وصول استدعاءات وزارة الشباب و الرياضة [الأرشيف] - منتديات الجلفة لكل الجزائريين و العرب

مشاهدة النسخة كاملة : وصول استدعاءات وزارة الشباب و الرياضة

عماد مايدى

2013-03-05, 16:27

وصلنى استدعاء من وزارة الشباب و الرياضة رتبة ملحق ادارى فارجو من سكان العاصمة ممن لديهم صلة اومشارك ان يستفسرل عن عدد المترشحين لانى بعيد نوع ما ولا اريد المشاركة ادا كان العدد كبير و المسابقة يوم 11 مارس القادم واجره على الله حتى المصروف ماعنديش باش نسقسى :mh31:

zdadra

2013-03-05, 19:13

يسلام عليكم
أخي الكريم لا يوجد كلام اسمه أنا بعيد و المترشحين بزاف
اذا رأيت أنك كفء و جدير بهذا المنصب فتوكل على الله و شارك في المسابقة
و ما تسقسي و ما تخسر مصروفك
صلي الاستخارة و دير النية و الباقي على ربي سبحانه
و ادا كاتبتلك واحد ماينحيهاك و لو شاركو 1000000 واحد
أنا أيضا و صلني الاستدعاء لرتبة عون رئيسي للادارة
وفقك الله

عماد مايدى

2013-03-06, 16:15

مدام احى رايح تفوت شفلى واجرك عند الله عن العدد شيىء مهم فانا دائما اشارك ولم انجح لدلك رانى محبط هاكا

zdadra

2013-03-06, 17:56

يا أخي و الله هاد اليامات راني مشغول شويا
ولكن اذا كان وقت رني نسقسيلك
ودير فبالك الاحباط بداية الفشل في كل شيئ اعمل بنصيحتي و سترى النتائج باذن الله
وفقك الله

عماد مايدى

2013-03-07, 10:21

يا اخى كاش جديد فى واش قتلى ووكتاه تفوت باش بلاك ادا نفوتو فى يوم واحد تعطيلى نمرو تاعك ونفوتو مع بعض لانى معلبليش حتى وين جلت الوزارة

zdadra

2013-03-07, 19:17

يا اخى كاش جديد فى واش قتلى ووكتاه تفوت باش بلاك ادا نفوتو فى يوم واحد تعطيلى نمرو تاعك ونفوتو مع بعض لانى معلبليش حتى وين جلت الوزارة
أنا نفوت 12 مارس
و الوزارة راهي جاية غير قدام لا جونس تاع الحافلات
الحاقلة لي تحطك في 1 ماي
اهبط و سقسي نامبرت واحد اوريهالك راهي غير موراها
ويدا حاب تزيد تفهم قولي نتا منين راك جاي باه نعطيلك التفاصيل

عماد مايدى

2013-03-09, 09:16

يل خويل انا من باتنة كاش من جديد او مساعدة حوا المسابقة رانى متردد مل النصيحة منك

zdadra

2013-03-09, 09:46

خيار الناس
مالا أرواح في التران خير . اهبط في محطة "أغا" و كي تخرج من محكة القطار توجه يسارا و امشي قبــــــــــالة حتى توصل تحت نفق صغير (شبه نفق) زيد أحكم اليسار و كمل قبالة حتى يبانلك "الرومبوة" و تبانلك" الفوارة" و سبيطار "مصطفى باشا" تما سقسي نامبرت بوليسيسي انعتهالك راهي غير تم

algerienne88

2013-03-09, 13:58

Bon courage w rabi ywafkak inchallah

zdadra

2013-03-09, 20:41

ajma3in nchalah
w rabi yahafdak khtiti

razika1

2013-03-10, 18:01

سلام عليكم أرجو منكم من لديه معلومات عن مسابقة الشباب و الرياضة لولاية سطيف و هل ظهرت النتائج أم لم تظهر و أن ظهرت فأين تم نشرها و شكرا