المدرسة العليا للاشارة e.s.t بالقليعة [الأرشيف] - منتديات الجلفة لكل الجزائريين و العرب

مشاهدة النسخة كاملة : المدرسة العليا للاشارة e.s.t بالقليعة

sailor

2013-02-26, 19:27

السلام عليكم ورحمة الله ...الى كل من جاءه امر استدعاء بناء على امر وزير الدفاع الوطني ..
والملزم بالالتحاق الى المدرسة العليا للاشارة بالقليعة يوم 2013/03/22...
هذا فضاء للتواصل والترابط فيما بينكم قبل الوصول الى المدرسة والتشاور فيما بينكم لتسهيل عليكم عملية التعارف في المدرسة والثكنة العسكرية ولكل من لديه خبرة في مجال الخدمة الوطنية التواصل معنا ولنكن يد واحدا وكيما يقلك معريفة الرجال كنوز عرفنا رجال في حياتنا وعرفنا بزاف في الجامعة من كل ولاية وان شاء الله نزيدوا نتعرفو بناس وبرجال في الثكنة وانا نقلكم حاجة الرجال تبان في السفر يعني كي يكون في الغربا واحنا والفنا الغربا مرحبا بيكم ...

ViVeAhMeD

2013-02-26, 20:36

راني معاك اخي
احمد من ولاية تيارت تخصص شبكاة كهربائيه وضغط عالي
نحوس مكان الثكنة بالضبط باه منغلطش كي نروح ليها

سقسونا عليها

sailor

2013-02-26, 21:33

اخي احمد من ولاية تيارت السلام عليكم انت لما تجي الله اعلم راح تجي لمحطة الحافلات بالخروبة الجزائر العاصمة وبعدين راح تخرج خارج المحطة تجد حافلات متجهة الى كل من ساحة الشهداء وساحة اول ماي او تافورة اركب في اي واحد منهم واطلب من الرسفور ينزلك في محطة تافورة او ساحة 2 ماي (شمونوف) وبعدين كمل تمشي راح تجد على جيهتك اليمنى بور الجزائر وعلى جهتك اليسرى محطة حافلات لنقل الطلبة (لكوس) المسمات محطة حافلات الطلبة تافورة انت راح تكمل مباشرتًا للامام راح تجد بعد محطة حافلات الطلبة باركينغ وبعدين راح تجد محط اخرى للحافلات على جهتك اليسرى راح تجد حافلات ينقلول الى بوسماعيل وزرالدة والقليعة انت اركب في القليعة راح تخلص مباشرتا الى القليعة الى اخر محطة بالقليعة (التارمينيس) ومن بعد راح تجد الثكنة قريبة من المحطة قرابة مشيت 5 الى 10 دقائق

khayrou 35

2013-02-26, 21:48

خيرو من ولاية بومرداس
تخصص حقوق
مي انا مفهمتش واش علاقة الحقوق بالاشارة
المهم باذن الله نفوتها و نتهنا مالحشوة
ان شاء ربي يوفقنا لما يحب و يرضى

khayrou 35

2013-02-26, 21:49

sailor

2013-02-26, 21:54

اخي خيرو من ولاية بومرداس السلام عليكم انا نقلك امك داعيتلك بالخير لانو راح تجوزهم في القليعة بالصحة والهناء والمدرسة متكاملة من كل شيء يعني احسن بكثير من الثكنات الاخرى سواء في السكن لي راح يكون حسب علمي 8 في غرفة شالي اما الاكل فهو جيد حسب اقوال وخبرات لي جوزهم في هذه المدرسة ...وتعتبر المدرسة غير نتاع القيادة ....واطلب من الاخوة لي عندو اخبار جديدة عن هذه المدرسة ينفعنا واخواننا بها .

ViVeAhMeD

2013-02-27, 00:00

ان شاء الله سيلور بارك الله فيك

TAREKCH34

2013-02-27, 00:04

أنا من ولاية البويرة وبعثولي 22/03/2013 القليعة

ViVeAhMeD

2013-02-27, 00:08

اكتبونا اساميكم وتخصصات باش اذا طحنا مع بعض في لي شومبر نفوتوها بيان
:)

dahman.aoulef

2013-02-27, 08:39

السلام عليكم .
انا عبد الرحمن من ادرار
تخصص لغة انجليزية
وارجو منكم الارشاد لهاته الثكنة
ومعرفة خيييير ان شاء الله.

TAREKCH34

2013-02-27, 14:39

طارق من البويرة تخصص هندسة المواد

sailor

2013-02-27, 20:17

السلام عليكم اخوتي

TAREKCH34

2013-02-27, 20:21

وعليكم السلام ورحمة الله

a.gourias

2013-02-27, 21:31

السلام عليكم ورحمة الله وبركاته

حبابي راني خدمت صفحة فيس بوك باه نقدرو نتناقشو فيما بيناتنا خاصة للجماعة لي بعثوهم للقليعة

اسم الصفحة هو

المدرسة العليا للاشارة بالقليعة مارس 2013

TAREKCH34

2013-02-28, 00:49

أخي ممكن رابط الصفحة لأني لم أجدها

a.gourias

2013-02-28, 12:47

اخي الكريم لا يسمح لي بكتابة الروابط فقط اعطني اسم الفيسبوك لديك وانا اضيفك

a.gourias

2013-02-28, 12:56

Prince Ammar‎‏ ‏‎(Appel Masqué)‎‏ هادا الفيس بوك نتاعي

ViVeAhMeD

2013-02-28, 21:11

عبد الرحمن وطارق

نتلقاو ثما ان شاء الله

والبقيه كتبونا اساميكم

هذيك هي خوانا عبد الرحمن يعلمنا شوي انجلي هههههه

رايح تفوت بيان ان شاء الله ونحوها من طريق بدامنا صغار

khayrou 35

2013-02-28, 22:27

للتواصل اكثر بين المتوجهين لثكنة القليعة الفايس بوك تاعي هو talbi khayrou

ViVeAhMeD

2013-02-28, 22:31

واحد يخدم قروب شباب ويعطينا اسمو احسن

ق = g

a.gourias

2013-02-28, 22:51

المدرسة العليا للاشارة بالقليعة مارس 2013

طارق الوفاق

2013-03-01, 11:01

السلام عليكم

sailor

2013-03-01, 19:34

السلام عليكم ضباط مدرسة الاشارة راهو نهار يجبد نهار والوقت بدا يقرب لي راهو حاب يروح من الان يوجد روحو مايخليش للدقيقة الاخيرة وجدو كباتكم وسلمو على حبابكم وقصرو معاهم مليح قبل ماتروحو...وان شاء الله لي خلا صاحبو مورها يلقى واحد مثلو او خير منو في المدرسة العسكر لرجال واحنا هم الرجال رانا جايينا يا لقليعة....

TAREKCH34

2013-03-01, 20:07

هههههههههههههه
ديجا راني بعت التيليفون جبت واحد سامبل وثاني شريت المستلزمات
كثرو من شفرات الحلاقة خاوتي

Ninjaa1

2013-03-02, 11:08

السلام عليكم
أخوكم عبد الرحمان من ولاية البويرة

حاب نسقسي اللي عندو خبر حول البرنامج الزمني اليومي وكامل يعني وقت الاستيقاض و واش يجي من بعدها بالتفصيل الممكن
والتدريب واش يكون فيه أنواع التمارين وغيرها
وفي ال 3 أشهر الأولى الأيام كامل كيف كيف ولا الجمعة خاصة

أي تفاصيل ممكن تشاركونا بيها
وشكراً

khayraddine

2013-03-02, 11:45

السلام عليكم

نوصيكم مليح

لي بعثولو في 15 يروح في هدا النهار مليح ليه / علجال الخلصة يحسبولو شهر زيادة علا صحاب 22

أما لي بعثولهم في 22 ينجمو يديرو الروطار و يلتحقو بالثكنة - سمانة ونورمال -

اما بخصوص الخدمة لتم فهدا يعتبر من اسرار الدولة / اسمحولي مانجمش نقول كلش

ناس بزاف مايش حابة تتكلم في هد الامور في المنتديات !!!!

المهم :
* انت راح تدخل بصفتك طالب ضابط احتياطي
* ماكش راح تفوتها جندي !!!
* اعطي قيمة لروحك يعطوك قيمة
* الناس لي راح تعاملكم راح يكون ليها الشرف انها تتكلم معاكم / لأنكم مهندسين و ليسانس
* لازم تعرف بلي راك رايح تخرج منها ضابط و راح تكون مسؤول ولازم تعرف و تتعلم من الامور لي راح يجربوك فيها

كان من دواعي سروري اني نتكلم اكثر و اكثر لكن مهنية الخدمة لا تسمح لي / و الكثير مثلي

بالتوفيق للجميع

Ninjaa1

2013-03-02, 11:54

بارك الله فيك أخي

طارق الوفاق

2013-03-02, 14:55

لمزيد من الاستفسار يرجى التواصل عبر الفيسبوك
Adele Barcelona

TAREKCH34

2013-03-02, 16:11

.................................................

طارق الوفاق

2013-03-02, 16:23

.................................................

خويا رنا فلغروب فليسبوك ادا حاب تسأل على كاش حاجة راك تلقانا على 21

ayyoub adam

2013-03-02, 16:45

خاوتي ايوب من المسيلة ينظم اليكم

جاني الاستدعاء اليوم

اعطونا الفايسبوك

هذا الفايس تاعي
Ayyضub Adam (ʍahaʍdi)

sailor

2013-03-02, 16:50

السلام عليكم اخي على حسب علمي المدرسة العليا للاشارة بالقليعة مليحة سواء في التدريب او في المعاملة وتسمى ايضا مدرسة القيادة ....الاطعام نتاعها بزاااف مليح ونقي وتاني الشنابر ملاح في كل شالي 8 اشخاص ...الميتاسيون نتاعها الى كل ولايات الوطن معندهاش مكان مخصص وزيد الستاج نتاع الخدمة الوطنية 4 اشهر من 22 مارس الى 15 جويلية ...المدرسة جايا في بلاصة شابة ووقريبة للبحر والغابة والهواء فيها مليح ونقي ...الهاتف النقال ممنوع واذا ديتوا واحد لازم تخبيوه مليح وفي الليل لازم تنحيولو كامل الضوء وديرهو على الصامت سيلونسيو وادو واحد رخيص باش اذا ضاع منك مايغضش ...كي يكونو يعطيولكم في الحوايج والكونبا لازم تجيبها سواسو عليك وم تجيبهاش كبيرة راك تولي مضحكة بالكونبة اذا كانت كبيرة ..وزيد الرونجاس بلاكو تجيبوه صغير راهو بارد الحال ويتزير عليكم ومتقدروش تدربوا بيه ويديرلكم مرض القلب وتحس روحك عيان (يعني كي تكون تجري تدفق الدم يكون بسرعة ولما يوصل الى الرجل ويكون الحذاء مزير راح يضعف دوران الدم ويقدر يتسببلك في تقطع العروق او اتساع صمامات القلب) والحذاء كي يكون صغير عليك بصفة عامة ماشي مليح ....اديو معاكم حوايج النظافة الصابون وديروا تحفيفة مليحة باسكو راهم يطولو باش يحفولكم ...وكثروا من الجوطابل نتاع لحفافة .....ومرحبا بيكم في المدرسة ورانا كامل راح نجوزهم كيف كيف في المدرسة العليا للاشارة بالقليعة الى الملتقى يوم 2013/03/22

ayyoub adam

2013-03-02, 19:01

انا باعثيني يوم 15 مي حاب نجي حتى 23 يوم السبت

واذا مارحتش لانه هذا الاستدعاء الاول ؟ واش هي العقوبة مثلا وهل الاستدعاء الثاني يكون في سبتمر والثكنة تكون اقل مستوى من الاولى ؟

زيدو اعطونا نصائح حول الستاج ؟ كيفاه يكونو من اول يوم حتى اخر يوم

وهل تكون مخلطة بين الجنود والضباظ في الستاج ؟ ولا كيفاه

معلومات اكثر

TAREKCH34

2013-03-02, 20:28

ما بقاش 20 يوم إن شاء الله أبداو توجدوا وبالتوفيق للجميع

TAREKCH34

2013-03-02, 20:32

ما بقاش 20 يوم إن شاء الله أبداو توجدوا وبالتوفيق للجميع

sailor

2013-03-02, 22:37

السلام عليكم خاوتي ان شاء الله تكونوا بالف خير ياخاوتي لي عندوا كشما خدما راهو حاكمها او عندو عقود تشغيل مزال مخلاصتلوش ابروفيتي لوكازيون واخدم خيرلك من لارمي ولي راهو حاب يروح وهو يخدم في كشما بلاصة لازم يدير قرار الانتداب موافق عليه ويدي معاه فوتو كوبي نتاع لوردبال الى المؤسسة لي يخدم فيها هكذا تعقب 18 شهر وتولي للمنصب نتاعك ... لي عندو فكرة يحطها وينصح بيها الاخرين ولي عندو دوسي لازم يديه معاه للثكنة العسكرية واذا كان ملف طبي من الافضل يكون قديم شوي ولي عندو معريفة مايغبنش روحوا يخرجها ظرك خير من وقت اخر ولي معندوش معريفة بحالتي ومراهوش لا خدام لا والو يروح يعقب وراااني فرحان بزاااف الجزائر بلادي في 2013/03/22تسحقني وانا كي نحتاجها منلقهاش ..******.بلادي احبك *****

ayyoub adam

2013-03-03, 00:11

رانا كيفك خويا ههههههههه

الواجب جاني للدار والحقوق جريت نعيت ووالو

موطني موطني تبا تبا

youcef990

2013-03-05, 13:12

السلام عليكم
اخوتي عندي سؤال أنا لبسانس كلاسيك في الترجمة دفعة 2012
جاني أمر الاستدعاء بو 22/03/2013 الى القليعة
علما أنني أحمل نظارات طبية عيني واحدة تشوف 4/10 كما أنا قدماي مسطحتان.
هل لي فرصة لتسريحي؟
جزاكم الله كل خير.

باقي ناصرالدين

2013-03-06, 10:45

ثكنة القليعة شابة خاصة في النظافة و الأكل .... يحتارموا بزاف الجامعيين ....أنا فوت فيها نوصيكم قروا مليح أجهزة الراديو لآنكم حينما تذهبون إلى ثكنات أخرى ستعملون كضباط إشارة قائد فصيلة إشارة ....ربي معاكم و سلمولي على الشالي 2 و الجذير بالذكر أن دفعة مارس تفوت حفل التخرج ربي معاكم

TAREKCH34

2013-03-07, 22:52

يا درا واش من شالي نطيحو فيه ؟؟؟؟

laanani

2013-03-09, 10:40

ana jatni youm waslohali sbah rabi 3la 9 ana ragad et homa fi la port sbahat rabi hier jani wahad fkarli khadma gali contra 2.500.000nakhdam 2 jour et natrtah 2 jour bdit nakhdam dossier prcq lorder taolat majatch alr ki ktabha rabi jao kamal khadma jat larmé jat kolchi ja

laanani

2013-03-09, 10:46

الصديق من راس العيون ولاية باتنة ليسانس مالية

khayraddine

2013-03-11, 16:55

8 في الشالي //// حاسب روحك في فندق ؟؟؟؟

روح و تشوف الزمباع وين يتباع

khayraddine

2013-03-11, 16:57

switva1

2013-03-15, 17:00

السلام وعليكم انا من ولاية تيارت جاتني امر استدعاء لو 22/03/2013 الناحية العسكرية الاولى الي يهمو الامر نروحو كيف كيف 0663953366 اني هنا

brahimb2

2013-03-23, 09:31

السلام عليكم
فكرة ممتازة أن تتعرف على زملاء مقبلين على أداء الخدمة الوطنيةقبل لقائهم
للعلم انا من دفعة 25b لسنة 2005 ، وأعرف جيدا هذه المدرسة بما فيها من مرافق رائعة وشاليهات لـ 10 أفراد
يا أخي لا تنتظر أن يعلموك سلاح إتصال الإشارة الحديث لكن ستتعرف على بعض العتاد الغير مستعمل والقديم،وستشبع من النوم داخل
القسم،وفي فترات الراحة ستعاني كثيرا من الكرفي في هذه المدرسة يعني "نزع الحشائش"،غسل الأواني لحوالي 300 شخص، ناهيك
عن كرفي سيكتور يوميا على الساعة 05 صباحا و التجمع بدون مبرر في الساحة حتى الساعة 11 ليلا
أحسن شيئ هو أنك ستكسب إخوانا أحسن من إخوتك، وتشبع من الزعاقة ، ونوصيك ماتخدمش الكرفي من قلبك على خاطر كي يشوفوك خدام يحرثو عليك