وصفة قديمة جدا

[ام البنتين]

بسم الله هذي اول مرة نحط فيها وصفة قلت في نفسي واش انا غير نستفيد ما نفيدش .الكل جا و جاب معاه حويجة غير انا ما كان والو واش ندير واش ندير لازم ندير حاجة ما تعرفها لا ام رامي و لا ام ماجد و لا ام........و لا الاخت الصوامعية و لا الوهرانية و لا ام ماجد :D ما تزعفوش عليا راكم تغيروني بوصفاتكم اما الاخت فلة اكيد ما تسمعش بيها:o يعرفوها غير صحاب الشرق من منطقة تبسة الى تونس هذه الوصفة تعلمتها من امي الله يرحمها في منطقة تبسة يسموها المسلي el mssélliو يصلح في الايام الباردة و غير الحراير لي يعملوه زمان لما كان الخير يديروه بكمياة كبيرة و خزنوه يبقى طول العام و حتى اكثر
المهم ما نطولش عليكم ....بما ان اللحم غالــــــــــــــــــــــــــــــي انا انديرو غير في العيد الكبير
نحتاجوا كميات من اللحم يعني لما تقطعوا خروف العيد راح تلقاو مورسووات فيهم اعظم و قليل من اللحم وزيدو كميات اللحم و لي متوفر و لي موجود قطعوهم قطع متوسطة ما لازمش تكون صغيرة باش ما تذوبش و الكمية كيما حبيتو حسب الموجود
نضيف لها تقريبا نفس الكمية تاع الشحمة نعم الشحمة انا عيني ميزاني لوحو ما تخافوش ولكن ما لازمش تكون كمية الشحمة اكثر بكثير من اللحم لان اصل البنة في اللحم ممممممممممممممم حطيه على نار هادية في طنجرة ثقيلة كوكوت مثلا وخلي الشحم يذوب شيئا فشيئا و حركي مرة على مرة و هذا العملية راح تاخذ منك وقت لذلك حطيها و اخدمي شغلك الباقي و ساعة على ساعة طلي عليه حذاري ما لازمش تضيفي الماء خلاص خلى غير الشحم يذوب خاصة اذا كان من النوعية الجيدة الخاص بمنطقة الكليتين راكم فهمتو في الوقت اللي يذوب فيه الشحم راه اللحم يطيب و انتي اضربيلوا طلة لما تشوفي بلي اللحم دخلو الطياب يعني ما بقالوش و يطيب جيبي كمية لاباس بها من الثوم rape زيدي التوابل الفافل الاسود و الفلفل الاحمر الحلو و الحار و الكسبر و الكروية وعينك ميزانك حسب الكمية دوزنيه مليح ما يصرالو والو اما الملح سيدتي ملحي وزاودي شوية يعني رايح يكون مالح شوية لانه مع الشحمة راح يكونو المواد الحافضة لهذه الوصفة و لهذا يمكن يدوم طويلا لانو زمان ما عندهمش congelateur راح تلاحظي بلي ما درناش البصل لانو فيه الماء و الماء يخسرلي الوصفة لاني راح نخبها للايام الباردة و تكملي حتى يطيب اللحم مليح وانتي تحركي باش ما يلصقش في الطنجرة لما يطيب سيدي ذوقي و شوفي اذا خاصها ملح اضيفي راه يجي مالح شوية بصح تقدري تاكليه ما دريهش مالح شط و اذا خصوا حراور اضيفي وانتي و شطارتك خليه يبرد و ما طوليش عليه لانه ارايح يجمد بسبب الشحم الى فيه
و اذا كاين بعض القطع الشحمية ما ذابتش نحيه يعني رايح يكون سائل و فيه قطع اللحم الى اصبح لونها بني تماما كي يبرد ضعيه على كميات صغيرة في المجمد يعني انا مثلا اضعه في اكياس المجمد بطريقة افقية ذات سمك 2 سم و لما نحب نستعملو نقص منو قطعة و نرجع الباقي .نشا الله تكونو فهمتوني.
الان استعمالاتو:
يستعملوه الحراير في العيش لما يطيب اظيفي كميو منه و حاولي دائما تاخذي كمية من الشحم +كمية من اللحم.
في المحجوبة.
بالنسبة لناس الشرق لي يطيبو الحلة ...وصفة خاصة في رمضان ما تشيج بنينة بلا بيه و يستعملو كمية مليحة منو
اما حراير هذا الزمان يقدروا يطيبو بيه البيض في المقلة في مكان الزيت او الزبدة يستعملو قطعة منو لما تذوب يقليو البيض.............اتمنى اني افدتكم بمعلومة و ارجو من ناس تبسة و حرايرها ياكدو على استعمالاتو لاني ربما راني نسيت بعضها اما البنة لذيذ جدا

[linat]

ya3tik saha

[majda archi]

فحلة ويعطيك صحة

[om ahmed yacine]

شهيتيني انموت على المسلي يهبل انا مانحطوش في الكونجيلاتو خاطر او ما يفسدش مع حلة حارة مممممممممم راكي كفيت ما عندنا واش نزيدو يعطيك10000عافية

[أم نورين]

الله يعطيك الصحة احناوين وناس زمان وين تبان روعة اول مرة نسمع بيها

[الأمنيات]

http://upload.traidnt.net/upfiles/Xei67384.gif

[ويناروز]

http://im35.gulfup.com/cL3EJ.gif

[mounia hse]

يعطيك الصحة

[soriaalg]

يعطيك الصحة اختي بارك الله فيك

[عطوفة]

بارك الله فيك..راكي دخلتي دخلة فووووووووور ..صحيتي اختي هذا الطبق ما نسمعش به .متعب شويه ويبان مليح بزاف ..

[روان اسلام]

بارك الله فيك اول مرة نسمع بهذه الوصفة.

[nadha2005]

جزاك الله كل خير ما لزمش نتركو الأطباق تع زمان لأنو هاديك هي التقاليد

[ام البنتين]

شكرا على مروركن اخواتي ........تقاليدنا و اكلات امهاتنا و جداتنا لا يعلى عليها

[zahra30]

تبارك الله عليك اختي .... اول مرة نسمع بيه ... بصح حاجة فورررر ..... يعطييك الصحة

[زين أمين]

تحية عطرة مني إليكن هذه الوصفة أحما نسميها الخليع و يستعمل تاني مع البطاطا

[ام ظافر]

المسلي حتى ناس خنشلة تعرفو
فكرتيني بيه ربي يجازيك
ننتاظرومنك المزيد

[pomaria_aindefla]

يشبه الخليع الي نعملوه في الغرب

[*أم كوثر*]

امممممممممممممممممممم امممممممممممممم بارك الله فيك
المسلي نموووووت عليه كانت عجوزة اختي ديرو الله يدكرها بالخير
ونديرو بيه المحاجب يجو هاااايلين
تسلمي

[سماح أم أنس]

يعطيك الصحة أختي... أول مرة نسمع بيها

[الكروان الجريح]

انا نعرفوا ملبح ملي كنت صغيرة كانت تعملو امي الله يرحمها ونظن كاين في الشرق لي يعرفو

بارك الله فيك

[ام راضية]

بسم الله هذي اول مرة نحط فيها وصفة قلت في نفسي واش انا غير نستفيد ما نفيدش .الكل جا و جاب معاه حويجة غير انا ما كان والو واش ندير واش ندير لازم ندير حاجة ما تعرفها لا ام رامي و لا ام ماجد و لا ام........و لا الاخت الصوامعية و لا الوهرانية و لا ام ماجد :d ما تزعفوش عليا راكم تغيروني بوصفاتكم اما الاخت فلة اكيد ما تسمعش بيها:o يعرفوها غير صحاب الشرق من منطقة تبسة الى تونس هذه الوصفة تعلمتها من امي الله يرحمها في منطقة تبسة يسموها المسلي el mssélliو يصلح في الايام الباردة و غير الحراير لي يعملوه زمان لما كان الخير يديروه بكمياة كبيرة و خزنوه يبقى طول العام و حتى اكثر
المهم ما نطولش عليكم ....بما ان اللحم غالــــــــــــــــــــــــــــــي انا انديرو غير في العيد الكبير
نحتاجوا كميات من اللحم يعني لما تقطعوا خروف العيد راح تلقاو مورسووات فيهم اعظم و قليل من اللحم وزيدو كميات اللحم و لي متوفر و لي موجود قطعوهم قطع متوسطة ما لازمش تكون صغيرة باش ما تذوبش و الكمية كيما حبيتو حسب الموجود
نضيف لها تقريبا نفس الكمية تاع الشحمة نعم الشحمة انا عيني ميزاني لوحو ما تخافوش ولكن ما لازمش تكون كمية الشحمة اكثر بكثير من اللحم لان اصل البنة في اللحم ممممممممممممممم حطيه على نار هادية في طنجرة ثقيلة كوكوت مثلا وخلي الشحم يذوب شيئا فشيئا و حركي مرة على مرة و هذا العملية راح تاخذ منك وقت لذلك حطيها و اخدمي شغلك الباقي و ساعة على ساعة طلي عليه حذاري ما لازمش تضيفي الماء خلاص خلى غير الشحم يذوب خاصة اذا كان من النوعية الجيدة الخاص بمنطقة الكليتين راكم فهمتو في الوقت اللي يذوب فيه الشحم راه اللحم يطيب و انتي اضربيلوا طلة لما تشوفي بلي اللحم دخلو الطياب يعني ما بقالوش و يطيب جيبي كمية لاباس بها من الثوم rape زيدي التوابل الفافل الاسود و الفلفل الاحمر الحلو و الحار و الكسبر و الكروية وعينك ميزانك حسب الكمية دوزنيه مليح ما يصرالو والو اما الملح سيدتي ملحي وزاودي شوية يعني رايح يكون مالح شوية لانه مع الشحمة راح يكونو المواد الحافضة لهذه الوصفة و لهذا يمكن يدوم طويلا لانو زمان ما عندهمش congelateur راح تلاحظي بلي ما درناش البصل لانو فيه الماء و الماء يخسرلي الوصفة لاني راح نخبها للايام الباردة و تكملي حتى يطيب اللحم مليح وانتي تحركي باش ما يلصقش في الطنجرة لما يطيب سيدي ذوقي و شوفي اذا خاصها ملح اضيفي راه يجي مالح شوية بصح تقدري تاكليه ما دريهش مالح شط و اذا خصوا حراور اضيفي وانتي و شطارتك خليه يبرد و ما طوليش عليه لانه ارايح يجمد بسبب الشحم الى فيه
و اذا كاين بعض القطع الشحمية ما ذابتش نحيه يعني رايح يكون سائل و فيه قطع اللحم الى اصبح لونها بني تماما كي يبرد ضعيه على كميات صغيرة في المجمد يعني انا مثلا اضعه في اكياس المجمد بطريقة افقية ذات سمك 2 سم و لما نحب نستعملو نقص منو قطعة و نرجع الباقي .نشا الله تكونو فهمتوني.
الان استعمالاتو:
يستعملوه الحراير في العيش لما يطيب اظيفي كميو منه و حاولي دائما تاخذي كمية من الشحم +كمية من اللحم.
في المحجوبة.
بالنسبة لناس الشرق لي يطيبو الحلة ...وصفة خاصة في رمضان ما تشيج بنينة بلا بيه و يستعملو كمية مليحة منو
اما حراير هذا الزمان يقدروا يطيبو بيه البيض في المقلة في مكان الزيت او الزبدة يستعملو قطعة منو لما تذوب يقليو البيض.............اتمنى اني افدتكم بمعلومة و ارجو من ناس تبسة و حرايرها ياكدو على استعمالاتو لاني ربما راني نسيت بعضها اما البنة لذيذ جدا

الله الله علي المسلي وعلي حلة المسلي في رمضان خاصة
انا كانت امي ربي يحفظها طيبو في قازان تاع نحاس
وانا طيبته عدة مرات خاصة لتحضيرات رمضان لكن الطريقة تختلف شوية
امي دير البصل مقطع رقيق جدااااااا نحن الان عندنا الحمد لله الروبوات كلشي ساهل مي ايدين حراير قبل ما كانش زيادة علي الغلاء
قتلك نقطعو البصل رقيق جدا والشحم رقيق جدااااااااا كدلك ونخلوهم مع بعض حتي يدوبو ونرمي اللحم مقطع قطع متوسطة ونملح كميه معتبرة ونخليه حتي يطيب اللحم بالطبع سيتبخر ماء البصل لكن تبقي نكهته
كي يطيب اللحم خلاص نرمي درسه مليحة ثوم وفاحات وفلفل لحمر مرحي حار وتخلطي وطفي النار خاطر الثوم كون طيبيه ياسر في الشحم يتحرق ويعطي مرارة في المسلي هكا تعلمتو
وتخليه يبات في الاناء اللي طاب فيه بلا ما تغطيه ومنبعد عمريه في بلارات
انا كي نديرو اولادي يطيبو به البيض يجي رائع كدلك في البركوكش وكسرة الشحم والحلة
مداخلة طويله حبيت نثري موضوعك ونعرفو اكلاتنا

[أم محمد تاج]

والله أول مرة نسمع بيه بصح معلومة هايلة يعطيك الصحة والهنا ومرحبا بيك بيناتنا

[layansandi]

يعطيييييييك صحة

[أم ماجد]

عندك الحق ام البنتين ام ماجد ماتسمعش بيه احنا عندنا لخليع

[oum ahmad]

اول مرة نسمع بها .....مشكورة

[ام محمد78]

عسساكـ على القوة
يالغلآآ على طرح هالموزع
دآم لنا اشرآقة اطروحآآتكـ الرآئعهـ
ولاعدمناكـِ
ودمتي بكل ود

[لقاء الجنة]

http://up.3dlat.com/uploads/128874408620.gif

[kamilia-18]

يعطيك الصحة اختي
صح لازم يكون كاين اللي يحافظ على اكلات زمان

[أم لُجَيْن]

بارك الله فيك

[laz chaima]

merci ♥iiiiiiiiiiiiiiiiiiiiiiiiiiiiiiii♥iiiiiiiiiiiiiiii iiiiiiiiiii

[ام عبودة]

يعطيك الصحة

[أم ياسمينdz]

يعطيك الصحة حبوبة

[RISA]

http://file9.9q9q.net/img/55363413/images000..jpg (http://file9.9q9q.net/preview/55363413/images000..jpg.html)

[الصوامعية]

شكرا جزيلا اختي ام البنتين فعلا وصفة منعرفهاش ربي يرحملك الوالدة الكريمة
حاجة اخرى عزيزتي كي تكون عندك أي وصفة حطيها متقوليش بلاك يعرفوها لإن قد تختلف المكونات من شخص الى آخر و دائما هناك مبتدآت في مجال الطبخ في المنتدى
بارك الله فيك وربي يحفظك

[zineb hanifa]

شكرا لك على ما افدتينا به.

[هشام هشام الدين]

شكرا على الوصفة

[ام طيري الجنة]

بارك الله فيك موضوع راااااائع

[انتصار فاطنة]

444444444444

[lilii7179]

يعطيك الصحة, بالفعل وصفة قديمة جدا و في وقتنا ما عادش اللي يديرها, حنا في منطقتنا يعيطولو "خليع الزير" لانو كانو يخبيوه في زير من الطين.
مشكورة

[أم ماجد]

من بعد نرجع يعطيك الصحة

[oumhana]

أم البنتين ربي يجازيك و يفتح عليك بيبان الخير أنا من قبل العيد ونا حابة ندير الخليع و خفتو يفسد بماأ ننا في فصل الخريف وميديتي يعني مشي كما فالصيف يشيح ثم ثم هذا الوصفة تساعدني بزاف ا نا كنت رايحة نذوب الشحمه و نداويها بالحرور ونخبيها باه ندير بيها كسره الشحمه فالشتا االبارد مع الوصفة ديالك رايحة نضرب عصفورين بحجرة يعطيك الصحه و كل يوم و أنت ب 1000 خير

[تغرينية]

يعطيك الصحة أختي ماشاء الله

[فانيسا]

yatik saha okhti hadi ta bard sah

[ام سراج وملاك]

http://im65.gulfup.com/FSKdQd.jpg

[mina22]

رووووووووووووووووووووووووعة

[متمنية]

الله يبارك

[أم امتنان]

يعطيك الصحة باين يكون بنين لكن انا نخاف الدهون راه الكولسترول داير حالة في عايلتنا هههههههههههههههههه

[ام حمزة22]

يعطيك الصحة يا الحرة ننتضر جديدك

[crono]

الله يعطيك الصحة أنا سمعت بيه ..عند ناس زوجي . بصح حاجة فورررر اسميها الخليع يخبيوه في قدر من الطين
و اكلات امهاتنا و جداتنا لا يعلى عليها

[ome ishaq]

يعطيك الصحة أختي راكي شهيتينا

[maloo]

راهو يشهي اممممممممممممممممممممممممممممممممم444444444444444

[روعة القمر~]

بارك الله فيك
الصراحة هذه اول مرة نعرف بهذه الوصفة

[alg04000]

شكرا لك على الابداع و التميز