حائر يبحث عن النصح

[عادل بأذن الله]

تعرفت على فتاة منذ 8 اشهر احسست انها من كنت ابحث عليها احببتها وصراحتها ..ووجدتها تبادلني نفس الاحاسيس ..لكن المشكل الوحيد الذي كان يعيق ارتباطي بها كوني لا املك عمل قار وظروفي الماديه لا تسمح حاليا ...في البدايه كانت تقدر ظروفي الماديه وكانت تشجعني ....لكن بعد نجاحها في مسابقه توظيف تغيرت وصارات تتهرب مني ..وحين سالتها عن السبب كانت تقول اني اتخيل ...وعند الحاحي عليها اخبرتني ان الكلام لا يكفي لا بد ان اقدم على خطوه في الاتجاه الصحيح ..قلت لها اني مستعد ان اتقدم الى خطوتها وبعد الخطبه تنتظرني حتى انظم اموري في العمل .... لكن كان ردخا انها لا تعرف .....سالتها ومن يعرف قالت لا تسالني ..قلت لها انا اريد ان افعل اي شئ يريحك .. لكن كان ردها انها ليست مرتاحه سالتها من اي ناحيه لست مرتاحه معي امن الناحيه الماديه قالت من كل النواحي ...الان عندي شهر لا اتحدث معها ..وانا محتار واحيانا اسئل نفسي ما سبب تغيرها وهل احبتني حقا ..لا اعلم ماذا افعل ارجوا منكم النصح ......... وعذرا لان تعبيري ركيك بعض الشئ

[مراد12345]

يا أخي لنكن واقعيين لربما تعرفت على شخص آخر أقدر من ماليا وجاهز .

أخي من حقها أن تقول لك خذ خطوة في الإتجاه الصحيح ............................هذا من حقها .

يا أخي نصيحة إذا لم تكن مقتدار ماليا فأنسها وخيرها في غيرها أتركها تعيش حياتها

وعندما تجد عملا وتتحسن أوضاعك ستجد الفتاة المناسبة

[عادل بأذن الله]

اخي المشكل اني اخبرتها انه من حقها ..لكن فقط كانت تصارحني ما تخلينيش معلق كيما هاك ..وشئ الثاني انها تعرف ظروفي وكانت اسوء يعني الان ظروفي تتحسن
.......انا مش رايح نوقف في طريق سعادتها كي تقلي ما كتبش المكتوب بيناتنا وجاني واحد خير منك نتقبلها احسن من انها تعاملني بتكبر

[nouzha min]

شكرا جزيلا

[nouna l maghbouna]

اخي الكريم
هاد المخلوقة باينة كي نجحت في المسابقة ... دارت حساب جديد و بالاك عرفت واحد اخر و راهي باينة حابة تليكيديك و مالقاتش كيفاه
المهم اخي العزيز هاد غير انساها
و انشاالله تتحسن امورك و تلقا بنت لحلال اللي تستاهلك

[* الحلم سكر *]

اذا لم يكن بالحكاية سوء تفاهم آخر بينكم خلاها تتغير أو انك انت اللي حاس من عملها أنا نقلك : ...
1- اسـألـها اذا غلـطـت فيـها و الا قسـتها في حاجة معينة ...؟؟؟؟
2- اعرض عليها خطبة و الا حتى كلمة - و واضح انك على استعداد- و كفتاة نقلك :
* اذا راها صح باغياتك راح تفرح و حتى و لو تتردد راح توافق
* اذا رفضت و قالت ما علاباليش و مازالها تدرس في الماديات
خــــــلـــــيـــها و كـــون على يقـيـن راح يفـرج عليك الـرزاق و تتـحـسن كل امـورك وقتـها خـــمم في غـــيـــرها و خليـها ..بالاك تلق الواجـد..؟؟ و بالاك تنـدم على اللي راح..؟؟
ربـي مـــعاك

[loulou02]

ربي يفرج عليك أخي

[عادل بأذن الله]

اذا لم يكن بالحكاية سوء تفاهم آخر بينكم خلاها تتغير أو انك انت اللي حاس من عملها أنا نقلك : ...
1- اسـألـها اذا غلـطـت فيـها و الا قسـتها في حاجة معينة ...؟؟؟؟
2- اعرض عليها خطبة و الا حتى كلمة - و واضح انك على استعداد- و كفتاة نقلك :
* اذا راها صح باغياتك راح تفرح و حتى و لو تتردد راح توافق
* اذا رفضت و قالت ما علاباليش و مازالها تدرس في الماديات
خــــــلـــــيـــها و كـــون على يقـيـن راح يفـرج عليك الـرزاق و تتـحـسن كل امـورك وقتـها خـــمم في غـــيـــرها و خليـها ..بالاك تلق الواجـد..؟؟ و بالاك تنـدم على اللي راح..؟؟
ربـي مـــعاك


المشكل هنا يا اختي الكريمه اسالتها الا كاشما غلطت قتلها انجي نخطبك ....ما لقيتش رد واضح ..علابيها انا جبدت روحي ....الي محيرني يعني ممكن وحده تقلك نحبك وممبعد تتبدل لهذي الدرجه ...........في الاخير اشكرك على النصيحه اختي

[mina18]

اختي تقدم الى خطبتها من اهلها وشوف ادا قبلو اللهم بارك واكيد هي اذا كانت موافقة عليك رايحة تخليهم يقنعو واذا لم يوافقو اجبد روحك
الحل تكلم معها حدد يوم وتقدم لخطبتها وفي نفس الوقت اسعى للعمل ولو كان عمل مؤقت وفي نفس الوقت ابحث عن عمل لان الله هو الذي يرزق وكما يقولو ربي يبارك ويسهل فالزواج

[جمال الدين الأفغاني]

السلام عليكم

اعرف قصة وقعت لواحد نعرفو تقريبا تفس قصتك وقد وضعها هنا في المنتدى

قدر له الله والتقى بفتاة اعجبته كثيرا ولكن للأسف المسكين كمعظم الشباب لم يجد وظيفة

اتفق معها أنه اذا ما فاز باي مسابقة سيبادر بخطبتها ووافقت ودامت علاقتهما اشهر

ولكن للاسف تجري الرياح بما لا تشتهي السفن فبدأت المشاكل تظهر

واولها تخوفها من مستقبلها معه فبدات حسابات التراجع وفي نفس الوقت الخوف من ان تفرط فيه

يعني في هذه الحالات

تكون الفتاة في معركة حقيقية بين الواقع وبين الأمل

فمن جهة الواقع وكلام الناس اهلها وصديقاتها وما تراه هي امامها من تجارب فاشلة لزيجات

بنيت على اساس ان الشاب سيجد وظيفة بعد الزواج فتسمع هي عن الطلاق والمشاكل

فكل هذه الامور تجعلها متخوفة من الاستمرار معك والرهان عليك ولو كانت تحبك حقا

فما سبق واشرت اليه من عراقيل تسيطر على تفكير الفتاة تجعل الحب في آخر القاطرة

وفي نفس الوقت هناك أمل هو الذي يجعلها متمسكة بك وتخوفها الآخر في أنها ربما لن تجد أحسن منك

يجعلها تتمسك بك وتأمل أن تجد وظيفة تشجعها على القبول في الاستمرار في العلاقة

فلذلك اخي أنصحك نصيحة مجرب اتصل بها مادام العلاقة بينكما على أساس نية الزواج

وقل لها يا فلانة لدي لك كلمتين لا ثالث لهما :

إما أن نحلل العلاقة التي بيننا وآتي لخطبتك شرعا ونبني حياتنا طوبة طوبة كما يقال

وإما كل واحد فينا في طريق وربي يجبي اللي فيه الخير ليا وليك

وقل لها سأترك لك التفكير ما تشائين من الوقت المهم أن يكون قرارك نهائيا ولا رجعة فيه

فلكي تذهب انت وتبحث عن أخرى تقبل بك كما أنت

لذلك اخي اتخذ الموقف الذي يجب ان يتخذه أي رجل وكن رجلا بكل ما تحمله الكلمة من معنى

اعرف ان الحب قوي وصعب أن يضع الانسان حبه في كفة وكرامته في كفة أخرى

لكن صدقني اخي الكريم لو تغلب عليك الحب وبدأت في التنازلات فسلم لي على كرامتك وستندم ندما عظيما

لذلك من الآن فكر انت جيدا واتخذ الموقف من ناحيتك واخبرها بما قلته لك

اما الخطوبة والتكلان على الله واما الفراق

لا يوجد حل ثالث وربي يتمم العلاقة بينكما ويرزقكما زواجا مباركا ويرزقك انت الوظيفة

وكل شباب المسلمين اللهم آمين اللهم آمين

[dahbi01]

اخي الكريم :
حذاري حذاري حذاري منها وأنصحك ان تبتعد عنها فورا،مدام درت الواجب نتاعك وهي تتهرب خطيك منها وهادي لوكان تواصل معاها زاوجك مصيره الفشل.
وماتديش وحدة هي مراهيش راغبة فيك لأنو من بعد رايح يكون خداع وعار
أسألك سؤال:
مثال انت صاحبي تطلب مني حاجة وبعد إلحاح عطيتها لك لكن ماشي من خاطري وانت تحس بها -هل تعجبك هاد الحاجة ..؟ طبعا لا
ربي يعطيك الي فيه الخير ورايحة تخرجش فيها نيتك إذ كان الشي الي صرحت لينا به يكون قراءة صحيحة وهداك هو الي في نيتها هي باه ما نغلطوا في حق حتى واحد

[nibrasse76]

وانا بدوري حائر فيك انت .؟؟؟ وحده تقولك هكذا ...وتليكيدي فيك وانت لاصق فيها .....المفروض انك تشترط عليها عدم العمل من الاول ...وتأكد ان هذه السلبية و التساهل والذي انت عليه هو السبب الرئيسي في نفورها ....خليك يا راجل ..المراة من ربي ناقصة عقل ودين ..وزيد تحكم شوية دراهم تولي ناقصة حياء واخلاق بالكامل ....

انسى الهم ينساك ..واصل حياتك وكانه لا حدث ....

[mostariyaya]

يااخي لو كانت تحبك لاختارتك رغم ظروفك لكن ..................اخي تفرغ لبناء مستقبلك وكن قويا واعلم الرجل معرض للسقطات ومنها يتعلم سلام

[دروب التابعين]

نتا لي غلطت معاها ستناتك حتى كرهت وراحت تخدم
من المفروض الواحد مش قادر على شقاه مايبداش اصلا ويوكل ها للربي
من المفروض ماتعملش علاقه وهذه ثمارها العذاب والشقاء
ومستحيل انسان يتغير على خوه كون مايكونش دارلو جاست توجعو بزاف
واضح انو جرت بينكم مشاكل
والا فلما انسحب احد ال طرفين
او بالاحرى اصابه الملل واراد تغيير هذه الحياة المتارجحة
نعم انت متارجح وهي اكثر منك
انت علقت البنت وجعلتها في دوامة اذن ماهيش عارفه وشراها تخدم
والوظيفة ماهيش داخله فلوسط
لانها لو ارادت انها تليكيديك تروح ديراكت للرجل ااخر وتصارحك بلحقيقة
ربي يفرجها عليك الاخ
اعمل معروف وقلها بلي نجيك كي نولي نخدم وهي راهي تخدم وشوف ردة فعلها
اذا قاتلك بلي نستنى ولا تقلك روح فجهة اخرى
الفتاة عمرها ماتخليك حاير تقلك ابقى ولا روح
المسالة مسالة عمل
عدم عملك سبب لك الوسوسة وسبب لكما دوامة من المشاكل والتارجح
واذا فلما كتبت فلعنوان انك حائر والا فلما هي قالت لك منيش عارفه سال روحك وما مدتلك حتى جواب
عدم عملك سبب المشاكل وحسب
وتوكل على الله وابحث عن عمل وربي يوفقك انها تكونلك
نسالك سؤال كون جيت تخدم ااسكو كانت راح تليكيديك
ماظنيتش اخي
المشكل راه فيك
البنات عادة مايحبوش يستناو يحبو كلش رسمي والا اذا دخلت في علاقة تولد المشاكل والتوتر

[عادل بأذن الله]

نتا لي غلطت معاها ستناتك حتى كرهت وراحت تخدم
من المفروض الواحد مش قادر على شقاه مايبداش اصلا ويوكل ها للربي
من المفروض ماتعملش علاقه وهذه ثمارها العذاب والشقاء
ومستحيل انسان يتغير على خوه كون مايكونش دارلو جاست توجعو بزاف
واضح انو جرت بينكم مشاكل
والا فلما انسحب احد ال طرفين
او بالاحرى اصابه الملل واراد تغيير هذه الحياة المتارجحة
نعم انت متارجح وهي اكثر منك
انت علقت البنت وجعلتها في دوامة اذن ماهيش عارفه وشراها تخدم
والوظيفة ماهيش داخله فلوسط
لانها لو ارادت انها تليكيديك تروح ديراكت للرجل ااخر وتصارحك بلحقيقة
ربي يفرجها عليك الاخ
اعمل معروف وقلها بلي نجيك كي نولي نخدم وهي راهي تخدم وشوف ردة فعلها
اذا قاتلك بلي نستنى ولا تقلك روح فجهة اخرى
الفتاة عمرها ماتخليك حاير تقلك ابقى ولا روح
المسالة مسالة عمل
عدم عملك سبب لك الوسوسة وسبب لكما دوامة من المشاكل والتارجح
واذا فلما كتبت فلعنوان انك حائر والا فلما هي قالت لك منيش عارفه سال روحك وما مدتلك حتى جواب
عدم عملك سبب المشاكل وحسب
وتوكل على الله وابحث عن عمل وربي يوفقك انها تكونلك
نسالك سؤال كون جيت تخدم ااسكو كانت راح تليكيديك
ماظنيتش اخي
المشكل راه فيك
البنات عادة مايحبوش يستناو يحبو كلش رسمي والا اذا دخلت في علاقة تولد المشاكل والتوتر
اولا اختي انا من الاول صارحتها بكلش وقتلها بلي انجي نخطبك كي نولي نخدم ....ثانيا بالرغم الي منيش نخدم بالديبولم الحمد لله انجيب رزقي ....ثالثا اختي الكريمه انا قتلها انجي نخطب رابعا انا طارح المشكل هذا باه ندي النصيحه من الناس الي مجربه ...رابعا حاب نعرف الا راني غلطت في حقها لانوا بالرغم من كلش نتمانلها الخير وقلتهالها ..............في الاخير عمري ما راح نختار الحب على حساب كرامتي ...........وشكرا كثيرا على ردودكم اخوتي والله جد شاكر لكم بارك الله فيكم

[mostariyaya]

والله تاثرت بموضوعك وردك لكن حاول ان تنسى يا اخي ابني نفسك فلديك الامل ولا تنسى الله في كل اوقاتك الدنيا تعلمنا والله انك نعم الرجل واتمنى لك التوفيق واجتهد لكي تحقق احلامك :mh31::mh31::mh31::mh31::mh31::mh31::mh31:ولي خلق ما يضيع

[* الحلم سكر *]

المشكل هنا يا اختي الكريمه اسالتها الا كاشما غلطت قتلها انجي نخطبك ....ما لقيتش رد واضح ..علابيها انا جبدت روحي ....الي محيرني يعني ممكن وحده تقلك نحبك وممبعد تتبدل لهذي الدرجه ...........في الاخير اشكرك على النصيحه اختي

يا أخي تبقى آراءنا جميعا و حتى افكارك - تكهنات - علابيها قتلك اسألها مباشرة و اخرج من هاذي الدوامة
شـوف خـويا ساعات المرا اذا قاتلك كلمة - ما علاباليش - يعني راها ملت الكلام و الانتظارو الوعود
خاصة انو لوكان جات حابة المادة ما تبداش معاك و انت ماراكش خدام ؟؟؟
و يبقى ايضا احتمال انها تغيرت و الا مترددة الله اعلم
و بـذات الوقت انت اذا تقدمت ليها من جهة تصفي نيتك و تبينلها لي راك درت موقف
و من جهة تجس نبضها و الا مازالت حابة تكمل معاك

ملاحظة برك اللي راك فيه ماراهوش ضعف بالعكس عدم خدمتك ماشي عيب و طرحك لمشكلتك عمرو ما ينقص من قيمتك كرجل علاه الرجل حجرة ما يحسش و الا لازم يتـحـجـر و الا ماراهوش فحل و ضعيف
الراجل خويا عيبو اذا حاط رجل على رجل و ماراهوش يسعى و الرزق على ربي انت كنت واضح و خدمتها هيا ثاني رزق و ماشي معنى هيا خدمت قبلك يعني زادت فيها و نقصت منك هاذي افكار واحد اصلا ما يخممش
صـارحها و حط نقاط على الحروف قال يا بنت الناس نبداو باللي كان ايه و الا لا و خليها على ربي و بيديها و ارتاح
ربـــي معاك ... آسفة على الاطالة و التدخل مرة اخرى ولكن نتمنى تكون فهمت كلامي

[* الحلم سكر *]

نتا لي غلطت معاها ستناتك حتى كرهت وراحت تخدم
من المفروض الواحد مش قادر على شقاه مايبداش اصلا ويوكل ها للربي
من المفروض ماتعملش علاقه وهذه ثمارها العذاب والشقاء
ومستحيل انسان يتغير على خوه كون مايكونش دارلو جاست توجعو بزاف
واضح انو جرت بينكم مشاكل
والا فلما انسحب احد ال طرفين
او بالاحرى اصابه الملل واراد تغيير هذه الحياة المتارجحة
نعم انت متارجح وهي اكثر منك
انت علقت البنت وجعلتها في دوامة اذن ماهيش عارفه وشراها تخدم
والوظيفة ماهيش داخله فلوسط
لانها لو ارادت انها تليكيديك تروح ديراكت للرجل ااخر وتصارحك بلحقيقة
ربي يفرجها عليك الاخ
اعمل معروف وقلها بلي نجيك كي نولي نخدم وهي راهي تخدم وشوف ردة فعلها
اذا قاتلك بلي نستنى ولا تقلك روح فجهة اخرى
الفتاة عمرها ماتخليك حاير تقلك ابقى ولا روح
المسالة مسالة عمل
عدم عملك سبب لك الوسوسة وسبب لكما دوامة من المشاكل والتارجح
واذا فلما كتبت فلعنوان انك حائر والا فلما هي قالت لك منيش عارفه سال روحك وما مدتلك حتى جواب
عدم عملك سبب المشاكل وحسب
وتوكل على الله وابحث عن عمل وربي يوفقك انها تكونلك
نسالك سؤال كون جيت تخدم ااسكو كانت راح تليكيديك
ماظنيتش اخي
المشكل راه فيك
البنات عادة مايحبوش يستناو يحبو كلش رسمي والا اذا دخلت في علاقة تولد المشاكل والتوتر
اختي كلامك الى حد كبير منطقي خاصة ان لثنين راهم في دوامة و حيرة لكن حبيت نبهك انو ماضربهاش على يديها و قالها ابداي معاي
يعني اللي ماراهيش قادرة على ظرف ماكلاه توافق و هنا اللوم ماشي على الراجل وحدو
و من جهة أخرى ممكن جدا واحد خدام و تليكيديه و يترفض
ارجو ان تتقبلي مروري

[khouloudnicegirl]

كان الله في عونك ويقول المثل الي باعك بالفول بيعو بقشورو

[عادل بأذن الله]

شكرا كثيرا على ردودكم ونصائحكم استفدت منها بزااااااااف بار الله فيكم لانكم اعطيتموني القليل من وقدتكم الثمين

[mitrochka]

السلام عليكم و رحمة الله و بركاته
اخي الكريم من خلال قراءتي للمشكلة استنتجت شيئا واحدا
أن هذا كله مجرد دراسة لإحتمالات في ذهنك أنت
يعني إسأل الأخت الكريمة مباشرة عن السبب التغير و اعرض عليها الخطبة
إن رأيت ترددا منها او تسويفا فوكل امرك لله تعالى و انسحب
و سيغنيك الله من فضله الكريم إن شاء الله

[leila ben]

يا أخي ثقل روحك عليها ادا كانت حاباتك راهي تجي وتقولك راني موافقة تجي تخطبني لأنها ماشي حابة تفقدك ولن تقبل بابتعادك عنها لدا لم تحسم الأمر وادا لقيتها سامحة فيك أنساها وخيرها في غيرها مع صلاة الإستخارة
إتكل على ربي وأحسن الظن به ولا تقلق إدا راحت فتأكد أنها ليست من نصيبك لأنها ببساطة ماشي مكتوبك برك سبقت الأحداث كي تعرفت عليها تدكر هدا الكلام دائما من أختك
ربي يوفقك ونتمنالك غير الخير بشرنا ادا حليت مشكلتك

[هدى الجيجلية]

السلام عليكم
اخي
لو كانت هذي البنت تحبك
صح
كانت قدرت ظروفك
وتكون معاك في السراء والضراء
انا بدوري
اقلك
شوف حالك
ولا تفكر فيها
وإن شاء الله ربي
يرزقك بوحده
تصونك وتكون معاك في كل شيء

[عادل بأذن الله]

قريت كامل ردودك بتمعن واهتمام ..وصليت صلاة استخاره وقررت بلي نجبد روحي عليها ونلهى نحسن ظروفي الماديه .. بلا ما انزيد نحكي معاها ولا ندخل في حياتها نخليلهل الحريه وكي نوجد روحي نروح نخطب مباشره واكيد اذا كانت من مكتوبي رح يسهلي ربي .......شكرا لكم خاوتي والله ردودكم ريحتني بزاااااااااف

[بين الحقيقة و السراب]

2- اعرض عليها خطبة و الا حتى كلمة - و واضح انك على استعداد- و كفتاة نقلك :
* اذا راها صح باغياتك راح تفرح و حتى و لو تتردد راح توافق
* اذا رفضت و قالت ما علاباليش و مازالها تدرس في الماديات
خــــــلـــــيـــها و كـــون على يقـيـن راح يفـرج عليك الـرزاق و تتـحـسن كل امـورك وقتـها خـــمم في غـــيـــرها و خليـها ..بالاك تلق الواجـد..؟؟ و بالاك تنـدم على اللي راح..؟؟
ربـي مـــعاك



ربّما أوافق الأخت في ردّها هدا
ثمّ وبصراحة [خطيك خويا من قلت لها و قالت لي ...أنتَ تقدَّم => يا نعم يا لا و انتهى]
وخيرها في غيرها

[بين الحقيقة و السراب]

قريت كامل ردودك بتمعن واهتمام ..وصليت صلاة استخاره وقررت بلي نجبد روحي عليها ونلهى نحسن ظروفي الماديه .. بلا ما انزيد نحكي معاها ولا ندخل في حياتها نخليلهل الحريه وكي نوجد روحي نروح نخطب مباشره واكيد اذا كانت من مكتوبي رح يسهلي ربي .......شكرا لكم خاوتي والله ردودكم ريحتني بزاااااااااف

قــــرار صائب، من يدري ربّما تكون من نصيبك
فقط انسى أمرها و شمّر عن دراعيك و توكّل على الحيّ القيّوم

أسأل الله لكَ التّوفيق

[sarl02]

قريت كامل ردودك بتمعن واهتمام ..وصليت صلاة استخاره وقررت بلي نجبد روحي عليها ونلهى نحسن ظروفي الماديه .. بلا ما انزيد نحكي معاها ولا ندخل في حياتها نخليلهل الحريه وكي نوجد روحي نروح نخطب مباشره واكيد اذا كانت من مكتوبي رح يسهلي ربي .......شكرا لكم خاوتي والله ردودكم ريحتني بزاااااااااف

يا اخي الامر واضح وبين ...هناك بعض الناس في وقتنا الحاضر اتبدلهم الوظيفة وتغير احوالهم كاين الي كي افتح عليه ربي ببوست تاع خدمة اتبدل حتى على اقرب الناس ليه وانسى كيفاش كان وانت بنفسك قلت بلي اتبدلت من جيهتك بمجرد حصولها على الوظيفة ....بصراحة يا اخي هذه البنت ما راكش امقنعها انت ذرك يعني راهي اتشوف روحها خير منك وتستهل واحد خير منك لانك ماكش خدام بعمل قار وثابت...بصح نصيحتي ليك الي ما يوقفش معاك في الظروف الصعبة اخرجه من حساباتك نهائيا وتاكد انو الدنيا ادور وراح تتحسن احوالك باذن الله واكيد هذه الفتاة ستندم لانك درت الي عليك وماكش حاب تخسرها وهي راهي تتجنب فيك ..بالتوفيق اخي.

[مريم الصابرة]

السلام عليكم اخي
شوف خويا نجاوبك من باب ما ندافعش عليها لكن من باب نظرتها هي للامر
الفتاة لما ترعف واحد واش تكون تستنى غير الخطبة واللي تفرح بيها بزاف لطن أغلب الرجال يتهربو بعدة حجج الخدمة والدار وكذا وكذا هي ممكن شافتك كل مرة تتماطل راهي خمت باللي ماراحش تخطبها وحتى لو قلتلها نجي ممكن تقولك دارنا ما يقبلوش كان يستناوك او لا
إنت ما تبقاش فالحيرة هذي أحكي معاها كي جبدت روحك راك بينتلها باللي صح كنت تتمسخر روح احكي معاها او إتصل بها قولها راني جاي لداركم وثم تعرف الحقيقة كان قاتلك تفضل خير وبركة كان ما قبلتش ديركت سقسيها السبب وربي إن شاء الله ربي يجيب الخير موفق

[نسائم الشوق]

تعرفت على فتاة منذ 8 اشهر احسست انها من كنت ابحث عليها احببتها وصراحتها ..ووجدتها تبادلني نفس الاحاسيس ..لكن المشكل الوحيد الذي كان يعيق ارتباطي بها كوني لا املك عمل قار وظروفي الماديه لا تسمح حاليا ...في البدايه كانت تقدر ظروفي الماديه وكانت تشجعني ....لكن بعد نجاحها في مسابقه توظيف تغيرت وصارات تتهرب مني ..وحين سالتها عن السبب كانت تقول اني اتخيل ...وعند الحاحي عليها اخبرتني ان الكلام لا يكفي لا بد ان اقدم على خطوه في الاتجاه الصحيح ..قلت لها اني مستعد ان اتقدم الى خطوتها وبعد الخطبه تنتظرني حتى انظم اموري في العمل .... لكن كان ردخا انها لا تعرف .....سالتها ومن يعرف قالت لا تسالني ..قلت لها انا اريد ان افعل اي شئ يريحك .. لكن كان ردها انها ليست مرتاحه سالتها من اي ناحيه لست مرتاحه معي امن الناحيه الماديه قالت من كل النواحي ...الان عندي شهر لا اتحدث معها ..وانا محتار واحيانا اسئل نفسي ما سبب تغيرها وهل احبتني حقا ..لا اعلم ماذا افعل ارجوا منكم النصح ......... وعذرا لان تعبيري ركيك بعض الشئ


ماكان بينكما لم يكن حبا ابدا بدليل تغيرها فجأة بسبب نجاحها في المسابقة
وترددها في التجاوب معك دليل سطحية معرفتها بإحساسك نحوها ولو كانت تحبك حقا لساندتك
حتى النهاية واجتمعتما تحت سقف بيت واحد
ولانك لم تكلمها حتى الآن فهذا جيد من نحاية أنك تريد تشعرها بك وبغيابك عنها
وما نتمناه أن تعرف هذه الفتاة بأن ماتشعره نحوها حقيقة وليس كذبا وبأنه لا يتوقف كل شيء على المال
مسألة وقت وينتهي الإشكال ،،

[نبراس الصداقة]

تعرفت على فتاة منذ 8 اشهر احسست انها من كنت ابحث عليها احببتها وصراحتها ..ووجدتها تبادلني نفس الاحاسيس ..لكن المشكل الوحيد الذي كان يعيق ارتباطي بها كوني لا املك عمل قار وظروفي الماديه لا تسمح حاليا ...في البدايه كانت تقدر ظروفي الماديه وكانت تشجعني ....لكن بعد نجاحها في مسابقه توظيف تغيرت وصارات تتهرب مني ..وحين سالتها عن السبب كانت تقول اني اتخيل ...وعند الحاحي عليها اخبرتني ان الكلام لا يكفي لا بد ان اقدم على خطوه في الاتجاه الصحيح ..قلت لها اني مستعد ان اتقدم الى خطوتها وبعد الخطبه تنتظرني حتى انظم اموري في العمل .... لكن كان ردخا انها لا تعرف .....سالتها ومن يعرف قالت لا تسالني ..قلت لها انا اريد ان افعل اي شئ يريحك .. لكن كان ردها انها ليست مرتاحه سالتها من اي ناحيه لست مرتاحه معي امن الناحيه الماديه قالت من كل النواحي ...الان عندي شهر لا اتحدث معها ..وانا محتار واحيانا اسئل نفسي ما سبب تغيرها وهل احبتني حقا ..لا اعلم ماذا افعل ارجوا منكم النصح ......... وعذرا لان تعبيري ركيك بعض الشئ

السلام عليكم
خويا عادل
من قسم الخواطر وكتاباتك عرفت أن ورائك ألما كبيرا
قد خبأته
وفضحته حروفك
أولا ربي يكون في عونك ويرزقك بالعمل القار ويحسن أحوال المادية والنفسية
سبب تغيرها ربما لم تكن مقتنعة من الأول
أوربما كانت تضيع في الوقت مابين تحكم خدمة اعذرني على هذا التعبير
هناك نوع من الناس يتغير بلا سبب ربما السبب الوحيد أنهم كانو يخدعون من الاول
ونحن من لم نكتشف حقيقتهم
ولم نسقط عنهم القناع
كلمة واحدة وارتاح يا هك يا هك
قلها يا بنت الناس تحبي نكملوها بالحلال ونخطبك
ولا كل واحد يروح في سبيل حاله
لاني نشوف انها هي ناوية على الفراق لكنها ماقالتهاش
لانه الانسان الي يكون ينتظر في شيء ويجي راح يفرح
ويستعجل ممكن مش يتردد ومايعرفش وش يقول
اظنها لا تريدك بعد الان
لكن حتى لا نظلمها كلمها لمرة اخيرة
هل تقبلين ام ترفضين
وانتهي من الحكاية هادي مرة وحدة وارتاح
ماتبقاش مقلق وتتعلق بهيا اكثر اذا وافقت وكتب ربي مادابينا
واذا لا تتعب شوية ومن بعد تنساها كيما نساتك
والخيرة فيما اختاره الله
وتعرف المثل الي يقلك
وقوع البلاء ولا انتظاره
فالانتظار والخوف من المجهول هو الذي يتعبنا اكثر
لكن حين نقطع الشك باليقين صدقني سترتاح
ولا تنسى قول الامام الشافعي رحمه الله
وفي القلب صبر للحبيب ولو جفا
لذلك اخي عادل توكل على ربي احكي معاها يا هك يا هك
ماتخليهاش تبقى تأجل
لانها هي تعرف الجواب وانت الي بقا ينتظر ومش عارف وش يدير
وفي الاخير ربي يقدملك الي فيه الخير خويا
تستاهل كل خير
اسفة على الاطالة


لكن تعليق اخير لا تعلق قلبك مرة اخرى بمن هي ليست لك
فلا أحسن من الحب الحلال الذي يكون لزوجتك فقط لانها ستكون لك وتكون لها فقط

دمت بود

[khadouj_1985]

هي لا تحبك هي فقط كانت ترضي بك غرورها فلو احبتك لبقيت واقفة معك و هذي سمحت فيك من الاول تخيل تصرالك حاجة لا قدر الله تخليك في نص الطريق و الدنيا ظروف الله اعلم بحالها هي تاني حنا سمعنالك انت و لكن هي ماعلابالناش واش كاين فراسها و انا نقولك لو انها بنت اصل لاختارتك و كملت معاك انا لي صديقة كانت تتمنى تخدم هي او زوجها و ما عندهاش فرق و الحمدلله و فقعا ربي و صبرت و هو تاني فرج عليه ربي ربي يسر امورنا اخي و الخيرة فيما اختاره الله

[عادل بأذن الله]

حاس روحي في دوامه غارق .

[بين الحقيقة و السراب]

حاس روحي في دوامه غارق .

أنتَ تُساير نفسك.. عاند و قاوم.. لا تكن ضعيفا:mad:
فكّر بعقلانية و اترك عنكَ العاطفة [هي سبب هلاككم:mad:]
.
.
.
اعزم فقط و توكّل على الله
[و اهجر كلّ ما يذكركَ بها ==> و الله وليّ التّوفيــــــق]

[imene12]

وانا بدوري حائر فيك انت .؟؟؟ وحده تقولك هكذا ...وتليكيدي فيك وانت لاصق فيها .....المفروض انك تشترط عليها عدم العمل من الاول ...وتأكد ان هذه السلبية و التساهل والذي انت عليه هو السبب الرئيسي في نفورها ....خليك يا راجل ..المراة من ربي ناقصة عقل ودين ..وزيد تحكم شوية دراهم تولي ناقصة حياء واخلاق بالكامل ....

انسى الهم ينساك ..واصل حياتك وكانه لا حدث ....

عيب عليك يا راجل يا كامل يا مكمل... و الله كلامك يدل على حسن تربيتك و رجولتك...
المرأة اللي راك تسب فيها راها امك و اختك و مرتك و بنتك.

[الحنان المفقود]

أخي صراحة هي عندها حق
هههههه:o
أنا أعمل في عقود الزفت
تعرفت على أحدهم كان سوف يجيء لخطبتي
قال بأنها توجد جميع مواصفات فتاة أحلااااااااامه
في أنا .

أخي
ماذا فعل عندما أعلمته بأني مؤقتة فقط ولست دائمة في عملي
قال بأنه سوف يبحث عن عاملة مستقرة:1:

عادي جدا بالنسبة لي
هو أدرى بمصلحته
حتى أنت
أغلق تلك المذكرة التي كانت بيدك وإن استطعت احرقها
أخي
ابحث عن أخرى
لا تبيع الرجال من أجل الماااااااال
هل فهمت أخي ؟
سهل النسيان كما هو سهل البيع:19:
سوف تجد من تحبك لشخصك ولظروفك ولا تبيعك أبدا
لكن
إياك أن تبحث عن عاملة لأنها سوف تكون كمن غيرها:sdf:

المصلحة فوق كل شيء

لهذا
لقد قررت عندما يخطبني أي رجل سوف يكون شرطي الوحيد المكوث في البيت
حينها سوف أتأكد من أنه سوف يبيع أو لا

http://sphotos-b.xx.fbcdn.net/hphotos-snc7/s480x480/407903_511508932214778_407386926_n.jpg

[bibicha]

شوف اخي هاذ المخلوقة فالاول نتا و هي كنتو في نفس المستوى و بعدها كي ربحت المسابقة شافت بلي نتا ما تساعدهاش لانها بدات تخدم وووو و مجاوباتكش لانو من جيهة خايفة تقولك مكانش مكتوب و تبقى صفر اليدين مكانش باش تحكم يدها و الظاهر هاذ المخلوقة فاتت 25سنة من عمرها (راني نحكي على اساس التفكير في هاذ السن) المهم كاينة حاجة نقولك عليها نتا باين عليك وليد فاميليا و فيك النية و زيد الرزق على ربي سبحانو انا كي تزوجت والله و ربي شاهد على كلامي الخاتم انا لي شريتو لانو زوجي كان خدام قيس قيس و ماكفاوهش دراهمو و بعد الزواج ربي طرح بيناتنا البركة و الحمد لله لاني كنت قانعة و مهما ساءت ظروفي كنت نحمد ربي و زوجي ربي رزقو و انا تان رجعت نخدم و الحمدلله ياربي
المرأة هاذي ما تحبكش سمحلي لانو لي يحبك يصبر معاك و تقولش مانيش خدام و العيب فيا ربي حنين كريم و ما تعرف واش مخبيلك غدوة و لي عند ربي ما راهي بعيدة نتا في هاد الوقت عليك بالاستخارة و بعدها دير اول خطوة و قولها جاوبيني من ظرك نجي نخطبك ولا الله يساهل لانو المرأة لي ما تحوسش على انسان عزيز شهر كاينة حاجة

[ام نسمة]

الله يجيب الخير ننصحك تصلي استخارة وفوض امرك لله تنال خير ان شاء الله

[مسلمة وافتخر17]

احمد الله انا الامور توضحتلك من درك لوكان لحكاية بانت فالوسط لوكان خلاتك قفة بلا يديك
يااخى انت راك راجل وتصيب 10000 من تتمناك
وش تقول في حكايتى انا بعدا عامين خطبة راضية بعدم عمله وبعدم السكن ومسهلتلو كل الامور حتى المصروف مانخليهش يصرف بعد الشيء هدا ربيطنى بورقة عقد ورمانى بورقة عقد
الله كبير وحد ربي
والله يهديكم ويهدينا رانا في وقت سوء النية في كلا الجنسين

[nibrasse76]

عيب عليك يا راجل يا كامل يا مكمل... و الله كلامك يدل على حسن تربيتك و رجولتك...
المرأة اللي راك تسب فيها راها امك و اختك و مرتك و بنتك.

واضح ان حياتك كلها ليس فيها رجال حقيقيون ...لذا اختلط عليك مفهوم الرجولة ....كما اتمنى ان لا تكوني ممن يملكون شوية

دراهم ايضا... مع ان كلامك لا يصدر سوى من تلك الاشكال .

[YASMINE SILA]

اما الخطوبة والتكلان على الله واما الفراق

رايي من راي الاخ جمال الدين الافغاني
ربي يسهلك باذن الله

[عطر الدنيا]

اخي جمال الدين الافغاني وفى وكفى

[الوليـــــد]

سألو الراجل الجزائري : لم لم تتزوج بعد؟ فأجاب حتى أجد عملا.
و سألوا المرأة الجزائرية: لم لم تتزوجي بعد؟ قالت: سأتزوج إن لم أجد عملا.

أرجو أن تكون قد فهمت المغزى جيدا أخي الكريم.

[الوليـــــد]

و قال الشافعي رحمه الله:
اذا المرء لا يرعاك الا تكلفا * * * فدعه و لا تكثر عليه التأسفا
ففي الناس أبدال و في الترك راحة * * * و في القلب صبر للحبيب و لو جفا

[فتـ حييةـاة]

راي من راي الاخ جمال
قوللها اما نتزوجو اما كل واحد في ريق والنسا راهم بزااااف

[faty05]

اخي نصيحتي
روح اهدر مع باباها اطلب يدها
تما تتوضحلك الامور
اذا تحبك راح تكبر في عينيها
و اذا لالا راح ترفض
هكا به تتهنا من هد العلاقة في الحرام خطراش ما تجيب غير لهموم و العذاب
حتى و ان كانت نيتك صافية معاها هذا ما يكفيش لازم تبع طريق ربي به يباركلك و يسهلك امورك
و ما تنساش تردلنا بالخبر
ربي يفتح عليك

[عادل بأذن الله]

اخي نصيحتي
روح اهدر مع باباها اطلب يدها
تما تتوضحلك الامور
اذا تحبك راح تكبر في عينيها
و اذا لالا راح ترفض
هكا به تتهنا من هد العلاقة في الحرام خطراش ما تجيب غير لهموم و العذاب
حتى و ان كانت نيتك صافية معاها هذا ما يكفيش لازم تبع طريق ربي به يباركلك و يسهلك امورك
و ما تنساش تردلنا بالخبر
ربي يفتح عليك
ههههههه والله لخبر انا غلطت طحت في وحدا ما تستاهلش هذا هو لخبر..بلاك ربي شافلي هاك خير

[ميمنة الجزائر]

ربي يرزقك بالزوجة الصالحة واللي فيه الخير يقدمو ربي

[أمة الله 12]

يا اخي ممكن هي ما قدرتش تقولها, قولها انت و اطلب منها جواب بنعم او لا فقط, و كل واحد يروح في حالو

[بين الحقيقة و السراب]

خليك يا راجل ..المراة من ربي ناقصة عقل ودين ..وزيد تحكم شوية دراهم تولي ناقصة حياء واخلاق بالكامل ....

و الله ؟!! ..
(و الذين يؤذون المؤمنين و المؤمنات بغير ما اكتسبوا فقد احتملوا بهتانا و إثما مبينا ).

واضح ان حياتك كلها ليس فيها رجال حقيقيون ...لذا اختلط عليك مفهوم الرجولة ....كما اتمنى ان لا تكوني ممن يملكون شوية
دراهم ايضا... مع ان كلامك لا يصدر سوى من تلك الاشكال .

و بعد كلّ ما ذكرتَهُ أكره أن أكون لكَ مجيبا ..
رغم أنّي لستُ المخاطب في قولك و لكنّ الأمر يعنينا بالكامل كما قلتَ ،

فـ [ زن كلامك ..]

[ريم الفلى]

ربي يسهل على كل واحد ومن رايي انا انو تخليها مادامت هي معلاباهاش بيك بالعكس تخدم وتجتهد وتكون روحك من بعد تجيب لالة لبنات وتولي هي لوكان يقدر ربي وتلقاها تندم عليك

[kaouther cha]

ربي يفرج عليك أخي


نعم نشاله يفرج عليك ربي وتلقا خير منها

[نسمة تفاؤل]

نقولك حاجة اذا راهي مازالت في بالك وعاجباتك ابعث داركم يخطبوهالك واذا قبلو بها ونعمت واذا ماقبلوش خيرها في غيرها حتى باه تنح الشك من بالك وربي يسهلك وماتنساش تطمنا عليك وربي يفتح عليك بالعمل القار وسلام

[yacine-08]

يا خويا ماعندكش الدراهم باش تقوم بعرسك وتتزوج

اعفس على قلبك وريح عاااااقل

وتوقع اي شيييييييييييييييئ .

رانا كلنا في نفس الحاااالة .لو سمحت لنا ظروفنا لتزوجنا

راهم يتبعو المادة واش عنبااااالك

[عادل بأذن الله]

ربي يحفظكم على ردودكم . ومجتاج دعائكم بالهدايه وصلاح العمل في هذي الايام المباركه

[natacha.amir]

roh hot 3liha lkalma rahi 3andeha l hak ki katlek manich martaha belek rahi khayfa

[sali-sali]

السلام عليكم
1 الحب هدا مكاش منه قبل الزواج ...الحب بعد العشرة..اما قبل ،ا تفق معك ان يكون اعجاب
2 - تحدث معها اخر مرة ادا استطعت قل لها انك تريد الحلال و ستتقدم الى خطبتها ..ومن ردة فعلها ستعرف ان هي موافقة ام تريد الابتعاد
3 - كل شي بالمكتوب ...عسى ان تحبوا شيئا وهو شر لكم .....