واش ندير في سبوع تاع بنتي ان شا الله

[ه سلاف]

حبيت ناخذ رأي صديقاتي حراير الجلفة فقد قرب موعد ولادتي وان شاء الله الا كتبت نحوس ندير العقيقة وهذا اول مولود ليي فانا في حيرة من امري واريد راي اخواتي العزيزات وبعض الافكار الجديدة التي ستساعدني وشكررررررررررررررررررررررررررررررررررررررررررررررا مسبقا

[امونة الشاوية]

كل شيء مبروك اختي و ربي يجعلها من الصالحات و تكون عليك مربوحة ان شاء الله يفيدوك الاخوات

[zahra30]

اولا كلشي مبروك وان شاء الله تقومي بالسلامة ويتربى في عزكم ....اختي كل واحد وعاداتو ...احنا مثلا نذبحو وانديرو الشخشوخة ولا البركوكس مع السلاطة والديسار و..... كغداء وفي العشية انديرو قاطو والقهوة والمشروبات وفي لعشية عشاء يكون خفيف ممكن شربة فريك وكسرة و...... لانو الضياف راح اقلو..
وان شاء الله الاخوات ايزيدو افيدوك ...

[ام ملاك.]

كلشي مبروك وتتربى في عزكم ان شالله وربي يشافيك
كل واحدو كيفاش عوايدو
انت ديري القاطو وجديه من قبل وجدي الدشيشة المحمصة على جال الطمينة
وجدي الطعام هو اللي يسلك وديري الشوربة اذا درتي عشاء ولا غذاء ديري طعام وشوربة وسلطة
ربي يقدرك ان شالله

[أم ماجد]

واش رايحة اديري قهوة ولا عشاء باه نجاوبوك مليح

[mimi30]

http://www.djelfa.info/vb/showthread.php?t=1230557

[lyna38]

ربي الطلعك على خير اختي و سهلك الولادة
امين يا رب
كل منطقة والعادت توعها
واش راكي حابة باش نعاونوك
اطباق ام حلويات

[ه سلاف]

أنا حبيت ندير العقيقة يعني نذبحو ونديرو لعشا اما القاطو أنا درت المقروط وقاطو بيمو وزوج انواع آخرين درك نصورهم ونحط الصورة يعني درت قاطو للضياف تاع لمباركة بصح أنا راني حابا ندير قهوة شابة وبالتاويل عليها راني نصقصي فيكم يا لحراير

[ه سلاف]

ونسيت تقولكم أنا سطايفية وعشت فترة في العاصمة وكي راهو المولود الاول تاعي راني شوية مخلطة

[meriama13]

ربي يسهل عليك و يفرحك و ادعيلنا معاك
كيما قالو الاخوات كل واحد و عاداتو حنا نديرو العشاء نهار الاول عشاء عادي للمقربين و من بعد 3 ايام نديرو بركوكس نسموها القصعة و من بعد نسربيو القاطو و الطمينة نزينوها بالمكسرات نديرو نتاع القمح و الفرينة 2 انواع
و في السابع نهار الذبيحة نديرو الفطور للنساء و العشاء للرجال نديرو حريرة و طاجين حلو و سلاطة منوعة ديسار و من بعد نسربيو القاطو انواع مغايرة لنهار القصعة مع القهوة و الشاي و الطمينة اكيد
و مين نديرو الحنة للبيبي نسربيو لي دراجي و الحلويات للأطفال و الحنة نديروها بالشموع و الزغاريد
نتمنى نكون افدتك

[kakinova]

اذا حابة ديري حاجة متولة للقهوة ديري قطايف عش البلبل او بقلاوة بلابات فيلو و زينيها من فوق بالبيستاش مرحي

ديري قاطو الملفوف بالنواد كوكو بقلاساج الشوكولا

حاجة مسكرة مقروظ اللوز او تشاراك مسكر

حاجة بالقلاساج العرايش

سابلي ام اماني لي من تحت صابلي و من فوق دائرة نتاع بيمو مرحي مع شكولا ذائبة و فالوسط نستلي او معجون


و العشاء ديري شربة و معاها سلاطة ماسيدوان او اوردوفر فاريي

طاجين الزيتون بالشومبينيون و كرات اللحم
شخشوخة او رشتة او تريدة و معاها سلطة خضراء و ماء معدني و مشروبات غازية

و للتحلية طاجين لحو بالبرقوق و اللوز و شباح الصفراء و المشيمشة

و برتقال و بنان

ونتي و مقدرتك

اذا كانو المعاريض قلال من الافضل ديري حاجة متولة و اذا كانو بزاف ممكن تعملي شربة و شخشوخة فقط

[الوهرانية 1]

حبيبتي ربي يجيبلك سويعة ويقومك بالسلامة
تفضلي للرابط ممكن تستفادي
http://www.djelfa.info/vb/showthread.php?t=1174330

[أم ماجد]

http://www.djelfa.info/vb/showthread.php?t=1228375

[scorpionoir]

اولا ربي يسلك وحلك على خير .انا ادا جيت في بلاصتك راح ندير غدا باش تقدري تحظري نهار قبل ماشي عشا الضياف قاعدة تتقهوى وماليك في الكوزينة يطيبو ومايتتقهواوش براحتهم .المهم ممكن ديري اوردافر اخطيك من الماسدوان وو... ديري حاجة جديدة لي كورني بلابات فايتي وعمريهم كاش خلطة حنا درناهم في عرس خويا الناس كل حلت فمها من البها والحطة .وكفتة وشخشوخة النعمة ولا الظفر ولا نتي الميزانية مليحة ديري اوردافر وشربة ولا مرقة زيتون وفخاد اللحم محشيين ومحمرين .واكيد الديسار تاع الموسم والا سلاد دو فروي .منبعد خلاص حطي jus مع لي سالي ولا حلوة تمشي معاه منبعد ديري القهوة والحليب مع لي قاطو والطمينة ديريها في لي بوات فردية كل واحد تاعو وسربيهم عليهم .ولي مايحبش القهوة حطي لا تاي مع قريوش ولا مقرقشات تاع الفراشة راهي تحفة ومكسرات .وكي يجيو مروحين الضياف سربيلهم لي دراجي .وهاني صدرتلك معاريضك وتهنيتي ههههههه .وادا عندكم الدراري الصغار ديريلهم دي ساشي وحدهم فيهم مثلا كوكاو وحلوة ونفاخة راهم يموتو بالفرحة ههه.والقاطو ديري المخبز تاع المزيود راهم حطولك الرابط تاعو .وكلشي مبروك ويتربى في عزكم