المساعد الشخصي الرقمي

مشاهدة النسخة كاملة : طلب مساعدة من الاخت stayfiya

ام احمد وصال
2013-03-01, 11:54
صباح الخير حبيبتي وبنت بلادي واش راكي ان شاء الله بافضل الاحوال حبيت نطلب منك مساعدة حابة نغلف الصالون نتاعي الي راهو في هدا الرابط بقماش يكون تاع قطيفة حابة رايك في اللون و الديكور كيفاه نغيرو بعد ماشفت الشمبرة نتاعك كيفاه غيرتيها قلت ماتسلكني غير السطايفية واش تقتارحي عليا عندي فيك الثقة التامة
http://www.djelfa.info/vb/showthread.php?t=1083896
stayfiya
2013-03-01, 14:37
ربي يخليك خيتي على لكلام لحلو هذا و بالنسبة للصالون موديلو مليح صح عندو 10سنين ملي خرج بصح لكوير عمرو ليموت و زيد راه ساهل باش تغلفيه باanti tache خرجو الوان و موتيف يهبلو ام حاطينهم في لحشامى و من الاحسن ديري انتي تاش ساهل للتنظيف و ميهزش الخملة كيما القطيفة و انا غيرت دار خويا معنديش بزاف و درتلو الديكور في النوار و لبلان و الروج و هذا هو الرابط شوفيه
http://www.djelfa.info/vb/showthread.php?t=1149651
و لاكان حبيتي نبعثلك نيميرو السيد لي غلفلي الفوتايات مكانش مشكل انا ضرك راه في بالي كولور روز بونبون و قري سوري ممممم سخفت عليها وبالنسبة للكاش ريدو كرهنا من الذقيل هذاك فضلت ندير دي بانو خفاف و في دار خويا الصالون تاني درتو بانو و لونتري حبيت نوع درتو بالكاش ريدو و الزربيه اكيد رايحة تتبدل و انا في بالي اول حاجة تتروماركا في الدار الزربية سيي بدليها بكولور و موتيف جديد وانتي و مقدورك خيتي متكلفيش روحك فوق طاقتها و باقي لحوايج كل مرة اخطفي حاجة و متكثريش لي اكسسوار بزاف حاجة زوج ياسر هههههه او نقصان صوارد و نتي ثاني كي جي تمسحي الغبرة مادوخيش بزاف نشالله نكون فدتك بالشي لقليل و نقولك كثر خيرك كي فكرتي فيا من دون الكل *
ام مريم اسراء
2013-03-01, 15:08
انا عندي ثقة بلي اختي السطايفية ذوها رفيع و زيد حروصية يعني عندها روح المسؤولية و لمسة فنية لربي يبارك فيها و يحرصها من الي ميصليش على النبي صلى الله عليه و سلم انا اول مرة نشوف طريقتك في الديكور و بصراحة تفاجات من الدوق الرفيع و الفضل للاخت اماني السلام يا رب يوفقها تفرح بالديكور الي تعمليهولها انا نقترح على الادارة تعملك ركن خاص بيك و اسمه - ديكور و لمسات فنية مع الاخت السطايفية - باش نستشيروك فيه لكن طبعا اذا كان عندط الوقت اختي السطايفية بفضل توجيهك اشتريت منكان الخياطة و اكرر شكري امتناني لكي اخبك في الله و الله شاهد على ما اقول
stayfiya
2013-03-01, 18:01
انا عندي ثقة بلي اختي السطايفية ذوها رفيع و زيد حروصية يعني عندها روح المسؤولية و لمسة فنية لربي يبارك فيها و يحرصها من الي ميصليش على النبي صلى الله عليه و سلم انا اول مرة نشوف طريقتك في الديكور و بصراحة تفاجات من الدوق الرفيع و الفضل للاخت اماني السلام يا رب يوفقها تفرح بالديكور الي تعمليهولها انا نقترح على الادارة تعملك ركن خاص بيك و اسمه - ديكور و لمسات فنية مع الاخت السطايفية - باش نستشيروك فيه لكن طبعا اذا كان عندط الوقت اختي السطايفية بفضل توجيهك اشتريت منكان الخياطة و اكرر شكري امتناني لكي اخبك في الله و الله شاهد على ما اقول

بارك الله فيك ختي والله كلام يدخل للقلب طول و اي خدمة راني هنا و نسمع اي وحدة و واش نعرف راني منبخلش و ربي عالم