الى كل المشتركات ادخلوا حبيباتي نقولكم حاجة [الأرشيف] - منتديات الجلفة لكل الجزائريين و العرب

اميرة في دنيا حقيرة

2013-03-03, 09:00

سلام يا لحباب و الله اليوم حبيت فقط نطلب منكم طلب يا لعزاز كاين فيكم مشتركات مهمش معدلين في المعلومات تاعهم بخصوص الجنس ذكر ام انثى يا لحبيبة كي تكتبيلي اسم انثى و تحطيلي الجنس ذكر ارواحي فهميني وانهم الصحيحة
و كيما تعرفوا حنا متزوجات كون يعود قاعد حداك راجلك و يرمي عينوا يلقى الجنس ذكر واش راح يكون موقفنا كامل
مال يا لحباب راني نبهتكم لحاجة و نشاله لي عندها الغلطة هاذي تصلحها

ولا واش قلتوا عندي الحق و لا لا:1::1::1::1::1::1::1::1::1::1::1::1::1::1::1::1:

أم محمد تاج

2013-03-03, 09:12

سلام حبيبتي والله عندك الحق أنا ساعات نلقى ذكر بعث وصفة ولا كتاب مانتجرأش ندخل على خاطر لوكان يشوفها زوجي يبهدلني مالا عندك الحق 100 بالمئة ونتمنى صوتك يوصل الي حاطة ذكر وهي أنثى تبدل درءا للضرر وشكرا لك حبيبتي

ام ملاك.

2013-03-03, 09:14

كلامك صح قليل وين نرد عليهم غير اذا علقة على وصفاتي مانحبش قع يدخلو لهنا وكاين احيانا نساء ينساو يحطو كلمة انثى كيما قلتي تحسبيهم رجال

oum anas 69

2013-03-03, 09:19

عندك الحق يا أختي انا تاني لاحظت هدا الشئ ممبعد فهمت بلي كاين امهات يدخلوا بعضوية أزواجهم أو أولادهم و كاين عضوات يدخلوا بإسم الاب أو الاخ
وكاين لي غالطين أصلا يعني هي انثى و كتبت ذكر
ربي يجيب الخير

الأمنيات

2013-03-03, 10:11

عندك الحق اختي كلام صائب شكرااااااالك

لميس اميرة

2013-03-03, 10:27

كاين يا اختي نساء ما يعرفوش يسجلوا فالمنتدى يسجلوهم اولادهم او ازواجهم او اخوانهم باليمايل نتاعهم و لما يعمروا البيانات يكتبوا ذكر

و كاين اخوات يدخلوا بعضوية اولادهم او اخوانهم او ازواجهم

و كل وحدة و ظروفها و في قانون التسجيل انو لما تكتبي ذكر او انثى فهي غير قابلة للتغيير منة بعد

و نظن طريقة كلام النساء عن الوصات و سؤالهن باينة ما نظنش كاين راجل رح يدخل و يقول واش هي الوصفة او كيفاه عملتي الشكل و لا اي حاجة

ممكن يدخل و يقول لزوجتو او امو اعملينا مثل هذه الوصفة او تلك

و كل وحدة و ظروفها و هذا هو المنتدى المختلط

أم ياسين الزهراء

2013-03-03, 10:58

انا مانردش كينلقى جنس ذكر والشيء اللي قلتيه صح ماية في الماية انا كنت ندخل باسم ابني بصح مانجوبش

جوهر دعوة

2013-03-03, 22:34

سلام اختي كلامك صواب مليون في المئة أنا ثاني اللي خلاني ماسجلتش في المنتدي غير لانو مختلط والله نحب ندخل للمواضيع الاسلامية ونحب النقاش مي الله غالب قلت ندور غير قسم الطبخ ما يدخلوش رجال شكرًا حبيبتي لطرحك للموضوع أتمني ان تلقي أذان صاغية

درة بيتي

2013-03-03, 22:52

كلام سليم عندك الحق نتمنى كلامك يوصل

رباب08

2013-03-04, 10:22

ساندي 28

2013-03-04, 10:27

راني معاك اميره والله مرات نرد على البعض ومن بعد نرجع نتاكد انثى ام ذكر لاني نخاف علاه زوجي يغير بزاف ولو يعرف اكيد ميحبش وميخلينيش ندخل لهنا . وعن نفسي مستحيل نرد على ذكر ومندخلش في الصفحة الي عاملها

raboha

2013-03-04, 13:37

حنونة ماشي هكذا :mad: مثلا انا اول مرة سجلت فالمنتدى سنة 2007 و كانت بإسم الاب تاعي والان معييت باه نبدل الاسم مي الله الغالب مازال الادارة مغيراته والمواضيع تاعي دل على اني انثى مش ذكر وكاين عضوات كثار مثلي :o

كلامك صح حنونة
و صاحبة الموضوع ضلمت الكثير منهم و أنا وحدة بيناتهم
أنا أنثى و راجلي مخلانيش نسجل و راني نشارك بإسم خويا
يا ختي أعذري بنات كاين الله غالب عليهم
علابيها كاين أخوات رديت في مواضيعهم و مقيمونيش قاع
نقوللكم شكرا و باي و هذي آخر مشاركة ليا معاكم
و شكرا على موضوعك

tarek fenni

2013-03-04, 13:43

السلام عليكم حبيت نقلك عندك الحق على خاطر انا وحدة منهم انا انثى لكن نشارك ديما باسم زوجي الله غالب شاركنا في المنتدى في المرة الاولى باسمه ومنقدرش نغيرو لكن حنا نسا ونعرفو بعضانا ولا واش قلتو

بوعنينبة

2013-03-04, 16:28

انا تاني ندخل بالعضوية تاع زوجي

OU SS AMA

2013-03-04, 16:59

scorpionoir

2013-03-04, 17:37

سلام للجميع كيما تشوفو انا راني وحدة من هادو لي تهدرو عليهم لنا لقيت الايميل تاع زوجي واجد وهو ميستعملوش خلاص سجلت بيه.ومقدرتش نبدل الجنس كيما تعرفو مي باين بلي راني مرا ندخل للطبخ والكروشى والخياطة .مكانش راجل يدخل في مواضيع تاع نسا ؟؟؟؟؟ وزيد هدا منتدى مختلط وفيه قداش من قسم والي راجلها ميشتيش ولا يغار عليها مايدخللهاش النت للدار ويتهنى.

ريتاج تيارتية

2013-03-04, 22:12

انا كنت ندخل باسم نتاع بابا ومبعد بدلت ونظن انو مهيش مشكلة كبيرة

كريمة كوكة

2013-03-04, 22:15

كل واحدة و ظروفها صح بصح كاين رجال ما يفهموش يشوف واش راكي تديري و يلقى أسم راجل و يفهمها حاجة اخرى و من بعد سلكها يا سلاك...

sa-li

2013-03-04, 22:58

السلام عليكم

أممم هوا يعني كي تجي تشوفي نقدرو نقولو عند الحق... بالصح كما راكي شفتي كاين بزاف لي راهم مظلومات من الحكم تاعكم المسبق

وزيد يعني هاذيك تع ذكر وأنثى مش واضحة خلااااص للعيان

يعني راجلك فرضا ج يشوف وش ديري

يدخل يلقا غير لماكلات وطبخات ولقاطوات

ههه بلعكس رح يفرح مش رح ينقب ويشوف نسا من رجال وكلش

kadikirou

2013-03-05, 09:01

sah okhti 3andak hak

sbmwhadz

2013-03-05, 12:17

وأنا أيضا أستعمل عضوية ابني و هذه فرصة لكي نتعرف على من تستعمل عضوية ذكر و هي أنثى وفعلا لقيت ترددا لدخول مواضيعي خاصة الردود طبعا هن معذورات

ghelem

2013-03-05, 12:57

يابنات كامل عندكم الصح ولكن كل وحدة فينا عندها ضروفها انا تاني ندخل بالاسم تاع خويا ونقول لاختي raboha ادا انتي كانت اخر مشاركة لك .انا تاني لاننا نزعج الاخة بمشاركتنا

zineb_saib

2013-04-23, 17:14

السلام عليكم اخواتي انا ايضا استوليت على هاد الاسم ابني هو لي سجل وكان يدخل ساعات برك ونساه وحد النهار دخلت وعجبني بزاف المنتدى قلت لابني سجلني قالي مكلاه ادخلي بتاعي بصح غيرت ذكر الى انثى وخليت الاسم كيما راهو لاني تشهرت بيه هههههههههه

ههههه بصح اختي كيفاش بدلولك الجنس عندي عضوية قديمة خليتها بويسك الجنس ذكر وغاضتني بزاف ودوك راني ندخل بنتاع اختي

*ام فتحي*

2013-04-23, 17:43

انا ايضا عندي هذ المشكل راني ندخل باسم ابني ونحاول دائما نكتب ام فتحي في نهاية تدخلي
وياريت نغير الاسم الي اسم انثي بالعربي

mami123

2013-04-23, 17:57

عندك الف حق انامعاك

bibarr05

2013-04-23, 18:50

صح عندك حق يا الاخت

http://im40.gulfup.com/uZsQZ.gif

oum imane

2013-04-23, 21:02

assamhili oukhti mais rejlak hada matkhalaf idha bahadlak yak hada mountada mouhtaram oukichouf rajal oumba3d
elmouhim elmawdou3 yak halawiyat

oum imane

2013-04-23, 21:04

mala maikhalikch tchoufi efatawa li idirouhoum rjal ???
ounti tkhalih ichouf les films li fihoum nssa wala lala hahahahal

wala

2013-04-24, 12:07

السلام عليكم ورحمة الله تعالى وبركاته فعلا انا رانى معجبة الموضوع بين والكلام بين واين هى المشكلة الكل راهم اباءنا وخاوتنا واولادنا و سبق انى قلت المشاركة او ادلاء براى باين تع النساء وحتى لو كان من عند دكر فهم كلهم محترمون وماتضلموش اى زوج لانه راه عارف اى حركة وربى يخلينا بخير ان شاء الله