ممكن تتربط بشخص تشفق عليه

[دمعة جراح]

السلام عليكم
يا خوتي حبا تدعولي من قلوبكم باش نتخطب قبل ما نسلك خاطر محباش نجرح انسان
وصلي خبر اكيد بلي واحد يخدم معيا يحوس يخطبني كي يخلص و هذا الانسان منعرف علاه يغضني بزاف و ديما نشفق عليه رغم انو ولا مرة هدرت معاه او هدر معيا لاكن يشفني منعرف علاه و زيد حجا انا اكثر منو بعام
انا وهذا الشخص نخدمو مع بعض كنا نخدمو بالعقد و عذا العام نجحنا في مسابقة لي درتها المؤسسة تاعنا
المهم هذا الشخص كي دخل يخدم خبر بعض اشخاص انو كي يخدم و يترسم يجي يخطبني و هذا لكلام عندو عام و سنة راهو يقول بلي كي يسلك يجي يخطب
كي وصلني خبر قلت للانسان لوصلني هذا الهدرة يبلغو بلي انا كبيرة عليه بعام ثم قالولي بلي هو علابالو و معندوش مشكل و منبعد قلت كونغير ميدخلناش سلاك بكري و يا رب نتخطب قبل ما نسلكو خاطر والله محبا نجرحو
خاطر لوكان نرفض بسبب فارق السن ممكن لوكان يجي واحد اقل منى و يعجبوني فيه امور نقبل والله ملقيت واش ندير
ادعيولي يرحم والديكم نتخطب قبل ما نسلك

[norhane taha]

ربي يكتبلك الخير وين ما كان
هذا موقف راني فيه ختيتي وراني مسلمة أمري لربي سبحانو ويمكن أسوأ منك
ربي يريح بالك إن شاء الله

[hadjerjouja]

إن شاء الله ربي يرزقك بالزوج الصالح في أقرب وقت
أنا بصراحة تحطيت قريب في موقف كيما نتاعك بصح الحمدو الله السمانة لي فاتت تهنيت منوا لعقوبة ليك ان شاء الله أنا بعثتلوا مع وحدة كان صارحها بلي راهو ناوي يجي يخطبني أمالة بعثتلو معاها وقلتلها ما تقوليلوش بلي علابالي وقوليلوا بلي جسيت نبضها ولقيتها مديراتك كي خوها لا اكثر ولا اقل.

[mina18]

اختي انت لم توضحي لنا من اي ناحية تشفقين عليه حسب ماذكرت انه ناويك للحلال والو ماخصو وزيد خدام بالبوسط يعني مواصفات اي وحدة تتمناها وكما فهمت انو شويا خجول ادا كان الخجل انتاعو هو الي خليك تشفقي عليه هنا علامة استفهام
الحاجة التانية اختي انا لا انصحك ان تنخطبي لانسان تشفقي عليه لانك هنا انت تحطمي حياتك بايديك وهدي قضية زواج والزواج لايتم عن طريق الشفقة واذا لم يتم تكون عواقيه وخيمه المهم اختي انا كما قلتي ندعيلك راني نقولك ان شاء الله يا رب يجي الاحسن منو وتتخطبي قبل ماتسلكي ولكن اذا لم يحصل عادي ارفضيه وليس بالضرورة اعطائه السبب لانك ادا قلت له عن حكاية العمر قد يبقى له امل ويبقى يحاول ان يغير رايك وهنا سيزيد الضغط عليك
اتمنى ان اكون افدتك

[القذافي999]

لا انصحك قضية تع زواج لازم البنادم يكون فرحان بزاف ليها ويكون متشوق مش يكون موسوس و يزيد بليس يقضي عليه بالافكار الي ديرلو الكئابة ممكن تتزوجي بيه و يجي في بالك انك كون صبرتي كون جاك واحد خير منو


الحل الوحيد هو التضرع لله بالصلاة و الدعاء و الاستخارة و ربي يسهل كل شي و شوفيه من الناحية الدينية كيفاه داير و اكدي على هاذ الشي

[القذافي999]

مكاش قع منها هاذ الشفقة. وحدة كانت تحبني بزاف بزاف لاكن ماكانتش تعجبني على الرغم انها متدينة في الاخير انا شفت وش يخرج عليا و ما قبلتلهاش و هيا تسوفري ايامات و تلقا ولا يلقاها كاش واحد اخر و يجياسم وتنسا حتى اسمي

[القذافي999]

اسمعي ماعندو ما دخلني بلاك راني كي كي الحجرة الي يتعثر بيها هاذ الانسان الي راه يحوس عليك ماعرفتش نفاسي لي كمونتار

و كيما قال الشاب بيلال

ديري كيما تحسي روحك الاز

[meriem hanin]

وكلي امرك لله
عسى ان تكرهوا شيئا و هو خير لكم
ربي يفرج عليك الاخت

[imene12]

ما هو سبب اشفاقك عليه أختي .. ممكن توضحيلنا اكثر

[دروب التابعين]

حب من طرف واحد
وتنظرين اليه نظرة استصغار يعني صغير
ديري استخارة وعمرك ولا تتخذي قرار مبني على عدم الالرتياح والتردد والنظرة الدونية للاخرين
احذري الزواج قضية صعبة لابد من حسن اختيار شريكك ولي كما تقولين اشفق عليه
ديري استخارة وقولي ياربي اذا كنت رايحا نظلمو يوما ما ان شاء الله مايتمش هذا الامر
قبل ان تتخذي اي قرار فكري معمقا وما تلعبيش بحياتك ومستقبلك وبحياة ناس ابرياء
-كون يعرف بلي راكي تشفقي عليه تجرحيه ويقلك علاه ما هدرتيش من قبل حتى فات الوقت

[دمعة جراح]

السلام عليكم
الف شكر لكل واحد مر على صفحتي
بالنسبة لي سقساوني واش هي اسباب لي تخلني نشفق عيله نقلقوم ملي حاولت تاب انا نلقاها واش هي ملقتهاش خاطر اسباب هي حطيتها هي سبب هذا الاشفاق راحت و رغم هذا منعرف علاش مزال يغيضني
حجا ثانية انا مرنيش رفضتو خاطر نتمى زوج احس منو لا و الله انا حبا نحس بلي شخص لي ريحا نرتبط بيه مع نسمع اسمو نحس بالحماية و الراحة و نحس بلي راني تحت ظل رجل
اما بالنسبة للخجل صراحة منعرف اذا كان خجول او لا خاطر ولا مرة هدرت معاه و لوكان على خجل راهو جا عندي و حبس
اما ان انسانة لي خبرتني راهي تنقل الاخبار و ان هذا شخص راهو يشيع في الخبر في مكان العمل انا نقولكم
بلي لي سمع بهذا الغبر هما 2 عباد و هذا الار كان من عام لي فات و انا مسمعتش بيه اصلا و و كي زاد تكرر هذا العام و ممكن يتحقق قالتلي هذي الانسانة لي على حسابها باش ندي مساحة كبيرة لتفكير و منرفضش الشخص لاسباب ممكن تكون تافهمة و انو لازم نتغاضي على بعض الامور و هذي الانسانة معروفة باخلاقها و هي اكبر واحدة وين نخدم و يعتبرها الكثير ناصح الجيد
والله يا خوتي محباش نصدمو خاطر اكثر حجا تقيسني اني نحس بلي قست واحد حتى لامكانش بقصدي
و لجاتلكم باش تنصحوني و تدعيولي باش يجيب ربي مكتوبي قبل مانسلك خاطر اذا صرى هذا وقع الصدمة عليه رايح يكون اخف من لوكان نرفضو
ادعيولو ربي يبعثلو زوجة صالحة عاجلا و ليس اجلا
وان يرزقي زوج صالح في اقرب وقت ان شاء الله
ســـــــــــــــــــلام علــــــــــــــــــــــــيكم و رحــــــــــــــــمة اللـــــــــــــــــــــــــــه و بركــــــــــــــــــاته

[sarl02]

السلام عليكم
الف شكر لكل واحد مر على صفحتي
بالنسبة لي سقساوني واش هي اسباب لي تخلني نشفق عيله نقلقوم ملي حاولت تاب انا نلقاها واش هي ملقتهاش خاطر اسباب هي حطيتها هي سبب هذا الاشفاق راحت و رغم هذا منعرف علاش مزال يغيضني
حجا ثانية انا مرنيش رفضتو خاطر نتمى زوج احس منو لا و الله انا حبا نحس بلي شخص لي ريحا نرتبط بيه مع نسمع اسمو نحس بالحماية و الراحة و نحس بلي راني تحت ظل رجل
اما بالنسبة للخجل صراحة منعرف اذا كان خجول او لا خاطر ولا مرة هدرت معاه و لوكان على خجل راهو جا عندي و حبس
اما ان انسانة لي خبرتني راهي تنقل الاخبار و ان هذا شخص راهو يشيع في الخبر في مكان العمل انا نقولكم
بلي لي سمع بهذا الغبر هما 2 عباد و هذا الار كان من عام لي فات و انا مسمعتش بيه اصلا و و كي زاد تكرر هذا العام و ممكن يتحقق قالتلي هذي الانسانة لي على حسابها باش ندي مساحة كبيرة لتفكير و منرفضش الشخص لاسباب ممكن تكون تافهمة و انو لازم نتغاضي على بعض الامور و هذي الانسانة معروفة باخلاقها و هي اكبر واحدة وين نخدم و يعتبرها الكثير ناصح الجيد
والله يا خوتي محباش نصدمو خاطر اكثر حجا تقيسني اني نحس بلي قست واحد حتى لامكانش بقصدي
و لجاتلكم باش تنصحوني و تدعيولي باش يجيب ربي مكتوبي قبل مانسلك خاطر اذا صرى هذا وقع الصدمة عليه رايح يكون اخف من لوكان نرفضو
ادعيولو ربي يبعثلو زوجة صالحة عاجلا و ليس اجلا
وان يرزقي زوج صالح في اقرب وقت ان شاء الله
ســـــــــــــــــــلام علــــــــــــــــــــــــيكم و رحــــــــــــــــمة اللـــــــــــــــــــــــــــه و بركــــــــــــــــــاته


صحا افهمنا ليستوار بصح واش هذه الهدرة تاع ادعيولي نتخطب قبل ما انسلك ؟؟قاع جايبتها وفي هذه خربتيلها جدها ...يا مخلوقة شكون راه ضامن اعيش لغدوة ..صحا حاب انسقسيك زعمة ذرك اي واحد ومهما كان يتقدملك في هذه المرحلة الي قبل السلاك كيما راكي اتقولي تقبلي بيه؟؟غير باش ما اجيش لاخر يتقدملك ؟...ماكيش مقتنعة بانسان ما تقبليش بيه نورمال من حقك وهو ربي اجيبلو من جهة اخرى وما راح يصرا والو يا اختي كل شيء عادي ...وبالتالي ندعيولك ربي باش اوفقك في حياتك بصفة عامة ماشي باش ما تتخطبي قبل ما اتسلكي ...واذا ابغيتي ربي نحي هذه الجملة من مختلف تدخلاتك وردودك لانها شوهتها شكلا ومضمونا.

[لبيبة1]

صحا افهمنا ليستوار بصح واش هذه الهدرة تاع ادعيولي نتخطب قبل ما انسلك ؟؟قاع جايبتها وفي هذه خربتيلها جدها ...يا مخلوقة شكون راه ضامن اعيش لغدوة ..صحا حاب انسقسيك زعمة ذرك اي واحد ومهما كان يتقدملك في هذه المرحلة الي قبل السلاك كيما راكي اتقولي تقبلي بيه؟؟غير باش ما اجيش لاخر يتقدملك ؟...ماكيش مقتنعة بانسان ما تقبليش بيه نورمال من حقك وهو ربي اجيبلو من جهة اخرى وما راح يصرا والو يا اختي كل شيء عادي ...وبالتالي ندعيولك ربي باش اوفقك في حياتك بصفة عامة ماشي باش ما تتخطبي قبل ما اتسلكي ...واذا ابغيتي ربي نحي هذه الجملة من مختلف تدخلاتك وردودك لانها شوهتها شكلا ومضمونا.
بارك الله فيك هدرتي وش كنت حابا نقول

[لبيبة1]

شوفي يا اختي انتي اعملي استخارة و صدقيني رح تشوفي النتيجة
يمكن حتى ترتاحي لنفس الشخص
عمرك ما سمعتي بلي الحب بدايتو شفقة؟؟؟؟؟؟؟
يعني الحب ما يجيش هكاك يطيح ضربة وحدة في القلب انا في رايي بدايتو تكون رحمة و منعرف!
و عندي فضول نعرف الاسباب لي خلاتك تشفقي عليه كيما قلتي و فيما بعد راحت هذيك الاسباب!!!!
طبعا اذا حابة تقوليها
ان شاء الله ربي يرزقك بالزوج الصالح يااا رب

[شخصية نرجسية]

عادي ارفضي قال نعتبرك كأخي و مانقدرش نعتبرك زوج و فضت و نصيحة لا تهتمي لمشاعر الناس ما لم تجرحيهم فحقك الرفض أو القبول

[jiji_"]

عادي يا أختي علاش راكي تكبري فالموضوع خطبك واحد وليد فاميلية وانسان مليح
تصلي صلاة الاستخارة و ربي يكملك سواءا بالقبول و لا الرفض
الا راكي مقتنعة بيه علاش لالا و الا ماكيش مقتنعة ارفضي و الا راه كاتبولك ربي ربي يكمل والا ماهوش من مكتوبك ربي يرزقكم من جهة أخرى
بصح نصيحة اذا كان ذو خلق و دين اقبلي بيه وانت وين علابالك الا خطبك واحد قبلو و خير منو مانيش عارفة خيرمنو في واش كيما راكي تقولي و قبلتي بيه مايكونش انسان مليح وين تضمني راجل آخر ماتعرفي خيرو من شرو
المهم صلي صلاة الاستخارة تحسي بالراحة و ربي يرزقك الخير انت و هو ان شاء اللهَََ