سراويل الجينز

[امونة الشاوية]

السلام عليكم اخواتي راني حابة كاش فكرة للسراويل الجينز لاني كلما نلبسهم لابني في الليل رجليه يولو زرق منهم يعني يرميو على اللحم
و انا بيتهم ليلة كاملة في ماء بارد و 4 قراعي خل لاكن مزالو يرميو ارجو منكن اللي عندها فكرة مجربة للرميان تعطيهالي و ربي يعطيها ما تتمنى ان شاء الله

[ام عبودة]

انا ماعنديش هذا المشكل لكن ما دام راه الشتاء حاولي تلبسيه تحت الدجينز سروال داخلي كامل
والله اعلم انا ثاني نسمع بفكرة الخل وبزاف اللى داروها ونجحت
على كل ان شاء يعاونوك خياتنا
على فكرة راهم شاطرين

[امونة الشاوية]

انا ماعنديش هذا المشكل لكن ما دام راه الشتاء حاولي تلبسيه تحت الدجينز سروال داخلي كامل
والله اعلم انا ثاني نسمع بفكرة الخل وبزاف اللى داروها ونجحت
على كل ان شاء يعاونوك خياتنا
على فكرة راهم شاطرين
شكرا اختي على الرد و كيما قلتي في الشتاء لانو الجينز بارد نلبسلو فيزو لاكن لما يسخن شوي الحال و نحيلو الفيزو روعة و حتى الفيزو لانو اللون فاتح يولي اكحل
ان شاء الله يساعدوني البنات

[نبض الفؤاد]

انا ثاني عندي نفس المشكل نتاعك مع وليدي لحمه دبغ............اللي عندها الحل تمدلنا

[امونة الشاوية]

ما ضنيتش اختي الموضوع عندو قداه مطروح ماكنش الحل هههههه واش راح نديرو قوليلي

[ام غالية]

اهلا اختى حتى انا نفس المشكل كان عندى مع الجينز تاع بنتى جربت الخل معطاش نتيجة وليت نشرى اللى ما يفسخش لانه هناك انواع كثيرة لازم تعرفى واش تشرى

[mars1981]

Armi sarwal taa waldek wa achrilou sarwal abyad


ghir nadhak oukhti

maa al ghassl iwali yatlak akal

[أم عيشوش]

اشري نوعية مليحةمن الجينز لانوا الحبر خطر على الجلد

[امونة الشاوية]

اشري نوعية مليحةمن الجينز لانوا الحبر خطر على الجلد
السلام عليكم اختي احيانا حتى لو تكون نوعية مليحة لما يكونوا لونهم ازرق و زيد يا اختي نشريو النوعية المليحة سروال او 2 يقراو بيهم و لازم شوي الرخيص لانه السروال المليح تاع طفل 7 سنوات او 6 راهو 250.000 كيفوا كيف تاع الكبار و طفل تاع 7 سنوات راهو يمرمد يعني التبدال كل وقت لما يكون شوي بارد الحال يصلحوا لي سيرفات لاكن في الوقت العادي تولي سخونة شكرا على الرد

[awhalda05]

انا نعرف صح الخل ينحي بصح نتي قلتي منحاليش معارف