هنا توضع وصفات الشيف مصطفى بسعدي من عند يراسمين 26 [الأرشيف] - منتديات الجلفة لكل الجزائريين و العرب

مشاهدة النسخة كاملة : هنا توضع وصفات الشيف مصطفى بسعدي من عند يراسمين 26

yarasmin26

2013-03-15, 12:59

صباح الخير اخوات العضوات
لاحظت في الاونة الاخير الطلب على وصفات الشيف مصطفى بسعدي انا عندي وصفاتو في مجملها كراس او كتاب مدون نقدر انقلكم يحتوى على شوربات لانواعها والتحليات واطباق وانظن كذالك حتى الحلويات الرغبات في وصفاته ايقولولي وانا انحط الوصفات انتاوعه
وبمناسبة اخرى عندي كراسين من الحجم الكبير لحلويات شرقية وغريبة نوعا ما الرغبات في الوصفات يطلبن

faizarbh

2013-03-15, 14:11

yarasmin26

2013-03-15, 14:20

شكرا اختي ياسمين على هاد المبادرة حتى انا راني دايرة موضوع على وصفاتو لكن انا نحط الوصفات اللي نسمعها كل أسبوع ياريت تحطيلنا اللي من قبل و القدم هكدا راح نستفادو كلنا
هادا هو موضوعي
http://www.djelfa.info/vb/showthread.php?t=1211716
.
اذا امكن تقوليل على وصفة الديول اللي دارها من قبل انا ما سمعتهاش قاتلي عليها جارتنا بصح حوست على الوصفة و ماكاش اللي سمعتها و تاني ايلا سمعتي تاع يوم الاربعاء 13 مارس راني ما كملتش وصفة حلوة القاطيفة و ما عرفتش واش دار فيها و تاني ايلا راكي كاتبة وصفة حلوة السيليكون لاني ما فهمتهاش مليح كتبتها بصح اخت سقساتني على السكر ايلا فيها و قتلها حتى نستفسرلك جيتي في وقتك
و شكرا اختي

والله هذه مدة منيش نسمع الوصفات انتاعو رغم انه صديق العائلة تقريب 6 اشهر من وقت كثرة اعليا الخدمة وليت المنتدى مندخلوش بزاف بصح عندي الوصفات القديمة والي هو اعطهالي والاكل انتاعو في قمة الروعة من حيث الذوق والابنة والتزين مشششششششاء الله ماعندي مانقول راه غير كيما وراوه في قناة الشروق في حصة شوفو مكلتنا في الاسبوع الماضي

faizarbh

2013-03-15, 14:37

والله هذه مدة منيش نسمع الوصفات انتاعو رغم انه صديق العائلة تقريب 6 اشهر من وقت كثرة اعليا الخدمة وليت المنتدى مندخلوش بزاف بصح عندي الوصفات القديمة والي هو اعطهالي والاكل انتاعو في قمة الروعة من حيث الذوق والابنة والتزين مشششششششاء الله ماعندي مانقول راه غير كيما وراوه في قناة الشروق في حصة شوفو مكلتنا في الاسبوع الماضي
نعم اختي انا جربت وصفاتو و حقيقة ما شاء الله و راني شفتو في ذوقو ماكلتنا بصع لحقت بيه غير فالاخير خسارة ما قدرتش نشوف واش دار و حوست على الحلقة في الانترنت لكن ما لقيتهاش للاسف

yarasmin26

2013-03-15, 14:51

نعم اختي انا جربت وصفاتو و حقيقة ما شاء الله و راني شفتو في ذوقو ماكلتنا بصع لحقت بيه غير فالاخير خسارة ما قدرتش نشوف واش دار و حوست على الحلقة في الانترنت لكن ما لقيتهاش للاسف

انا تاني لحقت مع الاخير لانه كنت مع شغل الدار ومزروبة باه اروح للخدمة شفت غير كرام ديسار الي دارها وديكور تاع السلطة منقلكش في قمة الروعة وطواجن شفت غير الصورة تاع المجمر والرشة على شكل اعشاش وحريرة ولحم الحلو وطعام البلوط اما بخصوص لحم المجمر نعرفو يشبه المثوم اكليتو عندو ويشبة المثوم وبصح مرقتو قليلة يعنى مجمر

faizarbh

2013-03-15, 15:08

انا تاني لحقت مع الاخير لانه كنت مع شغل الدار ومزروبة باه اروح للخدمة شفت غير كرام ديسار الي دارها وديكور تاع السلطة منقلكش في قمة الروعة وطواجن شفت غير الصورة تاع المجمر والرشة على شكل اعشاش وحريرة ولحم الحلو وطعام البلوط اما بخصوص لحم المجمر نعرفو يشبه المثوم اكليتو عندو ويشبة المثوم وبصح مرقتو قليلة يعنى مجمر

lالله يبارك على حسابها اطباق روووووووووعة خسارة ما لحقتش بيها ممكن نلقى جارتنا كتبتها لانها من متتبعيه شكرا ليك اختي ياراسمين على كل ما تقدمينه

سمسووومة

2013-03-15, 15:22

واش راكم مجمعين غير بيناتكم؟؟؟.شيف مصطفى نعرفو جا فالمدرسة الي فالحي تاعنا زيارة خفيفة وعطانا الرقم تاعو قالنا كاشما تحتاجو راني هنا. بصح انا نحشم باه نعيطلو .وجارتنا ختو...راني دخلت لقسم الحلويات باه نشوف كاش ليمودال شباب .وراني نحوس على تاع القطيفة دارو فالإذاعة قاتلي عليه ماما...قولت نحوس عليه ونكتبو قبل ماتروح النت

yarasmin26

2013-03-15, 15:24

lالله يبارك على حسابها اطباق روووووووووعة خسارة ما لحقتش بيها ممكن نلقى جارتنا كتبتها لانها من متتبعيه شكرا ليك اختي ياراسمين على كل ما تقدمينه

انسيت مقلتلكش دار دولمة بسباس والقرعة بصح البسباس مفورو شوفي جارتك بلاك كتبة الوصفة حطيها اما حلوة القطيفة كمليها كي {تقطعي العجينة دوائر احشي الوسط بالكريمة وزيدي اطليها كامل بالكريمة ثم رمديها في القوفرات مسكرفجة او النواة كوكو} هذه النهاية انتاعها شوفي الصورة تاع حلوة القطيقة تعرفي بلخف الطريقة ودوك شفت واش حطيتى هملا كملي انت الوصفة خلى اللمسة انتاعك

عاشقة الجنة

2013-03-15, 15:30

السلام عليكم و رحمة الله
شكون هذا الشيف مصطفى؟أول مرة نسمع بيه ،بصح أنا لست متابعة لبرامج التلفزيون......

عاشقة الجنة

2013-03-15, 15:34

خلاص راني فتحت الرابط و فهمت، تظهر وصفات رائعة حقا..وتحية لكل ناس شلف و خاصة أهل تنس ....خيار الناس.

yarasmin26

2013-03-15, 16:03

نبدا على بركة الله

طاجين اللوبيا الخضراء باللحم الغنمي
1 كلغ لحم غنمي ضلوع+1كلغ لوبيا ماشطو +2 طماطم طازجة+1 بصل حجم كبير 5 فصوص ثوم +كمشة معدنوس 1 م ك زبدة +ملح خرور قرفة قرصة بين صباعتيك كبابة

اغسلي لوبيا واقسميها على 2 وتروكيها بجهة
في طاجين لحم وتوابل بصلمسكرفج زبدة على نار هائة مدة 20د ثم اضيفي اللوبيا {بدون تفوير او غليان } هكذاك خضراء وزيدى 20د اخرى+طماطم منزوعة القشرة ومقطعة دوائر ستفيها ختى تتغطى اللوبيا+ثوم مدروس على طماطم معدنوس على نارهادئة بعد 5 د نضيف كاس اء ساخن بعد الطماطم 10د ونطفي النار

سلطة باردة
1 حبة بطاطة مقشرة ومفورة+ حبة جزر دوائر ومفورة+1 بذنجان على طول ومشوي +ملخ وخرور+150 لوبيا ماشطو مفورة +ملح وخرور+1 فلفلة حلوة شوية مقطعة بطول
2 حبة خيار دوائر +ملح وخل مدة 10د منبعد انصفوها+2 حبات طماطم منزوعة القشرة واللب+6 وريقات نعناع+وريقات سلطة+عصير القارص+قشرة القارص+ صلصة العادية {زيت وخل وملح}
في اناء البطاطة والجزر بذنجان للوبيا فلفلة خيار + البصل شرائح
طماطم ارحيها في الروبو+النعناع ميكسيهم 4 د ثم سقس الخضر بالصلصة وخلطيهم مليح مدة 10د في الثلاجة

واششششششش رايكم

terrou

2013-03-15, 16:24

merciiiiiiiiiiiiiiiii ya3tiiiiiiiik essahaa

liliane24

2013-03-15, 17:20

ششششششششششششششششكرا جزيلااااااا اختي ياراسميييييييين

miri_27

2013-03-15, 18:02

بارك الله فيك و جزاك الله خير أنت و العزيزة فازووووووووووو عن نفسي أنحب المعجنات يعني الكوكا _ السوفلي ,,,,,,,,,,,,,,,,,, وماشبه كذلك لي سوب بشتى أنواعها مرة ثانية بارك الله فيكما

bint aljazair

2013-03-15, 22:58

السلام عليكم ورحمة الله وبركاته
انا من متتبعات الشيف مصطفى الله يبارك فيه وفيكم
فقط لي عندكم طلب حريرة اهل المغرب تاع الفرينة
جزاكم الله خيرا

aicha3357

2013-03-16, 09:29

:19:
barara allahe fik okht yarasmin yarit taktbi kamel alwasafat jazaki allah khayren

yarasmin26

2013-03-18, 13:09

السلام عليكم ورحمة الله وبركاته
انا من متتبعات الشيف مصطفى الله يبارك فيه وفيكم
فقط لي عندكم طلب حريرة اهل المغرب تاع الفرينة
جزاكم الله خيرا

انت من متتبعات الشيف مصطفى عندنا بزاف وصفات حريرة الفرينة اي منهم تقصدين

choumicha

2013-03-18, 14:37

حتى أنا من المتتبعين لحصة الشيف مصطفى بسعدي ورح نعطيلكم وصفاتو عن قريب بصح اذا تقدروا تمدولي مقادير حلوى القطيفة اللي دارها الاربعاء الماضي

bint aljazair

2013-03-18, 20:51

طاجين الزيتون
المقادير:
300غ زيتون اخضر مغلي مرتين،300غ لحم مفروم، 2 أطراف دجاج، ورقة رندباقة معدنوسن، حبة بصل مرحية، 4 سنينات ثوم، 2 ملاعق كبيرة فرينة، 4 حبات جزر، ملح، فلفل أسود، قرفة،زعفران، سلكجبير بودرة، 1ملعقة كبيرة زبدة طرية
طريقة التحضير:
في الربو نضع 300غ زيتون + ثوم معدنوس اطحني الكل مع بعض يكون الزيتون مفروم فرم خشن + 300غ لحم مفروم اخلطي مع بعض قليلا ثم ضعيهم في قصعة واعجنيهم جيدا + توابل +1 م ك فرينة اخلطي جيدا و اتركيه جانبا يرتاح
تحضير المرق:
في طاجين نضع زبدة+ الدجاج+ بصل مفروم+ معدنوس خليه يتقلى 15د + ورقة رند+ التوابل قلي 5د بعدها مرقي بماء ساخن قيس ما يتغطى الدجاج + الجزر مقطع كريات
خذي خليط اللحم المفروم والزيتون وشكلي كريات كبيرة الحجم
بعدما تنقص المرقة ضفي كريات اللحم خليهم 10د واطفئي النار

هذا الطبق قدموا الشيف مصطفى في رمضان
طبق رائع صدقوني جربتوا أكثر من مرة

ام عبد الحق

2013-03-19, 12:01

لم اسمع به من قبل فلست من محبين التلفاز

yarasmin26

2013-03-21, 11:38

حلوى اقتصادية

300 غ فرينة محمصة +150 غ حلوة الترك +100 غ زبدة طرية +علبة بيمو مطحون +3 م ك سكر ارطب + فواكه مجففة+لفاني +حبة بيض كاملة +1 م ص قشور الليمون+4 م ك عسل لمي كل المقادير وشكليهم كويرات يرتاحو 20د ثم ضعيهم في الثلاجة في المجمد مدة 2 سا
شهية طيبة

تصبير التفاح

خذي التفاح قطعيه وحكيه بالقارص وضعيه في علبة وعمريها بماء +كوب خل +2 م ك فرينة +عصير القارص ومنبعد فوريه كي يبرد ضعيه في السيرو

انتظرو المزيد

ام ريما

2013-03-21, 22:28

الله يعطيك الصحة اختي يارة انتي و كامل حراير منتدانا الغالي

أم عاتكة

2013-03-22, 12:12

بارك الله فيك

zarra duff

2013-07-19, 14:57

بارك الله فيك

احلام دنيا

2013-08-15, 19:02

السلام عليكي يااختي الفاضلة لقد رايت انك تمتلكين وصفات الشيف مصطفى هل ممكن تنشريها كلها لنستفيد منها ايضا وجازاكي الله خيرا:dj_17::19:

yarasmin26

2013-08-22, 14:07

كي شفت مكانش تجاوب حار حبست تقديم وصفاتو لانه موسوعة في فن الطبخ

سارة زهرة

2014-01-21, 14:01

و الله يا ياسمين أنا نموت علي الشيف هدا مي درك وليت نتي لي نموت عليك

سارة زهرة

2014-01-21, 14:04

معليش تعطيني وصفة الحريرة و مدابيا des recettes facile et rapide car je travaille

yarasmin26

2014-01-21, 14:23

و الله يا ياسمين أنا نموت علي الشيف هدا مي درك وليت نتي لي نموت عليك

تسلمي ياحبيبتى وحب في الله متبادل

yarasmin26

2014-01-21, 14:26

معليش تعطيني وصفة الحريرة و مدابيا des recettes facile et rapide car je travaille

عندنا عدة انواع من الحريرة { حريرة المرمز. حريرة الفرينة . حريرة المساخن.حريرة الخميرة} كيما تحبي قوليلي واش تحبي ونحطها في قسم الشوربات

ام حنين الحنونة

2014-01-21, 17:44

يعطييك الصحة اختي لو كان تحطيينا الشوربات اذا متوفريين الوصفات عندك

سارة زهرة

2014-01-24, 18:21

حريرة الفرينة

fatimazahra09

2014-05-21, 10:53

trop bon ....merci