البراج او المبرجة يذوب في الفم بطريقتي ومن مطبخي بالتفصيل الممل

[ninafret]

سلام عليكن حبيباتي راهو قريب فصل الربيع وانا سبقت الفرح بليلة كيما يقولو وحبيت نحطلكم طريقتي في عمل البراج يجي لذيذ ويذوب في الفم وكيما العادة بريزونتابل ممكن تعملوه لضيف ولا تبعثوه لاهلكم واحبابكم انا بعثت لاختي اللي في العاصمة نتمنى يعجبكم


اولا لازم تكون الكيلة هي نفسها اللي تستعمليها في السميد والسمن والغرس ان كيلت بالصحن نتاع الشربة لاني عملت كمية كبيرة انتي ممكن تجربي بغرفية صغيرة ولا بكاس
2كيلات سميد او دقيق كيما نقولو احنا يكون من متوسط الى شوية خشين مالازمش تستعملو الرقيق اللي كيما الفرينة وحطي معاه شوية ملح حسب الرغبة ممكن اقل شوية من اللي تعمليه للكسرة او الخميرة انا عملت زوج قرصات صغار ملح لاني عاملة زوج كيلات دقيق

http://sphotos-f.ak.fbcdn.net/hphotos-ak-snc6/253186_422479537826337_769464352_n.jpg
1كيلة سمن ذايب او زبدة ذايبة ممكن تستعمل سمن مدينة ولا زبدة لابال

http://sphotos-c.ak.fbcdn.net/hphotos-ak-ash3/539792_422479811159643_363893289_n.jpg
كيلة غرس يكون منقي ومرحي ومفور حتى يولي طري تزيدي تعجنيه مليح مع 3ملاعق سمن وممكن تزيديلو ماء زهر وقرفة وشوية فقط قرنفل وخلطي انا نستعمل حاسة الشم حتى نعرف اذا يحتاج المزيد من القرفة ولا لا المهم كي يولي طري ويلصق ادهنيه بالزيت وخليه على جنب

http://sphotos-d.ak.fbcdn.net/hphotos-ak-prn1/602240_422479544493003_237738930_n.jpg
كمية من الجلجلانية المحمصة
ماء وماء زهر قادر ياخد معاك نصف الكيلة وممكن اكثر وممكن اقل حسب نوع السميد ماتتقيدوش بهاد المقدار وخلي عينك هي ميزانك
التحضير
حبيت نقلكم بلي المكيال مهم لكن الاهم في عمل البراج هو طريقة التحضير لانك قادرة تعملي نفس المكيال اللي تلقايه وماتعرفيش التحضير مستحيل تتحصلي على نفس النتيجة
اولا خلطي السميد مع الملح وزيدي فوقهم السمن الذايب وابداي بسسي السميد

http://sphotos-g.ak.fbcdn.net/hphotos-ak-ash4/225393_422479727826318_511158322_n.jpg
وافركي بصباعك حتى يدخل فيه كل السمن ويولي حبيبات صغيرة كي الكسكسي
ابداي زيدي الماء وماء الزهر بالتدريج وكل مرة افركي بيدك وحذاري تعجني هذا هو اكبر خطأ اللي يخلي البراج مايجيش مبسس ويتفتت في الفم لازم ديما تخلي الخليط كي الرمل كي تحسي بلي الخليط بدا يتلم جربي حطي كرة منو في كف يدك واضغطي عليها شوية ادا لقيتيها تجملت وتلمت اعرفي بلي هذاك هو المطلوب ماتزيديش الماء
طريقة التشكيل
اولا لازم تحضري غلاف بلاستيكي كيما اللي نغلفو بيه السنيوة او الطاولة في العراس لانو هو اللي يساعدك في العمل نظرا لان العجينة هشة وتتفتت
اقسمي العجينة الى كرتين من نفس الحجم
حطي الكرة الاولى فوق الغلاف البلاستيكي وغطيها بغلاف تاني وحليها شوية بالحلال وماتخافيش اذا لقيتي بلي شوية تتفتت ماشي مشكل راح ترجع تتلم وتحافظ في نفس اتلوقت على التبسيس اللي فيها ثم ذري فوقها طبقة من الجلجلان المحمص

http://sphotos-b.ak.fbcdn.net/hphotos-ak-prn1/560137_422479837826307_764534378_n.jpg
فوق غلاف تاني حلي الغرس بنفس الطريقة وبنفس الحجم

http://sphotos-e.ak.fbcdn.net/hphotos-ak-snc6/225315_422479801159644_1718895767_n.jpg
وحطيه مباشرة فوق الكرة الاولى نتاع العجينة باستعمال هداك الغلاف اللي راح يساعدك بزاف
http://sphotos-h.ak.fbcdn.net/hphotos-ak-ash3/525687_422479911159633_1544634221_n.jpg

وزيدي ذري فوق الغرس طبقة اخرى من الجلجلان

http://sphotos-f.ak.fbcdn.net/hphotos-ak-ash3/538355_422479927826298_1969866206_n.jpg
زيدي حلي كرة العجين الثانية بنفس الطريقة وبنفس الحجم وحطيها فوق الغرس
اغلقي مليح الجوانب بالعجينة وغطيها بالغلاف البلاستيكي وابداي حلي بالحلال من الوسط الى كل الجوانب
http://sphotos-e.ak.fbcdn.net/hphotos-ak-prn1/525617_422480061159618_1464607278_n.jpg

اذا قدرتي اقلبيها وكملي حتى توصلي للسمك المطلوب اللي هو تقريبا 1سم

http://sphotos-d.ak.fbcdn.net/hphotos-ak-ash3/62123_422479961159628_1594298431_n.jpg
انزعي الغلاف من فوق واما تقطعي بالسكين مباشرة مقروضات كبيرة ولا تعملي كيما انا
عملت خطوط وهمية بالسكين من غير مانضغط عليهم

http://sphotos-c.ak.fbcdn.net/hphotos-ak-snc7/402942_422479987826292_1316178550_n.jpg
وقطعتهم بآلة مشرشفة نستعملها في تقطيع المقروض نسيت ماصورتهاش راح تمد للحبة منظر جميل خاصة الجوانب اللي تجي مشرشفة قطعي كل الحبات بنفس الطريقة
http://sphotos-d.ak.fbcdn.net/hphotos-ak-frc1/538171_422480384492919_15590016_n.jpg

ونروحو لطريقة الطهو
انا نوريلكم طريقتي تخلي الحبات تجي متحمرة وطايبة بنفس الدرجة من غير ماتتحرق ولا تعمل دخان
فوق الطابونة حطي طاجين الحديد اللي تعملي فيه الكسرة خليه يسخن مليح

http://sphotos-e.ak.fbcdn.net/hphotos-ak-ash3/65515_422479507826340_1270934997_n.jpg
وحطي فوقو الطاوة او الطاجين اللي نعملوه للشخشوخة ونقصي شوية فقط النار يعني تكون متوسطة ماشي هادئة

وممكن تعملي طاجين نتاع الطين ادا ماعندكش نتاع الحديد وحطي فوقو الطاوة عادي بصح خليه يسخن مليح مليح والحبات راح تاخد منك وقت اكثر حتى تطيب
حطي الحبات من غير ماتكثري حتى تقدري تطيبيها من غير ماتتحرق واظغطي عليها بلطف من الوسط حتى تطيب كل الجهات بنفس الدرجة انا تقابلت انا وماما وطيبنا مع بعض http://www.4osraty.com/vb/images/smilies/908273[1].gif

http://sphotos-b.ak.fbcdn.net/hphotos-ak-ash3/539435_422480074492950_603162537_n.jpg
كيتقلبيها استعيني بسكين واقلبيها بلطف حتى ماتتفتتش وكي تحمار من الجيهتين نحيها وخليها تبرد تماما
وقت التقديم امسحي وجها بلطف بمنديل ورقي حتى تروح كل الحبيبات نتاع السميد اللي تجي في الوجه وقدميها باردة وممكن تحتفظي بيها في علبة مغلوقة حتى 15 يوم وممكن اكثر لاننا في فصل الشتاء
وهذا الشكل النهائي

http://sphotos-h.ak.fbcdn.net/hphotos-ak-ash3/525469_422480131159611_1201196002_n.jpg

http://sphotos-c.ak.fbcdn.net/hphotos-ak-prn1/539480_422480374492920_854448216_n.jpg


http://sphotos-f.ak.fbcdn.net/hphotos-ak-ash4/485369_422480191159605_1528322661_n.jpg

شوفو الطبقات كيفاه متساوية امممممممممممممممم والتشرشيف زاد خلاها بريزونتابل

http://sphotos-d.ak.fbcdn.net/hphotos-ak-ash3/13879_422480254492932_1418995185_n.jpg
نتمنى ينال اعجابكم وراني كي العادة نستنى رايكم وتقييمكم وتطبيقكم
في أمان الله


__________________

[~ حراير ~]

براج و عليه لكلام
يعطيك الصحة و تاكلوه بالصحة و الراحة
حبيت نشكرك على فكرة تقطاعه راهو جا تحفة و هو منقوش
كي نعاودو راني ندير كيفك

[linat]

يعطيك الصحة خرجتلك روعة نينا

[حسيبة2010]

يعطيك الصحة نينا و خاصة طريقة التقطاع شااااااااابة و تشهي !!!!
ماشاء الله عليك :)

[kakinova]

روعة يا ماشاء الله

[أم عاتكة]

يعطيك الصحة خرجلك روعة الله يبارك
بالصحة و الهناء

[soriaalg]

يعطيك الصحة بارك الله فيك روووووووعة

[أم ماجد]

الله يبارك لكن احنا الربيع بديناه الاسبوع الماضي 28 فيفري بداية فصل الربيع

[ninafret]

شكرا لمن حبيباتي على الردود ربي يحفظكم
اختي ام ماجد صح ماما تاني تولدت في 27 فيفري وسماوها على الربيع ههههههههه عرفتيه لانو اول يوم ليه

[أم ياسين الزهراء]

واوووووووووووو هايل وروعة الله يبارك

[رضاك ياربي]

الله الله عليك اختي براج وعليهم لكلام منظرهم يشهو تاع الصح
وخدمة متقونة ماشاء الله عليك حنونة ان شاء الله نجربهوم

[YAKMISSOU]

جاك تحفة يعطييييييييييييك الصحة

[ام عبيدة]

بارك الله فيك

[ام ولي]

بارك الله فيك براج وعليه لكلام تسلم الأيادي

[الأمنيات]

يعطيك الصحة خرجتلك روعة

[nadine lamara]

صح فكرة القطاعة شابة مي كاين الي ميديروهش باغرس

[rahma74]

بارك الله فيك اختي بادن الله نجربو

[wahiba T]

والله غير تشهي مع كاس حليب ماعندي مانقول يعطيك الصحة

[أنآحلُم]

ماشاء الله قمة في الروعة ربي يعطيك ويهنيك
بصح مفهمتش كي ديري الطاجين فوقو وش ديري كيفاش دايرة هاديك العفسة ليديرتيها من فوق طاجين ولا وشني معرفتوش

[أم سراج الدين]

عزيزتي تحية تقدير و عرفان بمجهوداتك المبذولة من اجل تقديم الاحسن و الافضل دوما
شكرا جزيلا لكي
فقط فكرة الطياب ما فهمتهاش مليح؟ طاجين الطين تحطي فوقو طاجين الحديد؟ و واشي هي الطاوة لي تحطيها؟

[دموع تائبة]

يعطيك الصحة اختي نينا
جاك يهبل
تاكلوه بالصحة والهنا

[أم ضحى]

بارك الله فيك وبصحتك بنينة

[ام ملاك.]

يعطيك الصحة يالمبدعة ربي يخليلك هدوك اليدين
بصحتكم

[بريق الامل&]

http://files.fatakat.com/2010/4/1271174013.gif

[ninafret]

الله يسلمكن اخواتي والخت اللي سقساتني لى الطياب
فوق الطابونة تحطي طاجين الحديد اللي نطيبو عليه الكسرة او الخميرة كي يسخن مليح حطي فوقو الطاوة الكبيرة اللي نطيبو فوقها شخضشوخة البرانس او الورق وطيبي فوقو حبات البراج
وادا ماعندكش طاجين الحديد نتاع الكسرة حطي طاجين الفخار او الطين على نار قوية وكي يسخن مليح مليح حطي فوقو طاوة الشخشوخة وطيبي فوقها
نتمنى وصلتلك الفكرة واي استفسار انا في الخدمة

[بريق الامل&]

http://forums.hawalive.com/storeimg/Hawa_1341818953_708.gif

[الدر المكنون]

44444444444444444444

ما شاء الله يعيطك الصحة

[ninafret]

شكرا لكن اخواتي

[om hala]

ررررررررررررررررررروووووووووووووووعة قليلة عليك ماشاء الله عليك اختي طريقة الخاصة بالطهي جديدة بالنسبة لى راح نجربها ونرد عليك بتطبيقى

[kaoutar*]

2كيلات سميد +كيلة سمن او 3كيلات سميد + كيلة سمن ارجو الرد بسرعة وشكرا

[oum anas 69]

raw3aaaa ya3tik asaha

[mounira titi]

ما شاء الله عليك و علي لبراج تاعك.الله يبارك فيك و في الوالدة المحترمة و يجزيكما خيرا دنيا و اخرة .
تكلوه بالف صحة .
احنا نعملوه كما انتاعكم الا اننا نعمل 3 كيلات و لكن اكيد سوف اجرب انتاعكم و لكي مني اكبر و اجمل تحية علي المجهود الرائع.

[ايمان2009]

الله يبارك على الفحلة يهبل يعطيك الصحة وعجبتني بزاف اللقطة اللي قصيتي بيها حاجة جديدة

[zhor1970]

ما شاء الله يعطيك الصحة

[دلال2012]

الله الله على الفحلة راكي سخفتينييييييييييييييييييي تمنيت ندي حبة منها برك ونذوق وباينة تذوب في الفم
ربي يحفظك ويخليلك الوالدة الكريمة
وتاكلوها بالصحة والراحة

[ninafret]

ضشكرا لكن اخواتي وربي يحفظلكم امهاتكم انتوما تاني

[ام محمد فارس]

الله يبارك روعة يعطيك الصحة

[natasha1984]

يعطيك الصحة
مبرجة و عليها الكلام شكلا و ذوقا
ربي يعطيك ما تتمناي

[touta2010]

http://uploads.sedty.com/imagehosting/361748_1356203543.gif

[عائشة333]

ررررررررروعة

[ninafret]

شكرا لكن اخواتي

[هيام الكسندرا]

بارك الله فيك

[jackin]

الله يبارك يعطيك الصحة

[by me mis]

الله يبارك جاءتكم بزاف شابة أو باينة مبسسة أو بنينة إنشاء الله نجربها

[شقراء]

راهم ايشهو يعطيك الصحة

[sissou nrdn]

يعطيك الصحة ......................لكن انا نخلي شوية من السميد لمبسس باش نحرش به العجينة من الفوق
قبل ما نقصها. جربي الفكرة

[ام خالد اسلام]

شكراااااااااااااااااااااااااااااااا جاك روعة

[ريحانة im]

ابراج بنينة راني جربتها بصح نسيتي البيض

[mina3100]

mmm ana manbghich hado eswalah mais bayna echbab ya3tik essaha rani rayha nedzawaj wrani haba menu moderne ta3 les plats ta3 mariage w décoratin stp rado 3liya wjazakom ellah khayr 9obolati

[لقمان12]

الله يبارك
يعطيك الصحة

[مملكة لينة]

فوررر اختي بارك الله فيك

[طهراوي ياسين]

يعطيك الصحة

[wiwi la blande]

4444444444 yatiik el sahaa

[منال100]

يا سلام عليك وعلى يماك لجابتك روعة تسلم أفكارك

[تاج النور@]

يسلام جاك هايل
الله يعطيك ومنيك

[anfel22]

الله هايل و يهبل يعطيك الصحة و مشكورة

[djahed fatima]

ممكن وصفة الغرس

[ليال 22]

2 كيلات سميد و كيلة سمن ماشي قليل السميد لانو جربت وجاتني كالعجينة بلا ما نزيد الماء فقررت نزيد كيلة سميد خوفا من انها تفسدلي .ارجو من اللي جربو الوصفة يفيدونا

[merry_mora]

يشهووووووووووو شكرآآآآآآآآآآ

[rawane16]

نموووت عليهم
بارك الله فيك
شكراااااااا على المجهود الكبير

[amouna alg]

يعطيك الصحة اختي وخاصة طريقة التقطاع زادت تحفة

[رانيا لوك]

وااااااااااااااااااااااااو روعة

[mojab]

:19::19::19::19::19:واو خرجتلك راوعة:19:

[ayaa2006]

ya3tik 1000 3afia

[نيفرتيتي.]

روعة
وطريقة جديدة في الجلجلان والطاجين
بارك الله فيك

[oum hiba2012]

يعطيك الصحة يشهو

[سندس1967]

هذو هوما الفحلات ولا خلي يعطيك الصحة

[R I A D]

يعطيك الصحة خرجتلك روعة نينا :19::19:

[ابتغي الجنة]

يا جمالو يا جمالو هههههههههههه
يسلم هادوك اليدين الله يبارك تحفة

[marwa255]

haaayeeeeeeeeeeeeeel ya3tik el saha

[ريم الصحراء]

يعطيك الصحة و تاكلوه بالصحة و الراحة

[idron0]

يعطيك الصحة

[lahna moka]

ممممممم يهبل أختي بارك الله فيك

[KHAWLA STAR]

شكرا ليك ...يعطيك الصحة

[أم وائل ولؤي]

بارك الله فيك براج وعليه لكلام تسلم الأيادي

[amila32]

سلمت يداك اخت نينا

[marwa255]

ya3tiik el sahaaa

[ahmed.zako]

روعة ماشاء الله

[ام فيفي]

يعطيك الصحة نينا مبرجة تاع حراير بارك الله فيك

[الجزائرية المحبوبة]

يعطيك الصحة اختي

[Bissa Algeria]

براج و عليه لكلام
يعطيك الصحة و تاكلوه بالصحة و الراحة

[oum malek]

بارك الله فيك

[lamia zina]

ما شاءء الله خرجتلك هايلة

[بشيرة 13]

يعطيك الصحةخدووووووووووووج

[oumloulou]

امممممممممممم تسلم يديك

[idron0]

جزاك الله خيرا

[ام اسلام وسرين]

باين بنين وعليه الكلام يعطيك الصحة

[sahba]

السلام1


شكرا :19::19:


لكن ما في صور ؟؟؟؟ :(

[saly.saly]

شكرا جزيلا لك

[ام البنوتة]

فكرة طاجين الطين و التشرشيف مشكورة اختي على الابداع ..

[فاطمة 2018]

جربتها في الربيع جات هايلة