مدولي رأيكم

[نور العلى]

:dj_17: حبيت نحكيلكم حكايتي كملنا البارح الاختبارات بعد عناء طويل و بعد تعب طويل وحسيت روحي تعبت نفسيا لكن صعبونا المواد هدا الفصل عدا الاجتماعيات و الشرعية وراني حاسة روحي ما خدمتش خاصة المواد الاساسية طوال و ما كملتش وراني بزاف مقلقة و مخنوقة

وحابة نعرف ادا هده مشكلتي لوحدي من فضلكم عاونوني تعيشوا :sdf::mh31:

[✿❀سًجّْـدًةْ خٌشٌـوُعٍـ ❀✿]

لا اختي ليست مشكلتك وحدك فالكل نعاني منها
الفصل الاول كانت اختباراته اسهل من هاته ولكن الحمد لله على كل حال
المهم ان نفهم ونستوعب البرنامج جيدا استعدادا للسنة المقبلة ان شاء الله
ربي يوفقك وكل الطلاب

[Houssam Zemmouri]

:dj_17: حبيت نحكيلكم حكايتي كملنا البارح الاختبارات بعد عناء طويل و بعد تعب طويل وحسيت روحي تعبت نفسيا لكن صعبونا المواد هدا الفصل عدا الاجتماعيات و الشرعية وراني حاسة روحي ما خدمتش خاصة المواد الاساسية طوال و ما كملتش وراني بزاف مقلقة و مخنوقة

وحابة نعرف ادا هده مشكلتي لوحدي من فضلكم عاونوني تعيشوا :sdf::mh31:



كامل رانا كيفك :) + انا ختمت الاختبارات بمادة العلوم أختبار المارطون 3 ساعات .... وفي الاخير ما خدمتش ....ربي يقدر الخير

هاو ليك الاختبار
http://www.djelfa.info/vb/showthread.php?p=13248295#post13248295

[شعلة الطموح]

المعاناة عامة و كما يقال المصيبة اذا عمت خفت
ان شاء الله يكون هذا تدريب لمواضيع البكالوريا

[maissouma]

ya khtii ga3 rana hakek ana math dit 8 :'( f lé devoires w phésiic hardaa w science annii khadma chuia :'( mé hamdoulleh les examen hata le 14 mars nchlh nratyrapiiw

[kab_66]

لا اختي فنحن كلنا نعاني من هذه المشكلة
أما بخصوص الامتحانات مازال ماكملناش غيلا نهار الاخد
ربي يوفقنا
انشاء الله
شكرا

[piérre de lumiére]

حنا تاني كيفكم المواضيع طويلة وصعيبة ااااا بزاف الله يستر نهار الأحد

[قدوتي رسولي]

سلام حنونة
واش راكي؟؟
ماتخميش بزاف راهي بارتو والله
احنا مانا لاقيينها لا في مواد علمية ولا ادبية تخيلي حتى من شريعة عادت اسئلة غير مباشرة
ربي يهديهم برك
وكون تصدقي والله والله غير اسئلة الادب والاجتماعيات نتاعنا اصعب من الاسئلة نتاع شعبة اداب وفلسفة والله
واش نقولو ربي ينجحنا ويهدي الاساتدة باسكو والله غير تلاتي هدا معرف واش بيهم
وكيما احنا في الصحراء الغبار علينا وسخانة علينا ويزيدونا هوما
وصدقيني كيما انا ماتيلام يعطونا مات 2ساعات وفرونسي وانجلي ولباقي2ساعات مش منطق طوووووووووووووووووول
المهم كملنا ولباقي على ربي
هو يقول اسعو ياعبادي وانا نسعى معاكم انا بالذات درت لي عليا وربي يشوف ولباقي عليه

والحمدلله على كلشي الحمدلله





تحياتي

[قدوتي رسولي]

وبالتوفييييييييييق

[اميرة الادب]

رانا اكل والكارثة في المواد الادبية الرحمة يا العلمية ربي يجيب اللي فيه الخير.

[salah salilou]

سلام حنونة
واش راكي؟؟
ماتخميش بزاف راهي بارتو والله
احنا مانا لاقيينها لا في مواد علمية ولا ادبية تخيلي حتى من شريعة عادت اسئلة غير مباشرة
ربي يهديهم برك
وكون تصدقي والله والله غير اسئلة الادب والاجتماعيات نتاعنا اصعب من الاسئلة نتاع شعبة اداب وفلسفة والله
واش نقولو ربي ينجحنا ويهدي الاساتدة باسكو والله غير تلاتي هدا معرف واش بيهم
وكيما احنا في الصحراء الغبار علينا وسخانة علينا ويزيدونا هوما
وصدقيني كيما انا ماتيلام يعطونا مات 2ساعات وفرونسي وانجلي ولباقي2ساعات مش منطق طوووووووووووووووووول
المهم كملنا ولباقي على ربي
هو يقول اسعو ياعبادي وانا نسعى معاكم انا بالذات درت لي عليا وربي يشوف ولباقي عليه

والحمدلله على كلشي الحمدلله





تحياتي

2 سوايع رياضيات ؟؟ حنا رياضيات و فيزياء 3 سوايع

[نور العلى]

شكرا جزيلا على أرائكم خففتوا عليا شكرا

[قدوتي رسولي]

هههههههههههههههههه ولو واجبنا
واذا عمت خفت ههههههههههه

سلام

[chama115]

نفس الشيء بالنسبة لي
الله يستر برك
المهم ما لازمش الانسان يفقد الامل
و هادي قاع دروس نتعلمو منها و ان شاء الله الصح فالباك
و ربي يوفقنا جميعا ان شاء الله

[BouuChraa]

السلام عليكم و رحمة اللهع تعالى و بركاته
...لست الوحيدة اختي...
على الرغم اني بدلت مجهود اكثر من الفصل الاول ...
الا اني ارى ان النتيجة ستكون اقل
واش تحبي لي فيها الخير ربي يجيبها.... :(
لكن لا باس يجب ان لا نفقد الامل فالباكالوريا على الابواب و ان شاء الله تكون النتائج كيما حبيناها
وفقنا الله و اياكم

[الجزائرية 2010]

ايه هاد المشكلة راها عامة

على الدزاير كل على حسابها
هه

رانا كيفك

ودايما الفصل الثاني يجي قصير
والضغوطات على التلاميد
عليها اغلبية التلاميد مايلقاوش رواحهم
مازال عندك الفصل الثاني
والفايدة في الراس ماشي في النقطة
اوك؟
باسكو عام الجاي لباك تحتاجي الفهامة ماشي النقطة..

[الجزائرية 2010]

2 سوايع رياضيات ؟؟ حنا رياضيات و فيزياء 3 سوايع


نتوما يمدولكم 3 سوايع؟؟ظ
حنا كامل المواد ساعتين
ماعدا العلوم الاسلامية فيها ساعة وحدة برك
اما الاخرين العلميين او الادبيين "يعني رياضيات وعربية وانجليزية..الخ "
كامل ساعتين

صحة ليكم :1: :d

[mlimlou28]

lah ydjib lkhiiiiiiiir

[حاملة القران سمية]

انا واش نقول حسبي الله ونعم الوكيل
حنا زعما درنا فى بالنا نخدمو فى الثاني بصح خرجت احلامنا وطموحاتنا 0000000000000
علاه
ضرك نفهمكم
حابين يصفيونا فهمتوا يعني الناس الكراك برك الي يطلعوا للباك
هدي هي القصة ومافيها
قالتهالي استادتي تاع الانجليزية ومصدقتش قلت مستحيل الاساتدة يكون هكا
مع احتراماتي للاستاد
انا واش نقول ناخد بالاسباب والباقي على ربي
وكل واحد وضميرو
وخلاص
ولا واش تقولو زملائي
سلالالالالالالالالالالالالام

[حاملة القران سمية]

يا اختي انت تهنينتي ديري فى بالك الا زادوك ساعة يزيدوك تمرين جريدة
فى الفيزياء 3 سوايع ب 4 تمارين والله متقدري تكملي واحد فى نص ساعة صدقيني
والله غير تهنيتي

[THE GREAT GIRL]

راكم كامل نفس الهدرة....
لكن انا راني رايحا نخرج على راي الجماعة
الحمد لله انا نظن بلي تحسنت في هذا الفصل هو صح صعيب بصح خدمت
ما تعمروش ريسانكون بالاختبارات الفصلية .....الصح في الباك....رانوا نحضروا في رواحنا ليه....

[la pierre précieuse]

و الله رانا كامل كيف كيف الا من رحم ربي انا في الثلاثي الاول جبت انا الاولى بصح الثلاثي هدا ربي يستر

[RIMA95]

بما ان المشكلة شملت ارجاء الوطن

[اتكلم عن تشدد الاساتذة مع التلاميذ ] خاصة في التنقيط

اظن ان الامر وزاري على حسب ما اخبر به الوزير [ الباك تاعي ماش كيما تاع بن بوزيد ]

صراحة اصبحت الشهادة تاع دزاير شبه غير معترف بها في الدول الاخرى [ بلاك راهم يحفزوا فينا ]

رؤيا من منظاري الخاص [كالعادة مجرد راي ]

[aminalina]

رانا بكل في نفس الدوامة . المرال راهو يلعب في المجال السالب

[aminalina]

mais بصح انا مارنيش نخدم على هذا العام . راني نشوف لبعيد (الBAK)

[aminalina]

المصيبة اذا عمت خفت