بخصوص السكن في بيت جديد (( عتبة جديدة ))

[ام عبودة]

السلام عليكم كيف حالكم؟


من اجل تبادل الافكار والمنفعة فكما نعلم الجزائر شاسعة ماشاء الله بجنوبها وشمالها وشرقها وغربها

لذا أردت معرفة عاداتكم بخصوص السكن في بيت جديد (( عتبة جديدة ))

انا صراحة أول مرة أغيّر منزلي ولنا عاداتنا في ذلك وقد تكون مشتركة أو مختلفة مع مناطق أخرى

انتظرمشاركاتم و ارائكم

[غريبة الوطن]

ذبح كبش و يديرو الحنة للعتبةو بالبركة مسبقا

[ام عبودة]

ذبح كبش و يديرو الحنة للعتبةو بالبركة مسبقا

هالله يبارك فيك اكيد الكل يسيح الدم لكن الحنة عندي حماتي
يديرها مين يشري راجلي سيارة او شاحنة او ....... حاجة تاع حديد

[سوسو الطموحة]

عندنا نديروا العيش ....يعني البركوكس ....ويجيو معاك لعباد اللي مثلا كنت معاهم ...اوحماتك ....وتتعشاوه بالصحة والهنا و ان شاء الله تربحي عليها ..... وماتنسايش دعاء دخول المنزل ....والي ماجاش يتعشى ابعثيلو ....ابعثي لجارك الجديد ...كعربون محبة ويعود بناتكم عيش وملح.

[ام ظافر]

اختي هناك من حرم الذبح على العتبة مثل ما نقولو ادخلي لقوقل تلقا ي الفتوى
احسن شيء هي تقراي الادعية المأثورة والرقية الشرعية للمسكن الجديد وممكن تفتحي المسجل وتحطي سورة البقرة وانتي تنظفي فيها ومنها تسمعي القران وتتحط البركة في البيت الجديد

تحبي تعملي عشاء للضيوف المقربين ولكن انويها صدقة ودافع بلا عليك وعلى ولادك وجيبي ناسك الي يحبولك الخير وريلهم الدار الجديدة وما تجيبيش الي تعرفي عينو حامية وما تنسايش لما تتهناي تعملي قهوة وتعرضي الجارات تتعرفي بيهم وربي يباركلك فيها

[ام عبودة]

عندنا نديروا العيش ....يعني البركوكس ....ويجيو معاك لعباد اللي مثلا كنت معاهم ...اوحماتك ....وتتعشاوه بالصحة والهنا و ان شاء الله تربحي عليها ..... وماتنسايش دعاء دخول المنزل ....والي ماجاش يتعشى ابعثيلو ....ابعثي لجارك الجديد ...كعربون محبة ويعود بناتكم عيش وملح.

مشكورة خيتي على المشاركة
حنا تاني نديرو العشاء ونعرضو الجيران ومن بعد جيرانك هما اللى يبعثولك العشاء او الغداء كل واحد ومقدورو
ومن بعد الاواني ما ترجعيهاش فارغة : ديري فيها حاجة مثلا السكر او الحلويات باش تحلى العشرة
هذه عادات والديا لكن عجوزتي مازال قالتي والو، وانا اكيد رايحة ندير عادتها وعاداتنا
لاني بنت المنطقة وتاني باش ما نويهاش ( حماتي) لانها ماشي منا عاداتهم تختلف جذريا علينا

[ام عبودة]

اختي هناك من حرم الذبح على العتبة مثل ما نقولو ادخلي لقوقل تلقا ي الفتوى
احسن شيء هي تقراي الادعية المأثورة والرقية الشرعية للمسكن الجديد وممكن تفتحي المسجل وتحطي سورة البقرة وانتي تنظفي فيها ومنها تسمعي القران وتتحط البركة في البيت الجديد

تحبي تعملي عشاء للضيوف المقربين ولكن انويها صدقة ودافع بلا عليك وعلى ولادك وجيبي ناسك الي يحبولك الخير وريلهم الدار الجديدة وما تجيبيش الي تعرفي عينو حامية وما تنسايش لما تتهناي تعملي قهوة وتعرضي الجارات تتعرفي بيهم وربي يباركلك فيها

مشكورة اختي على المشاركة
اكيد الادعية و القران لكن حماتي قالتلي لازم ديرولها رقية شرعية هذه واحدة من عاداتهم
جيبو جماعة وديرولهم العشاء ومن بعد يبداوو في الرقية ، انا صراحة اول مرة نسمع بيها
اما من ناحية الصدقة انا في بالي شيء راه في بالي رايحة نديرو ادعيلي برك نتوفق فيه

[ناشدة الفلاح]

ربي يباركلك بالدار الجديدة و يهنيك يارب
عن نفسي لا أومن بالحنة و سفح الدم...إلخ
صحيح عادة عندنا لكن شرعا لا أصل لها
الأفضل يدخل الإنسان بيته بقراءة قرآن خاصة سورة البقرة و أذكار و أدعية التحصين...

و مبعد كي تفرزي حويجاتك ديري غداء أو عشاء حسب عادتكم، عندنا نديروا شخشوخة و نعرضوا الأقارب نتلمو كامل و نبعثوا قصعة للمسجد بنية الصدقة و الشكر لله سبحانه و تعالى و كاين اللي يبعث للجيران أو يخصص لهم يوم يعرضهم على قهوة و يتعرفوا على بعض، و لو أن الأغلب أن سكان الحي يبادرو بزيارة الجار الجديد للمباركـة،.و عندنا عادة تاني أي واحد يجي يبارك تفرجيه ع البيت كامل.

و ننصح أختي العزيزة ديري ماء مرقي و رشي به بيتك خاصة الزوايا طبعا عدا الحمام، وحصني بيتك بالقرآن و الدعاء المأثور.
ربي يسعدك حبيبتي...ســـلام

[ام عبودة]

الله يبارك فيك اختي ناشدة الفلاح
ومشكووووورة ، اكيد اساس دخول بيت جديد الرقية والقران والصدقة
الحمد الله راني نشوف في تفاعل [size="7"]
من الاعضاء وهكذا نعرفو عاداتنا كجزائريين

[ريتاج الجلفة]

قراي سورة البقرة وديري قصعة طعام للمسجد
انا عن نفسي كي نروح نرحل بإذن الله نكسبوا سكن
نقول لزوجي عطيني المفتاح ونروح نقعد فيها وحدي لا اثاث ولا اولاد وحدي يطبطب الباب منفتح لحتى واحد

[ام عبودة]

قراي سورة البقرة وديري قصعة طعام للمسجد
انا عن نفسي كي نروح نرحل بإذن الله نكسبوا سكن
نقول لزوجي عطيني المفتاح ونروح نقعد فيها وحدي لا اثاث ولا اولاد وحدي يطبطب الباب منفتح لحتى واحد

هههههههههههههههه
بينا عليك خيتي متوحشة الهدوء
بصح عندك تقولي هاتو ولادي توحشتهم
ولا هاتولي كاسكروط راني خويت
اه دبري راسك راني جاية ومعاي الكادو حلي الباب

[imi02i]

أكثري من الأدعية وكي تستقري فيها ديري معروف

[imane-droit]

تعملي عشاء للضيوف المقربين ولكن انويها صدقة

[ام عبودة]

أكثري من الأدعية وكي تستقري فيها ديري معروف

مشكورة حبيبتي
بارك الله فيك.
:19::19::19:

[ام عبودة]

تعملي عشاء للضيوف المقربين ولكن انويها صدقة

مشكووووورة خيتي
وجزاك الله كل خير
:mh31::mh31::mh31:

[loulou02]

اختي هناك من حرم الذبح على العتبة مثل ما نقولو ادخلي لقوقل تلقا ي الفتوى
احسن شيء هي تقراي الادعية المأثورة والرقية الشرعية للمسكن الجديد وممكن تفتحي المسجل وتحطي سورة البقرة وانتي تنظفي فيها ومنها تسمعي القران وتتحط البركة في البيت الجديد

تحبي تعملي عشاء للضيوف المقربين ولكن انويها صدقة ودافع بلا عليك وعلى ولادك وجيبي ناسك الي يحبولك الخير وريلهم الدار الجديدة وما تجيبيش الي تعرفي عينو حامية وما تنسايش لما تتهناي تعملي قهوة وتعرضي الجارات تتعرفي بيهم وربي يباركلك فيها
بارك الله فيك أختي أم ظافر ، هذا أحسن رد :19: .

[awhalda05]

ختي تاخذي رايي واتشوفي لاهك ولاهك ديري كيما نقولك اشري سيديات نتاع غناء قبايل وشاوي وشعلي البوست وشطحي انتي وغاجلك وولادك بردي قلبك حاجة فور لا عتبة ولا حاجة افرحي فيها وتبقالك سفينير صح




















































ياو متراعيش ليا والله غير نتمصخر اقراي عليها القران وخرجي عنها معروف للمسجد

[ام عبودة]

بارك الله فيك أختي أم ظافر ، هذا أحسن رد :19: .


مشكوووورة حبيبتي على المشاركة
لا يوجد شيء افظل من اسم الله:
:19::19::19::19::19::19::19::19:

[salima14]

مبروك عليك يالغالية ربي يتمم بالخير وعتبة مربوحة يارب
لازم تدخليها بالنية الصافية والقرآن وكي تستقري ديري معروف فيهاأعرضي حبابك
وصدقي على لجيران إنشاء الله تشوفو فيها غير لخير
(شفتي أنا حوست عليك لقيتك ههههه)

[ام عبودة]

مبروك عليك يالغالية ربي يتمم بالخير وعتبة مربوحة يارب
لازم تدخليها بالنية الصافية والقرآن وكي تستقري ديري معروف فيهاأعرضي حبابك
وصدقي على لجيران إنشاء الله تشوفو فيها غير لخير
(شفتي أنا حوست عليك لقيتك ههههه)
[SIZE="7"]مسااااااء النور
والله انت الغالية راني توحشتكم بزاف والله خلاص من كملت المسابقة هربتو كامل هههههههه
حتى وليت نحوس عليكم بالوحدة في كل الاقسام
المهم راكم الكل لاباس وبخيييير
والله يبارك فيك ومشكوووره
على بالك والله ماكنت متشوقة الى السكنة وحدي ميييي كي دخلت المنتدى وشفت تفاعل العضوات كعائلة وحدة و
تباعد المسافات لم يمنعنا من الالتقاء وتشجيعكم ليا وبنصايحكم وليت متشوقة في العمارة والقيام بدور ربة البيت التي تقف على كل
كبيرة وصغيرة وليت نحب نخرج نشري صوالح الدار
واللى زاد متعة الشراء هو ان كل مرة نختلف مع الميسييو رب الدار نتعاودو ونتصالحو والله ولينا كي القط والفار
بصح متفاهمين. في نهاية المطاف
واكيد لازم ندخلها بنية صافية باش ايامي تحلى فيها والقران لابد منه
المعروف اكيد نديرو مع الصدقة مع جيراني يبانو ملاح
ومشكووورة على المشاركة وعلى الاهتمام بموضوعي
بصح شوفي انا راني علا بالي ما نصيبك غير في قسم الطبخ او الديكور هههههههههههه/SIZE]
:rolleyes::mh31::mh31::mh31::mh31::mh31::mh31:

[ذكرى أبي]

عن نفسي لوكان نسكن دار جديدة ما ندير وااالو لأنه بكل بساطة وقيلا نهبل من الفرحة ....هههههه
لكن ديري عشا و خلاص لأنه الذبح حرام إذا كان بوحد النية

[أم أنوار]

السلام عليكم
أولا أختي مبارك عليك البيت الجديد ان شاء الله تسكنيه بالهناء وتشوفي فيه غير الافراح آمين
ثانيا اختي العادات والتقاليد تختلف من منطقة الى اخرى وهذا امر متعارف عليه لكن هناك عادات وتقاليد منافية تماما للشرع لذا عليك ان تحمدي الله على النعمة التي وهبك اياها
ان كنت تودين مثلا الذبح فليكن بنية التقرب الى الله فالذبح من اعظم الشعائر الدينية فأذبحي بنية شكر الله عز وجل لا على سيل الدم كما يقال
ولتجعلي منه صدقة على الفقراء والمساكين ولا مانع في عزيمة للأهل المقربين ودعك من العادات الاخرى التي لا اسا لها في الشرع من حناء وحفلة وعناء وغيره
فليكن بيتك بيتا مليئا بطاعة الله ولا شيئ أفضل من القرآن الكريم
الله يسعدك ويهنيك والعاقبة لكل المتمنيات آمين

[YASMINE SILA]

الف الف مبروك عليك العتبة الجديدة
اكثري من القران و الذكر غي هاذ البيت الجديد و ربي يهنيكم ان شاء الله

[ام عبودة]

عن نفسي لوكان نسكن دار جديدة ما ندير وااالو لأنه بكل بساطة وقيلا نهبل من الفرحة ....هههههه
لكن ديري عشا و خلاص لأنه الذبح حرام إذا كان بوحد النية

سلامتك حبيبتي من الجنان ويارب يكتبلها اذا كانت نفسك فيها يا رب يارب لا تحرمها الفرحة
ومشكوووورة على المرور وماتنسايش راكي معروضة للعشاء

[ام عبودة]

السلام عليكم
أولا أختي مبارك عليك البيت الجديد ان شاء الله تسكنيه بالهناء وتشوفي فيه غير الافراح آمين
ثانيا اختي العادات والتقاليد تختلف من منطقة الى اخرى وهذا امر متعارف عليه لكن هناك عادات وتقاليد منافية تماما للشرع لذا عليك ان تحمدي الله على النعمة التي وهبك اياها
ان كنت تودين مثلا الذبح فليكن بنية التقرب الى الله فالذبح من اعظم الشعائر الدينية فأذبحي بنية شكر الله عز وجل لا على سيل الدم كما يقال
ولتجعلي منه صدقة على الفقراء والمساكين ولا مانع في عزيمة للأهل المقربين ودعك من العادات الاخرى التي لا اسا لها في الشرع من حناء وحفلة وعناء وغيره
فليكن بيتك بيتا مليئا بطاعة الله ولا شيئ أفضل من القرآن الكريم
الله يسعدك ويهنيك والعاقبة لكل المتمنيات آمين

كلامك كله حكمة مشكووووووووورة حبيبتي
والله يبارك فيك وربي يجازيك كل خييير
انا طرحي لهذا الموضوع كان بغرض معرفة عادات كل منطقة من ربوع بلدنا الغالي
من الشرق الى الغرب ومن الشمال الى الجنوب
و الحمد لله الكل اتفقوا على ان دخول العتبة الجديدة يكون بصفاء النية مع القران والادعية اظافة الى الصدقة
ومشاركة الفرحة معالاحباب والجيران
وانت حبيبتي الله يعطيك ما تتمناي مرورك نورني

[ام عبودة]

الف الف مبروك عليك العتبة الجديدة
اكثري من القران و الذكر غي هاذ البيت الجديد و ربي يهنيكم ان شاء الله

الله يبارك فيك وربي يهنيك
ومشكووووورة على المرور

[hadjira195]

أكثري من الأدعية وكي تستقري فيها ديري معروف

hada wache endirou 7na

[hadjira195]

ربي يباركلك بالدار الجديدة و يهنيك يارب

[ام عبودة]

ربي يباركلك بالدار الجديدة و يهنيك يارب

الله يبارك فيك حنونة
ومشكووووورة مرورك نورنا:1:

[laz chaima]

اعملي عشاء واعزمي الضيوق او ادبحي كبش ووزعيه على الفقراء

[fatimabo]

احنا ندبحوا كبش او ماتوفر مثل جدي او غيره في العتبة الجديدة ونوزع على الجيران ونددير عشاء للرجال من الجيران كدلك بعض الاقارب الدين يزورون نعشيوهم .وبالبركة عليك اختي .

[الصمت حكمة]

أنا مع الأخت أم ظافر 200 في المية، أخطيك من الإعتقادات الخاطئة و البدع، لا تسخطي الله لترضى عنك الناس، شدي في ربي و اتكلي عليه و ادعيه يبارك لك في أهلك و ملكك هو ولي ذلك و القادر، نتمنى لك تتهناي فيها نشاء الله و تكون عتبة خير عليك و على أولادك و زوجك ....................

[مخانية]

:dj_*17:
مبروك عليك و متنسيش تدخلي برجلك اليمنى و تسمي بسم الله و تقراي المعودات و الف

مبرووووووووووووووووووووووووووووووووووووووك

[ام عبودة]

اعملي عشاء واعزمي الضيوق او ادبحي كبش ووزعيه على الفقراء

مشكووووورة حبيبتي مرورك نورنا واكيد الكبش من حق الفقراء والمحتاجين:1:

[ام عبودة]

احنا ندبحوا كبش او ماتوفر مثل جدي او غيره في العتبة الجديدة ونوزع على الجيران ونددير عشاء للرجال من الجيران كدلك بعض الاقارب الدين يزورون نعشيوهم .وبالبركة عليك اختي .

الله يبارك فيك خيتي والعقوبة ليك الحنونة ان شاء الله تحقق كل امنياتك:1:

[ام عبودة]

أنا مع الأخت أم ظافر 200 في المية، أخطيك من الإعتقادات الخاطئة و البدع، لا تسخطي الله لترضى عنك الناس، شدي في ربي و اتكلي عليه و ادعيه يبارك لك في أهلك و ملكك هو ولي ذلك و القادر، نتمنى لك تتهناي فيها نشاء الله و تكون عتبة خير عليك و على أولادك و زوجك ....................
الله يجازيك كل خيير خيتي ويارب يهنيك
و مشكوووووورة على المرور:1:

[ام عبودة]

:dj_*17:
مبروك عليك و متنسيش تدخلي برجلك اليمنى و تسمي بسم الله و تقراي المعودات و الف

مبرووووووووووووووووووووووووووووووووووووووك

الله يبارك فيك حبيبتي
وشكراا على التذكير لازم ندخل بالرجل اليمنى

[OMGHALIA]

مبروك عليك الدار تدخليها بالهنا اختى ام عبودة احنا صراحة نطيبو سمك ونديرو السفنج هادى عادة يمى ربى يطول فى عمرها تقول باش العتبة تجى مبروكة ونحنيو lles coins اختى انا وحدة من الناس نحب العادات نتاعنا مهما قرينا ومستوى عالى من التعليم منستغناوش عليهم يااختى كون جيتى قريبة رانى جيت شربت قهوة وهنيتلك

[شوق وحنين الى الجنة]

مبروك عليك البيت الجديد , ادعو الله ان يكون مبارك عليك



اما بالنسبة لعاداتنا في الشرق الجزائري فهي:::


تحضير الكسكس وتوزيعه على الجيران اما بالنسبة للاهل والاقارب اما تحضرين وليمة وتدعيهم لها


اما اذا كانت الظروف المادية لا تسمح بذلك اختصري بتجضير الحلويات وتقديمها لمن اتى يبارك على البيت الجديد ~~~



والاهم من هذا كله هو قراءة دعآآآآء الدخول الى المنزل الجديد وقراءة القران حتى تبعيدي عن المنزل الشياطين وتحميه من عيون الحسآآآد ...


ربي يحفظك ويحفظك اولادك وزوجك ومنزلك {{ يـــــــــــــــــــآآآآ ربـــــْ }}

[ام عبودة]

مبروك عليك الدار تدخليها بالهنا اختى ام عبودة احنا صراحة نطيبو سمك ونديرو السفنج هادى عادة يمى ربى يطول فى عمرها تقول باش العتبة تجى مبروكة ونحنيو lles coins اختى انا وحدة من الناس نحب العادات نتاعنا مهما قرينا ومستوى عالى من التعليم منستغناوش عليهم يااختى كون جيتى قريبة رانى جيت شربت قهوة وهنيتلك

:1::1::1::1::1::1::1::
الله يبارك فيك الحنونة
والله يطول في عمر يماك والبركة بيهم هما
ومرحبا بيك اذا ماجتيش راكي في القلب ومعرفتك كنز
:1::1::1::1::1::1::1:[/size]

[ام عبودة]

مبروك عليك البيت الجديد , ادعو الله ان يكون مبارك عليك



اما بالنسبة لعاداتنا في الشرق الجزائري فهي:::


تحضير الكسكس وتوزيعه على الجيران اما بالنسبة للاهل والاقارب اما تحضرين وليمة وتدعيهم لها


اما اذا كانت الظروف المادية لا تسمح بذلك اختصري بتجضير الحلويات وتقديمها لمن اتى يبارك على البيت الجديد ~~~



والاهم من هذا كله هو قراءة دعآآآآء الدخول الى المنزل الجديد وقراءة القران حتى تبعيدي عن المنزل الشياطين وتحميه من عيون الحسآآآد ...


ربي يحفظك ويحفظك اولادك وزوجك ومنزلك {{ يـــــــــــــــــــآآآآ ربـــــْ }}
:1::1::1::1::1::1::1::1::1:
اوووه مشكووورة حبيبتي وهدو العادات تاع اهل زوجي
الجنوب الشرقي تقدري تقولي هاذو 7 سنين راني حفظتو
واش راه داير فيكم الغبار
حنا صحيح هبلنا ومرضنا

[نسائم الشوق]

الكل حسب طاقته ومجهوده
بالنسبة لينا
ديك رومي كبيرونعمل معاه كسكسي والبقية تعرفوها وعرضة الجيران جملة صغيرة
والدخول قبلا بالرجل اليمنى
ونقول :السلام علينا وعلى عباد الله الصالحين
ونديروا البخور الي هو الجاوي أو بخور مكة
وهاكا
وربي يجعلها عتبة خير

[ام عبودة]

الكل حسب طاقته ومجهوده
بالنسبة لينا
ديك رومي كبيرونعمل معاه كسكسي والبقية تعرفوها وعرضة الجيران جملة صغيرة
والدخول قبلا بالرجل اليمنى
ونقول :السلام علينا وعلى عباد الله الصالحين
ونديروا البخور الي هو الجاوي أو بخور مكة
وهاكا
وربي يجعلها عتبة خير


اووووه يا نسومة عاداتكم جديدة عليا
الكل اتفق عى العزيمة والدعاء
لكن البخور جديد عليا
مشكووووورة الحنونة مرورك
نور المنتدى كله

[نسائم الشوق]

اووووه يا نسومة عاداتكم جديدة عليا
الكل اتفق عى العزيمة والدعاء
لكن البخور جديد عليا
مشكووووورة الحنونة مرورك
نور المنتدى كله



ههههههههه
يا حنونتي ام عبودة
المهم الفال الزين مهما اختلفت العادات
وفي الأخير احنا من الجزائر الحبيبة
محبتي وكل الورد

[ام عبودة]

اكيييد خيتي وعاشت بلادنا وهذا الغرض من اقتراحي لهذا الموضوع
انو نعرف عاداتنا وتقاليدنا

[hiba71dz]

عتبة مربوحة للجميع
كان لي يدبحو كبش أو حتى دجاجة لكن هداحرام لكن هدا في البنيان الجديد
أنا بدلت الشقة مرتين مادرت والو لكن خرجت صدقة
لي جا بركلي مرحبا به نرحب به و انستقبلو أحسن استقبال
الناس حاش البعض اليوم ولت تحسد بزاف

[ام عبودة]

عتبة مربوحة للجميع
كان لي يدبحو كبش أو حتى دجاجة لكن هداحرام لكن هدا في البنيان الجديد
أنا بدلت الشقة مرتين مادرت والو لكن خرجت صدقة
لي جا بركلي مرحبا به نرحب به و انستقبلو أحسن استقبال
الناس حاش البعض اليوم ولت تحسد بزاف

الله يبارك فيك حبيبتي
ومبروك عليك الشقتين
ويا رب يهدينا اجمعين
ويبعد علينا عيون الحاسدين
:1::1::1:

[بنت فرجيوة]

حنا نديرو العشا للأهل والجيران نديرو الغرايف اي البغرير ونبعتولهم كامل
وانا راني بصدد الرحلة الى منزل جديد وراني معولة ندير عشاء خفيف

[ام عبودة]

حنا نديرو العشا للأهل والجيران نديرو الغرايف اي البغرير ونبعتولهم كامل
وانا راني بصدد الرحلة الى منزل جديد وراني معولة ندير عشاء خفيف
ووووه الف الف مبروك حبيبتي
والله يجعلها عتبة خيييير عليكم وتشوفو الافراح فيها
وان شاء الله راني معروضة هههههههههه

[فتـ حييةـاة]

اول شيء لما يسكن جار جديد الجيران كلهم يبعثولو حاجة مثل شاي ومعاه قاطو او قهمة ومعاها رفيس ولا مسمن المهم حاجة حلوة ومن بعد يعرضوه للعشا والا يبعثوله عشاه للدار يدرو زلايف طعام صدقة اما يخرجوهم للجوارين اما يعرضوهم ياكلو ولو ان الاغلبية يبعثوهم لديار الجوارين بحم انهم مايعرفوهمش مليح يقولو بلاك مايجوش او او او راكي عارفة كل وحدين وعقليتهم
ويكما قالت الاخت ام ظافر لازم اول يوم كي تنضيفيها ديري فيها سورة البقرة احنا هاكا نديرو بصح هاذيك الحنة والدم ووو غير خرافات برك

[ام عبودة]

اول شيء لما يسكن جار جديد الجيران كلهم يبعثولو حاجة مثل شاي ومعاه قاطو او قهمة ومعاها رفيس ولا مسمن المهم حاجة حلوة ومن بعد يعرضوه للعشا والا يبعثوله عشاه للدار يدرو زلايف طعام صدقة اما يخرجوهم للجوارين اما يعرضوهم ياكلو ولو ان الاغلبية يبعثوهم لديار الجوارين بحم انهم مايعرفوهمش مليح يقولو بلاك مايجوش او او او راكي عارفة كل وحدين وعقليتهم
ويكما قالت الاخت ام ظافر لازم اول يوم كي تنضيفيها ديري فيها سورة البقرة احنا هاكا نديرو بصح هاذيك الحنة والدم ووو غير خرافات برك

شكرااا حبيبتي على المرور
الله الله عليكم تبداو بالحلوووو
يا رب يجعل ايامكم وايامنا كلها عسل يا رب

[فتـ حييةـاة]

العفو اختي بارك الله فيك على الدعاء **********اللهم آمين ياااارب




نسيت نباركلك بصحتكم الدار تدخلوها بالصحة والهنا جعله الله من منازل الصالحين وكفاكم همزات الشياطين وعيون الحاسدين ياااااااااااارب

[naima nono]

الف مبروك مسبقا

[ام عبودة]

العفو اختي بارك الله فيك على الدعاء **********اللهم آمين ياااارب




نسيت نباركلك بصحتكم الدار تدخلوها بالصحة والهنا جعله الله من منازل الصالحين وكفاكم همزات الشياطين وعيون الحاسدين ياااااااااااارب

الله يبارك فيك حبيبتي
اميييييييين يا رب

[ام عبودة]

الف مبروك مسبقا

الله يبارك فيك حبيبتي
ونورتيني بمرورك

[كونان الجزائرية]

مبرووك عليك و ربي يبارك لك في السكن الجديد

[ام عبودة]

مبرووك عليك و ربي يبارك لك في السكن الجديد

الله يبارك فيك خيتو

[ام عبودة]

جــــــــمـــــــــــــــيـــــــــــل

شكراااااااااااا

[النجمة المتميزة]

احنا من عاداتنا لازم نديرو زيت و قليان هذاك النهار نهار دخلنا دارنا فالعشاء قلينا باطاطا و اكيد بعد ماخاملنا ولاو يجونا لحباب لي يجي نعشوه محبيناش نعرضوهم لأن العائلة كبيرة و انا وماما منقدروش نقوموهم وحدناو مبروووك مسبقا

[FellaD]

تغسلي الدار هههه

طيبي لعشا تعرضي لعايلة

[moha75]

الس‏ؤال:‏
طالعتنا صحيفة الرياض في عددها رقم 6411 بتاريخ /1406هـ والمرفق صورة منه تحت عنوان ‏(‏الذبح على عتبة المنزل الجديد‏)‏ التي تتساءل المحررة فيه عن مدى صحة هذا الاعتقاد حيث إنها عادة تبعها البعض؛ لذا وددت أن أرسل لسماحتكم صورة من هذا الخبر للاطلاع- الذبح على عتبة الباب- عادة أخرى من العادات التي لم أستطع التوصل إلى معرفة جذورها غير أنه من المتعارف عليه بين الناس أن الذبح على عتبة المنزل الجديد وقبل دخوله من أهم الأسباب لدفع العين، ولجعل البيت مباركا، ولتجنب المآسي والحوادث غير المستحبة، ولأننا نؤمن بأنه لا ينفع حذر من قدر؛ لذا لا ندري بالضبط صحة هذا الاعتقاد غير أن هذه النقطة مناسبة للتوقف عندها‏.‏

الج‏واب:‏
إذا كانت هذه العادة من أجل إرضاء الجن وتجنب المآسي والأحداث الكريهة فهي عادة محرمة، بل شرك، وهذا هو الظاهر من تقديم الذبح على النزول بالبيت وجعله على العتبة على الخصوص‏.‏
وإن كان القصد من الذبح إكرام الجيران الجدد والتعرف عليهم وشكر الله على ما أنعم به من السكن الجديد، وإكرام الأقارب والأصدقاء بهذه المناسبة وتعريفهم بهذا المسكن فهذا خير يحمد عليه فاعله، لكن ذلك إنما يكون عادة بعد نزول أهل البيت فيه لا قبل، ولا يكون ذبح الذبيحة أو الذبائح عند عتبة الباب أو مدخل البيت على الخصوص‏.‏
وبالله التوفيق، وصلى الله على نبينا محمد‏,‏ وآله وصحبه وسلم‏.‏

اللجنة الدائمة للبحوث العلمية والإفتاء
الرئيس
عبد العزيز بن عبد الله بن باز
نائب رئيس اللجنة
عبد الرزاق عفيفي
عضو
عبد الله بن غديان

[moha75]

اشتريت منزلا جديد ولله الحمد والمنة ، فهل هناك أدعية خاصة بالمنزل الجديد ؟ وهل ما يتداوله بعض الإخوة من قراءة سورة البقرة ، أو تشغيل أشرطة القرآن الكريم ، هل له أصل في الدين ؟

الحمد لله
نسأل الله أن يبارك لك هذا المنزل الجديد ، ويجعله مأوى صلاح وخير وبركة .
وأرشدك أخي السائل لما يشرع لك أن تقوله وتفعله :

أولا :
شكر نعمة الله تعالى ، فإن الشكر من أعلى المنازل .
يقول ابن القيم "مدارج السالكين" (2/242) :
" الإيمان نصفان : نصف شكر ونصف صبر " انتهى .
وإذا شكر العبد ربه حفظ له نعمته ، وأتمها عليه ، وزاده منها ومن غيرها .
قال تعالى : ( وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ ) إبراهيم/7

ثانيا :
صنع طعام ودعوة الناس له ، وذلك من تمام شكر الله تعالى .
جاء في الموسوعة الفقهية (8/206) :
" الوليمة للبناء مستحبة كبقية الولائم التي تقام لحدوث سرور أو اندفاع شر ، وتسمى :
( وَكِيرَة ) ، ولا تتأكد تأكد وليمة النكاح ، وقد ذكر بعض الشافعية قولان بوجوبها ؛ لأن الشافعي قال بعد ذكر الولائم : ومنها الوكيرة .. ولا أرخص في تركها " انتهى .

ثالثا :
يقول ابن القيم رحمه الله "الوابل الصيب" (155-156) :
" قال الله سبحانه وتعالى في قصة الرجلين : ( وَلَوْلَا إِذْ دَخَلْتَ جَنَّتَكَ قُلْتَ مَا شَاء اللَّهُ لَا قُوَّةَ إِلَّا بِاللَّهِ إِن تُرَنِ أَنَا أَقَلَّ مِنكَ مَالاً وَوَلَداً ) الكهف/39
فينبغي لمن دخل بستانه أو داره أو رأى في ماله وأهله ما يعجبه ، أن يبادر إلى هذه الكلمة ، فإنه لا يرى فيه سوءا .
وعن أنس رضي الله عنه قال : قال رسول الله صلى الله عليه وسلم :
( مَا أَنعَمَ اللهُ عَلَى عَبدٍ نِعمَةً فِي أَهلٍ وَمَالٍ وَوَلَدٍ فَقَالَ : ( مَا شَاءَ اللهُ لَا قُوَّةَ إِلا بِاللهِ ) ، فَيَرَى فِيهَا آفَةً دُونَ المَوتِ )
رواه الطبراني في الأوسط (6/126) وصححه ابن القيم في شفاء العليل (1/182) وضعفه الألباني في "السلسلة الضعيفة" (2012).
وعنه صلى الله عليه وسلم :
( أَنَّهُ كَانَ إِذَا رَأَى مَا يَسُرُّهُ قَالَ : الحَمدُ لِلَّهِ الذِي بِنِعمَتِهِ تَتِمُّ الصَّالِحَاتُ )
رواه ابن ماجه (3803) وقال النووي : إسناده جيد "الأذكار" (399) " انتهى .

رابعا :
من الأذكار التي جاءت في خصوص دخول المنزل :
عن جابر بن عبد الله أنه سمع النبي صلى الله عليه وسلم يقول :
( إِذَا دَخَلَ الرَّجُلُ بَيتَهٌ فَذَكَرَ اللهَ عِندَ دُخُولِهِ وَعِندَ طَعَامِهِ ، قَالَ الشََّيطَانُ : لَا مَبِيتَ لَكُم وَلَا عَشَاءَ ، وَإِذَا دَخَلَ فَلَم يَذكُرِ اللهَ عِندَ دُخُولِهِ ، قَالَ الشَّيطَانُ : أَدرَكتُمُ المَبِيتَ ، وَإِذَا لَم يَذكُرِ اللهَ عِندَ طَعَامِهِ قَالَ : أَدرَكتُمُ المَبِيتَ وَالعَشَاءَ )
رواه مسلم (2018)
وهذا الذكر لا يخص المنزل الجديد ، بل يشمل كل منزل ، وعند كل دخول ، فأحرى بك أن تستفتح منزلك الجديد بذكر الله سبحانه .
ومما يشرع لك أن تعوذ به منزلك الجديد من العين والحسد أن تقول :
( أُعِيذُكَ بِكَلِمَاتِ اللهِ التَّامَّةِ مِن كُلِّ شَيطَانٍ وَهَامَّة ، وَمِن كُلِّ عَينٍ لَامَّةٍ )
رواه البخاري (3371)

خامسا :
جاء في السنة المشرفة الحث على قراءة سورة البقرة ، خاصة في المنزل .
عن أبي هريرة رضي الله عنه أن رسول الله صلى الله عليه وسلم قال :
( لَا تَجعَلُوا بُيُوتَكُم مَقَابِرَ ، إِنَّ الشَّيطَانَ يَنفِرُ مِنَ البَيتِ الذِي تُقرَأُ فِيهِ سُورَةُ البَقَرَةِ )
رواه مسلم (780)
يقول الشيخ ابن باز رحمه الله "مجموع الفتاوى" (24/413) :
" الأظهر والله تعالى أعلم أنه يحصل بقراءة سورة البقرة كلها من المذياع أو من صاحب البيت ما ذكره النبي صلى الله عليه وسلم من فرار الشيطان من ذلك البيت " انتهى .

هذا ولم نقف على شيء مخصوص من الأذكار والأدعية عند دخول المنزل الجديد .
والله تعالى أعلم .

[moha75]

السؤال:

يقول بعض الناس إذا سكن منزل جديد لا بد وأن يذبح بداخله ذبيحة أو ذبيحتين خوفاً من مس الجن اعتقاداً منهم بذلك نرجو بهذا إفادة؟
الجواب

الشيخ: هذا أعني ذبح الإنسان عند نزوله للمنزل أول مرة اتقاء الجن وحذراً منهم محرم لا يجوز بل أخاف أن يكون من الشرك الأكبر ولا يزيد الإنسان إلا شراً ورعباً ورهباً قال الله تعالى (وأنه كان رجالاً من الإنس يعوذون برجالٍ من الجن فزادوهم رهقاً) والإنسان إذا منزلاً ينبغي أن يقول ما جاءت به السنة أعوذ بكلمات الله التامات من شر ما خلق فإن من نزل منزلاً وقال أعوذ بكلمات الله التامات من شر ما خلق لن يضره شئ حتى يرتحل من منزله ذلك أما إذا ذبح الذبائح ودعا الأقارب والجيران والأصحاب من باب إظهار الفرح والسرور بهذا المنزل الجديد فإن هذا لا بأس به ولا حرج فيه وله أن يدعو من شاء ممن يرى أنهم يفرحون بفرحه ويسرون بسروره نعم.

[ام عبودة]

الس‏ؤال:‏
طالعتنا صحيفة الرياض في عددها رقم 6411 بتاريخ /1406هـ والمرفق صورة منه تحت عنوان ‏(‏الذبح على عتبة المنزل الجديد‏)‏ التي تتساءل المحررة فيه عن مدى صحة هذا الاعتقاد حيث إنها عادة تبعها البعض؛ لذا وددت أن أرسل لسماحتكم صورة من هذا الخبر للاطلاع- الذبح على عتبة الباب- عادة أخرى من العادات التي لم أستطع التوصل إلى معرفة جذورها غير أنه من المتعارف عليه بين الناس أن الذبح على عتبة المنزل الجديد وقبل دخوله من أهم الأسباب لدفع العين، ولجعل البيت مباركا، ولتجنب المآسي والحوادث غير المستحبة، ولأننا نؤمن بأنه لا ينفع حذر من قدر؛ لذا لا ندري بالضبط صحة هذا الاعتقاد غير أن هذه النقطة مناسبة للتوقف عندها‏.‏

الج‏واب:‏
إذا كانت هذه العادة من أجل إرضاء الجن وتجنب المآسي والأحداث الكريهة فهي عادة محرمة، بل شرك، وهذا هو الظاهر من تقديم الذبح على النزول بالبيت وجعله على العتبة على الخصوص‏.‏
وإن كان القصد من الذبح إكرام الجيران الجدد والتعرف عليهم وشكر الله على ما أنعم به من السكن الجديد، وإكرام الأقارب والأصدقاء بهذه المناسبة وتعريفهم بهذا المسكن فهذا خير يحمد عليه فاعله، لكن ذلك إنما يكون عادة بعد نزول أهل البيت فيه لا قبل، ولا يكون ذبح الذبيحة أو الذبائح عند عتبة الباب أو مدخل البيت على الخصوص‏.‏
وبالله التوفيق، وصلى الله على نبينا محمد‏,‏ وآله وصحبه وسلم‏.‏

اللجنة الدائمة للبحوث العلمية والإفتاء
الرئيس
عبد العزيز بن عبد الله بن باز
نائب رئيس اللجنة
عبد الرزاق عفيفي
عضو
عبد الله بن غديان

اشتريت منزلا جديد ولله الحمد والمنة ، فهل هناك أدعية خاصة بالمنزل الجديد ؟ وهل ما يتداوله بعض الإخوة من قراءة سورة البقرة ، أو تشغيل أشرطة القرآن الكريم ، هل له أصل في الدين ؟

الحمد لله
نسأل الله أن يبارك لك هذا المنزل الجديد ، ويجعله مأوى صلاح وخير وبركة .
وأرشدك أخي السائل لما يشرع لك أن تقوله وتفعله :

أولا :
شكر نعمة الله تعالى ، فإن الشكر من أعلى المنازل .
يقول ابن القيم "مدارج السالكين" (2/242) :
" الإيمان نصفان : نصف شكر ونصف صبر " انتهى .
وإذا شكر العبد ربه حفظ له نعمته ، وأتمها عليه ، وزاده منها ومن غيرها .
قال تعالى : ( وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ ) إبراهيم/7

ثانيا :
صنع طعام ودعوة الناس له ، وذلك من تمام شكر الله تعالى .
جاء في الموسوعة الفقهية (8/206) :
" الوليمة للبناء مستحبة كبقية الولائم التي تقام لحدوث سرور أو اندفاع شر ، وتسمى :
( وَكِيرَة ) ، ولا تتأكد تأكد وليمة النكاح ، وقد ذكر بعض الشافعية قولان بوجوبها ؛ لأن الشافعي قال بعد ذكر الولائم : ومنها الوكيرة .. ولا أرخص في تركها " انتهى .

ثالثا :
يقول ابن القيم رحمه الله "الوابل الصيب" (155-156) :
" قال الله سبحانه وتعالى في قصة الرجلين : ( وَلَوْلَا إِذْ دَخَلْتَ جَنَّتَكَ قُلْتَ مَا شَاء اللَّهُ لَا قُوَّةَ إِلَّا بِاللَّهِ إِن تُرَنِ أَنَا أَقَلَّ مِنكَ مَالاً وَوَلَداً ) الكهف/39
فينبغي لمن دخل بستانه أو داره أو رأى في ماله وأهله ما يعجبه ، أن يبادر إلى هذه الكلمة ، فإنه لا يرى فيه سوءا .
وعن أنس رضي الله عنه قال : قال رسول الله صلى الله عليه وسلم :
( مَا أَنعَمَ اللهُ عَلَى عَبدٍ نِعمَةً فِي أَهلٍ وَمَالٍ وَوَلَدٍ فَقَالَ : ( مَا شَاءَ اللهُ لَا قُوَّةَ إِلا بِاللهِ ) ، فَيَرَى فِيهَا آفَةً دُونَ المَوتِ )
رواه الطبراني في الأوسط (6/126) وصححه ابن القيم في شفاء العليل (1/182) وضعفه الألباني في "السلسلة الضعيفة" (2012).
وعنه صلى الله عليه وسلم :
( أَنَّهُ كَانَ إِذَا رَأَى مَا يَسُرُّهُ قَالَ : الحَمدُ لِلَّهِ الذِي بِنِعمَتِهِ تَتِمُّ الصَّالِحَاتُ )
رواه ابن ماجه (3803) وقال النووي : إسناده جيد "الأذكار" (399) " انتهى .

رابعا :
من الأذكار التي جاءت في خصوص دخول المنزل :
عن جابر بن عبد الله أنه سمع النبي صلى الله عليه وسلم يقول :
( إِذَا دَخَلَ الرَّجُلُ بَيتَهٌ فَذَكَرَ اللهَ عِندَ دُخُولِهِ وَعِندَ طَعَامِهِ ، قَالَ الشََّيطَانُ : لَا مَبِيتَ لَكُم وَلَا عَشَاءَ ، وَإِذَا دَخَلَ فَلَم يَذكُرِ اللهَ عِندَ دُخُولِهِ ، قَالَ الشَّيطَانُ : أَدرَكتُمُ المَبِيتَ ، وَإِذَا لَم يَذكُرِ اللهَ عِندَ طَعَامِهِ قَالَ : أَدرَكتُمُ المَبِيتَ وَالعَشَاءَ )
رواه مسلم (2018)
وهذا الذكر لا يخص المنزل الجديد ، بل يشمل كل منزل ، وعند كل دخول ، فأحرى بك أن تستفتح منزلك الجديد بذكر الله سبحانه .
ومما يشرع لك أن تعوذ به منزلك الجديد من العين والحسد أن تقول :
( أُعِيذُكَ بِكَلِمَاتِ اللهِ التَّامَّةِ مِن كُلِّ شَيطَانٍ وَهَامَّة ، وَمِن كُلِّ عَينٍ لَامَّةٍ )
رواه البخاري (3371)

خامسا :
جاء في السنة المشرفة الحث على قراءة سورة البقرة ، خاصة في المنزل .
عن أبي هريرة رضي الله عنه أن رسول الله صلى الله عليه وسلم قال :
( لَا تَجعَلُوا بُيُوتَكُم مَقَابِرَ ، إِنَّ الشَّيطَانَ يَنفِرُ مِنَ البَيتِ الذِي تُقرَأُ فِيهِ سُورَةُ البَقَرَةِ )
رواه مسلم (780)
يقول الشيخ ابن باز رحمه الله "مجموع الفتاوى" (24/413) :
" الأظهر والله تعالى أعلم أنه يحصل بقراءة سورة البقرة كلها من المذياع أو من صاحب البيت ما ذكره النبي صلى الله عليه وسلم من فرار الشيطان من ذلك البيت " انتهى .

هذا ولم نقف على شيء مخصوص من الأذكار والأدعية عند دخول المنزل الجديد .
والله تعالى أعلم .


السؤال:

يقول بعض الناس إذا سكن منزل جديد لا بد وأن يذبح بداخله ذبيحة أو ذبيحتين خوفاً من مس الجن اعتقاداً منهم بذلك نرجو بهذا إفادة؟
الجواب

الشيخ: هذا أعني ذبح الإنسان عند نزوله للمنزل أول مرة اتقاء الجن وحذراً منهم محرم لا يجوز بل أخاف أن يكون من الشرك الأكبر ولا يزيد الإنسان إلا شراً ورعباً ورهباً قال الله تعالى (وأنه كان رجالاً من الإنس يعوذون برجالٍ من الجن فزادوهم رهقاً) والإنسان إذا منزلاً ينبغي أن يقول ما جاءت به السنة أعوذ بكلمات الله التامات من شر ما خلق فإن من نزل منزلاً وقال أعوذ بكلمات الله التامات من شر ما خلق لن يضره شئ حتى يرتحل من منزله ذلك أما إذا ذبح الذبائح ودعا الأقارب والجيران والأصحاب من باب إظهار الفرح والسرور بهذا المنزل الجديد فإن هذا لا بأس به ولا حرج فيه وله أن يدعو من شاء ممن يرى أنهم يفرحون بفرحه ويسرون بسروره نعم.


اشكرك جزيل الشكر هذه معلومات قيمة وارجو ان يستفيد منها كل قرائنا الاعزاء
وجعل الله هذا في ميزان حسناتك

[ام عبودة]

تغسلي الدار هههه

طيبي لعشا تعرضي لعايلة

هههههه وهذا واش يديرو الاغلب منا
شكرااا حبيبتي على المرور نورتينا

[moha75]

اشكرك جزيل الشكر هذه معلومات قيمة وارجو ان يستفيد منها كل قرائنا الاعزاء
وجعل الله هذا في ميزان حسناتك


العفو ، وربي يخليك ويفرحك بمنزلك الجديد،
ويطرح فيه ربي البركة عليك وعلى عائلتك إن شاء الله.
جمعة طيبة إن شاء الله.

[lilia09]

مبروك عليك العتبة الجديدة .الله يسعدايامك فيها

[{مـشـاكـسـهـ}~]

شكـــــــراا لكــ أختــي ..

[boucheraserine]

اكثرى من الدعاء والصلاة والصدقة وشكري الله كثيرا فغيرك يتمنى ان يفرح مثلك (اتمنى ان يمننى الله بمثل فرحتك انا واولاد)الله يكثر من افراحك انت وكل من يتمن شىء وباركلك فيه

[zohra algeria]

ربي يباركلك بالدار الجديدة و يهنيك يارب
عن نفسي لا أومن بالحنة و سفح الدم...إلخ

[ام عبودة]

العفو ، وربي يخليك ويفرحك بمنزلك الجديد،
ويطرح فيه ربي البركة عليك وعلى عائلتك إن شاء الله.
جمعة طيبة إن شاء الله.

شكراااااااا
جزاااااك الله كل خير
وجمعة مباركة ان شااااء الله

[ام عبودة]

مبروك عليك العتبة الجديدة .الله يسعدايامك فيها

الله يسلمك
والدعوة جاتني في وقتها شكرااااااا

[ام عبودة]

شكـــــــراا لكــ أختــي ..

الله يسلمك
:rolleyes::rolleyes::rolleyes:

[ام عبودة]

اكثرى من الدعاء والصلاة والصدقة وشكري الله كثيرا فغيرك يتمنى ان يفرح مثلك (اتمنى ان يمننى الله بمثل فرحتك انا واولاد)الله يكثر من افراحك انت وكل من يتمن شىء وباركلك فيه

شكرااااا مرورك نورني
ويا رب يجعل ايامك كلها فرح انت و اولاد
ويا رب. انت رحيم بعبادك اعطي كل واحد ما يتمنى

[ام عبودة]

ربي يباركلك بالدار الجديدة و يهنيك يارب
عن نفسي لا أومن بالحنة و سفح الدم...إلخ

الله يسلمك يا غالية
وتبقى اراء الناس تتختلف
انا عن نفسي احب تطبيق بعض من عادتنا لانها تذكرني بصغري وايامي في دار بابا فقط ولكن ما يغضب ربي اكيد ابتعد عنه

[ام ابتهالات]

السلام عليكم نحن بعنابه نبرش السمك على عتبه باب الدار الجديده:dj_17:

[nouna l maghbouna]

دري قصعة طعام للمسجد

[sihem sof]

اللي يقولوا تجري الدم احذري هذا حرام،واللي يقولوا الحنة نديروها كي نشريو الحديد هاذي كلها خرافات وطيرة و الطيرة حرام احمدي الله انه وسع عليك وتدعي يبارك لك فيهم أما إذا بغيتي ديري العشاء وتعرضي الأهل والأحباب فهذا شيء جميل وحتى في الدين كاين اولموا عند كل نعمةً

[ام عبودة]

شكرااا على الردود الطيبة

[عنابة أبوها]

انا عن نفسي راني نبني في داري وان شاء الله ناوية نعرض اقاربي واقارب زوجي ومن تم ندير قصعة كسكسي للمسجد ان شاء الله والاحسن اننا لما نكونوا في فترة الرحيل كل يوم نديروا قران حتى نكملوا من التجهيز باه ربي يطرح البركة في البيت ولما ندخلوا باذن الله ندخلوا لبيت كله بركة ورحمة وهناء باذن المولى

[ام عبودة]

انا عن نفسي راني نبني في داري وان شاء الله ناوية نعرض اقاربي واقارب زوجي ومن تم ندير قصعة كسكسي للمسجد ان شاء الله والاحسن اننا لما نكونوا في فترة الرحيل كل يوم نديروا قران حتى نكملوا من التجهيز باه ربي يطرح البركة في البيت ولما ندخلوا باذن الله ندخلوا لبيت كله بركة ورحمة وهناء باذن المولى

الله يكملكم بالخير والهناء والعافية
وان شاء الله عتبة الخير والربح والنجاح والصحة

[عيساوي يوسف]

ما شاء الله ربي يجازيك على هذا الموضوع الجميل .............................يمكن تعرضينا للاكل ونباركولك انا وزوجتي

[belhabib.m]

شكرا بارك الله فيك

[ام عبودة]

ما شاء الله ربي يجازيك على هذا الموضوع الجميل .............................يمكن تعرضينا للاكل ونباركولك انا وزوجتي

الله يبارك فيك ومرحبا بيكم

[ام عبودة]

شكرا بارك الله فيك

الله يباااارك فيك

[اماني البتول]

مبروك عليك العتبة لجديدة ويارب تربحي عليها وتلقاي كل خير فيها عدتنا هي ان نرقيو الدار نحطو فيه القران ونعملو القرصة كما تسموه (البغرير) وال حاجة انطيبوها في هي الحوت اكون حوت امليح مثل الباجو والطون او المرلون ومنبعد نعملو قهو لناس لنعرفوهم من بعيد اما العائلة والجران نعرضهم للعشاء ويارب اكون عتبيى خير ان شاء الله

[ام عبودة]

شكراااااا لكل من شاركنني في هذا المرضوع

[القرآن راحتي]

أختي في الله ما أعرفه هو حديث للنبي عليه الصلاة و السلام حين قال
"من نزل منزلا ثم قال أعوذ بكلمات الله التامات من شر ما خلق، لم يضره شيء حتى يرتحل من منزله ذلك" رواه مسلم
واسال الله العظيم ان يبارك لك في منزلك الجديد

[ام ياسمين10]

ام عبودة واخيرا لقيتك هنا رانى غير نحوس عليك توحشتك
مبروك عليك العتبة الجديدة
حنا عاداتنا كاين الى يطيبو مردود ويبعثو للجيران والروينة تانى
والجيران يبعثولك لعشاء كل يوم واحد والمواعن منرجعوهمش فارغين نديرو فيهم حلوى او فاكية او اى حاجة
وكى ترتاحى تذبحى وتعرضى حبابك والجيران تانى
هاذى هى عاداتنا

[أم أروى]

السلام عليكم ورحمة الله وبركاته
ربي يبارك لك في المنزل الجديد
بصح الذبح عند دخول بيت جديد لا يجوز وهاي فتوى الشيخ ارجو ان تطلعي عليها
http://ar.miraath.net/fatwah/3983

[أم أروى]

السؤال:
أحسن الله إليكم وهذا سائل عن طريق الشبكة يقول ما حكم الذبح عند دخول المنزل الجديد أو أثناء بناء المنزل؟
الجواب:
هذا لا يخلو من حالين:
أولًا: إن كان يريدُ دفع العين أودفع الحسد أوتوقي الجن فهذا شركٌ أكبر مخرج من الملة.
ثانيًا: وإن كان أراد شكر الله كان في بيتٍ مستأجر فمن الله عليه بعمارة اشتراها أو بناها فأراد شكر الله - عزوجل - بذبحِ ذبيحة أوذبائح يدعو عليها أهله ومن كان له صلة به حتى يدعو له فهذا لا بأس به إن شاء الله تعالى.

[سلفية وأفتخر]

هذه فتوى للعلامة ابن باز رحمه الله،

السؤال: هل يجوز ذبح شاة، أو دجاجة في البيت الجديد قبل النزول فيه؟

الجواب:
إذا كان لاعتقاد أنه يدفع الجن، أو أشباه ذلك هذا لا يجوز، أما إذا ذبح لأهله، و جمع الجيران شكراً لله وجعل لهم وليمة للجيران هذا لا بأس به طيب، من باب الشكر لله سبحانه وتعالى، أما إذا ذبح دجاجة، أو ذبيحة أخرى عند تأسيسه، أو عند الانتهاء منه خوفاً من الجن، أو اعتقاد أنه يدفع الجن، أو أنه يحصل به كذا وكذا، هذا من البدع ما يجوز.

[زهرة زهور ازهار]

انا انصحك اول حاجه تعمليها اختى عندما تذهبى الى بيت جديد ان تقومى بتنظيف المنزل والبيت لان ممكن يكون فيه بعض الحشرات الضاره

[ام عبودة]

هذه فتوى للعلامة ابن باز رحمه الله،

السؤال: هل يجوز ذبح شاة، أو دجاجة في البيت الجديد قبل النزول فيه؟

الجواب:
إذا كان لاعتقاد أنه يدفع الجن، أو أشباه ذلك هذا لا يجوز، أما إذا ذبح لأهله، و جمع الجيران شكراً لله وجعل لهم وليمة للجيران هذا لا بأس به طيب، من باب الشكر لله سبحانه وتعالى، أما إذا ذبح دجاجة، أو ذبيحة أخرى عند تأسيسه، أو عند الانتهاء منه خوفاً من الجن، أو اعتقاد أنه يدفع الجن، أو أنه يحصل به كذا وكذا، هذا من البدع ما يجوز.
الحمد لله نحن ننوي الذبح لاطعام الطعام ولم العائلة على طاولة واحدة ومشاركةالجيران فرحتنا ولكن اليوم لم يبقى من هذا شيء النفوس تغيرت والقلوب