حق متخرجي 2012

[رامي 11]

انا متخرج سنة 2012 اين هو حقنا في العمل تنادون بالادماج و نحن لا احد يتكلم علينا اذا تم ادماجكم فهذا معناه انه لن يتم فتح عقود ما قبل التشغيل في الوظيف العمومي .تم فتحها في وقتكم لمن هب و دب و نحن ناتي من ورائكم بعام واحد لا يوجد اي شيء اذا نحن ايضا ننادي بحقنا في عقود قبل التشغيل تريدون الادماج . حوحو يحب روحو . اذا هذه المظاهرات هي لصاحكم و لمصلحتكم الشخصية . ونحن العاطلين و البطالين نريحو في الحيوط حيطيست . انا اقول للبطالين لا تخرجو معهم لانكم لست مستفيدين بل تغلقون في وجوهكم العمل وانتم مجرد كبش فداء لمطلبهم الرئيسي الذي هو الادماج و اذا تم ادماجهم اقسم بالله انه يعود ما يعرفكش و بتكبر عليك .انا لست مغفل و نواياكم ظاهرة . اي تريدون تطبيق مقولة . تبكي امك و ما تبكيش امي . كي تمنعو و تدمجو صاي حققتم مبتغاكم و بعد ذلك كل واح يعوم بحرو . اذا ما تامنوهمش و ما ديروش مظاهرات معاهم

[bknani]

خو ديرها في بالك كون ميدمجوناش رح تقعد احتياطي طابوري سمة ديرها في بالك كي نطالبو حنا بحقوقنا اتوماتيكمو نتوما تلقاو بلايصكم....مي باه نخل و العدو الحقيقي الي باين وراه و نتعافرو في بعضانا ...هدي مصراتش ...ربي يجيب الخير ...

[nounou-19]

كان الله في عون الجميع.
صدقني أشعر بما تشعر،لأني مررت بهذه الفترة..لكن ما أقوله لك هناك متخرجين 2011 وليس لهم عقد.
هذه هي سياسة الدولة أخي الكريم،منذ مدة وفي مسابقات التربية والتعليم الأغلبية العظمى من الناجحين كانت من أصحاب نظام lmd ،أما من يتواجدون في عقود ماقبل التشغيل فهم أصحاب النظام القديم،بمعنى أن لنا الحق نحن أيضا في العمل بصفة دائمة مثل ماكان لغيرنا،فهل يعقل أن يتخرج شخص في 2012 ويوظف ولا يوظف من تخرج سنة 2008 أو 2009 أو حتى 2004 !!
هذه هي الجزائر الكل يبحث عن مصالحه الشخصية : أغلب الموظفين المترسمين يقومون بالاضراب لزيادة أجرهم ونسوا الشباب الذي لاعمل له،نفس الأمر يحدث الان في عقود ماقبل التشغيل.
ربي يفرج على الجميع.

[القناص النايلي]

للأسف خريجي 2012.....لاحول لهم ولا قوة...واظن ان خريجي 2011 كذلك

[hanadi21]

sah kayna manha

[kazilo]

المشكل انهم الحكام والمسؤولين لا يعيرون ولا يهتمون بخرجي 2012 وهم متيقنون اننا لن نطالب بحقوقنا بالطرق المعروفة في الجزائر وهي المظاهرات وغلق الطرق

[ريحانة الجوري]

ماذا نقول عن متخرجي 2010

[dahman11]

يا اخي اصبر مازال مايطيب جنانك حنا من 2004 ومازال صابرين

[حلمي الجنان]

رامي يا خو من 2011 وراني نعاني شعلرة وحنبكي الدم كل منروح يقولولي مكاااااااااااااش هبلوني

[marwa amira]

أنا تخرجت في 2012 الله يجب راني مع الميناج فالدار الله لا تربحهم
بلاد ميكي
الباك نشوة و الجامعة حشوة والخدمة الرشوة

[kdaoud1]

خويا أنا متخرج 2012 اولقيت عقد راني ماقبل التشغيل عادي
حوس مليح تلقى ان شاء الله

[hayet04]

متخرج 2012 تقول حقي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ راك مزال جديد انا 2009 و مانيش طامعا

[dahman11]

يا اخي اصبر مازال مايطيب جنانك حنا من 2004 ومازال صابرين

[جندع]

2008 ورانا مزال ملقيناش عقود ريح راك معانا