تساؤل مهم حول الدراسة في الجامعة [الأرشيف] - منتديات الجلفة لكل الجزائريين و العرب

مشاهدة النسخة كاملة : تساؤل مهم حول الدراسة في الجامعة

khaled mos

2013-03-04, 15:30

انا ساعمل كاستاذ في القريب العاجل ان شاء الله في المتوسط
واود ان ادرس شعبة تكنو st في جامعة الجلفة فهل يمكنني ان اعمل وادرس بالجامعة في نفس الوقت
ما رايكم هل دراسة st تتطلب الكثير من الوقت اي لا استطيع ان ادرسها و اعمل
ارجوكم اريد شرحا لكوني لا اعرف مدى ساعات العمل في المتوسطة

سطايفية بكل فخر

2013-03-04, 16:15

بداية مبروك عليك العمل
ثانيا يحق للعامل 4 ساعات قانونيا يدرس فيها بما يتوافق مع شغله وكاينين مدراء يمدولك اكثر من دلك او كاينين لي ينقصولك
يعني اخي ممكن ساعات العمل نتاعك متجيش في وقت لقراية وهكا تستفيد
+
فيما يخص دراسة التيكنو مهيش واعرة لدرجة انك متقدرش تخدم ولكنها تحتاج تركيز وزيد فيما يخص اوقات العمل والتيديات والتيبيات تقدر تحكي مع الاساتدة نتاوعك وتعوض في قروبات وحدين اخرين من غير القروب تاعك التيكنو راهم عرش وتلقا اكيد قروب يناسبك
+
ساعات العمل في المتوسط حسب الاقسام لي طيحو عنجك واغلبية الاساتدة يايقريو الصبح يايقريو العشية
بالتوفيق ليك اخي نصيحتي ليك سجل وربي اكيد رايح يفكهالك من عندو
راهم يقراو معايا ويخدمو عادي

khaled mos

2013-03-05, 15:16

سطايفية بكل فخر

2013-03-05, 18:02

شكرا جزيلا يا اختي العزيزة على كل هده المعلومات المفيدة
راكي طلعتيلي المورال بزاف
انا حبيت نسقسي الاساتذة عندهم 22 ساعة في الاسبوع يقريوهم
وانا شعبة التكنو تستهويني و عندي الامكانيات لي نقدر نقراها
مي الغياب هل يحاسبوني عليه وقالولي جماعة يقراو التكنو بلي يقراو يوميا من 8 حتان 5 تاع لعشية
يعني راها الدعوة مزيرة و ايضا نقطة td مهمة
و ف 2 eme و 3 eme كاين مجموعة واحدة فيها 30 طالب يعني متقدرش تعوض
وي التيكنو دومان هايل وفيه تخصصات مليحة بزاف
+
في السنة الاولى العدد كبير وميقدروش يعدو الغيابات فليكور
يعني ادا مساعدكش الوقت تقدر تعوض او تراطي حنا في سطيف عدنا 2000 طالب مقسمين على 10 ساكسيونات يعني الله يبارك تقرا حتى لو راطيت
+
التيدي احسب عشر ساكسيون كل وحدة قاسمينها على 6 قروبات يعني ان شاء الله تقدر تلقا قروب تقرا فيه التيدي فقط تفاهم مع الاساتدة نتاوعك وقلهم على وضعك واكيد رايحين يتفهموك ونصيحتي ليك مدخلش الادارة في النص فقط بينك وبين اساتدة نتاوعك
+
التيبيات شوف لقروب يناسب وقتك وادا مناسبك احكي مع استاد التيبي يراترابيهلك مرة اخرى

حتى اخي في خدمتك شوف كاش سوايع ميناسبوكش وعند التلاميد نتاوعك وقت عوضلهم فيهم وروح تقرا
غير انوي برك تقرا وربي يحلهالك كاينة الف طريقة تنظم بيها وقتك
+
في السنة الثانية والاثالثة يبدا شوية تزيار في الغيابات مي كاينين مواد مشتركة بين المجموعات وتقدر تعوض مع مجموعة غير مجموعتك
يرحمها ربي ان شاء الله بلاك انت متجي وين تخمم يكونو نقصولك ساعات العمل او تريقلو ويناسبوك
بالتوفيق ليك اخي

khaled mos

2013-03-06, 11:59

شكرا جزيلا يا اختي الكريمة على شرحك هدا واتمنى لك التوفيق و النجاح

سطايفية بكل فخر

2013-03-06, 15:13

امين اجمعين ان شاء الله

اسيا26

2013-07-06, 03:12

الحمد لله كثيرا

اسيا26

2013-07-08, 01:08

سبحان الله