شكون تعرف؟

[الندى48]

اخواتي في المنتدى ان شاء الله تقبلوني معاكم انا جديدة في المنتدى و حابة نتعلم بزاف حوايج و كاينة حاجة نصيب فيها مشكل حابة لي تعرف تنصحني كيفاش نعرف الارز الي يتعجن و الي يحافظ على الشكل تاعو مانيش على مفور تاع السلاطة و لكن الانواع الاخرى درت وحد اليوم ارز مرق عادي بانلي انو غادي يحافظ على شكلو و ميترونش بصح قريب ولى حريرة (من الجوع كلاوه ههههههههههههههه) و شكرا

[mina alg]

أختي أول ملاحظة الأرز المفور لا يستعمل فقط في إعداد السلاطة بل يطبخ أيضا بالمرق وحتي الارز العادي يستحسن تفويره قبل طبخه
ثانيا عند شراء الأرز يستحسن إختيار الدي حباته طويلة فهو الأحسن كما أن هناك أرز مكسر او مفتت عند طبخه يصبح مثل العجين

[أم ماجد]

الارز البسمتي او صوص هايلين اليك وصفتي

http://www.djelfa.info/vb/showthread.php?t=1215971

[الندى48]

شكرا لك أخت مينا و أخت أم ماجد و أكيد سوف أعمل بنصائحكم

[rora0]

اختي فوريه وكل مرة يفور اسقيه بماء ساخن 3 مرات ودريه في الفور يجيك شايح كل حبة وحدها

[ام مريم اسراء]

اختي انا دائما نعتمد الارز المفور في كل الوصفات السر الاول في الارز انك تغسليه مليح مليح و تفركي بالاصابع و تغيري الماء حتان يولي صافي تغسليه 4 او 5 مرات باش تروح النشاء الي يعمل زغوة و يخلي الروز يتعجن و يلسق في بعضاه
السر الثاني اني نخليه في الماء الصافي على الاقل نصف ساعة هكاك باش فيسع يطيب
انا نحطو في ماء مغلي فيه الملح و ملعقة زيت و نطيبو نص طياب و من بعد نغسلوبالماء البارد و نفورو ومحضرلو لاسوس او نجطو مع لاسوس نتاع الخضر البيضاء او الحمراء او نقطعلو الخضر قطع صغيرة كالطماطم الفلفل الحلو الجلبانة المفورة البصل الذرة المعلبة و الكاشير و ناكلوه سلاطة مع الزيت و عصير الليمون
او نقطعلو البصل وو نحطلو اتوابل نكثر من الزعفران او العود لصفر و نحطو في بلا نتاع الفور مع الدجاج المحمر او نطيب الدجاج المحمر في اكياس الشاء و نخلط لاسوس نتاعو بالروز
جربي طريقتي و ادعيلي
و تقدري تشري الارز البسمتي الهندي يتباع 240 الكيلو بنين ويطيب بسرعة

[om mostapha]

سلام انا نقول مكنش كيروز مفور تديريه حتى فالكوكوت خمسة دقاءق ما يسرالو والو.