هل يمكن سحب شهادة البكالوريا الأصلية من الجامعة في نصف العام؟ [الأرشيف]

مشاهدة النسخة كاملة : هل يمكن سحب شهادة البكالوريا الأصلية من الجامعة في نصف العام؟

نونسا

2013-02-27, 15:36

في بداية العام الدراسي 2012.2013 كنت على وشك التحويل للمدرسة العليا للأساتدة بقسنطينة بمساعدة بعض الأشخاص و لكن طرأت ظروف شخصية صعبة لم تسمح لي بذلك، و الآن قيل لي أنه يمكن منحي موافقة التحويل الآن في نصف العام بدون أي إشكال، و لكن الإشكال يكمن بالأحرى في الجامعة الأصلية التي أدرس بها الآن، حيث قيل لي أنه لا يمكن سحب شهادة البكالوريا الأصلية في نصف العام و لا يمكن لمدير البيداغوجية توقيع التحويل حتى و إن تم القبول من طرف الجامعة المراد التحويل إليها، أرجو الردوووووود و التوضيح أكثر و هل هناك من حلووووول؟

سطايفية بكل فخر

2013-02-27, 19:23

التحويل في نصف العام غير قانوني ومتكصريش راسك اختي ميسمحولكش بيه لانو فترة التحويلات فاتت والدروس والامتحانات بدات تكون غير في سبتمبر ومدتها محدودة وحتى لو جبتيها معريفة من المدرسة العليا الجامعة متكاشيلكش مام اختي نهار تجي تستلمي الكونطرا لي درسي بيها رايحين يفيقولك ويشوفولك السيفي تاعك والاجراءا ت ساعتها تولي عليك
+
المدارس العليا متقبلش باك قديم يعني حتى واردت التحويل في سبتمبر القادم ميقبلوكش لانو يطلبو باك جديد
+
بالتوفيق لك اختي
خيري شعبة اخرى تليق بيك

نونسا

2013-02-28, 16:38

لالا أختي، في المدرسة العليا قبلولي باك قديم نورمال على هدا راح ندير التحويل في نصف العام، و نبلوكي العام في المدرسة العليا و العام الجاي نبدا نقرا نورمال كي شغل كنت مبلوكية العام، راه مدير الدراسات موافق، قالولي نعطيوك التحويل ضرك و اسحبي الباك و يسجلوني في المدرسة العليا و و نبلوكي العام لأنو ما تصلحش نبدا نقرا ضرك راهم دارو الامتحانات، نبلوكي العام و العام الجاي نبدا نقرا، فهمتيني اختي؟
المشكل بقى في الجامعة تاعي ضرك ما نعرف يكاشيولي ولا لا, المهم شكرا اختي على الرد

نونسا

2013-02-28, 17:43

أرجو الرد اخت # سطايفية بكل فخر# أرجو المناقشة

سطايفية بكل فخر

2013-02-28, 19:57

اختي نسقسيك سوال وجاوبيني
راكي داخلتها معريفة؟

نونسا

2013-02-28, 21:09

نعم معريفة و قالولي معدلك مليح بصح المشكل في الجامعة ضرك خفت ما يحبوش يكاشيولي :(

سطايفية بكل فخر

2013-02-28, 21:25

من ثم الهدرة بدات
لانك معريفة قبلك اختى
انا لما جاوبتك جاوبتك بالقوانين لي راهي تمشي مي كي عدتي معريفة حاولي تستغلي الفرصة ادا كانت تناسبك
+
وبما انو هدا لي رايح يبدلك ضامنلك بلاصة قولو هو يفكلك قصة الشهادة
بالتوفيق ليك اختى
وحاولي متهدريش بلي راكي معريف والا تطفر فيك

نونسا

2013-02-28, 21:28

أختي أرجوووووووكيييييي أجيبيني بما لديك من معلومات حول هدا الموضوع أنا مستعجلة و جزاك الله خيرااااا

نونسا

2013-02-28, 21:31

بصح المشكل أنو هو في قسنطينة و انا في ام البواقي ما عندوش علاقة بالجامعة تاعي باه يتولى قصة الشهادة، انا راني نستنى نجيب ورقة قبول التحويل قريبا و نديها للجامعة و نشوف ادا يكاشيو ولا لا، شكرا اختي حزاك الله خيرا

سطايفية بكل فخر

2013-02-28, 21:34

العفو
+
غير شوفي معريفة
ورقة التحويل جينيرالمون يمدوها في سبتمبر
ربي يسهلك امورك اختي وميديرولكش مشاكل

اسيا26

2013-07-06, 12:27

سبحان الله

مسيردى

2013-07-06, 17:50

كان الله في عونكي

اسيا26

2013-07-14, 07:45

الحمد لله كثيرا