نحرك بسرعة ونشوف إذا محتاجة حليب نزيد رايحة جي تبرق والطعم مع اكرام فراش كأنها شكلاطة MILKA

10- باش مرق طاجين الحلو يجي صافي نسخن ماء حتى الغليان ونحط فيه حبات عين البقرة ونطفي النار ونخليه حتى يبرد الماء رايحين تتخلصو تماما من الأوساخ والشوائب اللي فيها نقطروها ونرميوها في المرق



مازال بزاااااااااااااااااف بصح هذا واش تفكرت


لهومة :mh31::mh31:

[yarasmin26]

يعطيك الصحة ياالهام والله فرغتي قلبك تاع الصح
المهم اللحم البقري ديما دريلو الخل ب2سا قبل الاستعمال باه يعطيك الخفة كما الغنمي
البقول الجافة طيبها المرة الاولى دوناي اضافات لازيت لا ملح لاتوابل وتطهى بسرعة

[kakkou]

كي نطيب اللحم او جاجة او سمك في الكوشة دايما حطي حجرة انتاع الفحم راهي تمد ريحة هايلة في الكوشة




نفس هاد الفكرة كي تقلي اللحم في مقلة او اديري شكشوكة كي اطفي عليهم النار جيبي جمرة تكون سخونة حطيها داخل مورصو تع بصل وحطيها داخل المقلة وغطيها قبل ما تقدمي الطبق
تجي فيها البنة تع الجمر هاااااايلة

[sara74]

الله يباااااارك ررررروعة يعطيك الصحة

[mumuh]

الله يعطيك الصحة

[selma2013]

موضوع مميز ومفيد

[fatisousou]

السلام عليكم
انا باه يقعد الحشيش الشربة ومعدنوس مدة طويلة نغسلوا مليح ونشفوا جيدا ثم اضع في ورق الالمنيوم ثم في الثلاجة ماش في كونجيلاتور
والله يقعد مدة طويلة لكن غلفيه مليح بورق المنيوم
مع تحياتي لكم جميعا

[أم محمد علي]

الزعتر سر في الصلصة الحمراء جربيه
رووووووووعة