اعطوني حل

[ana lina]

صباح الخير على الجميع ارجو ان تكونو بخير اود ان اطرح مشكلة وارجو من كل من لديه حل يقول :sdf:
انا عندي صحبتي كيختي هيا ديم معاها شافني اخوها قاتلي راكي جبتيه واش رايك قلت ايه انا ايا عقب شهر 2 و3 و4 و5...... جات سبا تعافرت انا وصحبتي بيسك هيا كدبت في حاجا على دارهم وانا كي سقساوني دارهم قلت الحق هي معجبهاش الحال قاتلي سايي ماكي صحبتي منعرفك قلت اوك دارهم بالعكس قالولها لالا تولي لصحبتك وقعدو يرجعو فينا ايا جا نهار رجعنا كيهدرت معاها قاتلي ديري فيبالك بلي منرجعوش كي قبل قلت اوك ومنبعد نهار قاتلي بلي خوها راه بطل منك خلاص قال منزوجش بطلت قتلها لاه قاتلي قتلو بلي تعافرنا وحكيتلو علاه وانا مقدرتش نقوللها لاه بيسك مش سبة وزيد هيا لي غلطة ضركا انا مصدقتهاش بيس دارت عليا دورة وحدة ولات مش صحبتي لي نعرفها ولات تهدر في هدرة خاطيا وتهدد فيا بلي ديرلي كاش حاجا منتوقعهاش لذالك انا قلت نعيطو ليه ونفهم منو هو واش قاتلو ويقلي لاه بطل واسمحولي على الاطالة وان شاء الله جاوبوني :sdf:

[nouna l maghbouna]

لالا لا لا اختي ماتعيطيلوش ماتطيحيش بروحك
و هدي صحبتك غير اخطيك منها و en + راهي تهدد فيك هدي باينة حية تحت التبن
و تروح تلعب و بالنسبة لخوها ميش هو برك راجل في الدنيا هدي و الحمد الله كي عرفتيهم قبل مايطيح الفاس فالراس
بدلي الرقم تاعك و صحبتك اخطيها
ربي يوفقك

[ana lina]

لالا لا لا اختي ماتعيطيلوش ماتطيحيش بروحك
و هدي صحبتك غير اخطيك منها و en + راهي تهدد فيك هدي باينة حية تحت التبن
و تروح تلعب و بالنسبة لخوها ميش هو برك راجل في الدنيا هدي و الحمد الله كي عرفتيهم قبل مايطيح الفاس فالراس
بدلي الرقم تاعك و صحبتك اخطيها
ربي يوفقك

انا جامي هدرت معاه وهو يبان ناس ملاح مش كيما هيا وحابا نعرف لاه بطل يقولي ويروح عادي ولاه مش اختو الكبيرة لي قاتلي ولا هو

[خديجة 1010]

السلام عليكم
شوفي اختي الصداقة في وقتنا الحالي اصبحت عملة نادرة وانا نظن بلي صحبتك هادي مكانمتش صديقة حقيقية والدليل انها حبت تستعملك كستار على افعالها لما منجحتش دارت عليك بالنسبة للاخ ديالها هل كانت بيناتكم خطبة رسمية ولا لالا
يعني لو كنتو مخطوبين قعليا من حقك تعرفغي علاش حب يجبد روحو بالرغم من انو السبب واضح باينة بلي هي لي عمراتو عليك باش يغير رايو
اما اذا مكانتش الخطبى رسمية يعني هدرة بينك وبينو و صاحبتك انا من رايي تنساي الموشوع ومتزيديش تحوسي عليه
وربي يجيب لي فيه الخير

[nouna l maghbouna]

انا جامي هدرت معاه وهو يبان ناس ملاح مش كيما هيا وحابا نعرف لاه بطل يقولي ويروح عادي ولاه مش اختو الكبيرة لي قاتلي ولا هو
يا اختي بالاك اختو كشما كدبت عليه
و ماتعيطيلو ماتعيطيلها هكدا يولي دخس و طيحي بقيمتك بزاف
انسايهم كيما راهم

[ana lina]

السلام عليكم
شوفي اختي الصداقة في وقتنا الحالي اصبحت عملة نادرة وانا نظن بلي صحبتك هادي مكانمتش صديقة حقيقية والدليل انها حبت تستعملك كستار على افعالها لما منجحتش دارت عليك بالنسبة للاخ ديالها هل كانت بيناتكم خطبة رسمية ولا لالا
يعني لو كنتو مخطوبين قعليا من حقك تعرفغي علاش حب يجبد روحو بالرغم من انو السبب واضح باينة بلي هي لي عمراتو عليك باش يغير رايو
اما اذا مكانتش الخطبى رسمية يعني هدرة بينك وبينو و صاحبتك انا من رايي تنساي الموشوع ومتزيديش تحوسي عليه
وربي يجيب لي فيه الخير

لالا ماشي خطبة رسمية بصح حابا نعرف غير علاه ويروح عادي

[ana lina]

يا اختي بالاك اختو كشما كدبت عليه
و ماتعيطيلو ماتعيطيلها هكدا يولي دخس و طيحي بقيمتك بزاف
انسايهم كيما راهم

هاذي لي حابتها حابا نعرف السب لاه واش قالتلو

[nouna l maghbouna]

هاذي لي حابتها حابا نعرف السب لاه واش قالتلو
تكون كدبت عليه شوهت الصورة تاعك قدامو و هو sur يصدقها يقول راهي صحبتها مالا صح
علابالي لازم تعرفي باه تبردي
اصبري و خلاص

[ana lina]

تكون كدبت عليه شوهت الصورة تاعك قدامو و هو sur يصدقها يقول راهي صحبتها مالا صح
علابالي لازم تعرفي باه تبردي
اصبري و خلاص

هاذي لي خايفة منها كاشما قاتلو وشوهت صورتي قدامو ربي يهديها

[nouna l maghbouna]

هاذي لي خايفة منها كاشما قاتلو وشوهت صورتي قدامو ربي يهديها
hadi haja sur تكون شوهت صورتك قدامو
و الله ماتربح زعمة كي دارت هكدا وش ربحت
بالعكس خسرت صحبتها
ربي يهديها برك

[* الحلم سكر *]

و الله يا اخـتي نشـك أصـلا انـو كايـن مــشروع خـطـبة من خـوها بالاك كانـت تخـذر فيـك باه تخـليـك تـغطـي عليـها بعـض الامـــور ...؟؟؟؟
و اذا راكـي متـأكـدة لي راه حاب يخـطـب عــلاه هــذا التـماطـل الكـل و راكي تقـولي اشـهر
و حتى اذا راه فعـلا كان حاب يخـطب و تبـدل رغم اني اشك لأنو اي كـلام راح تقـولو عليـك واضـح انو فقط رد فعل للي صرا بينكم الا اذا هـــو حـــاب يصـــدق ...
يا اختي ربي يهـديك اذا راه حاب يخطـبك مـارهوش داير فيك مـزية و الا راهي صـدقة باه تحـكـمك بيـها و تهـددك
اجـــبــدي روحـــك عليـــهم كــامل و باب داركـــم معـــروف للي حاب و اللي ماراهوش قانــع
بـلاش خير منو
خليـك كـرامتـك أقــوى من بحثـك عن كلمة - عــلاه -
و هي بعـدي عليـها ماعـندها ما تقـدر تديــرلك نقـطـة ضعـفك الوحـيدة بالنـسبة ليها - خوهــا -
أقـطعيـها و خليـك اقـوى و حـتى اذا خطـبك خـمي و عـاودي ماشي تخـمي على السبة علاه

ربــي يبـعدك عليك امـثالها و يهـديك للصواب و يرزقك من اوسع ابوابه يا رب

[ana lina]

hadi haja sur تكون شوهت صورتك قدامو
و الله ماتربح زعمة كي دارت هكدا وش ربحت
بالعكس خسرت صحبتها
ربي يهديها برك

هداك مكان انا قلت نعيطلو ونهدر معاه مع اني جامي هدرت معاه واش راك

[nouna l maghbouna]

هداك مكان انا قلت نعيطلو ونهدر معاه مع اني جامي هدرت معاه واش راك
خودي رايي يا اختي ماتهدريش امعاه
و الوقت او يبينلو الصح

[ana lina]

و الله يا اخـتي نشـك أصـلا انـو كايـن مــشروع خـطـبة من خـوها بالاك كانـت تخـذر فيـك باه تخـليـك تـغطـي عليـها بعـض الامـــور ...؟؟؟؟
و اذا راكـي متـأكـدة لي راه حاب يخـطـب عــلاه هــذا التـماطـل الكـل و راكي تقـولي اشـهر
و حتى اذا راه فعـلا كان حاب يخـطب و تبـدل رغم اني اشك لأنو اي كـلام راح تقـولو عليـك واضـح انو فقط رد فعل للي صرا بينكم الا اذا هـــو حـــاب يصـــدق ...
يا اختي ربي يهـديك اذا راه حاب يخطـبك مـارهوش داير فيك مـزية و الا راهي صـدقة باه تحـكـمك بيـها و تهـددك
اجـــبــدي روحـــك عليـــهم كــامل و باب داركـــم معـــروف للي حاب و اللي ماراهوش قانــع
بـلاش خير منو
خليـك كـرامتـك أقــوى من بحثـك عن كلمة - عــلاه -
و هي بعـدي عليـها ماعـندها ما تقـدر تديــرلك نقـطـة ضعـفك الوحـيدة بالنـسبة ليها - خوهــا -
أقـطعيـها و خليـك اقـوى و حـتى اذا خطـبك خـمي و عـاودي ماشي تخـمي على السبة علاه

ربــي يبـعدك عليك امـثالها و يهـديك للصواب و يرزقك من اوسع ابوابه يا رب



شكراا اختي انا مرانيش نحوس علاه طول مجاش خطب ولا حابا نفهم واش قاتلو منبعد بلاك حتا انا نرفض وكان يجيني وكان تكون كشما قاتلو عليا وضدقها

[* الحلم سكر *]

شكراا اختي انا مرانيش نحوس علاه طول مجاش خطب ولا حابا نفهم واش قاتلو منبعد بلاك حتا انا نرفض وكان يجيني وكان تكون كشما قاتلو عليا وضدقها

يا اختي انا تعمـدت نقلك هـذا الـكلام .. اذا صـدقها ربي يسهل عليه
و بالعكس كان لازمك تتـساءلي علاه طول .. اللي حاب حاجة و مقتنع بيها ما يصـبرش عليها
و مهما واش قاتلو بينها بين مولاها ... انتي فقتي بعقليتها و تهـنيـتي من شـرها عـلاه هامـك صورتك قــدامو ..؟؟؟
يا حـسرا كاين رجال اقتنعو بالمرا و متاكـدين لي راها ما تصلحش و قالك هي و الا لا
و هو اذا مقـتنـع بيك راح يتـأكـد ماشي يصـدق و خـلاص
اذا ماجـاش انـسايه و اذا جاك تـأكـدي من كلشي قبل اي خـطوة
و الـدنيا راهي صـغيـرة تـطوال تـقصار راح الحق يبان و تعرفي كلشي بلا غير ما تسألي كلشي راح يجيك وحدو مسالة وقت و خلاص
نصيحة اخت بعدي عليهم و نساي كلشي و قولي حسبي الله و نعم الوكيل تكفيك

[mina18]

من الافظل ماتعيطيلو ماوالو تقدر كي تعيطيلو تفتحي ابواب مشاكل اخرىة سيرثو راهي تهدد فيك اذن اخطيك منها وان شاء الله ربيب يعوضك احسن منو

[knives55]

نعطيك حل

أخطيك منها هذي تاع مصلحة برك ومكلاه تكسري راسك معها

[ana lina]

يا اختي انا تعمـدت نقلك هـذا الـكلام .. اذا صـدقها ربي يسهل عليه
و بالعكس كان لازمك تتـساءلي علاه طول .. اللي حاب حاجة و مقتنع بيها ما يصـبرش عليها
و مهما واش قاتلو بينها بين مولاها ... انتي فقتي بعقليتها و تهـنيـتي من شـرها عـلاه هامـك صورتك قــدامو ..؟؟؟
يا حـسرا كاين رجال اقتنعو بالمرا و متاكـدين لي راها ما تصلحش و قالك هي و الا لا
و هو اذا مقـتنـع بيك راح يتـأكـد ماشي يصـدق و خـلاص
اذا ماجـاش انـسايه و اذا جاك تـأكـدي من كلشي قبل اي خـطوة
و الـدنيا راهي صـغيـرة تـطوال تـقصار راح الحق يبان و تعرفي كلشي بلا غير ما تسألي كلشي راح يجيك وحدو مسالة وقت و خلاص
نصيحة اخت بعدي عليهم و نساي كلشي و قولي حسبي الله و نعم الوكيل تكفيك


ربي يخليك اختي شكرا جزيلا وربي يهنيك

[ana lina]

نعطيك حل

أخطيك منها هذي تاع مصلحة برك ومكلاه تكسري راسك معها





ايه هذاك مكان خليها لربي وخلاص شكراا اختي

[ana lina]

من الافظل ماتعيطيلو ماوالو تقدر كي تعيطيلو تفتحي ابواب مشاكل اخرىة سيرثو راهي تهدد فيك اذن اخطيك منها وان شاء الله ربيب يعوضك احسن منو

صح قادرا تتفتح مشاكل اخرى شكراا اختي على النصيحة

[kahlou]

:dj_17:انا نقول بلي لازم تنساي الموضوع على خاطرش اذا كان يحوس عليك راه جاك قبل ما تتعافري مع اختو و ربي يعوضك احسن منو راكي عارفة بلي راكي كيما اختي الصغيرة اللي نحبها و نخاف عليها كيما نفسي ربي يجيبلك اللي فيه الخير

[ana lina]

:dj_17:انا نقول بلي لازم تنساي الموضوع على خاطرش اذا كان يحوس عليك راه جاك قبل ما تتعافري مع اختو و ربي يعوضك احسن منو راكي عارفة بلي راكي كيما اختي الصغيرة اللي نحبها و نخاف عليها كيما نفسي ربي يجيبلك اللي فيه الخير

:) ربي يخليك علابالي وانا نحاول نحي هادا الموضوع ن راسي وفكرة اني نعيطو لغيتها من راسي سايي راه كاين ربي هوا لي شايف وعارف وربي يخليك ويهنيك ويعطيك ماتتماني ان شاء الله :mh31:

[dahbi01]

السلام عليكم:
أولا أختي الكريمة كل ما بني على باطل فهو باطل
ثانيا: هاد الخطبة سببها محبة بينك وبين أخت المعني معناه شئ مؤقت.
ثالثا: الخطبة ولو كانت مبدئية ماشي بالطريقة هادي
- الخطبة على اساس ان الرجل ممكن يعجب بمن يراها مناسبة زوجة له والكل عنده معايير خاصة به كاين الرجل يعجبو أخلاق البنت والحياء نتاعها.كاين الي يعجبو زين المرأة المهم كل شخص لديه شئ في خاطره يتمنى يجده في من يبحث عنها.
ومن هذا المنطلق: أرى انك بعيدة عن ماقلته في رأي، لأن البنت في راي هي من تريد ان تختارك لأخيها،وهذا ليس شئ غريب وإنما اريد ان الفت لك فقط الإنتباه كي أقول لك: لا داعي ان تكلميه كما تزعمين وعليك بنسيان الموضوع تماما.
والله الموفق

[ana lina]

السلام عليكم:
أولا أختي الكريمة كل ما بني على باطل فهو باطل
ثانيا: هاد الخطبة سببها محبة بينك وبين أخت المعني معناه شئ مؤقت.
ثالثا: الخطبة ولو كانت مبدئية ماشي بالطريقة هادي
- الخطبة على اساس ان الرجل ممكن يعجب بمن يراها مناسبة زوجة له والكل عنده معايير خاصة به كاين الرجل يعجبو أخلاق البنت والحياء نتاعها.كاين الي يعجبو زين المرأة المهم كل شخص لديه شئ في خاطره يتمنى يجده في من يبحث عنها.
ومن هذا المنطلق: أرى انك بعيدة عن ماقلته في رأي، لأن البنت في راي هي من تريد ان تختارك لأخيها،وهذا ليس شئ غريب وإنما اريد ان الفت لك فقط الإنتباه كي أقول لك: لا داعي ان تكلميه كما تزعمين وعليك بنسيان الموضوع تماما.
والله الموفق


ربي يخليك ياختي عندك الحق في كل ماقلتي وانا خلاص مش راح نعيطلو ولا نحوس عليه ولا عليه راه ربي سبحانو لي عارف وشايف يكفي وربي يخليك