نداء استغاثة الى حراير المنتدى

[ام البنتين]

:confused:ندائي الى حراير المنتدى بما انني خايبة اعطيت لمراة فتلتلي الكسكسي لكن هذه المرة ما عجبنيش كي نطيبوا يجي فيه ريحة العجين.وفي شكلو رقيق فوق الللازم .يعني عادة من الكسكسي تخرجي المسفوف و لكن هذا رقيق بزاف و فيه بقايا الدقيق .الفتالات راكم اكيد فهمتو عليا . واش ممكن نعمل باش ننقذ الحالة و ربي ما يحبش التبذير هل اذا زدت فتلت كسكسي مليح و نخلطوا معاه. حل ام لا او عل لازم نعقبو في الغربال او ماذا دبرو عليا يا لحراير ......خاطيني الفتيل و الكذب حرام.ساعدوووووووووووووووووووني قبل ما نعطيه للدجاج و الفراخ و الحمام ياكلو و بصحتهم.:19:

[naiissou89]

:D:D:D:D:D:D:D[sizeنتمنى نعاونك بصح انا خايبة في الفتيل اكتر منك خاططيني[/size]

[ساندي 28]

للاسف منعرفش الفتيل ممكن الاخوات يفيدوكي

[امونة الشاوية]

اختي انا لا اعرف الفتيل الحق تاع ربي لما احتاج الكسكسي اشتري لاكن ساحاول النصح بالشيء اللي نقدر واتمنى الاخوات يساعدوك انت سيريه نحيلو الرقيق خلاص ديريه مسفوف و خلي العادي تاني يجي مليح كسكسي انا لما اشتري اشتري الرقيق و يجيني مليح و بخصوص رائحة العجين عاودي شيحيه امام الفرنو

[/زهرة عصفور الجنة/]

اختي اول شيء لازم ديريه لازم تعاودي تنشريه حتى ينشف ملييح من بعد تعاودي تفتليه يعني تعتبريه فتلة وتعاودي طلعي عليه طعام

[أم ياسين الزهراء]

نزيدلك نصيحة ديرها ماما كيتفوريه ديريري معاه بصل أي قطعي البصل على زوج وفوريه معاه راح تتنحى الريحة ان شاء الله

[zahra30]

شيحيه مليح وخبيه وكل ما تبغي طعام ولا بركوكس نحي شوية وفتلي عليه راح يجي هايل ويطلع ليه ليه .. واستعملي الدقيق الرطب وشوية فرينة كي تفتلي ... بالتوفيق

[ام البنتين]

الف شكر لكل من ردت راني لقيت الحل غربلتو و عاودت فتلت بالباقي

[جيجلية]

اختي إذا حبيتي تنحيلو الريحة عاودي فوريه وشيحيه مليح فالظل ومن بعد خرجيه للشمس ويكون مغطي مدة يوم

[pearl.joujou]

هذى راهي فتلة من الاحسن تعاودي تفتليه