هل يمكن إجراء تحويل من المعهد الوطني للالكترونيك الى رياضيات و إعلام الي [الأرشيف]

مشاهدة النسخة كاملة : هل يمكن إجراء تحويل من المعهد الوطني للالكترونيك الى رياضيات و إعلام الي

adel abdedaim

2013-03-09, 14:00

هل يمكن إجراء تحويل من المعهد الوطني للالكترونيك سنة ثانية جامعي الى رياضيات و إعلام الي

سطايفية بكل فخر

2013-03-09, 15:24

نعم بامكانك التحويل في العام القادم
لكن اخي لما تود تغيير المعهد والله هو احسن بكثير من الرياضيات في الجامعات
نصيحتي ليك راجع قراراك وصلي صلاة الاستخارة واستشر اهلك قبل ان تندم على اي قرار ناس بزاف حابة تدخلو وانت راك حاب تبطل منو

كريستيان

2013-03-09, 20:23

لا ..... لا تستطيع التحويل في السنة الثانية فاذا قمت بالتحويل ستسجل في السنة الاولى

adel abdedaim

2013-03-10, 14:00

أنتم لا تدرون حقيقة المعهد أنا درست فيه وأعرف كل خباياه كل المميزات التي فيه مزيفة كما أنه كان أسوء محطة لي في حياتي أرجو منكم الاطلاع على مشاركاتي في قسم الخواطر بعنوان وحي الألم وكذلك مظلوم لتعرفوا مقدار الألم الذي سببه لي المعهد وأرجو أن أجد إجابة كافية عن طلبي بارك الله فيكم

سطايفية بكل فخر

2013-03-10, 14:07

اخي وشحال معدلك
كاينين تخصصات ملاح
+
انت قاري سنة اولى جدع مشترك او قرايتكم مختلفة عن التيكنو في السنة الاولى

adel abdedaim

2013-03-10, 14:38

معدلي هو 15.04
كنت شعبة رياضيات
ندرس مثل التكنولوجيا لكن باللغة الانجليزية بالإضافة لدراسة لغة البرمجة c
كما أننا درسنا أربع موديلات anglais وهي :
Grammmar
listening and speaking
scientific eng
electricity 1
بالإضافة إلى الرياضيات
الميكانيك
الكيمياء
أرجو الرد السريع لأنه في حالة لم يتم قبولي في السنة الثانية فيعني أني سأتوقف عن الدراسة

سطايفية بكل فخر

2013-03-10, 14:46

اخي انت قريت سنة اولى جدع مشترك
ممكن يقبلوك سنة ثانية رياضيات واعلام الي لانك قريت تقريبا كيفهم

سطايفية بكل فخر

2013-03-10, 14:47

وعلاش تتوقف على الدراسة اخي
حتى لو حولت ورجعوك للسنة الاولى نورمال ياخي المهم تقرا حاجة تحبها ولا راني غالطة؟
حبيت نعرف بركط واش معجبكش بالضبط في المعهدج؟

adel abdedaim

2013-03-10, 15:11

من المعلوم أن هذا المعهد يقوم بتدريس مادة اللغة الانجليزية لمدة شهرين أو ثلاثة قبل بداية دراسة المواد العلمية لكن والله درسناها حوالي ثلاث حصص لم تسمن ولم تغني من جوع بالإضافة إلى أن هناك أساتذة روعة سيتقاعدون هذا العام بسبب المشاكل التي يتخبط فيها المعهد كما أن الماستر هذا العام بنسبة كبيرة غير موجود يعني إضراب طلبة السنة الثالثة lmdموجود بنسبة كبيرة كما أننا لم ندرس الكثير من الأشياء المهمة في بعض المواد بسبب الإضراب .
تصوري بعد العطلة الأولى لم ندرس سوى أربع أو خمس حصص الى غاية الامتحانات التي شملت بعض الدروس التي لم نحل فيها أصلا في الأعمال الموجهة .
الان اتي الى الكارثة الكبرى وهي أني بعد الدراسة لمدة 5أشهر أثناء الأفيشاج تاع النقاط لم أجد اسمي مكتوب لا في نوت td
ولا في الإمتحان لمل ذهبت إلى الإدارة صدموني بقولهم من أنت ليس لدينا شخص بهذا الإسم
يعني كنت نقرى في الباطل الحضور تاع الtd والمشاركة وكلش ما عندو حتى قيمة وهطا ما ثبت في لي نوت
والسبب يعود حسبهم لوجود ثشابه أسماء بين عبدالدايم عادل والشخص الاخر لي ما يحضرش من بداية العام وطلع العام عديل حكيم باه تشوفي التلاعب بمستقبل الطلبة
أبعد كل هذا وهذا جزأ بسيط جدا تريدين مني البقاء في المعهد
مدة ثلاث أسابيع باه رجعو ني غير اليوم بعد ما تحطت النقاط اللي هلكوني فيها
أرجو مدي بمعلومات أكثر ربي يجزيك الخير لأني كنت مشحون بشدة غير هنا فرغت جزأ بسيط من اللي في قلبي

سطايفية بكل فخر

2013-03-10, 15:21

شدة وتزول اخي والله كلمنا نعانيو من الاداراة وكون نتبعوهم اخي والله نبطلو كامل
المشكل يمكن في تحولهم من لكلاسيك لل م د هدا مكان بلعقل ويتعدل وادا كنت قادر تقراها اقراها والماستر اكيد يحلوه لانو مطلوبة في الجزائر وزيد معهد وطني لازم تتحل
على العموم اخي ننصحك صلي صلاة الاستخارة وربي ان شا ءالله رايح يسرلك طريقك
فيما يخص المواد لدرستها اخي جذع مشترك واحتمال يقبلوك مات سنة ثانية انا منيش متاكدة لانك قريت بالانجليزية على العموم سقسشي في احد الجامعات باش يوكدولك
+
انا رايي مدامك كاره خير عدة وجهات للتحويل باش متندمش ادا مقبلوكش في وحدة يقبلوك في الاخرى فقط اعرف واش تخير واش يناسبك انت
+
معدلكم كبير الله يبارك ويوسعلك في الاختيارات
انا نقترح عليك
هندسة معمارية
تيكنو
رياضيات واعلام الي
علوم تمريض
بيطرة
محروقات

+
والله معلابالي واش تحب تقرا انت قيدي روحك هدي فقط بعض الاقتراحات
+
خير جامعة مليحة
بلعقل برك وان شا ءالله كلش يهون فقط خمم مليح باش ترتاح من بعد
ونزيدك نصيحة فرغ واش في قلبك سينون يولي على صحتك
ياربي تحل موضوع كامل وتحكي فيه كلش على المعهد المهم ترتاح
اي شيء تحتاجه او اي معلومة حول بعض التخصصات
انا هنا للمساعدجة ولو بشيء بسيط

narimane22

2013-03-10, 15:34

أخي أنا أنصحك بالبقاء في الالكترونيك لان الرياضيات والاعلام الالي صعيبة جدا جدا
أنا صديقتي كانت اختصاص رياضيات .وتحصلت على معدل 16.25 في البكالوريا وكانت متيقنة أنها تقدر تدرس رياضيات .......لكن ......
عاد بها الزمان ولم تستطع حتى انها طلع عامها .عاودت العام الاول 3مرات لكن لم تنجح ......فغيرت الاختصاص الى تاريخ ...تصور هدا لا يعقل لكن والله أنا أقول الحقيقة ....
وفي الاخير القرار يعود اليك
والله يكون في عونك وغون جميع الطلبة الجزائرين
وتحيا الجزائر بأبنائها.....*

narimane22

2013-03-10, 15:39

أنك تتوقف عن الدراسة غير هدا الامر اللي انزعوا من أفكارك ادا كنت تفكر هكدا .فلمادا لا تتفكر معانات باباك و يماك نهار كنت في السنة الثالتة ثانوي ....ونهار اللي رحت تجتاز الامتحان ....ونهار فرحتهم بالفوز

adel abdedaim

2013-03-10, 16:06

مستحيل صاحبي قرا معايا نجح الباك ب 11 وطلع السيماستر الأول رياضيات وإعلام الي ب 12 أو أكثر أنا لا أهرب من الدراسة الصعبة أنا أفر من المكان الذي فيه الظلم في كل مكان لي يقرى مايجيبش يلى ما يقراش بالمعريفة يماجوري

adel abdedaim

2013-03-10, 16:12

سطايفية بكل فخر

2013-03-10, 16:13

الاخت نريمان صحبتك هديك حفاظة وجابت باكها بالحفاظة اكيد والدليل انها لما دارت رياضيات مقدرتش عكس قردت للتاريخ لي يعتمد على الحفاظة وهي اخطات من الاول لانها ظنت انو 16 معناها تقدر للرياضيات على العموم الحمد لرله صحت الخطا وخيرت مجال تقدرلو
+
كل الشعب في الجامعة ليست سهلة وفي نفس الوقت ليست بمستحيلة الدراسة فقط الواحد يقرا واش يحب واش يقدر عليه واكيد بالاجتهاد كلش يجيه ساهل
+
الرياضيات عامنا الاول براسك نقراو كيفكيف ومهيش صعبة لدرجة انك تعاود 3 سنوات
فقط الاجتهاد ومتابعة الدروس
في السنوات الاخرى اكيد تبدى التعقيدات ولكن مع حضزر المحاضرات والبحث والاجتاهاد الشخصي نقدرو نقراوها
وهو شيء ينطبق على كل المواد
لدلك اختي متقوليلوش اخطيك منها لانها واعرة
ولكن نقولولو اختر ما يناسبك
+
اخي قضية الظلم كاينة في مختلف الجامعات ومش انك تهرب من المعهد تحط روحك بلي خلاصو المشاكل الجامعية
والله كل الادارات كيفكيف مول واحد فقط الواحد ميخليش حقو يضيع ويهرب من الواقع
بالتوفيق ليك

adel abdedaim

2013-03-10, 16:23

ادعيلي ربي يديرلي الي فيها الخير وانشاء الله نختار مايناسبني

سطايفية بكل فخر

2013-03-10, 16:23

أنا أوجه رسالة الى الأخت السطايفية لمدي بمعلومات عن الهندسة المعمارية والرياضيات والاعلام الالي .
أريد أن أحكي قصة هي أن الأستاذة لي تقري في البرمجة سقساتنى على واحد لما غاب مدة طويلة قلناها حول فرحتلو وقالت بالحرف الواحد نستعرف بيه دلالة على ضياع قيمة الinelec وكما يقول المثل أهل مكة أدرى بشعابها .
منذ أن تخول هذا التخصص الى معهد وهو يتعرض للمشاكل في جميع المجالات بهدف زعزعته وهناك ظغوط خارجية لتحويل الدراسة باللغة الفرنسية
كما أن نظام ال م د غير مصادق عليه هنا يعني ما فيش ما ستر حتى يحل المشكل يعني إضراب طويل الأمد

راني هنا اخي ورايحة نعاونك بالشيء لي نقدر عليه ورايحة نمدلك معلومات عليهم
+
اوك نحكيلك حكاية عن نفسي باش متظنش غير انت لي راك تعاني راهم الاف الطلبة يعانيو وكون تسال اي واحد فينا تلقا عندو مشكل ينسيك في همك
انا شخصيا نقرا في معهد البصريات وميكانيك الضبط
تخصصت اوبتومتري اول مرة تتحل في الجزائر كلها تخصص الله يبارك مي الدولة مش مدتلنا اهمية لحد الان نقراو ومعدناش لاقريمون وهدا عامي الاخير في الليسانس ومكانش عدنا ماستر
مي انا كملت قرايتي وراني نقرا بالشيء لي نقدر عليه باش نخرج عامي

كنت مديموراليزيا مكثر منك وراني حاسة بيك لاني جاتني فترة كانت الدنيا ك حلة في عينيا مي صليت صلاة الاستخارة وتكلت على ربي وقريت على جال والديا والحمد لله رجعت لقرايتي ونحيت الافكار السوداء من راسي وحبيت شعبتي
واليوم لو يخيروني مرة اخرى واش ديري في التخصصات نخير اوبتومتري لاني احبها رغم اني اعلم انو مستقبلها مجهول
انا متيقنة من حاجة وحدة انو ربي ميضيعش تعب عبدو ويجي نهار وين تتمدلنا لاقريون وننسى همي
+
والله معهد الالكترونيك احسن معهد بالنسبة ليا فقط يمر بظروف ويجي نهار وتتسقم
حالو حال الجامعات لي دخل عليها الل مد راهو جديد في بلادنا وان شاء الله يتحسم قريبا لانو هلك طلبة بزاف

سطايفية بكل فخر

2013-03-10, 16:24

ادعيلي ربي يديرلي الي فيها الخير وانشاء الله نختار مايناسبني

ربي يجيبلك لي فيه الخير سبب الاسباب واتكل على ربي وكل شيء يهون

سطايفية بكل فخر

2013-03-10, 16:27

بما ان وقت التحويلات مزال الحال عليه فلديك افرصة لتتعرف على عدة شعب وتختار ما يناسبك
فقط انت كمل السيماستر هدا ومضيعوش في المعهد لانو رايح يفيدك من بعد سواء تغير رايك وترجع تقرا وهنا تلقا روحك خرجت عامك
او تحول لشعبة اخرى وهنا تولي الاولوية ليك تتحول لانك طالب مواظب ومخرج عوالمك ومدبيها الجامعة الجديدة تستقبل طالب ناجح
بادن الله رايحة نمدلك بعض المعلومات عن بعض الشعب باش تعرف واش تخير

سطايفية بكل فخر

2013-03-10, 16:36

فيما يخص الهندسة المعمارية تخصص جامعي خضع لنظام ل م د
يوجد في عدة جامعات واحسن الجامعات لي تقري هندسة معمارية هي قسنطينة معروفة من بكري انو عندها اساتدة ملاح
مام سطيف مليحة ولكن عدنا مشاكل في هده الشعبة الاولى السابوطاج فوق روسهم مساكن والثانية محبوش يحلولهم ماستر وراهم في اضرابات مند مدة

فيما يخص الهندسة يحبلها واحد عندو ايماجيناسيون ويحب يرسم لانو يعتامدو بزاف على الرسم الصناعي والبناء والحوايج هادو
ايضا عندهم البراتيك بزاف وديما مشغولين بالرسومات والمشاريع ولي نعرفهم كامل يشكيو بلي معنهدهمش الوقت

تقرتاو فيها
http://univ.ency-education.com/architecture-modules.html

http://univ.ency-education.com/architecture.html
هذي ممكن تفيدك

فيما يخص مستقبلها علاباك الجزائر تاع بناء وبالتالي تقدر تلقا الخدمة سواء تخدم عند الدولة
او تخدم مع واحد بريفي
او عطاولك لاقريمون وتحل وحدك وهدي النقطة راهي بين وبين في نظام ال ل مد وديماي قلك تحتاج للخبرة

adel abdedaim

2013-03-11, 14:13

شكرا على المساعدة والله من هدرت هنا فرغت قلبي من بزاف هموم
رغم أن كل ما قلت كان صحيح لكن هذا لا يعني بأني لن أكمل دراستي في هذا المعهد سنة أولى بالعكس سأكمل هنا السنة الأولى وإنشاء الله ننجح وبمعدل مليح في السماستر الدوزيام باه نطلع العام دون استدراك لكن فيما يخص قراري في التبديل فسأتخذه بعد صلاة اسنخارة لأن الله لم يخيبني يوما.
أما الهندسة المعمارية فرغم اهتمامي ببرامج التصميم والهندسة إلا أني لا أحب الرسم اليدوي لذلك قد ألجأ إلى اختيار المدارس العليا أو الهندسة الكهربائية والالكترونيك سنة ثانية تكنو .
وأخيرا أجدد التحية لك على كل ما قدمتيه من معلومات .

سطايفية بكل فخر

2013-03-11, 16:40

ما خاب من استشار الله اخي
+
مليح فرغ واي حاجة تسحقها اختك راهي هنا
+
قرارك بالاكمال احسن ما تفعله ممكن تغير رايك وتعجبك لقراية
+
فيما يخص الرياضيات هي مش احسن اختيار تقدر تلقا احسن منها لانو فيها اما تكمل مات وتخرج تقري او تكمل انفورماتيك
لي مطلوبة
المهم صلي صلاة الاستخارة ومن بعد نزيدو نتناقشوة في الخيارات ولي فيها الخير ربي يكتبهالك