المدرسة التطبيقية لنقل و المرور

[abdo19878]

السلام عليكم اريد معلومات عن هده المدرسة و شكرا

[miloud laboukhi]

تلمسان راهي مليحة يا خويا على حساب الجماعة ومبروك عليك رخصة السياقة مسبقا

[abdo19878]

شكرا لكن انا عندي رخصة ههههه

[karimblida]

قالولي صحبي مليحة
و يحتاجو السراجن اكثر من الليسانس
ميتاسيو قالو مش مليحة.......الباطايون و الجبل

[hichemhad]

انا تاني بعتوني ليها
و على حساب ما سألت قلولي مدرسة جيدة و تقع في وسط تلمسان
و حتى التدريب ماشي صعيب

[احسن26]

فيما يخص مدرسة تلمسان . أنا تدربت فيها في مارس 2009. هي مدرسة جيدة تقع في وسط المدينة كما تمكنكم من الحصول على رخصة السياقة. التدريب عادي جدا . لكن تخدمو كرفي انتاع الحشيش مليار . كما أن تلمسان مدينة جميلة جدا خاصة المنصورة , هضبة لالة ستي.....الخ أمافيمايخص الميتاسيون فهي فيأغلبها مليحة. بالتوفيق أخي إنشاءالله تكمل في الخير

[hichemhad]

فيما يخص مدرسة تلمسان . أنا تدربت فيها في مارس 2009. هي مدرسة جيدة تقع في وسط المدينة كما تمكنكم من الحصول على رخصة السياقة. التدريب عادي جدا . لكن تخدمو كرفي انتاع الحشيش مليار . كما أن تلمسان مدينة جميلة جدا خاصة المنصورة , هضبة لالة ستي.....الخ أمافيمايخص الميتاسيون فهي فيأغلبها مليحة. بالتوفيق أخي إنشاءالله تكمل في الخير

اخي من فضلك وين كانت الميتاسيون نتاعك

[احسن26]

أنا الميتاسيون انتاعي كانت إلى العين الصفراء ولاية النعامة.

[hichemhad]

أنا الميتاسيون انتاعي كانت إلى العين الصفراء ولاية النعامة.

اخي ممكن تحكيلنا (اذا ما فيهاش ازعاج ) عن تجربتك في فترة السطاج....و ما هي النصائح لي ممكن تقدمها الينا بما انك مجرب
شكرا و ربي يحفظك

[anes09]

أنا ثاني دفعة 2009 في نفس المدرسة يتسمى كنا كيف كيف أنا تميتيت للسانيا بوهران ودفعتي أستشهد فيها زميلي من بسكرة و الذي كانت الميتاسيو نتاعو ل20بلي العيب الوحيد اللي فيها ماراحش تتعلم السلاح بزاف و كي تتميتا تخدم بيه بزاف ، أما أنا كان لي الشرف أن خضت تديرب إضافي مع القوات الخاصة بأرزيو بوهران لمدة شهر و كان أفضل بكثير من 06 أشهر من حيث تكثيف إستعمال الأسلحة و التدريب القتالي و التكتيك و غيرها
المهم صلي ركعتين و أتكل على ربي

[جزائري85]

ان شاء الله يطلق سراحك

[احسن26]

إلى الأخ aness أنا دفعة مارس وليس سبتمبر كنت قبلك في تلمسان.
أما الأخ hichemhad فأقل لك أن النصيحة التي يمكن أن أوجهها لك هي أن تكون راجل و ماكان حتى شيء صعيب. كما أنه يجب أن تكون مع المجموعة في مختلف القرارات و إياك ان تكون وحدك و اخطيك من سكريتير و طالب كتيبة .......الخ . أي استفسار أنا في الخدمة و شكرا

[ابراهيم داود]

بالتوفيق للجميع

[ابراهيم داود]

أخي الكريم هي مدرسة ممتازة و للعلم انها تمنح رخصة السياقة الصنف الخفيف كما أن موقعها ممتاز وقد أديت فيها الخدمة العسكرية بالنسبة لدفعة مارس التدريبات قاسية نوعا ما لان هذه الدفعة تحضر لحفل التخرج و الكرفي بها كثير جدا ستتخرج بشهادة في نزع الحشيش و ضرب الفروطوار و التسياق لكن حاول أن تكون رجلا بمعنى أن لا تكون موطارا و بشكل أوضح كيما أنت كيما خاوتك لا تحاول الظهور أو تظهر أنك تتقن شيئا أو أي صنعة مهما كانت لأنهم سيستغلونك أبشع استغلال و حتى رخسة الساقة ستأخذها بسبب عملك في نزع الحشيش، نصيحة فقط اخي الكريم عليك ان تلتحق متأخرا نوعا ما لان هذه المدرسة تمسك بالاوائل و تترك المتأخرين و تمنحهم تأجيالا لمدة سنة و نصف ثم يأخذون البطاقة ...................بالتوفيق لمن سيذهب و ليحفظه الله........... ملاحظة : رغم كل ما قلته تبقى هذه المدرسة رائعة و ستقضي وقتا لن تنساه ما حييت حتى أنني زرت تلمسان الصيف الماضي لاني شعرت بالحنين اليها

[جمال الدين]

المدرسة تقع بمنطقة إسمها الكيفان و أنا شخصيا كنت بها في أكتوبر الماضي و قضيت بها حوالي 30 يوما لأخرج ببطاقة الإعفاء

ـ المدرسة روعة و قمة في النظام و الآداب من يوم ما دخلتها أقسم بالله أنني لم أسمع إلا شتيمة واحدة و ليست بشتيمة و إنما تعليق على درجة حب نوم الجزائريين بطريقة سوقية .
ـ إمكانية أخذك لرخصة سياقة.
ـ النظافة و الوجبات قمة.
ـ ثكنة تسرح المتأخرين في الإلتحاق بتأجيلات 6 أشهر .
ـ الميتاسيو يقولو للصحرا و الله أعلم.
ـ المراقد قمة في النظافة
ـ الكرفي موجود كيما قال الأخ كرفي حشيش

نصيحة مني إليك هذا سعدك بالاك تغلك وتفوت الفرصة راهو حبك ربي و أتكل على ربي صلاة الإستخارة و للقدام ماعندك ماتخاف ناس كيما كل الناس و معيشا وحدا و كلش يفوت

[abdo19878]

في حالة خرجت فائض مدة التاجيل الدي يمنحوه لك هو 6 اشهر او 18 شهر