طريقتنا الرائعة في صنع معجون التشينة

[خربشة ناعمة]

السلام عليكم و رحمة الله و بركاته
بما انه البرتقال راهوا متوفر حبيت نحطلكم طريقتنا و هي رائعة والبنة روعة وجي عاقد
اولا نجيبوا التشينة نغسلوها وكي نجيوا باش نقشروها لازم نقشروها بشكل خفيف يعني لازم تبقى فيها هاديك الغلاف الابيض
و مبعد نحطوها تفور في كسكاس لمدة 20دقيقة والماء اللي فارت عليه نحتافظوا به
منبعد كي تبرد شوية نحكموا بالحبة نقسموها كل برج وحدوا عادي
منبعد نجيبوا قدرة شوية عريضة نحطوا فيها هادوك لبراج كامل و نفرغوا عليهم السكر
و نزيدوا نفرغواا عليهم هاداك الماء اللي فارت عليه التشينة مع حبة قارص مقسومة على زوج
ونديروا يطيب على نار قليلة حتى هادوك الابراج يدبالوا و الماء يعقاد ويثقال
و الشكل انتاعوا روعة مع هادوك لبراج

اما المقادير عيني هي ميزاني
تقدري ديري كيلوا برتقال يكيلوا سكر
و ادا جاك خفيف زيدي حطيلوا شوية سكر
و البنة واش نقولك روعة على خاطر التشينة مفورة و ماطابتش في الماء
على خاطر التشينة فيها الماء و لوكان تزيد طيب فالماء راهي تروح كامل في الماء
و الطريقة معتامدينها من زمان ناس سهل متيجة و البرتقال و المندرين
جربوها ماتندموش



ملاحظة
في مرحلة الطياب انتاع المعجون ما تغطيهش كامل لانه راح يفيض لك
و الطياب على نار قليلة ولمدة ساعتين

و ادا كانت نوعية البرتقال مرة وحسيت بللي المعجون كي تدوقيه بلي راهوا مر .زيدي حطيلوا السكر
حتى يرجع الدوق حلو مع بنة خفيفة انتاع حموضة

[أم ياسين الزهراء]

بارك الله فيك

[أم خليلو]

انا جربت المربى تاع السيدة دليلة سليماني وجا روعة لكن دك نجرب نتاعك ان شاء الله .ومشكورة على الوصفة

[أم خليلو]

يعيشك اختي شحال كمية الماءهداك والتشينة تنحيلها zeste اي ترابي خفيف ولا تقشريها طول

[kadikirou]

nmooooooooooout 3al ma3joun chokran okhti

[خربشة ناعمة]

بارك الله فيك
شكرا عاى مرورك

[خربشة ناعمة]

انا جربت المربى تاع السيدة دليلة سليماني وجا روعة لكن دك نجرب نتاعك ان شاء الله .ومشكورة على الوصفة
جربي وعلى بالي راح تعجبك وتعتمديها غير هي
ردي بالك يجيك مر
راهوا على حساب التشينة ادا كانت حلوة عاديو ادا كانت شوية حامضة لازم تزيدي السكر
عندي ثلاث ايام من اللي طيبت هدا المعجون و خسارة مصورتوش
ويخرجلك حاجة lux

شكرا على المرور

[خربشة ناعمة]

يعيشك اختي شحال كمية الماءهداك والتشينة تنحيلها zeste اي ترابي خفيف ولا تقشريها طول
شوفي يا العزيزة
الماء كي نحطوه في القدرة اللي باش تفور عليها التشينة ما نكيلوش شحال
بصح كي نجي نطيبوا نحط لبراج التشنة لي قسمناها في قدرة و نفرغوا عليهم هاداك الماء على حساب كمية التشينة
يعني ما نعمروش القدرة بالماء حتى للفم نفرغوا الماء قيس ما تتغطى لبراج.


اما سؤالك على القشور درك نجاوبك
القشور نقشروها خفيف يعني ما تبانش اللحمة انتاعها كيما نجيوا ناكلوها
لازم نخليو هاداك الغلاف الابيض اللي يغلف الحبة كامل درك نقولك السر علاش
السر هو انه هاداك الغلاف يخلي البرج يحافظ على القوام والشكل شوية على خاطر فالطياب البرج كامل يدوب شوية و يبقى ظهر البرج اللي فيه و كي تحطي منه في طبسي بالفرشيطة احكمي البرج من الجهة الصحيحة فيه اتاع الغلاف الالبيض وكوليه بالصحة والهنا

ملاحظة
ادا كانت النوعية انتاع التشينة مرة شوية لازم تزيدي السكر

[خربشة ناعمة]

nmooooooooooout 3al ma3joun chokran okhti


شكون سمعك
انا ثاني نموت عيه
و اللي شهاتني فيه يمى الله يطول بعمرها
شرات 6كيلو تشينة وعلى خاطر تمد منه للفاميلا اللي يعجبهم قالتلي في التلفون بلي راهي رايحة تصنعوا
هي ثاني تحبوا وتموت عليه
امالا دارتلي الكوراج حتى انا صنعتوا

شكرا على المرور

[dahbia2009]

بارك الله فيك
معجون روعههههههههههههه

[إلهام07]

ممكن تعطيني طريقة معجون تشوينة من فضلك

[أم ماجد]

تحوسي علي التشوينة اوالتشينة ؟ سامحيني علي التدخل صاحبة الموضوع

[خربشة ناعمة]

ممكن تعطيني طريقة معجون تشوينة من فضلك
اهلا بالهام
يا ختي للعزيزة راكي على التشوينة هاديك الصغيرة اللي جي مرة شوية والقشرة انتاعها رقيقة
هاديك تاخدلك السكر بزاف ويطيبوها حبات كاملين ماشي كيما التشينة يقسموها براج براج
وكاين اللي يبيتوها فالماء على خاطر مرة شوية ومنبعد يفوروها تقريبا كيما طياب معجون التشينة
بصح احنا عندنا معجون التشينة افضل بكثير منها

[خربشة ناعمة]

تحوسي علي التشوينة اوالتشينة ؟ سامحيني علي التدخل صاحبة الموضوع
اهلا بام ماجد راكي مسامحة يا اختي ما فيها والوا

[إلهام07]

تحوسي علي التشوينة اوالتشينة ؟ سامحيني علي التدخل صاحبة الموضوع
نحوس على التشوينة هاذيك الصغيرة :mad: ، والله ماني حابسة غير لالقيتو :mad:

[خربشة ناعمة]

بارك الله فيك
معجون روعههههههههههههه

الله يبارك فيك اختي
انت الاروع بمرورك
و سمحيلي اخرتك فالرد ما انتبهتش ليه

[ريتاج تيارتية]

شكرا على الوصفة انا نخدم كونفيتير تاع التشينة والقارص مكونجلين

[خربشة ناعمة]

شكرا على الوصفة انا نخدم كونفيتير تاع التشينة والقارص مكونجلين

اول مرة نسمع بمعجون التشينة م و القارص مكونجلين

يا اختي العزيزة احنا هادا هو المعجون انتاعنا ومن زمان نديروه
و التشينة طازجة و جديدة

شكرا علىالمرور

[أنواار الإيماان]

بارك الله فيك

[layansandi]

http://www6.0zz0.com/2013/03/05/22/446150666.gif (http://www.0zz0.com)



http://www6.0zz0.com/2013/03/05/22/692977260.jpg (http://www.0zz0.com)

[ساندي 28]

شكرا على الوصفه الرائعه

[layansandi]

http://www6.0zz0.com/2013/03/05/22/446150666.gif (http://www.0zz0.com)



http://www6.0zz0.com/2013/03/05/22/692977260.jpg (http://www.0zz0.com)

[wafa.wafa]

شكرا على الوصفة ان شاء الله نجربو لأني نبغي بزاف الشينة

[linda yasmin]

يعطيك الف الف عافيه

موضوع رااائع

وجهود أروع

ننتظر مزيدكم

بشوووق

[layansandi]

يعطيييييييييييييك الصحة