رجاءا رأيكم بصراحة

[الصمت حكمة]

واش رايكم بصراحة لو كان ندير كيما هذي ليكات لبنتي عندها 10 سنوات تجي و لا لالا و إذا تجي كملوا الخير و عاونوني بالباترون خاطر ما نيش حابة نثقل على الأخت كرونو في هذو الأيام ربي يكون في عونها
http://im34.gulfup.com/w8Vdr.jpg

أو هذي

http://im34.gulfup.com/eiBUp.gif (http://www.gulfup.com/?Ux3LF2)

أو هذي
http://im34.gulfup.com/vezka.jpg (http://www.gulfup.com/?A2Tm6d)

راني نسقسي فيكم خاطر ما نخرجش برا إلا نادرا ، وليت نحس روحي ما نفهمش في اللبسة و ثقتي فيكم كبيرة، مالا ما تبخلونيش ، ألف شكر مسبقا

[wissem1]

مليحة تجي بصح للاسف منعرفش نخيط بلاك يفيدوك خياطات المنتدى

[sali-sali]

هدي مليحة
ولكن بنتك صغيرة
ديريلها الوان باهية

[wafaachal]

مساء الخير اختي

[wafaachal]

المودال الرمادي عجبني اكثر انا ما عنديش الباترون نتاعو انا نخيط بدون باترون نشوف المودال ونخدم عليه ما عنديش الوقت بزاف كنت حابة نساعدك اسفة

[نور المستقبل]

انا في رايي الاولى تليق لصغار ولكبار

[الصمت حكمة]

مجرد تفكيرك في المساعدة يكفيني، أنا ثاني ما نعرفش نخدم بالباترون ، مي كي نشوفو قدامي نحاول نطبقو ديريكت على القماش، ألف شكر مرة أخرى

[sarra5]

la deuxiem tji comme une robe puisk bentek srira

et la premiere aussi mliha comme une liquette

[fifiarch]

انا نقلك رايي بصراحة
انت اخترت موديلات للحوامل
كيفاه تلبسيها لبنتك عندها عشر سنوات

انا ماعجبونيش هاذ الموديلات راح يكبروها في السن وتان ماشي نتاع عمرها

[missossa]

:dj_17::dj_17:انا في رايي المودال الأول فقط يصلح يجي ROBE على خاطر راه à la mode وشريت وحدة لبنتي عمرها 6 سنوات كيفها وجاتها شابة بزاف وزيدي حوسي مليح كاين لبسات شابين بزاف للبنوتات الصغاروتلبسها بالصحة مسبقا:19::19::19::19::19:

[stayfiya]

يعطيك الصحة لولة مليحة و نحاول نبحثلك عاى التفصيل نتاعها

[fazo2013]

waw chabin ya3tik saha

[ايمان2009]

الاولى مليحة تجيها روبة مع لي با روعة نحاول نرسملك طريقة التفصيل ان شاء الله ونحطهالك

[الصمت حكمة]

أسعدني مروركن جميعا، الله يحفظ كل واحدة منكن و يجعل كل حرف كتبتوه في ميزان حسناتكم و يفرحكم كيما فرحتوني بردودكم، ألف شكر مرة أخرى

[الصمت حكمة]

انا نقلك رايي بصراحة
انت اخترت موديلات للحوامل
كيفاه تلبسيها لبنتك عندها عشر سنوات

انا ماعجبونيش هاذ الموديلات راح يكبروها في السن وتان ماشي نتاع عمرها


تحياتي، واش تقترحي عليا انت، إذا ما فيهاش ازعاج ليك ؟

[ام مريم اسراء]

انا جبتلك موديلات يتناسبو اكثر مع سنها زيد اختاريلها الوان زاهية وان شاء الله يعجبوك :

http://im33.gulfup.com/yu1pU.jpg

http://im32.gulfup.com/i8VnG.jpg

http://im33.gulfup.com/S0USM.jpg

http://im34.gulfup.com/St7ye.jpg

http://im34.gulfup.com/l2aRq.jpg

http://im32.gulfup.com/LQUML.jpg

بالتوفيق اختي الكريمة الصمت حكمة

[fadilasor]

اين اني اختي صمت الحكمة غابت اخبارك اشتقت اليكي اختي

[الصمت حكمة]

[quote=ام مريم اسراء;13313939]انا جبتلك موديلات يتناسبو اكثر مع سنها زيد اختاريلها الوان زاهية وان شاء الله يعجبوك :

ألف ألف شكر يا ختي و قليلة عليك، يهبلوا......... ، أنا راني مستعرفة باللي ما نفهمش شوية خاطر ما نخرجش بزاف بمعنى آخر معزولة عن العالم الخارجي، هكذا راكم اديروا فيا مزية كبيرة، انشاء الله ايديا ما يخيبونيش ، و نقدر نفرح بنتي، و انت الله يعطيك ما تتمناي، و نظن حتى الأخوات اللي حابين يخيطوا لبناتهم يستفادوا من الموضوع و تكون في ميزان حسناتكم انشاء الله

[الصمت حكمة]

اين اني اختي صمت الحكمة غابت اخبارك اشتقت اليكي اختي
يتوحشك الخير انشاء الله، نتمنى تكوني بخير انتي و الوردة دعاء، راني دخلت لموضوعك الأخير بالصح وقيلا ما شفتيش الرد انتاعي.....................تحياتي

[linda tadj]

Salem hahom ya okhti ba3d moudilet http://im32.gulfup.com/vDEbS.jpg (http://www.gulfup.com/?60iUto). http://im32.gulfup.com/gyrMK.jpg (http://www.gulfup.com/?RfZP9i). http://im32.gulfup.com/k5NU4.jpg (http://www.gulfup.com/?tV8sje)

[الصمت حكمة]

يا اختي واش ندعي لك ، ربي يحفظك و يعطيك ما تتمناي، روعة....روعة

[fadilasor]

[quote=الصمت حكمة;13314826]يتوحشك الخير انشاء الله، نتمنى تكوني بخير انتي و الوردة دعاء، راني دخلت لموضوعك الأخير بالصح وقيلا ما شفتيش الرد انتاعي.....................تحياتي[/quoيااختي والله كل يوم نستنى فيك تدخلي خلاص انا نصبت نفسي صديقتك بدون استئذان المهم احنا ملاح كي تكوني انت مليحة

[ام محمد تقي الدين]

اختي الصمت حكمة هذا الرابط فيه بعض فساتين للفتايات صغيرات وانت اذا عجبوك كبري فيهم شوي
http://www.khyata.com/30464

[stayfiya]

http://www.anagulf.com/uploads4/fb4a1806902e1.jpg

[wafaachal]

مساء الخير حبيت نعرف اذا ساعوك الباترون اللي حطاتو السطايفية هذاك هو واش قررتي تخدمي لبنتك

[wafaachal]

المودال الابيض مناسب لبنتك اختي مع بعض الاضافات جيوب او بابيو بلون قماش مغاير وربي يوفقك

[أم أصيل]

نشاطر الاخوات المودال الاول هو الافضل

[الصمت حكمة]

ألف شكر لكل وحدة على المرور العطر و الردود التي استفدت منها الكثير، في الحقيقة عندي بنتان و قطع القماش راهم ياسر و بردودكم أعطيتوني أكثر من فكرة و كم من فرصة باه نستغلهم و نتنزه انا و نفرح بنياتي، الإقتراحات كاملة نقلتها لذاكرة حاسوبي باه تبقى لي دائما............ ربي يحفظكم و كل وحدة الله يعطيها ما تتمنى من خيري الدنيا و الآخرة، سامحوني حسيت روحي تعبتكم معايا

[نور المستقبل]

لا لا ياعزيزتي راكي ماتعبتيناش وبلا مزية منا وحنا كامل خوتات على وجه ربي واليوم انت احتجتينا وغذوة احنا نحتاجوك يعني اطلبي وزدي راني كي نلقاهم نحطهملك الله يعاون الجميع

[نور المستقبل]

لا لا ياعزيزتي انت متعبتيناش بلا مزية منا احنا كامل خواتات لوجه الله راني عندي روبات كي نلقاهم انحطهملك ربي يوفقنا جميع

[ام معتز21]

ما شفت والووووووووووووووووووووووووو

[شمس الصحراء]

انشاء الله يرزقني ربي ونخيط زيهم

[الصمت حكمة]

لا لا ياعزيزتي راكي ماتعبتيناش وبلا مزية منا وحنا كامل خوتات على وجه ربي واليوم انت احتجتينا وغذوة احنا نحتاجوك يعني اطلبي وزدي راني كي نلقاهم نحطهملك الله يعاون الجميع


و الله ما عدت عارفة واش نقول يا ختي و لا واش نرد كل كلمات الشكر غير كافية، كل دعوات الخير لكل واحدة منكم بصدق و من أعماق قلبي راه ربي عالم، الله يرزق كل واحدة ما تتمنى و يسهلها في جميع أمورها في كل زمان و مكان هو ولي ذلك و القادر عليه

[الصمت حكمة]

انشاء الله يرزقني ربي ونخيط زيهم


أولا يا ختي مرحبا بيك في أسرتنا الكبيرة نتاع منتدى الجلفة، و ثانيا ربي يرزقك انشاء الله و تخيطي و تخيطي ......................و تخيطي و تزيدي كي اليوم انشاء الله، ما تسايش تفرحينا معاك برك.............. سلام

[fafi05]

السلام عليكم
شوفي اختي هاذو الموديلات و ان شاء الله تلقاي اللي يعجبك:
http://im40.gulfup.com/DS8nk.png (http://www.gulfup.com/?8fTFrj)
http://im39.gulfup.com/FjgGU.jpg (http://www.gulfup.com/?8wR4t4)
http://im39.gulfup.com/blypj.jpg (http://www.gulfup.com/?hemOdI)
http://im41.gulfup.com/iuO2D.jpg (http://www.gulfup.com/?7RONLJ)
http://im42.gulfup.com/JUrI6.jpg (http://www.gulfup.com/?wK0615)
http://im37.gulfup.com/z7jEt.jpg (http://www.gulfup.com/?NDQ1ym)
http://im40.gulfup.com/nel7h.jpg (http://www.gulfup.com/?JdxTGj)
http://im38.gulfup.com/Fypky.jpg (http://www.gulfup.com/?vuut5e)
http://im37.gulfup.com/jAhRi.jpg (http://www.gulfup.com/?AsRo3B)

[terrou]

http://im34.gulfup.com/w8Vdr.jpgtji robe tlbsha m3a fizo fi couleur mlih

[الصمت حكمة]

[QUOTE=fafi05;13340435]السلام عليكم
شوفي اختي هاذو الموديلات و ان شاء الله تلقاي اللي يعجبك:

ألف شكر أخيتي و في ميزان الحسنات إنشاء الله

[الصمت حكمة]

tji robe tlbsha m3a fizo fi couleur mlih
ألف شكر أختي و لك مني أعطر تحية.............. و دعوة بظهر الغيب انشاء الله

[crono]

[QUOTE=terrou;13340493]http://im34.gulfup.com/w8Vdr.jpg]

ana 3adjbtni hadi
avec les plie
in chaalah nhatlak batrone neta3o
rabsihalha avec bodi

[الصمت حكمة]

آه يا كرونو ، طرت من عينيا كي شفت ردك، و الله ماني طامعة فيك خلاص لأني مقدرة ظروفك، ملا نزيد نسمط عليك شوية و قولي لي اقتراحاتك نتاع الأقمشة اللي تجي بيه.................. طمنينا على الوالد ربي يحفظولكم انشاء الله

[ام مريم اسراء]

اختي صمت انا بنتي عمرعا عام 7 شهور متخيطي لاروب خبيهالي لبنتي و ان شاء الله تكبر كما هي .. و كتخيطيها وريهالنا ربي يوفقك

[الصمت حكمة]

اختي صمت انا بنتي عمرعا عام 7 شهور متخيطي لاروب خبيهالي لبنتي و ان شاء الله تكبر كما هي .. و كتخيطيها وريهالنا ربي يوفقك


يـــــــــــــــــــــــوه حشمتيني، اللي يشوفني دايرة كامل هذا التشقليل يحسبني راني خلاص، راني ياربي نتعلم ندخل الإبرة في الخيط...................... عفوا الخيط في الإبرة، مشكتي ما عنديش باه نصور لكم أعمالي صدق أو لا تصدق......... ربي يحفظ لك بنتك انشاء الله، راني نكتب و نضحك طلعتي المورال مع الصباح..........سلام