لي عندها وصفة السوفلي توريلي

[بيسان فلسطين]

لي عندها وصفة سوفلي مليح توريلي ربي ينورها

[نهى21]

احبحثي على سوفلي تاع ام سامي جربتو روعة

[touta2010]

http://www.djelfa.info/vb/showthread.php?t=1170758

[إلهام07]

شوفي أنا ندير :
* 350غ فرينة
* ملح
* 2 ملاعق كبار سكر
* 2 ملاعق كبار زيت
* 1 ملعقة كبيرة خميرة الخبز
* 2 ملاعق كبار زبدة طرية
* 1 بيضة
* إذا حبيتي ممطن تزيدي شوية معدنوس مقطع رقيق
* تبلي العجين بالحليب دافء و تكون عجينة طرية
تخليها تخمر مليييح ومن بعد شكلي السوفلي واحشيه واش حبيتي : سلق ، جبن ، لحم مفروم ..... ، أدهني بالبيض و خليه يخمر حوالي 20 دقيقة و طيبيه في الفرن ، يجي خفيف رووووعة

[ام هبه]

السلام عليكم ورحمة الله تعالى وبركاته.عندي وصفه للسوفلي راني منبدلش فيها خلاص .بنينه وساهلة جامي خيبتني.المهم لازم تكوني موجدة صوص تاع الطماطم .صدر دجاج احيانا نطيب بيه كاش مرقة من بعد نستعملو .للسوفلي وساعات نقليه .المهم طايب او مقلي لازم نرحيوه بالروبو .باه تجي الكمية كبيرة ونقدررو نتحكمو بتوزيعه.ادا ماعندكش الدجاج بدليه باللحم المرحي اوحتى بالكورني د بوف.بيهم الكل يجيك مليح.طيبي 4بيضات بالماء.قصي المعدنوس .قصي الزيتون المنزوع النواة الى شرائح.*ادا كنتي اتحبيه*لازم نوع من الجبن *البقرة الضاحكة او اي نوع*وتقدري زيدي البطاطا المقلية تكون مقصوصة رقيقة ****قليل وين انزيدها من باب التغيير فقط*****نرجعو للعجينة +++++راني نخدم بيها السوفلي .البيتزا...اللي يبقى منها انطيبو بلا حشوة ونشرب بيها الحليب .بزاف بنينة....المقادير ***كاس حليب دافي مش سخون+نصف كاس ماء دافي+1 ملعقة كبيرة سكر+1 ملعقة صغيرة ملح او عينك ميزانك.+ثلث كاس زيت++2ملعقة كبيرة خميرة الكسرة بالشتاء .او 1فقط بالصيف.نخلطهم مع بعض ونحط الفرينة شويشوي.****تهزلك قل من كيلو .نلمهاونعجنها من 5 ل10دقايقحتى يرجع الملمس تعها مليح وارطب .نغطيها ونخليها تخمر.....وتتضاعف .ممكن ربع ساعة او اكثر...........

[ام هبه]

.............ناخدالعجينة نقسمها الى 4 كريات نحل كل وحدة على جنب وعلى شكل مستطيل .نحط صوص الطماطم كيما البيتزا على طول نصف كل مستطيل .نرش فوقها الدجاج او....ثم بعض الزيتون *شرائح*.البطاطا ادا حبيتي.البيض *حبة وحدة لكل مستطيل تكون مقطعة الى4قطع بالطول.المعدنوس.وقطع صغيرة من الجبن او يكو مرحي....ونحاول نرجع النصف الاخر من المستطيل ا*العجينة *فوق الجزء اللي فيه الحشو.ونضغط عليه بفرشيطه او بصوابعنا باه يتقفل ومايتحلش ف الطياب*****نتحصل على خبزة طويله كي الخبز اللي نشريوه من الكوشه****نمسحوها بصفار بيضة ممزوجة بشوي قهوة ونرش عليها شوي جاجلانية .ترتاح5 او 10دقايق وتدخل الفور حتى تاخد لون اصفر قاتم تتقص ك الكروكي .شرائح بالميل.

[مريومة21]

السلام عليكم ورحمة الله انا حطيت موضوع على السوفلي وهاهو الرابط ان شاء الله تجربيه والله هايل
http://www.djelfa.info/vb/showthread.php?t=1021340

[d-madiha]

250غ فرينة+بيضة+ 6مغارف كبار زيت+ نصف ملعقة خميرة فورية+ملح وخلطيهم مليح ومابعد زيد الماء دافىء تدريجيا حتى تتحصلي على عجينة متماسكة وخليها تخمر ومابعد حليها وشكلي دوائر والحشو ديري واش تحبي انت وكي تسكريها ادهنيها بالبيض ودخليها في الفرن حتى تحمار
وان شاء الله تعجبك وتاكليها بالصحة والهناء عليك

[ام هبه]

http://only.7awa.free.fr/news.php?name=2012031156.htm