الفرق بن مؤدي الخدمة العسكرية والذي لم يؤديها

[اديت الخدمة الوطنية]

مالفرق مالفرق

[جندع]

مكان حتى فرق

[غليزاني 26 سنة]

ارجو ان تثورو ايعقل ان يكون الجامعي مهان لهده الدرجة 30 سنة و يؤدي الحسوة الوطنية مع مواليد 1995

[ben djelfa]

الفرق بين من اداء الخدمة العسكرية ومن لم يؤديه هو من اداه راجل ومن لم يؤده راجل ونص

[fare190s]

بصراحة
الي فوتو يقولك كاين فرق
الي مافوتش يقولك مكاش فرق

[khayraddine]

انا فوتها .......بلاد العرف

ربي وكيلهم

تفوتها راجل

ما تفوتهاش راجل ونص

[farid-22]

الفرق هو أن ستكون ذلك السجاع الذي يرفع راية بلاده على ال4 صباحا ، أنك رفقة ابن الزوالي ستجري ، لمسافات لم تجرها طول حياتك ، الفرق أنك ستعرف الرجال و المعنى الحقيقي لهذه الكلمة ، الفرق أنك ستعرف قيمة الحياة المدنية ، ستجرب ما لم تجربه طول حياتك صعب صعب أن تدخل مستقيما و تخرج كذلك ، ستتعرف على حدودك ، وقدرة تحملك الحقيقية ، ستختبر قدرتك الواقعيه على التأقلم و النفوذ ، الفرق أنك أكثر وطنية ، من الذين يدفعون الرشاوي و أصحاب الكتاف الذين لن يجتازوها

هاي ماذا أكتب ، حتى أنا لا اصدق هذه الخزعبلات ، ههههههههه، الحقيقه ودون تجميل وماكياج
4 من اخوتي لم يجتازو الخدمه الوطنيه وهم جميعا ، يحملون بطاقة الاعفاء ، وفي أحسن الأحوال ، واذا وجدت نصف فرصة ، ربع فرصة ، مجرد هفوه فانونية ، فلن أضيعها ، المشكلة هي كوننا جامعيين ، وصارت الصفراء مثل الفيزا ، وأنت تعرف الواقع ،
ربما أكثر مني ، وصدق من قال الي ما فوتهاش راجل ونص

الله يسهل علينا و عليك يا أخي ، واللي كاتبها ربي مرحبا بها

[dridi laid]

يا اخي راكي كفيت ووفيت يعطيك الصحة ..............

[llotfi]

لي فوتها راه تهنا و لي رايح يفوتها سيرتو إلا كان خدام ولاباس عليه هديك ضياعت وقت و لي ما فوتهاش هداك راها عليه دعوة تاع خير و كيما قال الرجل العالم و الفيلسوف الكبير الشيخ البومباردي أنا ضرك نرفع الزلشة هادي طووول و الله يسهل

[نبيل حمزة]

انا فوتها ونقولك الفرق خويا
لي فوتها محشيتلو ولي ما فوتهاش ومازال مداش الاعفاء تان محشيتلو
اذا لي يحشيها المراة ولي عندو معريفها يديها بلا ما فوت
انا فوت ومازالني شوماج اههههههههههههههههههههههههههههه
ماهي الفائدة لا اعرف ولي ما فوتوهاش راهم خدامين اههههههههههههههههههههه
حشاوهانا بصحتهم وكيلهم ربي
بلاد باطل هي والعجايز ليراهم يسيرو فيها

[rbkpro]

بصراحة لا أحد سيقنعك بأن من أدى أحسن من الذي لم يؤدي
بما أننا مسلمون نرجع الى ديننا هل يجوز تأدية الخدمة العسكية بكل ما فيها من تعظيم للجمادات و هو شرك و قسم بغير الجلالة و هو شرك
و العلماء افتو بتحريم ذلك
هذا الى المنكرات الاخرى كسب الذات الالهية و قذف الأعراض و اضاعة الصلاة و اكل رمضان و ووو الكثير

بالاضافة الى انك ستصبح جندي احتياطا للدفاع عن وطنك

[star_123]

يقولوا لي فوتها راجل ... ولي مفوتهاش سيد الرجال

[Ghechame]

كاين فرق ياأخي........في الوقت اللي تكون انت في الخدمة الوطنية ولد الوزير يكون في سويسرا واستراليا وماريكان وجزو هاواي ومن بعد يجي هو يطلع مدير ولائي ولا وزير وانت كي تكمل الخدمة تاعك تقعد تدور في بلاصتك لاخدمة لا والو......ويكذب عليك لي ي قولك كاين فرق مثلا انت جامعي ورحت تفوت الخدمة علبالك بلي في عام ونص تنسى قرايتك وعقلك يحبسوهلك ونهار تخرج توفت كونكور صدقني ياأخي تعاني وماتربحش تزيد تقعد 7 سنين اخرى باه تطيرلك حدمة

[djalal44]

يا أخي سر االفرق بين اللذي أدى الخدمة والذي لم يؤديها هو بإختصار
الي فوتها راجل والي أدا الإعفاء راجل ونصف

ولمزيد من معلوماتك أنا راني أنفوت فبها في الوقت الحالي في الصحراء
وإلا رحت راك تتأكد من كلامي

[lmdscor]

الفرق بين من اداء الخدمة العسكرية ومن لم يؤديه هو من اداه راجل ومن لم يؤده راجل ونص
لي راجل راجل مكان ني نوص ني والو يحرثو عليك هادا مكان

[salcido0000]

نقلكم حاجة يا لمساكين ماكاه كيما اللي فوتها يتعلم حوايج بزاف أما لي يقلك ولد الوزير ف الماريكان ولا ف سويسرا إيه هو ولد وزير من حقو يروح وين يحب ويتمتع كيما حب ، حنا مانبقاوش نشوفوا للناس اللي فوقنا بالمناصب حنا نتعبوا باه نوصلوا لهاذيك المناصب يا إخواني ، ربي يهديكم نهار كامل و أنتوما هاربين من هاذ الخدمة الوطنية اللي يعقب يعقب و اللي ما حابش يعقب ما عندو علاه يهدر و يسمط على الناس اللي رايحين يعقبوها ،واللي يقول مانروحش و نلهط على الإفاء و نهار كامل و هو هارب منها هذاك مايكونوا غير جدودو بايوعا و قوادين لفرنسا ، ولد البلاد يخدم لبلادوا ماش بلادو الي تخدم عليه ،و نزيد نقلكم بلي بهاذ العقلية ماعندها وين راح توصلكم ................... أفطنوا شويا يا ناس

[mouhamed.bac2013]

اخي مع احتراماتي لك و بصفتك اديت الخدمة العسكرية
ممكن تشرحلي واش ديرو ف 6 اشهر تاع الستاج ؟
و العام الي يبقى واش هي المهام الي ديروها و هل حسب الرتب ؟

[salcido0000]

نعم علي حسب الرتب ، وعلي حسب المدارس و القطاعات و الصحة هي الأفضل المهام كباقي التدريب العسكري فيها الصعبة والسهلة تعلمك المسؤولية و الرجولية

[mouhamed.bac2013]

انا الشي اللي مخوفني ادا كان يخرجونا للجبل

[salcido0000]

درك على حسب القطاع مثلا المشاة و العتاد نصهم ف الجبل خويااا

[mouhamed.bac2013]

حتى ضباط الصف ؟
وادا كان عديت الستاج فمركز تاع المشات و منبعد يحولوني لمكان اخر ياك مايبعتونيش مرة اخرى الى المشاة

[salcido0000]

تبقي فالمشاة

[mouhamed.bac2013]

ااه يعني غير المكان يتبدل
ونقدر نحكم سارفيس يعني باش مانروحش للجبل ؟