هل من حل او نصيحة

[مشكلتي]

السلام عليكم
راني في مشكل كبير خاوتي ان شاء الله نلقىة عندكم الحل و تعاونوني
انا تعرفت على شاب نهار تتتلاقيت بيه قالي راني نحوس على الحلال
بعد مرور اشهر بدا يتغير خاصة من الناحية المادية و انا كنت مامناتو كنت دايما نعاونو بشئ لي نقدر علية نخلص من نعيتلو من
و من بعد حبست عليه مبديتش نمدلو قالي مكيش تحسي بيا......
و غير كيما قالي سلفيلي دراهم قتلو صحى راني هنا ودير كي شغل راهم عندك صباح عيتلى و قلي راني حدكم جيبهملي قتلو منقدرش نخرج بابا راه هنا اصبر شويا اصبر هو و من بعد مكدرتش انا
رعف مني و سبني بكلام الكبير و قال دحكتي عليا و مكيش شايفني راجل ...ومن بعد انا قتلو نتلكاو نهدرو خير تلقينا ليوم زاد شحن و بدا يسب فيا و ناس تشوف على جال مليون دراهم كي جيت لدارنا عيتلو اناو سبيتو بلي هو مهوش ولد حلال و ميحشمش قالي راكي قولتيها انا حرايمي و دروك تشوفي انا شكون
مانيش خافة منو قولولي كيفاش نخرجوا محياتي دروك وباه نواجهو بسكندمت لي امنتوو كي عرفتو الحل الوحيد غلقت الهاتف التاعي

[سومية88]

استغفر الله والله لي يحب الحلال يدخل من الباب هو باينة كان طامع في دراهمك لازم تعسي روحك واش نقولك ربي يعينك ويسلكك من هدي البلية

[الجليس الصلح]

السلام عليكم ورحمة الله
سبحان الله هل يوجد مثل هؤلاء الرجال بهذه الوقاحة ؟ وهل توجد مثل هؤلاء النساء بهذه السذاجة؟
خير ما فعلت غيري شريحة الهاتف وانتهى الأمر

[عبدالقادر222]

ادعي ربي يخلصك منه لانه وبدون شك طامع فيك وفي دراهمك
ولكان تقوليله ماعنديش الدراهم درك ينهي علاقته بك وينتقل الى ضحية اخرى صاحبة مادة
حافظي على صورة عائلتك التي منحتك كل الثقة
اعانك الله لما فيه الخير والصلاح

[محمد جديدي التبسي]

الحل هو أن تقاطعي هذا الشخص نهائيا
الرجل الذي يطلب مال من فتاة مهما كانت لا يستحق أن تفكري فيه حتى !!
ربي يهديه ويرزقك الزوج الصالح

[نورالهدى بيولوجيست]

السلام عليكم ورحمة الله
سبحان الله هل يوجد مثل هؤلاء الرجال بهذه الوقاحة ؟ وهل توجد مثل هؤلاء النساء بهذه السذاجة؟
خير ما فعلت غيري شريحة الهاتف وانتهى الأمر

c'est vraiiiiiii 100%

[الدكتور سام]

غريب امركم يا فتيات......
هو اولا امضى معك وقتا طويلا و استمتع بكلامك........
تانيا اراد منك اعطائه المال.....
ثالثا لا ندري مادا سيطلب في المرة القادمة
على كل حال نسال الله الهداية
بدلي تيليفونك و انسى امر هدا شبه الرجال الاحمق

[faty05]

اختي راه بان على حقيقتو و انتي فقتي من الغفلة تاعك
ابتعدي عنه ابتعدي عنه
ما فيهش خير
ربي يسترك

[* الحلم سكر *]

للأسف يا اختي و آسـفة على كـلامي لـكـن و بـكل صـراحة مثل هاذي التـصـرفات للبـنات اللي خـلات كـامل الـرجال ينـظـروا نـظـرة نـقص و احتـقار لـكامل الفتـياة
تــعـرفي عـــلاه ...
مـعـنى انـك تـصرفـي على واحـد خـسارة فيـه كلمـة راجـل يعـني راكـي بايـعة روحـك ليـه و شاريـاتو بـدراهـمك
عــلاه نصـــرف عليه ..؟؟؟ فقير ما نشـرطش عليه و خـلاص هذا اذا ناوي صح الحلال
نــهار يكـون الـراجل زوجـك صـح ماكـانش فـرق بيـن دراهـمكـم و كل ما تكـوني بنت اصل و تعاونيـه تكبـري بعيـنو - المـفـروض - لكن درك راه العكـس
ملـيون اللي يبـانلك على جال مليون نـاس راهـي تتـمـرمد على 10 الاف و الـراجل راجـل مايـمـدش يــدو لمـرا حتى بــدورو
راح تقـولي طلبـت نصيـحة لقيـت هـجوم ... الله غـالب لازمني نقلك راكـي غالـطـة و لوكـن ماكنـتيش غالـطة تـجبـدي روحـك و خـلاص كيـفاه هـاذي تسـبيـه راهـي تنقـص من قيـمتـك قبلـو هــو

كنــصيــحة راجـــعي تصــرفاتك و اسلوبك بالحياة و حـــافــظي على روحــك اخـتي
و هــو ربي يبــعدو عليـك و ربي يهـديك و يهــدينا

[إيناس2005]

استغفري الله ومتعاودهاش ابدااااااااااااااا واقصد بالذات تخبي على والديك وتخرجي من وراهم الي يحب لحلال يدخل ملباب

اعطو فرصة لوالديكم هم يتصرفوا راهم يعرفوا خير منكم رب يهديك ويهدينا اختي

[إيناس2005]

استغفري الله ومتعاودهاش ابدااااااااااا الي يحب لحلال يدخل ملباب ومتعاوديش خاصة ان تخبي على والديك راهم يعرفوا خير منكم

الله يهديك ويهدينا اختي

[tateb]

انت علاش رايحه عندو تعرفي بلى هذا تصرف ناشى مليح ........ اتركيه و انتظرى ابن الحلال الذى يدخل من باب الدار

[صالح مبروك]

هههههه الحب كلمة ماتصلحش في بلادنا

انها تفاهة ومفسدة

انصحك بـ الابتعاد عن هذا الوقح !

[mohaa47]

هذا الشخص يحب أموالك ................لا يريدك في الحلال ................عيب عليك .............ابتعدي عنه ..........حذار ثم حذار ..................عليك بتقوى الله إن كنت غافقلة.............الله يهديك

[كريم عربي]

زوج حوايج نقولهملك:

- أولا: الراجل مايدناش لدراهم إمرأة، لأنو لي ياكل دراهم طفلة ماهوش راجل.

- ثانيا: أحييك لأنك أكبر مغفلة عرفها ذلك الشخص، مغلفة يستغفلها لكي يأخذ مالها وقت ما شاء، ويضحك عليها باسم الحب، ويسبها بعد هذا كلها.

تحية كبيرة ليك يا أكبر مغفلة.

[hadjira195]

.عليك بتقوى الله

[imi02i]

بصراحة.... هذا لا يمت للرجولة بصلة
دعك منه .... فلا تعاودي محادثته ولا تفكري حتى أن تقيمي حياتك مع رجل لايراك إلا دراهم معدودات

[nouna l maghbouna]

[عيتلو اناو سبيتو بلي هو مهوش ولد حلال و ميحشمش قالي راكي قولتيها انا حرايمي و دروك تشوفي انا شكون

اختي انتي مهبولة??
:jamais تسبي راجل
بدلي الرقم تاعك و لوكان تلقايه في طريقك بدليها
غير عسي روحك هاد ليامات pcq باين ميش رايح يسكت كي قلتيلو ولد حرام
صلي و ادعي ربي
ماتزيدي ديري حتى علاقة كي يجي مكتوبك واحد مايحكمو
و ربي يهدينا

[loulou02]

بدلي شريحة الهاتف وكوني حذرة خاصة إذا كان يعرف مكان عملك

[mina18]

مافهمتش علاش وصلت روحك لهذا الامر اولا تصرفي عليه ثانيا ماكانش لقدر ثالثا يجيك لحومتك ماااااااااااااااااااااااااااااااهذا وفالاخير تسبو بعضاكم والله شيء محير محير الي هذا الحد تتنازل البنت من اجل زوج
المهم نصيحتي قطعي اتصالك بيه تجنبيه ودعي ربي يسترك ويرسلك وليد لحلال الي يصونك عاجلا