مشكلتي امي و خطيبي

[مشكلتي]

انا فتاة مخطوبة خطبتي كانت صعيبة لان اهلي كانو رافضين لكن الحمد لله سهل ربي و و اقتنعو و قبلو و هو انسان مليح و اي حاجة يسحقوها خاوتي يقضيهالهم حتى امي داير فيها الخير المهم هو احتاج مبلغ 4 ملاين ماكانش عندو سيولة قالي سلفيلي انا طبعا سلفتو من نقود المهر ما عنديش منين مانيش خدامه و لو كان يطلبني خطيبي في اي حاجة ما نعزهاش عليه و مافلتتش يومين رجعهملي . امي فاقت بلي سلفتلو دارتلي درس قاتي ماهوش راجل و طماع و حاب يبروفيتي فيك و مكاش حتى راجل يسلف من عند مرتو و قاستني بزاف في الهدره و قاتلي يسحقك يجي يديك وش راه يسنى قولولي تعيشو انا لي غالطه و لا امي هي لي تبالغ

[محمد جديدي التبسي]

أتفق مع والدتك خاصة في الجزء الأخير من كلامها بالإسراع بالزواج وحتى وإن كان هذا الرجل على خلق فقد أخطأ بطلب المال منكِ
وأنت أخطأتِ لما أخبرت والدتك
فكل من يسمع أن فتاة أعطت رجل مال سينظر للرجل بازدراء وهو محق مهما كانت العلاقة بينهما اللهم إلا إذا كان الزوج مريض أو معاق وساعدته زوجته .. والله أعلم

[جعفر النايلي]

سبحان الله كيف لا يستطيع هذا الشخص طلب المساعدة من خطيبته
و اين العيب هنا و الله تخلوا الواحد محتار؟؟؟؟؟
و أعتقد ان كلام أمك ناجم عن مشاعرها فقط و حبها لك فهي تخاف عليك و تتمنى لك رجلا بكل معنى الكلمة

[صالح مبروك]

هههههههههههه تعجبت منك اختي الكريمة

وين راهو المشكل في هذا الشيئ

اذا صح تحبيه ويحبك يطلب منك عينك تدميهالو ^-^

موفقة

[sasou2013]

ربي معاك يا اختي و ربي يفرج عليك راني حاسة بيك ------------------------------------------------------------------وغادتني يما لي خلاتني شفايا لي كوزين ديالي اللي بقاو يعايروني بقيت غير انا اللي ماتزوجتش فالفاميليا الصغارات قاع راحو وتعجبني يما كي تفرحلهم كي تزوجو مالقري قاع واش دارو فيا و انا خلاتني معلقة و زيد مانيش صغير راني فالثلاتينات و دوك هو راو شايد فيا مدة عاااااااااام و نص راه يوجد روحو وفي نفس الوقت خاف يجي و يما تزيد ماتقبلش و يبطل كلش هدا المرة ------------------

و اني يا ختي ماشي عيب كي سلفتيلو دراهم قالك مول التاج و يحتاج ولكن والدينا غواهم الطمع و المضاهر ان شاء الله ربي يهديهم و يهدينا و يفرج علينا اااااااامممميييييين

[mohaa47]

أنا مع أمك 100 في 100 .............................حذار ....أنت تفكري بالعاطفة..............

[sali-sali]

تبقى الام تبحث دائما عن مصلحة ابنائها و بناتها

ان غضبت فهدا ليس دليل على انها تهجمت عليهاو لا تحبه ..هي رات ان دلك من مصلحتك

ربي يكملك على خير اختي

[بيسان فلسطين]

اختي انا جاتني نورمال تسلفيلو مناه كون جات نيتو ماشي مليحة كون ما خطبكش و كون ما رجعهملكش خلاص انا صراتلي كيفك بعد مي انا ما قلتش ل ماما خلاص و من وراها كي رجعمهولي قلتلها قالتلي عادي

[zeyyan]

http://www.cfpdz.com/vb/picture.php?albumid=3&pictureid=1
http://www.cfpdz.com/vb/picture.php?albumid=3&pictureid=4
http://www.cfpdz.com/vb/picture.php?albumid=3&pictureid=3 (http://www.cfpdz.com/vb/t36200.html)

[غريبة الوطن]

طبعا امك تببببببببببببببببالغ ما فيها والو هذا راجلك اذا كمل ربي قوليلها و لوكان مديتله كلوة واش تقوليييييييي!!!!!!!!!!!!!!!!!!!

[dahbi01]

لست انت غالطة وامك ليست غالطة كذالك،من باب انها امك وانت بنتها والوالدين لايقال فيهم الحق،
ذالك خطيبك وطلب منك وارجع لك وين المشكل وانت من المفروض تتحفظين بينك بينو وفي إطار شرعي
وهو ممكن ماقدرش يطلب واحد من المعارف تجنبا لأي مانع
وفي راي انا نقصد مرأة في هذا الوقت ما نقصدش راجل

ونقول للفوضوليين ممكن يتساءلوا :
لأن معظم الرجال بلعايطيين ويهفوا ومحتكرين بزاف والمراة عكس ذالك طبعا ليس كل النساء.

[مريم الصابرة]

السلام عليكم اختي
ازلا نحييك لانو راكي مأصلة وبنت فامييا وعندي ما فيها والو كي سلفتيلو عادي جدا وعلى العكس هذا واجبك هو مسكين إضطر الله غالب إنت أولى من الغريب وبهذا الموقف راكي كبرتي في عينو وما فيها والو وأمك شافت الموضوع من زاوية الأم وتخاف عليك وتظن به ظن السوء عادي ما تكبريش الموضوع امك وعايراتك او قاستك بكلام عادي المرة الجاية أي حاجة بينك وبين خطيبك خليها بيناتكم اما الإسراع فتكلمي مع خطيبك وشوف ظروفو كان يقدر يديك بالخف هكذا تبعدو على المشاكل بسرعة ربي يوفقك وإن شاء الله تتهناي وعادي هذي امك

[دروب التابعين]

انا لا ولن اطيع امي اذا منعتني من فعل المعروف
يا اخوتي ليس لان الام جنتي تحت اقدامها اطيعها في الصالح والطالح
تصرف هذه الام يدل على عدم سعة قلبها
بلعكس جاءكي مظطرا والراحمون يرحمهم الله
لماذا بعض الامهات ينصحن بناتهن باستغلال الزوج وبعض الامهات طامعات في مال زوج ابنتهم
هذا ليس من خلق المؤمن
الام لابد ان تعلم ابنتها على الفضيلة ووساعة اليد والجود والكرم
لا ارى اي خطء في انكي اقرضتيه بل على العكس انت انسانة طيبة ووقفتي مع زوجك في الضراء
-اذا كانت امي مخطئة فابدا لا يعقل ان اطيعها
يجب على المؤمن ان يكون كريم خلوق يغفر الزلل من الاخرين مسامح وليس بخيل ضيق القلب لا يالف ولا يؤلف

[mina18]

الامر عادي انت حاولي كسبي امك وماتحيش لخطيبك عن هذا المر لانو تغيضو روحو ويقدر يصبح يحشم من امك او ياخد نضرة سيئة عليها المهم حاولي كسب امك في هذه المدة قدر المستطاع ونالي رضاها قدر ماتقدر ونصح مرة تانية اياك ثم اياك تقوليلو واش قالتلك امك

["راجية الجنة"]

اسفة اختي ولكن الوالدة عندها الحق ، الرجل الحقيقي لا يطمع في مال زوجته مهما كانت ظروفه ،
ربي يكمللك ان شاء الله

[كنوز البحار]

الواجب أختي و الأولى طاعة أمك لأن الرجل لا يزال غريبا عنك فهو ليس زوجك حتى تجب طاعته و الاحسان اليه ...أما مساعدتك له فأرى ان لك الأجر في ذلك لكن الفعل هذا و طلبه منك القرض ليس وااااجبا لأنه ممكن أن يتكرر الطلب و عندما ترفضين تصبحين في نظره تبخلينه ا...قولي له ليس عندي المال..الله غالب اختي خليه يتسلف من غيرك...كاين ضوابط تحكمنا...أمك عندها حق..ربي يوفقك

[كنوز البحار]

انا لا ولن اطيع امي اذا منعتني من فعل المعروف
يا اخوتي ليس لان الام جنتي تحت اقدامها اطيعها في الصالح والطالح
تصرف هذه الام يدل على عدم سعة قلبها
بلعكس جاءكي مظطرا والراحمون يرحمهم الله
لماذا بعض الامهات ينصحن بناتهن باستغلال الزوج وبعض الامهات طامعات في مال زوج ابنتهم
هذا ليس من خلق المؤمن
الام لابد ان تعلم ابنتها على الفضيلة ووساعة اليد والجود والكرم
لا ارى اي خطء في انكي اقرضتيه بل على العكس انت انسانة طيبة ووقفتي مع زوجك في الضراء
-اذا كانت امي مخطئة فابدا لا يعقل ان اطيعها
يجب على المؤمن ان يكون كريم خلوق يغفر الزلل من الاخرين مسامح وليس بخيل ضيق القلب لا يالف ولا يؤلف


ليس زوجها أختي..وما لضامن ان يعيد لها مالها..و يهرب عليها؟؟

[منهاج]

السلام عليكم

امك محقة