المدرسة التطبيقية للمشاة شرشال

[أنورمصطفى]

لم يبقى لنا الا أيام قليلة ونلتحق بالخدمة الوطنية نريد أن ننهي مشكلتنا معها فا لأيام تمر ونحن لاندري أصدفائي لم يبقى لهم سوى 6 أشهر وينهونها و أنا مازلت ........................على كل حال قررت الذهاب هذه المرة وعدم التراجع عن هذا القرار الى المدرسة التطبيقية للمشاة بن يحي شرشال ولنا لقاء ان شاء الله فيها...

[أنورمصطفى]

من وصله الاستدعاء الى هذه المدرسة

[sinopointic4]

ربي يقدر خويا
راهم يفوتو صدقني
+
إذا كان معندش خدمة ولا أفامي يعولوا عليك
معندك متخسر
بالتوفيق

[el mazouni]

انا راني لتم نتلاقوا انشالله فالمدرسة 15 مارس انا تاريخ الالتحاق واش من ولاية انت

[isehak]

السلام عليكم خاوتي انا من ولاية سطيف ممكن نتلاقاو ونتفاهمو نروحو مع بعض اذا كنا قراب

[el mazouni]

السلام عليكم خاوتي انا من ولاية سطيف ممكن نتلاقاو ونتفاهمو نروحو مع بعض اذا كنا قراب



اانا من ولاية غليزان رانا بعاد انا نروح 16 مارس ايا خويا نتلاقاو لتم نشالله

[isehak]

ان شاء الله خويا نتلاقاو في الثكنة ونتعارفو اكثر نفوتوها ان شاء الله ياك رانا رجالة حاجة متخوفك اخي العزيز كولش يفوت ونتهناو من الخدمة الوطنية الي دارتنلنا المرض التخمام نتعها ياسر

[el mazouni]

ان شاء الله خويا نتلاقاو في الثكنة ونتعارفو اكثر نفوتوها ان شاء الله ياك رانا رجالة حاجة متخوفك اخي العزيز كولش يفوت ونتهناو من الخدمة الوطنية الي دارتنلنا المرض التخمام نتعها ياسر
يا حسراه من واش نخاف حاجة تغيضك برك الوقت نشالله نتلاقاو وسمك اسحاق هكدا

[isehak]

واش ادير يا خويا هادي هي وكيما يقولو شر لا بد منه نتكلوا على ربي سبحانو ونمشيو

[ultras BE]

السلام عليكم
أنا أديت الخدمة الوطنية في هذه المدرسة أي 6 أشهر الأولى فترة التدريب في مارس 2010 ولم تبقى سوى الذكريات الجميلة و أنهيت الخدمة في سبتمبر 2011 و الأن راني خدام و الحمد لله كمتصرف
اذا أردتم أي خدمة فأن هنا ؟؟

[أنورمصطفى]

أنا من ولاية تيارت

[fatouh113]

ان شاء الله خويا نتلاقاو في الثكنة ونتعارفو اكثر نفوتوها ان شاء الله ياك رانا رجالة حاجة متخوفك اخي العزيز كولش يفوت ونتهناو من الخدمة الوطنية الي دارتنلنا المرض التخمام نتعها ياسر

خويا إسحاق أنا من البرج وراني رايح نعقب ثاني في شرشال 22 مارس نشاء الله نتلقاو ونفوتهم نتهناو من الهمهم

[fatouh113]

السلام عليكم
أنا أديت الخدمة الوطنية في هذه المدرسة أي 6 أشهر الأولى فترة التدريب في مارس 2010 ولم تبقى سوى الذكريات الجميلة و أنهيت الخدمة في سبتمبر 2011 و الأن راني خدام و الحمد لله كمتصرف
اذا أردتم أي خدمة فأن هنا ؟؟

بصحتك خويا يا لو كان تنورنا بشويا معلومات على هدي المدرسة كالأيام الاولى

[isehak]

السلام عليكم خويا فتوح انا نروح 15 مارس راني نسبقك نتلاقاو تمة ونتعارفو اكثر خويا ربي يسهل على الجميع ان شاء الله الدعاء برك هادا ماعندنا لامعريفة لا والو معريفة ربي بدنيا ومافيها

[أنورمصطفى]

نديروا يوم واحد ونروحوا ماشي خير ولا

[أنورمصطفى]

سطيف والبرج وغليزان وتيارت

[isehak]

بصح خويا انا جاتني امرالاستدعاء 15 مارس نمشي

[أنورمصطفى]

أنا تاني جاني أمر الاستدعاء

[el mazouni]

شوفوا جماعة انا عندي امر الاستدعاء يوم 15 مارس بصح نلتحق ف 16 مارس لأنوا انا نروح نبات ليلة فالجزائر العاصمة الي حاب نتلاقاو في خروبة يوم 16 مارس صح واي ميقدرش نتلاقاو فالمدرسة وخلاص انا وسمني ابراهيم المازوني من مازونة ايا واش قلتوا

[أنورمصطفى]

لي كاتبها ربي تجي نروحوا نفوتوها ونتهناوا منها خير

[el mazouni]

انا تاني راني نقول هكا مبقاتش نتا كاين نتا مصطفى واسحاق نتاع سطيف وا نا وهداك البرايجي واسموا

[fatouh113]

أنا اسمي فاتح بصح نروح في 22 نشاء الله نتلاقاو تم شدولي معكم بلاصة

[أنورمصطفى]

فتوح واسحاق وابراهيم ومصطفى مرحبا بكم في شرشال

[el mazouni]

فتوح واسحاق وابراهيم ومصطفى مرحبا بكم في شرشال
ههه عجبتني هادي نتاع مرحبا بكم في شرشال صحا قائد المدرسة مصطفى تحياتي حضرات

[ــ جعفر كريستيانو ــ]

http://www.djelfa.info/vb/showthread.php?t=1231680

[أنورمصطفى]

السلام عليكم كيف الحال راكم واجدين باه تروحوا ولا

[أنورمصطفى]

اهلا بكم فاتح واسحاق سنلتقي

[أنورمصطفى]

بالنسبة للاستدعاء هل هناك من تم استدعاؤه بتاريخ 22مارس أيضا

[sfisef22]

زكرياء من سفيزف سنلتقي في شرشال فتوح واسحاق وابراهيم ومصطفى ان شاء الله

[أنورمصطفى]

اهلا بك زكريا نتمنى أن نلتقي

[أنورمصطفى]

بدأ العد التنازلي للذهاب ا لنهار الي يروح مايوليش

[أنورمصطفى]

اين أنتم اسحاق وفاتح وزكريا وابراهيم

[أنورمصطفى]

لم تبقى الا أيام قليلة

[أنورمصطفى]

الى من قررالذهاب لتأدية الخدمة الوطنية أين أنتم

[أنورمصطفى]

أين أنتم ياشباب

[أنورمصطفى]

يوم الجمعة 15مارس الذهاب الى المدرسة التطبيقية للمشاة بشرشال

[ciya]

السلام عليكم
غادي نعطيكم نصائح لراهم ماشيين ل شرشال
انا راني فوتها في سبتمبر 2009
حتى مارس 2010 اي 06 أشهر

اه غادي نقولكم ايجابيات :
- مدير التعليم فيها كولونيل بلان ... انسان سيريو و ناس ملاح مع طلبة احتياط
- لواء الطلبة لي هو ليطنو كولونيل راني سمعت بلي بدلوه عام لي فات منعرفهش بصح قالولي تاني ناس ملاح
- حسب معلوماتي غادي يشدو 140 طالب و باق يخرج او ربما تاجيل 6 اشهر
اقامة مليحة فيها شالي واسع يباتو فيها 16 واحد .
- دوش يوميا و في مساء
- ماكلة في غذاء مليحة بصح في عشا ربي و رحمته .
- مدرسة لها شكل جميل و عندك ما دور
- نادي - فوايي- لابأس به

أما سلبيات :
- يوميا نهوص باكرا على 6.00 صباحا ما عدا الجمعة و السبت
- خروج في نزهة لا تكون الا بعد مرور 3 اشهر او اكثر .
- كثرة وجود قيادات - تبقى قاع نهار و انت تحي
-شهرين لوالا غير اصبرو تدريبات و و غيرها بصح من بعد تدريبات فقط دراسة و تعليم الرمي حتى تكملوا ستاج
- -.........................................
و لي بغا يزيد يسقسي يفولي و راني نجاوبه ليا عرفت بلا مزية

[أنورمصطفى]

بالنسبة للهاتف النقال هل مسموح به

[أنورمصطفى]

وعقدنا العزم أن تحيا الجزائر

[أنورمصطفى]

الى اللقاء ياأصدقاء سنلتقي عاجلا أم أجلا

[أنورمصطفى]

بدأ الالتحاق بالمدرسة اللهم انا نسألك البر والهدى والتقى والعمل ماتحب وترضى

[أنورمصطفى]

وين راكم ياجماعة ولا رحتو

[fatouh113]

مزال ماروحت أنا راني حتى الجمعة ولا السبت وباش نلتاحق إنشاء الله

[أنورمصطفى]

سلام تذهب الى الترونزيت أم الى المدرسة مباشرة ومن اي ولاية

[أنورمصطفى]

نهار الوداع ..............يا أصدقاء

[xnetsky34]

السلام عليكم خاوتي انا من ولاية سطيف ممكن نتلاقاو ونتفاهمو نروحو مع بعض اذا كنا قراب



منين انت في ولاية سطيف,,’,,,؟؟؟

[mohamednems]

السلام وعليكم .انا من ولاية بومرداس عندي استدعاء في 15/03/2013 مي راني نخمم ويلا نروح ويلا لا لا