استفسار على بيترا كينوود

[aminabent]

السلام عليكم اخوتي عندي سؤال بخصوص البيترا كينوود قداش ادير في السومة و واش هوما الاجزاء اللي معاها لاني لقيت معاها اجزاء و كاين اجزاء يتباعو وحدهم و انا حابا نشري وحدة و نهبطها معايا ان شاالله وتاني لاكان تصلح باه تعجني فيها الكسرة مثلا والا غير للقاطو و هادي الصور تاعها




http://im32.gulfup.com/iluGg.jpg




و هادو الاجزاء اللي معاها




http://im32.gulfup.com/FtgFv.jpg http://im32.gulfup.com/ITNFw.jpg




http://im32.gulfup.com/HBiGR.jpg http://im32.gulfup.com/SiGPm.jpg




و هادو اجزاء اللي تتشرى كل وحدة بسومتها




http://im32.gulfup.com/BRqj9.jpg http://im32.gulfup.com/AiyYo.jpg







http://im32.gulfup.com/NqGm6.jpg http://im32.gulfup.com/yOOcX.jpg







http://im32.gulfup.com/h7clz.jpg








http://im31.gulfup.com/LmEhc.jpghttp://im31.gulfup.com/2F3iZ.jpg







http://im31.gulfup.com/4ObvL.jpghttp://im31.gulfup.com/say4l.jpg










و شكرا جزيلا على افادتي

[selina craizy]

welah ma3labli okhti nchalah yfidouk alakhawat

[aminabent]

welah ma3labli okhti nchalah yfidouk alakhawat

شكرا اختي على المرور العطر. في انتظار الاخوات يجاوبوني

[كوزينة هديل]

إن شاء الله لبنات يفيدوك أنا ماعندي حتى فكرة

[aminabent]

إن شاء الله لبنات يفيدوك أنا ماعندي حتى فكرة


http://im33.gulfup.com/L6XEs.gif

[bluewater007]

وأنا أتفق، الله يبارك

http://s05.flagcounter.com/mini/MECnk/bg_f5f5ff/txt_f5f5f1/border_f5f5ff/flags_0/.jpghttp://s09.flagcounter.com/mini/ZbQh/bg_f5f5ff/txt_f5f5f1/border_f5f5ff/flags_0/.jpg http://s03.flagcounter.com/mini/ppHy/bg_f5f5ff/txt_f5f5f1/border_f5f5ff/flags_0/.jpg

[القسنطينية 84]

انا لقيتها بثلاث ملايين و سبعمية فيها ادوات العجن الكا و الفوي والمنجل و معاها الطاس تاع الجي برك والباقي تشريهم وحدهم وكون كامل توصل حتي سبع ملاين وثاني حاجة كونوود فيها المودالات بزاف كاينchef major titanum king وكل واحدة وسومتها والعجينة للكسرة تصلح بشرط تون العجينة طرية كي الشحشوخة و لا التريدة او المطلوع مثلا اما رخساس راه تغامري ممكن تفسدلك وانا ننصحك ما ديريش فيها راهي غالية كون تفسد تندمي وراهي ماشينة كاورية داروها للقاطو ماشي لكسرة العرب بالهناء ليك العقوبة ليا نشاء الله

[dahmouna2006]

لا اعلم للاسف ,,,,,,,,,,,,,,,,,,,,,,,,,,,,,,,

[شيماء نور]

عندي واحده رائعة مليحة للعجين كل شيئ خصوصا التقليدي لكن حبيبتي عندي ملاحظة ما تكثريش عليها السميد ممكن كيلو ورطل برك انا شريتها باثنين ملاين ونصف فيها عجانه كل التجهيزات مع طاس الجو ورحاية اللحوم والي تخدم المرقاز برك

[dahmouna2006]

للاسف لااعلم يمكن الاخوات يساعدوك

[برايجية 34]

أنا ساومتها في الصيف لقيتها أربع ملاين ونصف صنع فرنسي والصنع الصيني في العلمة عندي عامين سقسيت عليها قالولي زوج ملاين ونصف أختي جابتها كي راحت لفرنسا وقاتلي هايلة نتاعها ما فيهاش نتاع الرشتة و الروبو اللي في الصورة الثالثة وهي تدير كلش بيها القاطو وتعجن بيها الكسرة و لكن لازم تعاوديها بيديك هذا واش نقدر نقولك المهم هي مليحة

[YAKMISSOU]

انا شريتها عندي ست سنين نعجن بيها الكسرة وخبز الدار والشخشوخة وندير فيها القاطو فرجت علي
شراتها ماما عندها شهر من العلمة معاها الطاس نتاع جي بخمسة ملاييين كنييود تيتانيوم

[أم ياسين الزهراء]

انا عندي شريتها قريب 5 ملاين فيها الطاس برك والباقي تريهم وحدهم وتوصلي ل 7 ملاين اشريها خير لك نحات علي نعجن بيها 5 خبزات مطلوع الله يبارك هايلة وزيد ماتفوتيش رقم 2 في الفيتاس تاع العجين وحتى الشخشوخة وكلش تهنيت

[ام مهدي2010]

اختي يقولو علهم ملاح بصح ما تقدريش تعجني فيهم دائما باش تحافظي عليه ويشدلك بزاف انا نعرف اللي يصلح للعجين كيما تع اختي اسمه كيتشن ايد kitchen aid
صحيح بزاف ومليح انا هدا شفتو بعيني بصح الاخرين الله اعلم

[dahmouna2006]

la a3rif effi3r ................

[fatouma2012]

سلام أختي أنا شريته هادي شهرين هو نفسه لي راه ف صورة مع نفس الاكسسوارات وهادا الرد كنت كتبته الأخت أخرى كانت كيفك تسال عليه ونسختهلك ، سمحيلي معنديش الوقت دروك وإدا عندك أي سؤال قولي ونجاوبك نشالله لأني أنا تاني كنت حيرانة كيفك
سلام أختي أنا تاني كنت كيفك ، هبلت على كنوود وهبلت raajli عليها حتى شريتها
المهم راهي عندي في شهر برك بصح تقريبا نخدم بيها كل يوم ، ننصحك باه تشري أكبر سعة ترفد 6,7 لتر وسموه kenwood major titanium timerورقم تعه km040
فيه شاشة زرقاء تاع الوقت تريغليه يعجن وريح وحده ويعاود يبدا وحده ، كما تاع حورية المطبخ لكن الجديد مشي القديم تاعها .وأقل منقول عليه أنه رائع درت به بزاف أنواع تع الخبز وحتى المحاجب
شكراااااااااااا اختي راني قررت نشري كيما نتاعك شفت صورته في قوقل عجبني متحوف
نزيد نهبلك بسؤال شحال شريتيه برك


سلام أختي ومهىبلتني ما والو ، انتي سمحيلي كي مرديتش عليكي psq مدخلتش ، والسعر ماقلتهش من الاول لأني مشرتهش من الجزائر ، شريته من ألمانيا وخلصته 650 اورو معاه الغراف تاع زداج والمشينة لتطحن اللحم أو في بلاصتها تختاري حاجة أخرى متلا لي تصنع les glaces ولا ليتصنع ال-pasta ولى ليتطحن القهوة ولوز وغاع الحبوب حتى الارز والمايز أو ........إلخ أنا اخترت سونتروفيجاز ندخل الفواكه حبات كاملين بقشورهم ك تفاح والجزر .....إلخ وهي تفصل القشور والالنواة على جهة وتعطيني من الجهة الاخرى غير مستخلص عصير الفاكهة رائ عة ومنبعد نشالله نشري لي تطحن الحم وتصنع elmarghaaz
يعني بدينار الجزائري مانيش متاكدة شعال نقاملي بالتدقيق ،لكن حوالي 9 ملايين
http://i.ebayimg.com/00/s/NTAwWDUwMA==/$T2eC16VHJG!E9nm3p4EmBQfBmWGgdw~~60_1.JPG?set_id=8 800005007هادي صورته نشالله تبانلك .
جاني معاه 2 وعاء تاع الخلط وغطاء للوعاء باه ميتنترش الفرينة و-2 spatula تاع بلاستيك و-bross باه نضفه بيها وو-cd فيه وصفات وكتاب تاني تع وصفات لخبز والحلويات والغراف تاع العصير
و-4 مضارب ، شفتي هادك تع البلاستيك ليداير كما القوس مكانش كاين فيك كنوود تع بكري .

[ام احمد]

عزيزتي عندي كيما هذا بالضبط شريتو سبع ملاين و ثمانمائة ناقص منو ثلاث اشياء فيه كلش ماشاء الله
نخدم بيه كلش من عجن للخبز و القاطو وووووووووالخ
ناقص منو ماشينة البقلاوة عصارة الفواكه مثل التفاح
اتمنى ان اكون افدتك

[aminabent]

سلام اخواتي جزاكم الله خيرا على الاجوبة ربي يعطيكم ما تتمناو

هل كل الاكسسوارات في الصور متوفرة في الجزائر و الا لا حتى و كون تتباع كل واحدة وحدها لاني لقيت هنا في الصين وحايد صنع الماني لكن بدراهم الجزائر 11 مليون وفيه غير وعاء العجن و غطاءو و اربع مضارب و سباتولا بلاستيك

سامحوني هبلتكم باسئلتي و شكرا جزيلا

[ام احمد]

عيزتي رانا ف الخدمة شوفي كل الاكسسوارات موجودة حبيتي تشريهم كاملين ااو كل مرة تشري اكسسوار يبقى الثمن ختلف كي تشريهم معاه كاملين يجوك موفقين
و انت و مقدورك
الله يكون في العون

[fatouma2012]

سلام اخواتي جزاكم الله خيرا على الاجوبة ربي يعطيكم ما تتمناو

هل كل الاكسسوارات في الصور متوفرة في الجزائر و الا لا حتى و كون تتباع كل واحدة وحدها لاني لقيت هنا في الصين وحايد صنع الماني لكن بدراهم الجزائر 11 مليون وفيه غير وعاء العجن و غطاءو و اربع مضارب و سباتولا بلاستيك

سامحوني هبلتكم باسئلتي و شكرا جزيلا

سلام أختي راني نشرب فالقهوة ونرد عليك تجي تشربي معايا ؟ ونحكو غاية على كنوود هههههه
شوفي أختي هل راكي متاكدة بلي هادا لي شفتيه كانوود مصنوع ف ألمانيا ؟ راني شاكة بلي يكون أصلي لأن أنا ساكنة ف ألمانيا ومبقاتش ألمانيا تصنعهم خلاص ، تاع بكري واه لكن دروك راه غاع كنوود يصنع ف صين بترخيص من الشركة الام في إنجلترا يعني التصميم من الشركة الام والتجميع ف صين كاين برك بعض القطع لي تصنع ف بعض دول أوروبا ك ألمانية أو إيطاليا والاغلبية ف الصين ، تاكدي مليح قبل الشراء أو يمكن هادة لي شفتيه ستوك قديم الله أعلم ، أنا سقسيت مليح وقالولي كولشي ف صين دروك لكن متخافيش منه ل-ana
الشركات الكبرى تخاف على سمعتها ونصحوني بيه أحسن من kitchen aid الدي يصنع ف أمريكا ،ونوصيك على حاجة مهمة هي الواط أنا لي شريته فيه 1500 واط يستحمل الخدمة والعجن وكيان لالواط تاعهم أقل ويكونو أرخص وكاين حاجة أخرى هي la garantie ، تاعي فيه عامين ، سقسي البنات لي شراوه من الجزائر إدا كاين la garantie وقالولك نعم أشريه من الجزائر أحسن بما أنك راكي هابطة للبلاد ولكسسوارات كلشي كاين فالبلاد

[dahmouna2006]

سلام أختي راني نشرب فالقهوة ونرد عليك تجي تشربي معايا ؟ ونحكو غاية على كنوود هههههه
شوفي أختي هل راكي متاكدة بلي هادا لي شفتيه كانوود مصنوع ف ألمانيا ؟ راني شاكة بلي يكون أصلي لأن أنا ساكنة ف ألمانيا ومبقاتش ألمانيا تصنعهم خلاص ، تاع بكري واه لكن دروك راه غاع كنوود يصنع ف صين بترخيص من الشركة الام في إنجلترا يعني التصميم من الشركة الام والتجميع ف صين كاين برك بعض القطع لي تصنع ف بعض دول أوروبا ك ألمانية أو إيطاليا والاغلبية ف الصين ، تاكدي مليح قبل الشراء أو يمكن هادة لي شفتيه ستوك قديم الله أعلم ، أنا سقسيت مليح وقالولي كولشي ف صين دروك لكن متخافيش منه ل-ana
الشركات الكبرى تخاف على سمعتها ونصحوني بيه أحسن من kitchen aid الدي يصنع ف أمريكا ،ونوصيك على حاجة مهمة هي الواط أنا لي شريته فيه 1500 واط يستحمل الخدمة والعجن وكيان لالواط تاعهم أقل ويكونو أرخص وكاين حاجة أخرى هي la garantie ، تاعي فيه عامين ، سقسي البنات لي شراوه من الجزائر إدا كاين la garantie وقالولك نعم أشريه من الجزائر أحسن بما أنك راكي هابطة للبلاد ولكسسوارات كلشي كاين فالبلاد
كينوود شركة امريكية - يابانية ولها فرع في بريطانيا خاص بالاجمزة الكهرومنزلية
لكن kitchenaid ايضا رائع