اليوم درت الجلجلانية بصح خرجتلي يابسة علاش ؟

[ام ايمان16]

السلام عليكم

اليوم درت الجلجلانية بصح خرجتلي يابسة علاش
انا درت كيما الوصفة هذي
http://www.djelfa.info/vb/showthread.php?t=1059749

وهاو ليكم كيفاش خرجولي بصح جاو يابسين مافهمتش علاش


http://up.arab-x.com/May12/kiT08185.jpg (http://up.arab-x.com/)

http://up.arab-x.com/May12/aVD08185.jpg (http://up.arab-x.com/)

http://up.arab-x.com/May12/oiu08185.jpg (http://up.arab-x.com/)

فحبيت نسقسي المجربين فيكم هذا القاطو ؟يخرجو يابسين ومن بعد يطراو ولالازم يخرجو طريين من الاول؟

[&عسل&]

والله ياختي تقول طليتي على قلبي .. كنت ضرك رايحة نسقسي عليه ..انا تاني البارح شريت مول السيلكون وجربتو
وخرجلي في الشكل هايل ...كيف تاعك
بصح جا يابس شوي ...ماعرفتش السببب
نتمنى ادا وحدة تعرف تقلنا

[سومية88]

انا درتوا جاني طري بصح الا جاك يابس ديري في ساشي وغليه نهارتشوفي كي يطري سوغتوا كي درتي المعجون كي يشرب بطري

[&عسل&]

انا درتوا جاني طري بصح الا جاك يابس ديري في ساشي وغليه نهارتشوفي كي يطري سوغتوا كي درتي المعجون كي يشرب بطري

حبيت نسقسيك هو جاك من الاول يابس ومن بعد طرى
ولا طري ...

[faizarbh]

الله اعلم اختي ممكن من بعد يطرى كون جربتي وصفة فلة

[&عسل&]

الله اعلم اختي ممكن من بعد يطرى كون جربتي وصفة فلة

انا جربت وصفة الاخت فلة..وجاني يابس البارح
بيتواا في بورت مونجي قلت بالاك يطرى ...بصح
راني درت غلطة بصح ماعرفتهاش :confused:

[it's me]

خرجولك روعة انا ثاني جاني شوية يابس بصح حطيه في باطة مسكرة يطرى

[الأمنيات]

انا درت تاع فلة خرج لي يذوب في الفم صراحة جربيه
وهذا ديريه في كيس او علبة وشوفي بلاك يطرا لك

[ام ايمان16]

نبشركم اخوتي :mh31:

كي خليتو شوية (4ساعات وضرك رحت شفتو كيفاش عاد وضقت حبة منو ليقتو طري شوية ومقرمش يتفتت في الفم ماهوش يابس بزاف كيما كان مع الاول كيمانحيتو من الفور

[ميمنة الجزائر]

اك روووووعة يا تفاحة ما تخافيش المهم الذوق والشكل رووووعة مرة الجاية اخدمي مليح الزبدة هي اللي تخليه طري

وتاني ما تيبسيش بزااف العجينة

[ام ايمان16]

ان شاء الله كي نعاودهم المرة الجاية يجيو خير

لاني مع الاول كي جاو يابسين قلت بالاك كي مافيهش النشاء على هذي خرج يابس؟
فهل نقدر نديرو بالنشا المرة الجاية ولامالزملوش النشاء؟

[ام ملاك.]

خرجلك هايل الله يبارك
انا جابلي ربي لازم تخليه يرتاح باش تاكليه الكونفيتور اللي تطريه

[manal01]

مشكورة اختي

[حياتي نبع امل]

والله يا تفاحة انا درتهم عدة مرات وجامي جاو يابسين طريييييين بزاف
انا نظن نشفت العجينة بزاف بما انو الموول تاع سيليكون نورمالمو تخلي العجينة طرية وما تخافيش باسكو يحكمو لا فوغم
عموما بصحتكم تعيشي وتزيدي ديري ماخير منهم

[ام ايمان16]

والله يا تفاحة انا درتهم عدة مرات وجامي جاو يابسين طريييييين بزاف
انا نظن نشفت العجينة بزاف بما انو الموول تاع سيليكون نورمالمو تخلي العجينة طرية وما تخافيش باسكو يحكمو لا فوغم
عموما بصحتكم تعيشي وتزيدي ديري ماخير منهم

شكرا لك اختي
بالاك نشفت لعجينة بصح درتهم حسب الوصفة؟

هل موالفة تديريهم بالوصفة لي جربتها انا ولا عندك وصفة اخرى ليها؟
وهل مع الاول يكونو يابسين ومن بعد يطراو او من الاول يكونو طريين؟
وهل يصلج نديرلهم نشاء ولامايصلحش

ممكن تجاوبيني من فضلك اختي؟

[salimamimiya]

رايحة نمدلك مقادير الججلانية وهذه الوصفة انا مجربتها وجي طرية وهايلة بزاف تبعي لمقادير وتنجحلك انشاء الله:
المقادير : - 500 غ مرغرين فلوريال طرية
- 200 غ سكر عادي
- 04 ملاعق اكل جلجلان محمص
- 02 ملاعق اكل éxtré لوز
- 02 خمارة نوارة
- 720 غ فرينة
- 200 غ جلجلان ابيض + علبة معجون + ملون احمر
التحضير :
نخلط الزبدة مع السكر بالضراب الكهربائي حتى تصبح كريمة بيضاء وهذا هو السر + 04 ملاعق جلجلان محمص + 02 ملاعق éxtré لوز حلو ثم نضيف المكونات الجافة 720غ فرينة + 02 خمارة مغربلة حتي تصبح عندنا عجينة طرية سهلى الاستعمال نشكل كريات تزن كل واحدة 30غ الى 40 غ نضعها في الجلجلان ثم فليمول تع سليكون لكبار " قلوبة او مدورين الخ "نضعها في الفرن على درجة حرارة 180 درجة بعد طهيها نشع لها المعجون بعد تلوينه بالملون الاحمر وصفة مضمونة نتمنى جربيها ونكون افدتك

[dr.omahmed]

اختي انا هاهي الوصفة لي نديرها وجي طري و خفيف بزاف
500غ زبدة
2 بيض كاملين وصفار
10 م اكل حليب بودرة
10 م اكل نشاء
7 م اكل سكررطب
1 خميرة
فرينة
لعجينة تكون طرية
:19::19::19::19::19::19::19::19::19::19::19:

[ام ايمان16]

يعطيكم الصحة لبنات
لبنات القاطو لي درتو لبارح كي خبيتو في برت مونجي اليوم الصباح ولى طري