بصراحة وبدون كذب [الأرشيف] - منتديات الجلفة لكل الجزائريين و العرب

ام اميمة الجميلة

2013-03-02, 13:30

السلام عليكم ورحمة الله تعالي وبركاته بصراحة هل تستطيعين الزواج من رجل مدمن علي الانترنت اي يقول لك وبكل صراحة الانترنت افضل منك .انا راني عايشة مع راجلي طول الوقت في الانترنت يجي يرقد برك وزيد انا عايشة وحدي بعيدة علي دارنا ماعندي مع من نهدر مانخرج من الدار 24ساعة بحكم ان المنطقة محافظة النساء مايخرجوش من الدار الا لضرورة الملحة وماعنديش جوارين يهدروا معايا بكل بساطة راني متزوجة قدام الناس برك.

أم لجيـن

2013-03-02, 13:45

وعليكم السلام
حوسي على السبب الي خلاه يقلك الانترنيت خير منك ؟؟ بعدها تلقي الحل
ربي يصلح الحال

إيناس2005

2013-03-02, 13:54

انصك اختي بان تعتني بنفسك وتتزيني لاقصى درجة ولالا تقولي له ما رايك في بل اجلسي بجانبه وقولي له علمي الانترنت وشاركيه

في كل شيء يعجبه املائ عليه فراغه عندما يدخل للبيت اتركي كل شيء من يدك واتمي به هو واطلبي منه ان يخرجك في فسحات

ورب معاك

sali-sali

2013-03-02, 13:59

ضروك راه زوجك يعني كون جا خاطبك بالاك نقولونورمال
وادا كان مدمن عليها يكون تصرف اخر

ولكن حاليتحكي معاه وتتفاهمو

لانو راكي انتي زوجته

واش راهي الحالة لي مخلياته مقابل غير نات

ربي يصلح الاحوال

ام اميمة الجميلة

2013-03-02, 16:26

السلام عليكم ورحمة الله تعالي وبركاته ...شكرا لردكم جميعا.....ولله العظيم درت كلش واش تتوقعي درت ولكن لم يتغير للعلم انه مدمن عليها قبل الزواج ولكن واش ندير الله غالب نوكل امري لله هو نعمة الوكيل لكن ننصح الرجال لمدمنين الانترنت ما يتزوجوش وما يغبنوش بنات الناس.

السراب الحالم

2013-03-02, 16:48

ربي يصلح حالك اختي ادعي ربي وان شاء الله تفرج

loulou02

2013-03-02, 20:30

عليك بالدعاء خاصة في جوف الليل ، تضرعي إلى الله في السجود لكي يصلح حال زوجك و يهديه و ماتنسيش الإستغفار و إن شاءالله ربي يفرج عليك أختي .

knives55

2013-03-02, 20:55

اهدري معاه في انترنت.................. او ادمني على انترنت انت ايضا وتفوقي عليه هكذ سوف يحب اكثر

هدى الجيجلية

2013-03-03, 11:18

السلام عليكم
اختي
انا ضد فكرة
ان واحد متزوج يدخل للمنتدى
سواء كانت الزوجة او الزوج
لان بكل صراحة
النت يادي
إلى اشياء
إحنا في غنى عنها
هذا الزوج الوقت الذي
يضيعه
في المنتدى
لماذا لا يضيعه مع زوجته واولاده
هذا احسن له
ربي يهديه
هذا ما أستطيع قوله
ربي يهديه

فخورة بحجابي

2013-03-03, 14:55

انصحك بقطع الكهرباء واشعال الشموع بدلها .انا امزح فقط عليك بالدعاء لزوجك في ظهر الغيب .

شموخ امرأة

2013-03-03, 15:01

ادعيلو ربي يهديه

kingbelkacem

2013-03-03, 17:32

slam jarbi kifach thdri m3ah o tnagchi m3ah f modoh antrnat o fhmih bli raki mra godamo o bli 3andk chksia ocho3or ogan3ih bli anti kir men antrnat bla ma tnsai do3a psg kin hada alno3 li modminin 3la antrnat o mdabik tnhihlo gir bl3gl rbi yofgkf

kingbelkacem

2013-03-03, 17:45

غريبة الوطن

2013-03-03, 19:06

لا تقنطي حبيبتي نحن هنا معك انا متزوجة في الخليج من شخص جد محافظ ولا اظهر معه الا عند الطبيب و كل حاجة نحتاجها تجيني بلا ما نخرج وبلاك انت تشوفي داركم خطرة في شهرين ولا 3 اما انا فمن سنتين لسنتين و راني صابرة الله غالب هذا زهرنا صبري روحك بالمنتدى و الوصفات في المطبخ و انشاء الله ربي يفرج قوووووووووووووولي امين

محمد جديدي التبسي

2013-03-03, 19:21

وضعية صعبة فعلا بما أنو عندك أميمة الجميلة راك لاباس تونسك شوية :)
هل يا ترى هو ماهو حاس بمعاناتك
لازم تصارحي زوجك بهذا الأمر وتحاولي تتقربي منّو أكثر وتهتمي بيه أكثر من أي شيء آخر واستعيني بالدعاء وربي يوفقكم لما فيه خيركم

crazy rock girl

2013-03-06, 12:26

لا منقبلش ها كون تزوج بالانترنت و صايي ، الله يهديه

سرور12

2013-03-06, 17:31

بصراحة مانقدرش... حاولي انك تكسبيه وتكوني رومنسية في تصرفاتك معاه... وقبل هذا كامل اقعدي مع روحك وشوفي بلاك انت مقصرة معاه لاقدر الله

لبيبة1

2013-03-07, 00:11

كسري المودام ههه امزح
ربي يهديه
بصح قولينا وش يتصفح بالظبط فايسبوك ولا منتديات و لا واش؟
مش قصدي نوسوسك يا اختي بصح لازم تعرفي اول حاجة وش قاعد يشوف بالضبط لانو راكي علابلك نت فيه كلش
ان شاء الله مايكونش مدمن ع امور مش مليحة
و في هذه الحالة نقولك مشكلتك تتحل بشوية حركات تع نسوان
كيما قالك وحد الاخ احكي معاه ف نت و لا حاولي تجذبيه انتي ادرى بهذه الامور
و لكان محبش يتصلح باهتمامك خليه و اعملي روحك انتي وليتي مدمنة ع نت تمثيل برك و
اعملي روحك غامضة كانك عندك عالمك الخاص اعملي صديقات في فايسبوك نتي ثاني
رح يولي هو لي يحوس عليك صدقيني هذا هو الراجل وش رح ديري
شوفي ممكن احساسو بانو محور حياتك هو لي وصلكم لهذا شي
كون تعملي محيط خاص بيك دوك تشوفي وش يولي

YASMINE SILA

2013-03-14, 20:09

الصلاة الصلاة الصلاة في جوف اليل و الدعاء بالهاية
و كثري من الاستغفار
و ان شاء الله ربي يهديه للطريق المستقيم يااااااااااارب

عطر الدنيا

2013-03-14, 23:12

السلام عليكم
اختي انا ثاني زوجي يحب الانترنت وليت انا ثاني وين نشوفو حل الميكرو نروح نجي حذاه ونقعد و الحق تعلمت منو حوايج ياسر فادوني وثقفوني جربي انتي ثاني تحبي الانترنت والله فيه حوايج مفيده

azizmzab

2013-03-15, 13:31

ربي يصلح أحوالك أختي

AMINA.Z

2013-03-15, 16:08

يا اختي مادام جربتي كلش هدديه قوليلو وين رانا رايحين راك مزوج بعبد ماش حيط
يا يبطل يا ترجعي لداركم
واشنو هادا الناس ماش عارفة خلاص واش هو الزواج و يزوجو و قاتلين رواحيهم
راهي مسؤولية كبيرة و تتحاسبو قدام ربي

كل مرة نزيد نكره فكرة الزواج هادي
لا حول و لا قوة الا بالله

ام نسمة

2013-03-15, 17:41

مرحبا والله غير راني حاسة بيك مامعنى ان تكوني مع رجل في نفس لبيت وهو لا يراكي بل يرى اشياء اخرى انا عكسك انا راجلي ليس مدمن انترنت لكن من تعاستي انا اصبحت مدمنة انترنت اذا كان عندك اولاد ننصحك املءي فراغك بامور اخرى اجعلي لنفسك عملا او هواية مع اني راني عارفة انو هاد الاقتراحات ماراحش يعوضولك حياتك لكن ..............واذا ماعندكش منو اطفال وما راكمش متفاهمين ننصحك بل ارجوكي تخلصي منه ونفذي بجلد فاكيد انه يوجد رجال في الحياة سيترمونك ويقدرونك

layansandi

2013-03-16, 08:40

وعليكم السلام
حوسي على السبب الي خلاه يقلك الانترنيت خير منك ؟؟ بعدها تلقي الحل
ربي يصلح الحال

عندها حق بدون زعل هل يمكن ان تكون ثرثارة او تكثرين طلبات في وقت راحته