حيرة وقلق انصحوني وادعولي

[مشكلتي]

السلام عليكم
مشكلتي تكمن في الحيرة في وضعي الراهن ومستقبلي القريب فأنا في عائلة مشتتة تقريبا والدي لا يهتم كثيرا بنا ووالدتي دائمة التذمر والشكوى والدي لا يصرف على حاجيات المنزل الاساسية وانا أعمل وراتبي لا يكاد يكفي لشيء وأرى وضعية أهلي وأريد لهم حياة أفضل وحائر كيف اجهز نفسي واوفر بعض المال من أجل أن أخطب وأتزوج
المشكلة أن اهلي لا يشعرون بي أو هكذا يبدو فكل كره عيشته وينتظر الموت وحالة من البؤس تسود المنزل
انصحوني وادعولي وشكرا

[ام ايمان16]

ربي يفرج عليك خويا ويرزقك من فضله الواسع من حيث لاتحتسب ويفرج كربكم ويلم شمل عائلتكم ويطرح السكينة في قلوب عائلتك ويجعل اسرتك تعيش حياة هنيئة ومرتاحة البال

بالتوفيق

[samar89]

ربي يفرج عليك اخي ربي يرزقك ويهنيك...هذه الدنيا واحد ماراهو مهني ....اخي اكثر من الاستغفار والدعاء... اكثر من الصلاة والدعاء في جوف الليل والله سيفك كربك......ربي معااك

[صالح مبروك]

حاولان تخبي شوي دراهم

وتتقشف شوي ولا شوف خدمة خير

موفق

[mostariyaya]

ادع الحي القيوم في جوف الليل وانت موقن بالاجابة ثم سترى انه لن يرد دعاك وصفة مجرب

[&عسل&]

ربي يفرج عليك ان شاء الله ويسر امورك

[libanarim]

ربي يفرج علينا وعليك

[جمال الدين الأفغاني]

السلام عليكم

حالك عينة من ما آل اليه المجتمع الجزائري من تشرذم وتقطع في الأوصال

ولا حول ولا قوة الا بالله

فلا الشاب يعرف أين يضع قديمه أو الى أين يسير ولا الفتاة تعرف كيف تتمسك بدينها

وتبتعد عن المغريات والفتن التي لا تعد ولا تحصى

وما عسانا نفعل الا أن نتمسك بحبل الله المتين لذلك أنصحك بالتالي :

تأتي بقارورة ماء وتنوي القراءة عليها لرقية المنزل بمن فيه

وتقرأ عليها الفاتحة ثلاث مرات بعد الاستعاذة من الشيطان الرجيم

ثم آية الكرسي ثلاث مرات وأواخر سورة البقرة

الآيات العشر ثلاث مرات وتقرأ المعوذتين ثلاثا وبعد ذلك ضع الملح الخشن

في القارورة وتخلطها ثم اثقب غطاء القارورة

ثم أذن في البيت بالأذان بصوت مسموع

وابدأ برش المنزل من العتبة الخارجية والى الداخل ركنا ركنا ترشه

كل يوم هكذا الى ما شاء الله

وأنت تدعو ربك الشافي المعافي أن يزيل كل مضرة عينا أو سحرا أو حسدا

وكذلك ضع سورة البقرة من الكمبوتر أو التلفزيون وارفع قليلا الصوت وافتح كل الابواب

بما فيها باب الحمام تشغلها كل ثلاث ايام وبإذن الله الواحد الاحد مع الاستمرار في هذه الرقية

ستتحسن أموركم كثيرا وهذا بفضل الله من تجربة احد الاخوة الرقاة مع السحر والعين

كفانا الله شر الأشرار من شياطين الانس والجان

والله المستعان

[إيناس2005]

اخي اولا وقبل كل شيء فرج الله همك وزرع المودة والسكينة في بيتكم ثانيا اساند الاخوة الذين سبقوني بنصائحهم ارجوك ان تعمل


بها ثم بالنسبة لي لديا عدة تساؤلات وهي عن حالة والدك المادية هل هي لاباس بها وبخيل او حاته صعبة وامك تتضمر

في راي في كلتا الحالتين حاول انت ان تصلح ما يمكن اصلاحه وذلك بالحوار مع الطرفين وبالتي هي احسن واستعن على ذلك

باقاربك اخي ارجوك ااجل مسالة الزواج الان تحمل واصبر في سبيل عائلتك لاتزد الطين بلة جد لك عمل اضافي ساعدهم بكل ما

تستطيع راح يفرجها رب وبهذا البر سيفتح الله لك بركاته زودنا باخبارك وطمئنا عنك و والله العظيم انا مستعدة للمساعدة المادية

اذ اردت ذلك

[loulou02]

ربي يفرج عليك أخي و يعطيك ماراك متمني .

[بين الحقيقة و السراب]

أوّلا أهنِّــــــئكَ على طيب خُلُقــــك كونك تسعى لرفع الضرر عن أفراد أسرتك
و جميل منكَ أنّك مُعيــــن لوالدك في الإنفـــــاق رغم تقصيره كما دكرتَ
و الأجمل أن ترى الكلّ يشكو و يتشاءم و أنت تبحث عن الحلّ

فقط أنصحُكَ ببعض الصّبر أخي الكريم
و الدّعـــــاء
و لا تيأس أبدااا
.
.
.
وإن شاء الله بعد الشّدة يأتي الفرج

أسأل العليّ القدير أن يُفرّج كُربتكم و يلّم شملكم و يصلح حالكم و أن يرزقكم من واسع فضله
إنّــــــه على كلّ شيء قديــــــــر


بارك الله فيـــــــك

[bibicha]

ربي يفرج عليك خويا ويرزقك من فضله الواسع من حيث لاتحتسب

[khawlita.dz]

السلام عليكم
مشكلتي تكمن في الحيرة في وضعي الراهن ومستقبلي القريب فأنا في عائلة مشتتة تقريبا والدي لا يهتم كثيرا بنا ووالدتي دائمة التذمر والشكوى والدي لا يصرف على حاجيات المنزل الاساسية وانا أعمل وراتبي لا يكاد يكفي لشيء وأرى وضعية أهلي وأريد لهم حياة أفضل وحائر كيف اجهز نفسي واوفر بعض المال من أجل أن أخطب وأتزوج
المشكلة أن اهلي لا يشعرون بي أو هكذا يبدو فكل كره عيشته وينتظر الموت وحالة من البؤس تسود المنزل
انصحوني وادعولي وشكرا
جمييييييييل ان تساعد اسرتك ......ان شاء الله يوفقك على حسن نيتك ...............................اقتطع جزءا من راتبك و خباه كل شهر ولو يسير ..............واكيد بادن الله ييسرلك الله امورك لتخطب و تتزوج...وفقك الله
كيما يقولو الى خلق ما يضيع..........

[شهرزاد أم التوأم]

السلام عليكم اخي تيقن اخي ان ما تفعله من اعانة عائلتك لن يضيع اجره عند الله واكيد سيشفع لك هدا يوما ويرزقك الله لكن لا تتدمر و اظهر لعائلتك انه وعلى الرغم من قلة رزقك الا انك سعيد بما تفعله معهم و حاول ان تجمع شتات العائلة لانو لهنا سبق لغنا بامكانك ان تنجح في دلك وفقك الله ورزقك من حيث لا تحتسب

[laz chaima]

ربي يفرج عليك

[djodjo07]

رب يفرج عليك و يعطيك ماراك متمني انت و كل داركم

[رعد السحاب]

الله يفرج عليك أخي

[منهاج]

السلام عليكم

ربي يفرج عليك وعلى داركم ويرزقك ببنت الحلال

[لاعبة النرد]

السلام عليكم أخي الكريم:
من الواضح أنك الفرد الكبير في العائلة أو أنك من يتكلون عليك....... حتى و إن لم تكن كذلك يبدو أنك تعتبر نفسك كذلك....
حاجة مليحة أنك تفكر في وضع عائلتك، و غايضك الحال عليهم.... و هذا هو تصرف الإنسان الشهم..... إذا كان الأب نتاعك ماشي مهتم ...إيبيان نقولك في هذا الزمان كامل الأباء هكذا .....ربي يهديهم....سيرتو كي يشوفو ولادهم خدامين ...يقولو خلاص دوك تهنينا راهو جا اللي يصرف كيما كنت أنا نصرف.....
الأم نتاعك تشكي و تتذمر ......وينا مرأة ما تشكيش؟؟؟؟ و زيد ثاني عندها الحق...ممكن راها تشوف في الحالة نتاع الدار ما تعجبش.....و زيد ثاني لازم تعذرها المرأة دائما تحس بالغيرة سيرتو كي ترجع من عند الجيران أو من عند خالتك أو كي تشوف ناس وحداخرين وضعهم أحسن مثلا :لبستهم البنيان نتاع دارهم ، الديكور، أولادهم ناجحين، و قس على ذلك..... و هذاك الوضع يخليها تشكي و تتذمر


هذي الهدرة أحفظها .....وديرها مليح في بالك .....(يعني رانا فسرنا الوضع نتاع داركم) دوك نفسرو حالتك
باينتك راك كاره.....و مديقوتي .....يخى دوك تبكي ......واااااااااااااااااااا!!!!!!!!!!!!!!!!!!
راني نتمسخر ...........
علابالي ماشي وقت نتاع تمسخير .....
أنا نتمسخر هنا و أنا ناسيا روحي .........
علابالك علاش راني نقولك هاك .......؟؟؟؟؟؟
لأن المشكل نفسو تقريبا عندنا في الدار ..........إلا أن الفرق بيني و بينك أني ماشي الكبيرة......

طنش تعش يـــــــــــــــا أخي ..........بصح ماشي لهيـــــــــــك قاع

خلاص راني تمسخرت بما فيه الكفاية درك نلحقو لوقت الصح (عندي زمان ماكتبتش هاك)......المهم:


كحـــــل للمشكل المطروح يا أخي الكريم إتبع الخطوات التالية:

-أولا: ........عجبني كلام الأخ جمال الدين الأفغاني .....ديرو و رايح الوضع ينفعك و إذا حشمت .....لآنو كاين اللي يقول (راني خايف يقولو عليا في الدار وش بيه هذا ؟؟؟؟ شو عدا ما بدا ؟؟؟؟ منين جاتو؟؟؟؟؟) أنا نقولك :
أقراها في بيتك و دير كلش بلا ما يعرفو .... ولو أنو حتى إذا عرفو ما فيها والو ....( على الأقل يقولو والله غير صح بالاك نكونوا محسودين؟؟؟؟.....ومنحكيلكش على يماك .....رايحا تفرح بيك كي ترقي على الدار و زيد نتا ثاني قنعها و قولها أقراي القرآن باش تتحسن أحوالنا.....

- ثانيا:......خبي شوي دراهم ليك حتى ربي يعمل التاويل...و تجي تقولنا باركولي راه قريب عرسي و نولولولك يووووووووووووووويووووووووويوووويش.....إن شاء الله كي ليوم....قول نشاء الله.........مثلا من كل شهرية خبي الربع.....و الباقي أصرفو بحذر................وقول ليماك تهدر مع باباك وتقولو مثلا رك شايف وحدة وراك معول .... هذاك علاه لازم يصرف على الدار.......شوي لأنك حاب تلم دراهمك.....

-ثالثا:.......الحالة نتع داركم تعني أنو ماكانش تغيير عندكم .....يعني ركود +ركود+ركود= كساد ( راني بديت نخلط) ...لالا...لالا... و الله غير صح : ركود الوضع نتاع داركم خلاكم تعاودو في الأيام مثل بعضها و خلا المشاعر إتجاه بعضكم يصرالها شيء من الكساد و تتكدس بدون فائدة .....عوض أنكم تتحاورو و تخططوا كاش ما تزيدو في الدار ....
و كنوع من التغيير أنصحك أن تبادر أنت بذلك ....
مثلا : غدوا عول و قول ليماك ما طيبش العشا لأنك رايح تجيب دجاجة...ورايحا تسقسيك وش المناسبة قولها غير هاك..
معليهش ماشي خسارة في هلاتك.....وتلموا عليها و أحكي كاش نكتة سمعتها و لطف الجو أنت بيدك....
المهم إعمل تغيير .....دجاجة ..... خرجة ....أو حتى على مستواك الشخصي : أخرج ...حوس... ألعب ماتش...أشري كتاب.........أي شيء...
- وبالنسبة لأبوك ....كيما قلتلك قول ليماك تتحاور معاه باش يصرف على الدر لأنك ماوليتش قادر وحدك لأن التريسيتي غلاة، و الماء غلا ....و الترونسبور زاد ..... و كلش غلا ....
و زيد ماتعرف لوكان يلحق وقت الصح ماراهوش رايح يخليك ما تعرف رايح يعاونك؟؟؟؟ و الله ماتعرف....
المهم إن شاء الله نكون عاونتك بالقليل ....
علابالي كسرتلك راسك........
اسمحولي كــــامل ....... ربي يفرج عليك و يكون معاك .....وانت ثاني تحرك ماتقعدش تندب حظك
ربي يقول: اسعى يا عبدي و نعينك ....اقعد يا عبدي و نهينك....

ربي معاك

[YASMINE SILA]

اكثري اخي فالله من الاستغفار و اعمل على قراءة القران و الرقية الشرعية في البيت عن طريق المسجلات
ان شاء الله ربي يكون في عونك و نححييك اخي على روح المسؤولية
ربي يفرج ان شاء الله

[tsotso70]

ربي يفرج عليك